|
|
|
 Re: سواكن سجن فيها النبي سليمان عليه السلام ا� (Re: حيدر حسن ميرغني)
|
سنة 95 يا خضر راجعين من جدة "كشة" بالبحر طبعاً
اول ما وصلنا ميناء سواكن والدنيا ظهر قالوا مافي تسليم حقائب إلا صباح اليوم التالي (عادة مافي تسليم للحقائب إذا وصلت الباخرة في المساء)
ذهبت وزميلي إلى لوكاندة يملكها احد ابناء الرشايدة .. نظيف نوعاً ما
ونحن نايمين ناس الامن صحونا يمكن تُسعمية مرة عشان يتأكدوا من هويتنا (الشرق كان مكركب بسبب المعارضة المسلحة الموجودة في اسمرا)
كل مرة نوع عجيب من الأمنجية ببنادق صغيرة / امن المينا، جهاز الأمن/ أمن السكة حديد / والغريبة بعد ده يسألونا "صباع معجون/ فتيل ريحة/ صابون/ لباسات" تخيَل .. ونحن جايين كشة 
صاحب الهوتيل رجل ظريف وكان ناغم على الوضع ، قال مطلوب منه يسلم قائمة للأمن بأسماء الناس النزلوا في اللوكاندة يومياً ويحضروا ليطابقوها مع الموجودين
الغرض من المبيت الاجباري تنمية الميناء والسوق ، بالذات المطاعم والمقاهي الكلها كانت رواكيب واكشاك
لو كنا عارفين حكاية المردة والجان ديل مسجونين هناك، كان رمينا شباكنا وطلعناهم من القمقم وسقنا معانا كم واحد 
| |
  
|
|
|
|
|
|
|
|
Re: سواكن سجن فيها النبي سليمان عليه السلام ا� (Re: حيدر حسن ميرغني)
|
مرحب حيدنا
| Quote: سنة 95 يا خضر راجعين من جدة "كشة" بالبحر طبعاً |
ياخ السنة دي انا كنت في بخت الرضا الابتدائية
لسه ما دخلت الثانوي العام انت مهاجر تهريب كمان 😁
😁
معقولة للدرجة دي ؟عريانين تحت و فوق امنجية يا مان 😁
انا اول مرة مشيت بورسودان كانت بعد الشهادة السودانية
عمي كان هناك من آل ابوسنينة بتاعين كوستي الله يرحمو
كانت بلد نضيفة و جميلة و عجبتني جداً
بعدها جيتا راجع من السعودية سايق عربية
كويس اننا و صلنا بالنهار و معاي اولادي
طلعنا من الميناء سريع ما كان في تعطيل كتير
من تعب السفر نزلنا في فندق
الفندق بشغل الجنريتر بعد الساعة 8 مساء الى الساعة ستة صباحاً
طبعاً الكهرباء قاطعة و الموية كمان كالعادة و لقيت البلد
باليل باعوض و بالنهار ضبان
كانت بورسودان وقتها في اسوأ حالاتها
لما جينا سواكن قلت لاولادي دي مدينة سواكن و ليها تاريخ
لكن هي مدينة الجن كما يقول التاريخ او الاساطير
بتي السغيرة قالت لي يا بابا انت هسي جايبنا هنا عشان تورينا حاجة مهردمة
ذي دي و كمان فيها شيطان ؟ الله يرضى عليك خارجنا
و بعدها اتخارجنا .. و كان الله يحب المحسنين
تحياتي
| |
|
|
|
|
|
|
| |
حيدر حسن ميرغني
خضر الطيب
فيس بوك
تويتر
انستقرام
يوتيوب
بنتيريست