قصيدتين

05:14 AM June, 15 2024

سودانيز اون لاين
أبوبكر عباس-الإمارات
مكتبتى
رابط مختصر

قصيدتين:
كلما أقعد مع نفسي مسافة طويلة لازم يجيني بيت منهن نابل؛
- الهدهد لمحمود درويش
- عشر لوحات للمدينة وهي تخرج من النهر لمحمد محي الدين،
ودي قيلت في تأبين طه يوسف عبيد وعشناها مناسبة وعاشت هي داخلنا ولم تنضب، وكلما ترجع تقرأ في القصيدتين ديل بتكتشف حاجة جديدة،
اليوم كنت بقطع لي في شجر في مكان جميل في الريف الكارولايني بمنشار كهربائي، وأنا الأيام دي مولع ومغرم بالشجر لحد الثمالة، ومرات بفكر ليش الناس الزمان الكانت بتفكر في الإله ليش ما جربوا عبدوا الشجر؟
المهم قعدت في فترة راحة وجاني طاير بيت من قصيدة مُحي الدين؛
وكراسي الخشب المكسورة الأيدي زماناً
تشتاق لروادٍ يضئون الزوايا

الوصلة العصبية الجاتني بعد البيت دا من الهدهد؛
منّ أسمائنا نأتي إلى أسمائنا

المفروض وحسب معرفتي لجني أرجع بوصلة تالتة لقصيدة مُحي الدين،
لكن لقيت عاطف خيري حاضر واقف ضد رمل توقع وصلاتي وقال لي؛
رشحت حلقك لإذاعات الشجر والمنتظر من عودة المدعو المطر.

قلت طيب الليلة عرفت ليكم السر المدفون مع البيت دا

الصورة لشجرة بلوط كارولاينية

ح يجي الخواض يقول لي؛ قصيدتان
والحقيقة اللغة العربية عندنا نحن أصحابها عندها حنين غير متوفر للماديين العجم ناس سيبويه والخواض،
قصيدتين هنا فيها راحة وحنين
ولو كتبتها قصيدتان لفسد الاحساس بالمعنى وصارت عجولة منفرة

بعدين تداعيات الكتابة عند المبدعين مثلي والطيب ومحمود
الحروف
الحروف حسب ترتيبها وموقعها
زمان كنت متابع الرموز عند محسن لكنه ضلّ
الحروف عندها نبض ينقلك
لو حضرتو فيلم عقل جميل ممكن تقربوا تفهموا
ينقلك للفكرة التانية
عندو ما قانون
لكن الكلمة رايحة لي هسّ

يا أبوبكر
عجمي شنو ياخ الخواض دا جعلي زيك

تعرف اسامة الخواض بالرغم غلظتو
ومن حقارتو للناس
ومن لغتو العدوانية
وبالرغم من العداوة بيننا الان

ما قدر اقول غير
شعرو سمح وبيعجبني

غير شعرو سمح يا محمد؛
الزول دا هو من حاور درويش بالخرطوم
لكن في الآخر حلج كقبله من المبدعين

هو ما جعلي، هم صحيح شيوخنا وقاعدين نودي ليهم خرفان في نذورنا ويضربوها،
لكن هم عجم جعلناهم منا

الواحد بقى لمان ينزل ليهو بوست هنا بسودانيزاونلاين
زي لمان تسمع
عصافير الخريف في إذاعة القوات المسلحة
طاخ

دا كلام شنو

عجم كيف
الخواض الخاض البحر ما جعلي

بالفعل يا مستنير أجمل الشعر هو الذي يستحضر الطبيعة برمزية تقحمها في علاقتنا بها وبالحياة
من اأبيات قباني التي تعجبني
مطر مطر وصديقتها معها و لتشرين نواح
إكذلك يليا أبو ماضي حين يقول
روض إذا زرته كئيبا نفّس عن قلبك الكروبا
أما أزهري الحاج دفع الله في قصيدته الشجرة
ما الشجرة شجرة شعب
ولادة المية
والعسكر عسكر واتعسكر ومعاه حرامية
يا طالع الشجرة بالعرض أو بالطول أهتف معانا وقول
يسقط كمان عشرة
يسقط معاهم غول (يرمز بالشجرة هنا للحزب الشيوعي)

انت اقعد هابس في استاذنا الخواض كده لامن تلقى
الجنجويد امتلكوا غابة امبارونا
بشجرها و قرودها