ـ إقتحم مواطنون من ولاية البحر الأحمر مباني تلفزيون السودان في مدينة بورتسودان.
الاقتحام جاء بمثابة تصعيد بعد التصريحات والبيانات التي تم إطلاقها أمس بين مدير التلفزيون إبراهيم البزعي والمذيعة الصحفية زينب إيرا.
إيرا كانت قد ذكرت أن البزعي غاضب من ظهورها بالزي البجاوي في التلفزيون مطالبا إياها بالالتزام بالزي القومي، كما ذكرت أنه سبق وأن منعها من تحية المشاهدين بالطريقة البجاوية.
مناصرو موقف البزعي ذكروا أن السودان مليء بالثقافات والقبائل وليس من السليم السماح لها جميعا بالظهور على الشاشة الرسمية، بينما مناصرو موقف زينب إيرا اعتبروا الخطوة استهداف للمكونات القبلية بشرق السودان.
2024
Post: #2 Title: Re: أقتحام مبني التلفزيون في بورسودان Author: Biraima M Adam Date: 06-20-2024, 02:26 PM Parent: #1
مجموعة من أبناء البجا يقتحمون مبنى الأذاعة .. مبروك .. الصفقة فوق!
بريمة
Post: #3 Title: Re: أقتحام مبني التلفزيون في بورسودان Author: زهير ابو الزهراء Date: 06-20-2024, 02:28 PM Parent: #2
https://www.0zz0.com
Post: #4 Title: Re: أقتحام مبني التلفزيون في بورسودان Author: Biraima M Adam Date: 06-20-2024, 02:29 PM Parent: #2
شيبة ضرار .. يصل مبنى الأذاعة والتلفزيون .. ويلقي كلمة ..
بريمة
Post: #6 Title: Re: أقتحام مبني التلفزيون في بورسودان Author: حيدر حسن ميرغني Date: 06-20-2024, 02:35 PM Parent: #4
عاوز الجد البزعي مُحق في ما ذهب إليه كون البث من بورتسودان لا يعطيهم الحق في إضفاء الطابع القبلي على القناة طالما بتبث اخبارها وبرامجها لكل السودان الزي بتاع المذيعات معروف من زمان
Post: #5 Title: Re: أقتحام مبني التلفزيون في بورسودان Author: Yasir Elsharif Date: 06-20-2024, 02:31 PM Parent: #1
Quote: مناصرو موقف البزعي ذكروا أن السودان مليء بالثقافات والقبائل وليس من السليم السماح لها جميعا بالظهور على الشاشة الرسمية
هذا يعني أن الشاشة الرسمية ممنوعة على بعض السودانيين
Post: #7 Title: Re: أقتحام مبني التلفزيون في بورسودان Author: خضر الطيب Date: 06-20-2024, 02:48 PM Parent: #5
مرحب حبيبنا ابو الزهور طالما التلفزيون قومي يجب الالتزام بالزي القومي ديل ناس غريبين و جهويين فى التلفزيونات الولائية يمكن السماح بلبس ما يشاؤن
التحية خالصة للزميل الاستاذ ابراهيم البزعي و هذا القرار الصائب
Post: #8 Title: Re: أقتحام مبني التلفزيون في بورسودان Author: حيدر حسن ميرغني Date: 06-20-2024, 02:53 PM Parent: #7
- يعني يا اردول حكومة بورتسودان قاعدة على القيفة الصحيح وراكم البحر مش قدامكم
Post: #9 Title: Re: أقتحام مبني التلفزيون في بورسودان Author: كمال عباس Date: 06-20-2024, 03:37 PM Parent: #8
الزي القومي؟ يعني كونوا البس قميص وبنطلون او بدلة دا زي قومي ؟ دا زي أوربي = إفرنجي مازي سوداني خاص او زي قومي ومع هذا ارتضاه الكل !! وتعاملو معه وكانو زي موروث منذ عهد الفونج وقد تزي به روادالاعلام - في الاذاعة والتلفزيون بلا تحرج ولا قدح
نعرف ان للدولة علم ورمز وصقر جديان وخلافه
ولكن هل تم اعتماد زي رسمي. في السودان باعتباره زي قومي ؟ متي تم ذلك ومن اعتمده وبأي صفة وصلاحية ؟
يعني نعم هناك الجلباب والعمة والطرحة التقليدية والتوب وهي أزياء منتشرة في قطاعات واسعةً ولكن هل هذا يعني ان هذا زي قومي رسمي ومعتمد ؟
هل الجلباب مثلا. زي قومي لأهل الجنوب - قبل الانفصال وملزم. ابن الجنوب ان يتزي به بالإذاعة والتلفزيون ودواوين الحكومة ؟
أنا افهم فرض الموسسات يونيفورم محدد " كزي " باعتباره يمثل ويميز العاملين بمؤسسة محددة
افهمه بهذه الصفة لا باعتباره زي قومي مسالة زي قومي دا توصيف وطابعة قسرية فيها تعالي وعنجهية وعدم احترام للتعدد وقد قاد هذا لفرض ما يسمي بالحجاب لا باعتباره زي اختياري لايحب فرضه او حظره بقوة الدولة وقانونها. كما كان يحدث في عهد الانقاذ او في بعض الدولة مع انو الحجاب دا مش متجذر بالسودان ولا مرتبط بقطاع كبير للشخصية السودانية مثل الجلابية والتوب ولم يكن منتشرا في الستينات مثلا
Post: #10 Title: Re: أقتحام مبني التلفزيون في بورسودان Author: Mahjob Abdalla Date: 06-20-2024, 04:53 PM Parent: #9
Quote: طالما التلفزيون قومي يجب الالتزام بالزي القومي
لما المصريين احتلو حلايب, عمر البشير فى زيارة ل مصر, لبس الزى القومى لشرق السودان. صديق مصرى قال لى يعنى لو رحنا احتلينا الجنوب ح يجينا بدون ملابس و لا ايه!
ما فيش زى قومى, فقط فى زى افرنجى اتفرض علي موظفى الدولة و منهم العاملين في التلفزيون و لذلك ليس هناك ما يدعو ل فرض الزى الافرنجى كأمر واقع و محاولة اسكات الناس بأسم القومية.
Post: #11 Title: Re: أقتحام مبني التلفزيون في بورسودان Author: حيدر حسن ميرغني Date: 06-20-2024, 05:49 PM Parent: #10
Quote: الزي القومي؟
كمال سلام هكذا جرت تسميته منذ استقلال البلد واعتاد عليه الناس إلى أن يتم إتفاق جديد في سودان جديد على شكله ولونه يعني حاجة كده مثل الخطأ الشائع، او كما يقولون " حطأ شائع خير من صواب ضائع" - الاديب الدبلوماسي الراحل جمال محمد احمد لما قدم اوراق اعتماده لملكة بريطانيا كسفير للسودان كان يرتدي الزي الافرنجي (بدلة) يقال انه دار لقط كبير حينها لكونه خالف ما يرتديه سفراء السودان في هذه المناسبة .. ويقال انه قال ليهم "منو الحدد الجلابية كزي قومي". المهم صرف ليهم بركاوي بتاع مثقفين .. فسكتوا
Post: #12 Title: Re: أقتحام مبني التلفزيون في بورسودان Author: حيدر حسن ميرغني Date: 06-20-2024, 07:04 PM Parent: #11
Post: #13 Title: Re: أقتحام مبني التلفزيون في بورسودان Author: بدر الدين الأمير Date: 06-20-2024, 07:29 PM Parent: #12
قال زى قومى هو اصلا يعنى شنو زي
Post: #14 Title: Re: أقتحام مبني التلفزيون في بورسودان Author: Hafiz Bashir Date: 06-21-2024, 00:55 AM Parent: #13
المظهر والعرض مهم جدًا للمذيعين ومقدمي البرامج التلفيزيونية لأنهم يمثلون قناة التلفزيون والمتوقع ارتداء ملابس تعبر عن القناة. القنوات التلفزيونية المحترمة عندها سياسات مكتوبة ومعلنة لقواعد الملبس تحدد الأساليب المقبولة وغير المقبولة للملبس بالنسبة للمقدمين.
حكاية كل مذيع او مذيعة يجي لابس على كيفو دي حكاية ماجاية، وبرضو حكاية مدير التلفيزيون يحدد على هواه ما هو مناسب وما هو غير مناسب حكاية ما جاية. لازم يكون في كود مكتوب يحدد شكل اللبس والمظهر للمذيعين.
في رأي أنا الكود مفروض يشمل اشكال واسعة من اشكال ملابسنا السودانية البتعبر عن التنوع.
حكاية كل مجموعة ما يعجبها تصرف من مؤسسة حكومية تقوم تجي تقتحمها دي بتوري نحن وصلنا وين في الحضيض.
Post: #15 Title: Re: أقتحام مبني التلفزيون في بورسودان Author: خضر الطيب Date: 06-21-2024, 01:47 AM Parent: #14
Quote: حكاية كل مجموعة ما يعجبها تصرف من مؤسسة حكومية تقوم تجي تقتحمها دي بتوري نحن وصلنا وين في الحضيض.
شكراً مولانا الطبي عبرت عني هذا الشيبة الضرار يظل ضرار و ضرر في اي موضوع يدخل فيه انفه العنصرية القذرة و جهله الفاضح فلن ينالو من الزميل الاستاذ البزعي فللبزعي تاريخه الاذاعي الذي نشهد عليه و يشهد عليه كل مستمعيه كبرنامج بليلة مباشر وبرنامج كيف قيلتو و الصباح رباح و النفاج وغيرها فمن هي هذه الايرا و من هو شيبة ضرار و ماهي مساهماتهم على المستوى المحلي او المستوى القومي؟ في هذا الزمان القمئ اصبح قصار القامة يتطاولون على قامة اعلامية مثل الاستاذ البزعي و الذى افنى زهرة شبابه لاسعاد المستمعين و يجي واحد ذي بريمة المريسة يتطاول على الدكتور عمر الجزلي
تبا لهم بكل اللغات مجرد طفابيع تتطاول على القامات الاعلامية
Post: #16 Title: Re: أقتحام مبني التلفزيون في بورسودان Author: كمال عباس Date: 06-21-2024, 04:21 AM Parent: #15
اسمع. يا اخونا خضر الطيب هنا لا نقدس افراد والبزعي. شخصية قابلة للنقد والاختلاف وممارسة الخلاف والاختلاف معها حق مشروع
وهو في النهاية أجير لدي الشعب يقبض مرتبه ومخصصاته منا ولنا حق محاسبته والحكم عليه ومحاكمته إعلاميا
لا يملك اي شخص حق مصادرة حقنا في نقده
ولانريد هنا الحديث عن تعاونه وعمله بفرمان السلطة الانقلابية التي قادها البرهان وحميدتي وما يبثه التلفزيون السوداني الان من جهل وتجهيل. ولعب بالعقول واعادة خط الكيزان الإعلامي لانتحدث عن هذا فلكل مقام مقال أنا هنا اتحدث عما اسموه بالزي القومي والزي الرسمي السوداني ودا كلام خارم بارم وما عندو اساس مافي حاجة اسمها زي قومي كصيغة رسمية
نحن نري زي الفرنجة الذي دخل علينا مع الاستعمار. يعامل وكانه زي سوداني ورسمي أنا هنا لست ضد البنطلون والقميص - البسها واراها عملية ومريحة ولكني ضد فرضها باعتبارها زي قومي كما اني ضد فرضها سواها باعتباره زي قومي وفي خصوصة في هذه المرحلة ثانيا وكما قلت لست ضد ان تتبني اي موسسة زي محدد يمثلها ويميزها وتلزم به عامليها باعتباره الزي الرسمي للمؤسسة - لا الزي القومي السوداني اقبله بهذه الصفة لا بصفة كونه زي قومي
Post: #17 Title: Re: أقتحام مبني التلفزيون في بورسودان Author: خضر الطيب Date: 06-21-2024, 12:33 PM Parent: #16
الشرطي ود المصطفي | المدرعات ⭕️ الفولة وما يدور فيها ⭕️ فتنة بورتسودان والمذيعة زينب
