Post: #1
Title: انا و معظم السودانيين لا نتابع تفاصيل هذه الحرب
Author: النصرى أمين
Date: 06-15-2024, 01:12 PM
01:12 PM June, 15 2024 سودانيز اون لاين
النصرى أمين-كالغرى, كندا
مكتبتى
رابط مختصر
نحن فى حالة انتظار ان ينتصر احدهم و يحدد مصيرنا.
قاعدين مشغولين بتسيير امور حياتنا المستحيله.
حرروا الفاشر who cares
ضربو شندى who give a f*****k
دخلت أسلحة ، مرق دهب ، دخلو مرتزقة لايهم
المهم كيف نوفر حياة آمنة لاهلنا
هذه الحرب لن تتوقف ابدا الا بانتصار طرف على الاخر .
و بعد تتوقف (بعد سنين) ، المنتصر ، يورينا النجوم عز النهار .
يعنى سيك سيك مركب فيك
لا امل
|
Post: #2
Title: Re: انا و معظم السودانيين لا نتابع تفاصيل هذه
Author: Biraima M Adam
Date: 06-15-2024, 01:43 PM
Parent: #1
النصري
شكلك محبط شديد وشغال بالحرب بشدة .. بدليل موقفك الواضح.
الله يهون علينا وعليكم.
بريمة
|
Post: #3
Title: Re: انا و معظم السودانيين لا نتابع تفاصيل هذه
Author: النصرى أمين
Date: 06-15-2024, 02:31 PM
Parent: #2
اجيب أخبار الحرب من وين يا بريمة ؟
طلعت من قروبات الواتساب الا من واحدة (بعد ارشفة الباقيات، بحيث لا تظهر فى التايملاين )
لغيت متابعة حسابات السودانيين فى تويتر الا من اربعة او خمسة.
لا ادخل سودانيزاونلاين الا مرة فى الاسبوع .
معطل حسابى فى الفيسبوك من انقلاب الموز.
ان شاءالله الكيزان ما يخلو جنجويدى حايم
و ان شاء الله الجنجويد يقرضو الكيزان
|
Post: #4
Title: Re: انا و معظم السودانيين لا نتابع تفاصيل هذه
Author: السر عبدالله
Date: 06-15-2024, 02:54 PM
Parent: #3
والله يا النصري كلامك صحيح ..
ولكن عاوز اوريك حقيقة مرة حتزيدك إحباط ...
في يوم سالني صديق : متى تنتهي هذه الحرب اللعينة حتى يعود اهلنا
الى ديارهم ويتخلصوا من هذه المذبحة والهوان في دول الجوار .
فقلت له أن هذه الحرب سوف تنتهي يوم القيامة الساعة ٥ ونصف مساء ..
فسألني: كيف ذلك ؟
فقلت له:
ما دامت دولة الشر تمد الجنجو يد بالسلاح والمال والرجال فسوف لن تنتهي
هذه الحرب وسوف لن يستطيع أي طرف ان ينتصر على الطرف الآخر ..
والان روسيا تمد الجيش بالسلاح والذخيرة والمسيرات ...والإمارات وتشاد وكينيا
وحفتر يمدون الجنجويد بالسلاح والذخيرة والمال والرجال من دول غرب افريقيا..
فكيف ستنتهي الحرب..لا مجال لانتصار طرق على الاخر وسوف نظل هكذا إلى يوم
القيامة ..
فلا أمل السودان ..ولا امل لشعب السودان ...
|
Post: #5
Title: Re: انا و معظم السودانيين لا نتابع تفاصيل هذه
Author: Biraima M Adam
Date: 06-15-2024, 08:59 PM
Parent: #4
النصري
| Quote: اجيب أخبار الحرب من وين يا بريمة ؟ |
لا لا يا أخي، فرق ما بين تجيب أخبار الحرب .. وما بين أنك شغال بالحرب؟ أنت عندك راي واضح ..
أنظر الاتي:
Quote: حرروا الفاشر who cares
ضربو شندى who give a f*****k
دخلت أسلحة ، مرق دهب ، دخلو مرتزقة لايهم |
Quote: ان شاءالله الكيزان ما يخلو جنجويدى حايم
و ان شاء الله الجنجويد يقرضو الكيزان |
أها أنت منتظر النتيجة أو قول نجيضة الحرب ..
ح تكون كل يوم تسأل: هل أنتهوا من بعض؟ هل أنتهوا من بعض؟ ... إلي ما لانهاية .. ودا ما أقصده بالمشغولية بالحرب.
الله يهون يا ول أبا، أنا فقط محاول أعرف سبب عزوفك عن أخبار السودان!
بريمة
|
|