Post: #2 Title: Re: أولاد الارض ما طارو Author: هدى ميرغنى Date: 06-07-2024, 03:57 PM Parent: #1
إلى أرواح كل شهداء الشعب السودانى
#الدمار والفناء للمحتل الغاشم وكل من يدعمهم، وأولهم العسكر الكيزان
Post: #3 Title: Re: أولاد الارض ما طارو Author: هدى ميرغنى Date: 06-07-2024, 04:07 PM Parent: #2
Quote: جهدية الاورطية جهدية الحلبونا شدو جمالم جونا جلبنا ليهم سمسم والسمسم ما كفاهم جلبنالهم سعية وجينا للبقعة ام قبايل سيل من الوادى الكبير الكفيف شايل الكسيح يا عيون ود الضكير واحدة من توشكى تقلع تانى تقلع فى المطامير يا جبة الدرويش البابا بسل العيش الله بسلا والبابا خدمة الديش الله بسلا البابا القول بى شويش يا عيون ود الضكير عماك فى حقك ديه لى زمنا مو جهدية جهدية الاورطية جهدية الحلبونا شدو جمالم جونا وجلبنا ليهم سمسم والسمسم ما كفاهم جلبنالهم سعية
*من إشعار وفكر، القدال عليه السلام
#للأسف تانى رجعوا ببدائتهم وسلوكهم البربرى ولكن هذه المرة بأحدث أنواع الأسلحة والجوغات فى وسائل التواصل
Post: #4 Title: Re: أولاد الارض ما طارو Author: هدى ميرغنى Date: 06-07-2024, 04:38 PM Parent: #3
"العميل" خدمة الديش الله بسلا
Post: #5 Title: Re: أولاد الارض ما طارو Author: هدى ميرغنى Date: 06-07-2024, 04:45 PM Parent: #4
وهذه -لكل مستشارى الدعم السريع والداعمين له، والناقعين بالفاضيئات -لكل البدائيين وال simpletons وان تدثروا ببلاد المهجر
Quote: وكت الوهم وافيت .. صدق الوعد جافىوكت العلم جافيت .. مرة الصدق وافى
Post: #6 Title: Re: أولاد الارض ما طارو Author: هدى ميرغنى Date: 06-07-2024, 06:34 PM Parent: #5
*القدال طبعا *هذا البوست برعاية الشاعر القدال فى عليائه يكون يعاين وأكيد متمحن فى حال البلد الفات كل التنبؤ ، التوقعات والتحذير
*** خوفي على البلد الطيب جناها وقمنا في خِديرها شاحدك يا كريم لا يحصل خراب
لا أرجى يوم ودّيرا
Post: #7 Title: Re: أولاد الارض ما طارو Author: هدى ميرغنى Date: 06-07-2024, 06:44 PM Parent: #6
Quote: والأرض موقوت القنابل في الحدود والأرض منهبة الثعالب والطحالب والجيوش باليوناميد واليوناميس والفُرقة بينات القبايل والشتايم في المنصات والشراكة الفي المكايد والخناجرفي الحناجر والمنابر .. آه من تلك المنابر، إنداية كرتلة وبنابر والجرايد داقة طارات المدايد
الصَدَق في الناس كذوب الساسة نِيّام العسل بين انتباهة وغفلتين بين السلاطين والحبوش والشلاتين والقرايب فين حلايب؟
Post: #8 Title: Re: أولاد الارض ما طارو Author: هدى ميرغنى Date: 06-07-2024, 07:00 PM Parent: #7
Quote: طعم الكضب مسلوق ماسخ تضوقوهو لو فمي ما مطلوق أو كمي غسلوهو ياني البسوي القوق قولي البتابوهو ماعندكم دمي ما عندهم دمي من دمي لا لا لا ماقدروا فصلوهو. وانا ما بجيب سيرة الجنوب؟
Post: #9 Title: Re: أولاد الارض ما طارو Author: هدى ميرغنى Date: 06-07-2024, 07:11 PM Parent: #8
Quote: ودا ياهو قطِّيع القلوب أنا ما بجيب سيرة الجنوب، فالسيرة كمين ألف عام لوني المحرق مندوكور وشكلي شكلين شكل منقة وشكل تور دمي المشتت من قبايل نوح وحام شعري المقرقد زي حصايا اتشتت فوق الدروب كتفي المهدل بالعيوب وانا ما بجيب سيرة الجنوب أصل البقت من ساس وسايس أو يسوس ياها البقت خلونا من حرب البسوس الفاضلة تكفير الذنوب الفاضلة لمليم البشاتن والمعاطن والخبوب الباقي مايخموكا تاني على الدفافير والكناتر والحروب الباقي تعظيم التماسك في الخطوب
لا نافع الشَّدة العلوق ولا نافع المبقوص يحوق لا بنفعك عَرَق الزنوج ولابرقعك لبن العروب😀 (دى من عندى) إلا الوقوف ألفاً ضكر واحد براك في الشيمة تلفحك الهبوب الغيمة تديك للسفاسف والعواصف والمطر برطع مع الأفعال وادخل على التاريخ يغلب أجاويدك من قرقريب عوسك اخرِج من التاريخ شيخك وعربيدك لا نافعك التكفير ولانافعك التوبيخ فامشيه وحيدك وامرق على التاريخ تلقاه في السهلات مستني كمسيدك لا بيظلم التاريخ ولا يرحم التاريخ إياه عوس ايدك.
Post: #10 Title: Re: أولاد الارض ما طارو Author: هدى ميرغنى Date: 06-07-2024, 08:02 PM Parent: #9
Quote: حمدتكم بالجاية والجاية فوق الجاية وعسكري الجباية قلبو الحجر اللداية
لقد تنبأ القدال أيضا بأنه سيأتى على أهالى الجزيرة نهابين ، يطلبون الجزية (الجباية) أول القتل بقلوب من حجر…
Post: #11 Title: Re: أولاد الارض ما طارو Author: هدى ميرغنى Date: 06-07-2024, 08:07 PM Parent: #10
#إن من الإبداع ما يدهش ويزيد من الإدهاش
Post: #12 Title: Re: أولاد الارض ما طارو Author: خضر الطيب Date: 06-09-2024, 03:53 PM Parent: #11
يا سلام و يا للروعة اختنا هدى الميرغني بجد ادهشني البوست و القدال يظل نبراس مضي حتى وان رحل ستبقى اشعاره ما بقى السودان تعجبني كل اشعاره هو و حميد و محجوب شريف
بهديك و المتابعين هذه القصيدة المحاضرة
Post: #13 Title: Re: أولاد الارض ما طارو Author: هدى ميرغنى Date: 06-09-2024, 04:39 PM Parent: #12
Quote: يا سلام و يا للروعة اختنا هدى الميرغني بجد ادهشني البوست و القدال يظل نبراس مضي حتى وان رحل ستبقى اشعاره ما بقى السودان تعجبني كل اشعاره هو و حميد و محجوب شريف
بهديك و المتابعين هذه القصيدة المحاضرة
سلامى واحترامى أخى خضر~ شكرا والتقدير على الإضافة الواعية، لقد حكى القدال وحميدتى عن اعتداءات واحتلالات حدثت فى تاريخ السودان مشابهة للتى تحدث الآن على الشعب السودانى كما " الجهدية" عند القدال وملحمة حميد التى حكى فيها عن مذبحة "وادى أم بقر" التى لا تفرق عن المذابح والمجازر المتكررة التى يقوم بها الجنجويد ومجزرة ابو النورة حديثة أمام العالم… القدال فى ملحمته هذى يحكى ويأسف على الانفصال بين جنوب وشمال السودان ويحذرنا من تكراره…
#وأنا ما بجيب سيرة الجنوب!
Quote: وما أكلوني إذا ما أكلو التور الأبيض وتورنا في الجزيرة وبدر الله فوق سماهو بدر الله يابساحوتة مكوار حبس مياهو عطشت قبايل ابقوتة؟ البودة في خلاهو والأرضة في بيوتا؟ الزول رِبَت كلاهو سمينة بي مقوتا يا تمت المعاهو أو خلصت الحدوتة وما أكلوني إذا ما أكلو التور الأبيض
Post: #14 Title: Re: أولاد الارض ما طارو Author: هدى ميرغنى Date: 06-09-2024, 05:22 PM Parent: #13
Quote: الأرض تعريف الهديل هدل الحمام بشري وشوق السلام انسان
Post: #15 Title: Re: أولاد الارض ما طارو Author: هدى ميرغنى Date: 06-09-2024, 05:28 PM Parent: #14