|
|
|
 Re: معركة كسر العظم تبلغ ذروتها بين مبارك أرد (Re: حيدر حسن ميرغني)
|
رد مبارك على التسريب الصوتي الذي نشره مجاهد، رد هتافي
على الاقل في التسريب الأول - قبل شهور قليلة - انكر تماما وقال ذكاء اصطناعي كعادة المراوغين
ستتوالى التسريبات بحسب وعد مجاهد
هل سيتم تحديد إقامة مبارك في بورتسودان من قبل الفلول في مقبل الايام لحين نشر التسريبات الموعودة؟
حسب علمي مبارك متواجد في بورتسودان.
| |
  
|
|
|
|
|
|
|
|
Re: معركة كسر العظم تبلغ ذروتها بين مبارك أرد (Re: حيدر حسن ميرغني)
|
أخي حيدر تحياتي
هل من المنطق أن يكون هذا هو مستوى ساستنا؟ سجالات هوائية لا يرقى إليها حتى بسطاء الناس؟ ألم حان الوقت لكي نُسلم أمرنا لمن هم أهلاً لقيادتنا بحكمة وعدل؟
حكمة: صبر الشعوب على سارقي ثرواتهم لا يدلّ على رضاهم، بل هو انتظارٌ لفرصةٍ سانحةٍ لاستعادة حقوقهم وتحقيق العدالة.
| |
|
|
|
|
|
|
|
|
|
Re: معركة كسر العظم تبلغ ذروتها بين مبارك أرد (Re: حيدر حسن ميرغني)
|
تحياتى والاحترام اخى حيدر
تحياتى واحترامى أخى زهير وجيدا جيت~
*كلما يختلف هؤلاء اللصوص ينتفع الشعب السودانى الصامد، المظلوم
…فى لقاء سابق اردول قال فارس النور كان مسؤول لجنة التمويل (أكل وفاكهة) فى اعتصام القصر ، الذى سبق وكان مقدمة لإعلان انقلاب البرهان+حميدتى
…من حيث لا ندرى ظهر فيديو عزت+الماهرى يقدل داخل مبانى الإذاعة والتلفزيون
…وعليه يا رد فعل، يا نوايا أخرى يظهر تسجيل أردول دا المن زمن
*كانوا وين ، ما يكلمونا بيه من زمان رغما انه أردول ينطبق عليه المثل "المطمورة لا تهاب الرش"
أردول جابوه حمدوك/قحت ولا حتى جاء مع اتفاق جوبا
من بداياته عمل حاجاته دى ، حمدوك ناداه وقال ليه شنو ما معروف لأنه واصل فى عمله وعمائله.فى حين انه تَرفع وتعفف عنه ناس الجمعية تبع تعليمه (الكيمياء) وفصلوه منها …
-واصل عمايله ، جلده تخين شديد وواضح انه معروف بالثرثرة بالتلفونات لأنه الشخص الكان معاه ما كانت محادثة
*المحادثة /التسجيل دا مجرد كلام معروف وكانت جرجير عشان أردول يقول الكلام دا ويتم التسجيل …
**بس الغريبة ما طلع من سنة آو أكثر ليه! تسجيله فى مصر البعد دا بكثير طلع فى وقته
…
حيدر ما تزعل ، تانى بجئ راجعة😀
| |
|
|
|
|
|
|
|
|
|
Re: معركة كسر العظم تبلغ ذروتها بين مبارك أرد (Re: حيدر حسن ميرغني)
|
Quote: …من حيث لا ندرى ظهر فيديو عزت+الماهرى يقدل داخل مبانى الإذاعة والتلفزيون
…وعليه يا رد فعل، يا نوايا أخرى يظهر تسجيل أردول دا المن زمن
*كانوا وين ، ما يكلمونا بيه من زمان رغما انه أردول ينطبق عليه المثل "المطمورة لا تهاب الرش" |
فعلاً ، الطرفين عندهم من البلاوي ما يدوش
والبائع نفسه يروح فيها .. وفي النهاية الضحية هو المواطن الغلبان
| |
|
|
|
|
|
|
|
|
 Re: معركة كسر العظم تبلغ ذروتها بين مبارك أرد (Re: حيدر حسن ميرغني)
|
تسجيل أردول دا ذكرني حكاية من بادية كردفان!
السنة مجاعة و الزراعة يا دوب طالعة. الناس بكونوا فسلين شديد ضد البهايم و الحرامية.
أها المرأة مسكينة الجوع أظنه عصرها و تسربت داخل زراعة " بلاد" أحدهم.
أها ملت الريكة (طبق غريق يا ناس الخرتوم) قناديل دخن أصفار زي الدهب.
أها يا دوب ملت الريكة و ختها في راسها كف الجماعة ناس البلاد ظهروا! طبعا فضيحة شديدة خلاس في محارينا ديك لاي زول و لكن كمان لمرأة! أخير كان الارض إنشقت و بلعتها!
اها في خطوة دفاعية جريئة و بنهرة كدا قالت ليهم هوي يا كلاب هاكم شيلوا قناديلكم أدوني رقبة ريكتي
تاني خلي واحد يسعل أردول!
الزول باع سلاحو! جع!!!
| |
|
|
|
|
|
|
|
|
|
Re: معركة كسر العظم تبلغ ذروتها بين مبارك أرد (Re: mohmmed said ahmed)
|
Quote:
لكن ناس عنز وان طارت
متجاهلين فضيحة التسجيل الخطير
وفضيحة التامر المكشوف
وفضيحة شراء ذمة اكبر قادة أجهزة امنية
وجارين لاتهام قحت كما يفعل الكيزان |
اديك المختصر المفيد
المثل بقول لا بيجدّع و لا بيجيب الحجّار
لو اكتفوا بي دي والله مقبولة
بس العوجة وين
تقوم انت تكوس الحجر و لحظة داير تجدعو ينط هو و يمسك ايدك
لكن ليهم حق والله رغم انه حق قام على خصوص شأن احزاب و لا علاقة له بشأن الدولة
فنجاح حمدوك يعنى سحب كل رصيدهم الجماهيري و يجعلهم احزاب بيوتات و مكاتب سياسية فقط
خوف على الضنب و كده
لذلك حاربوه و اسقطوه فجاءهم من حيث لا يحتسبون
و الان وضعهم في خانة الاجترار و بئس له من سلاح لا يزيل حتى بيت عنكبوتا
الوضع حاليا
كلّهم بي صمّة خشومن روسينن دخلن في الزير
و راجين نصيحة البصيرة ام حمد
| |
|
|
|
|
|
|
| |
حيدر حسن ميرغني
زهير ابو الزهراء
هدى ميرغنى
Omer Abdalla Omer
جلالدونا
mohmmed said ahmed
فيس بوك
تويتر
انستقرام
يوتيوب
بنتيريست