Post: #2 Title: Re: أول سوداني .. يصدر عملة رقمية .. في البورصات Author: محمود الدقم Date: 06-03-2024, 08:02 PM Parent: #1
الف مبروك يا ريت لو شوية معلومات عن العملة وكدا
Post: #3 Title: Re: أول سوداني .. يصدر عملة رقمية .. في البورصات Author: حيدر حسن ميرغني Date: 06-03-2024, 10:18 PM Parent: #2
كامل الدعم يا مان - اشرح لمحمود بالمسنجر حتى لا يستفيد الفلول
Post: #4 Title: Re: أول سوداني .. يصدر عملة رقمية .. في البورصات Author: السر عبدالله Date: 06-04-2024, 00:14 AM Parent: #3
ما تخليك حاقد يا حيدر نحن ما فلول وعايزين نستفيد ... وبعدين الفلول ما محتاجين لأي استفادة فهم في تركيا وماليزيا يمتلكون مليارات ،ولا يوجد فلول داخل السودان ... داخل الوطن مواطنين مدنيين ابرياء معذبين دون ذنب... ..... ول ابا بريمة كامل الدعم والدعوات لك لمزيد من النجاحات في عالم المال والبورصة ...
Post: #5 Title: Re: أول سوداني .. يصدر عملة رقمية .. في البورصات Author: Biraima M Adam Date: 06-04-2024, 00:56 AM Parent: #4
عيال أبا محمود، حيدر والسر عبد الله
ألف شكر للمتابعة .. النقاش دائماً بتم في التلغرام .. منصة تلغرام: https://t.me/+jD3l5hHNndk1Mj منصة أكس: https://x.com/CaicaCoin
بعدين كما قالوا أدروب ولوف، طوالي صدقتم أنا صاحب العملة .. أليس بالأمكان أكون أنا المهندس الذي برمج العملة ؟
بعض المعلومات .. عملة كايكا CAICA ..مثل بقية عملات الميم الرقيمة .. وسيلة للتداول بين الناس .. وقيمة العملة في تداولها .. حينما يشتري إنسان تزيد العملة بمعدل يتناسب طردياً مع القيمة المشتراة .. وتنخفض كذلك بنفس الطريقة ..
أدخلوا في صفحة العملة هنا .. https://caicacoin.us/ وتعرّفوا علي ملامح العملة .. اللوقو للعملة هو كلب .. معروف يسمى "كونان" وهو الكلب البوليسي الذي قبض علي زعيم الدواعش ..
أضف أن العملة سوف تؤسس لأشياء أخري منها .. برامج ألعاب في السيبر .. ورسومات NFTS .. وغيرها وقد تصل لتكون ويسلة للبيع والشراء وعملة دوتش قريباً سوف يشتري بها الناس عربات تسلا ..
عملة الدوتش كوين وصلت إلي حصيلة كلية تعادل 23 بليون دولار ... بما يعادل مليار دولار تداول يومي ..
----------- بجييكم ..
بريمة
Post: #6 Title: Re: أول سوداني .. يصدر عملة رقمية .. في البورصات Author: Biraima M Adam Date: 06-04-2024, 01:13 AM Parent: #5
المسائل التقنية معقدة ومكلفة في نفس الوقت .. المسألة ليس كما يروج لها في النت ..
الأشياء التى عرضتها ليكم هنا فقط: هى صفحة للعملة .. ومطلوب فيها معلومات محددة كما ترون في الصفحة .. ثم صفحة أكس وصفحة تلغرام .. وهذا رأس جبل الجليد.
كما يقول البطل سفيان محمد زين بريمة ..يعنى لم تروا من الفيل إلا أذنية ..
----------------- التقنيات: العملة تحمل برنامج رقمى يسمى ال Contract .. ودي برمجة رأسها عديل .. وجموع المشترين عايزين يحصل للكود audit يعنى مثل المراجع العام ويقرر بصحة الكونتراك .. مسألة ثقة. ثم تأتي المنصات التى تمر بها العملة .. وكل منصة عايزة أكلتها .. مثل العربية أنت سايقها من الأبيض وجاي الخرطوم .. أي نقطة تفتيش الحرامة عايزين يشيلوا منك جمارك ..! وأنت سايق .. وتتدرج إلي أخر محطة .. يكون سلبوك ما في يدك قبل تطلق العملة ..
الأنطلاقة مثل معركة هيرمجدون .. وأنت طلق العلمة من منصة .. في نفس الوقت مفروض .. تامن العملة بحرق كل العملات التي بحوزتك وتريد تداولها .. ويظهر ذلك في البورصة أنك حرقت كل المتداول من العملة ولن تستطع سحبها منهم .. يعنى علي الضمان العملات تظل قاعدة في البورصة. ثم تعمل قفل لقروش الأستثمار الأولية .. حتى تكون هناك سيولة يعتمد عليها الناس ..
وأشياء أخري تشيب رأس جقاوة .. أنا خضت التجربة من ناحية معرفية .. قبل أن تكون وسيلة ربحية. وأثبت إنني ملم تمام بقواعد ال Blockchain والعملات الرقيمة .. هدي ميرغنى وين ..
ههههاي!
بريمة
Post: #7 Title: Re: أول سوداني .. يصدر عملة رقمية .. في البورصات Author: Biraima M Adam Date: 06-04-2024, 01:23 AM Parent: #6
العملة تحمل الشعار التالي:
وهنا في صفة أكس:
هذا الأشياء توضح .. المسألة عايز غرافك وart works وخيال ..
---------- دعواتكم لينا بالتوفيق ..
بريمة
Post: #8 Title: Re: أول سوداني .. يصدر عملة رقمية .. في البورصات Author: Biraima M Adam Date: 06-04-2024, 01:34 AM Parent: #7
قارنوا نحن ماشين بيكم في العملات الرقيمة لوين ..
العملات الوطنية .. ح تكون في خبر كان قريباً
وتحل محلها عملات عابرة للقارات ولا تحاصرها الحماية الوطنية .. (حماية العملة وكدي كلام زي دا أصبح شيئ من الماضي .. العملة سوق حر .. يرتفع سعرها وينخفض حسب الطلب عليها).
------------------------- أي زول بتاع غرافك ممكن يعيد تصميم الشعار .. وينوبك ثواب.
بريمة
Post: #9 Title: Re: أول سوداني .. يصدر عملة رقمية .. في البورصات Author: حيدر حسن ميرغني Date: 06-04-2024, 06:10 AM Parent: #8
Quote: ما تخليك حاقد يا حيدر
بمزح يا مان وربنا يجعل الخير والبركة في الجميع
Post: #10 Title: Re: أول سوداني .. يصدر عملة رقمية .. في البورصات Author: بدر الدين الأمير Date: 06-04-2024, 07:03 AM Parent: #9
لا لا لا لا كدا كتير و الله والساكت عن النصاب شيطان اخرس
Quote: إخلاء طرف: البيع والشراء مسؤوليتكم الشخصية
اخلاء طرف و اخلاء مسئولية , دا النصب على اصوله , آمنت بالله
Quote: أليس بالأمكان أكون أنا المهندس الذي برمج العملة ؟
طبعاً الجنجاويد لأنهم جهلة بعتبروك بيل غيتس دا اصلاً لو كانوا سمعو بيهو فانت لازم تطلع من (إباءة) الجهل الانت مغموس فيهو دا يا وهم قال شنو المعتوه دا .. مهندس برمجة العملة و العملة مسميها كوكا😁 الناس المسكينة الحتقع في الشرك الذي بيت العنكبوت دا ما سمعو بالبتكوين , و الايثروم , و البينانس و التيثر و الريبل و الكاردانو يا ماردانو زمانك المهبب
في بوست من البوستات كتب زميل المنبر ربما يكون احمد انك نصبت عليهو في موضوع استثمار و اكلتا قروشو و البوست موجود للامانة دا طبعاً لو كان عندك ذرة منها جيب اللنك بتاع البوست دا عشان الناس تشوف نصبك وصل لياتو مستوى من الانحطاط عشان اكون دقيق اكثر اتحدث عن الهوة التي وصلت اليها من النصب و الاحتيال واضح انك وصلت لمرحلة متأخرة جداً من عدم مخافة الله بعدين عملتك الشعار بتاعا كلب , بت الكلب الشعيرية ..معقولة بس في ناس كده 😁 انا حاتبرع ليك بالتصميم بتاع الجرافيك بأمانة بس عندي شرط اخت في وش الكلب دا صورة وشك العامل ذي الرغيفة الطالعة من الفرن اذا بتقبل اديني يومين و اليوم التالت بكون عندك الشعار قبلها رسل لي تلاتة الف جنيه استرليني و لما تستلم و توافق على الشغل كمان ترسل تلاتة اها رائك شنو يا بريمة المريسة
ختاماً الناس الحتشارك في موضوع عملتك المهببة دي مش حتلبسم في الحيطة ديل حيلبسو بامبرز و يحومو بيهو في الشوارع مع دايرية مستدامة 😁 تخيل ضحاياك المفترضين ديل حيكونو حايمين في الشوارع بالبمابرز بس ياخ انت مسخرة والله ..جهل متوارث
Post: #16 Title: Re: أول سوداني .. يصدر عملة رقمية .. في البورصات Author: Biraima M Adam Date: 06-05-2024, 02:44 AM Parent: #15
خضر، أنا لا أتحدث عن نفسي .. لك أن تكيل لشخصي الضعيف كما تشاء .. أنت أصلاً لا دين ولا وازع ولا أخلاق .. أنت زول في أرذل العمر .. وجاي بلا حجة ولا مسؤولية أخلاقية وتقول نصبت زول قروش ..؟ هل تتذكر الفرية الزمان التى قلتها عني لما كنت في اليونان ولما قلت ليك أعطيك 300 دولار لو أثبت ما تقول؟
مش قلت عنك عاطل موهبة .. أها جرب تصدر عملة رقمية .. وأديك شهر 30 يوم تجينا بخارطة طريق للعملة وأستعمالاتها .. ما ح تقدر وبرضو تتفاصح!
بالمناسبة بعد العملة ما تصدر تانى لا تقبل أي إضافة .. ولو وجدت أي عملة مسماه Caica وصورة الكلب ليس مثل الصورة المنشورة تأكد إنها مضروبة ..
بعدين حكاية الضحايا دي مضحكة .. الشعب السودانى .. بأكلمة في حروب وورطة كبيرة بسببكم يا الفلول .. ليس لديه وقت للمعرفة والعلم والأقتصاديات الحديثة ..
وأخيراً يا التيس اللخضر، الناس بتجدع الأشجار المثمرة .. مثل القائد الهمام حميدتي، النقيب سفيان بريمة والعقيد الوالي إبراهيم بقال ..
أرحم نفسك ..
بريمة
Post: #17 Title: صورة الكلب ليس مثل الصورة المنشورة تأكد إنها مضروبة . Author: خضر الطيب Date: 06-05-2024, 03:02 AM Parent: #16
Quote: وصورة الكلب ليس مثل الصورة المنشورة تأكد إنها مضروبة ..
ياخ خزلتني والله رغم اني جهزتا المادة لشغل الجرافيك الانت طلبتو القروش ما مشكلة لو التلاتة الف جنيه استرليني كتيرة ممكن اقصدا ليك بالله طلعت صورة الكلب مضروبة ؟ الكلب ياتو ؟ النزلتو انتا و لا الفى بروفايلك؟😁 ياخ انت تحفة لن يجود الزمان بمثلها و لو بعد ألف عام اذا كانت صورة الكلب الانت جبتو مضروبة يبقى دا دليل كافي على انو موضوع العملة مضروب بنسبة 100% مش قلت ليك انت عاهة ؟ لو ما قادر تصدق عاين في اقرب مراية جنبك 😁 لا حول و لا قوة الا بالله اللهم ثبتنا يا مثبت القلوب و الابصار
Post: #18 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-05-2024, 03:10 AM Parent: #17
خضر أنت دلاهة ..
الصورة التى أنزلتها أنا .. هى الصورة ال Authentic لعملة كايكا Caica .. أنا المخترع والمؤسس لها .. ثانياً البلوك جين .. يمنع تأسيس عملة في شبكة سولانا Solana بنفس الأسم Caica ويرمز لها ب CAICA .. وبالصورة المشار إليها.
أي شيئ غير هذا التوصيف سوف يكون مضروب ..
فهمت ولا نجيب ليك فهامة!!
بريمة
Post: #19 Title: Re: صورة الكلب ليس مثل الصورة المنشورة تأكد إ� Author: خضر الطيب Date: 06-05-2024, 03:22 AM Parent: #18
Quote: الصورة التى أنزلتها أنا .. هى الصورة ال Authentic لعملة كايكا Caica .. أنا المخترع والمؤسس لها .. ثانياً البلوك جين .. يمنع تأسيس عملة في شبكة سولانا Solana بنفس الأسم Caica ويرمز لها ب CAICA .. وبالصورة المشار إليها.
أي شيئ غير هذا التوصيف سوف يكون مضروب ..
فهمت ولا نجيب ليك فهامة!!
بالله دا هسي كلام يفهمو بني ادم طبيعي ؟ كدي جيب صاحبك حيدرجنجا خلي يترجم لينا
Post: #20 Title: Re: صورة الكلب ليس مثل الصورة المنشورة تأكد إ� Author: بدر الدين الأمير Date: 06-05-2024, 04:49 AM Parent: #19
حتى انت ياخضر الطيب تقول قاطعو العبار بريمة وفي اول لفة تجى تتداخل معه ياعبار وصف لى الكجور بتاعك باقى مغروض فيه مروك ياعبار وهاردلك خضر ههههههاى
Post: #21 Title: Re: صورة الكلب ليس مثل الصورة المنشورة تأكد إ� Author: خضر الطيب Date: 06-05-2024, 06:16 AM Parent: #20
Quote: حتى انت ياخضر الطيب تقول قاطعو العبار بريمة وفي اول لفة تجى تتداخل معه ياعبار وصف لى الكجور بتاعك باقى مغروض فيه مروك ياعبار وهاردلك خضر ههههههاى
صباحك ورد ابو اللمير
ياخ البوست دا وقع لي في جرح غائر وانا لي فيهو امآل ما حاخليها تضيع مع الاهمال تعرف يا بدر الدين يكون السبب الحشرك انك ضحية مفترضة من الحيلبسو البامبرز اما بالنسبة لموضوع الكجور الانت عاوزا بريمة المريسة دا ما حيقصر معاك بكرة بجيب ليك بعر بقرة يصرو ليك في قطعة قماش يخيطا و يرسلا ليك ويقول ليك دا وارد كادوقلي الممتاز فرسل لي خمسمية دولار و لو في بقشيش ينوبك ثواب و طبعاً انت على حسب الوهمة والشريحة الركبا فيك حتعيش الحالة بكل تفاصيلا الوهمية لانو هو اول حاجة شافة لما فتحت عيون العاملة ذي عيون الصبرة دي هي البعر فشنو يا بدر الدين ياصاحب تابع و استمتع بالحفلة تحياتي يا حبيب
Post: #22 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-05-2024, 07:22 AM Parent: #21
ود الأمير
Quote: حتى انت ياخضر الطيب تقول قاطعو العبار بريمة وفي اول لفة تجى تتداخل معه ياعبار وصف لى الكجور بتاعك باقى مغروض فيه مروك ياعبار وهاردلك خضر ههههههاى
إبداع إبداع يا ود الأمير .. عصرت علي خضر الضبع!
طبعاً أنا ما قاعد أقاطع إنسان .. وقلبي أبيض بعد البسوي فيه الهطلة أنا مسامحة .. أنظر حاولت أشرح ليه .. مخه أصلج وما قادر يفهم .. ح أشرح ليهو تانى لما يفهم.
بريمة
Post: #23 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-05-2024, 08:18 AM Parent: #22
خضر الدلاهة سوف أشرح ليك الكلام دا تانى .. بصورة مختلفة ..
Quote: الصورة التى أنزلتها أنا .. هى الصورة ال Authentic لعملة كايكا Caica .. أنا المخترع والمؤسس لها .. ثانياً البلوك جين .. يمنع تأسيس عملة في شبكة سولانا Solana بنفس الأسم Caica ويرمز لها ب CAICA .. وبالصورة المشار إليها.
أنا أرفقت الصورة إلي أعلا ..وقلت أنها الصورة المعتمدة للعملة ..
أي عملة تحمل أسم وأسم رمزي ورمز. الأسم مفهوم هو كايكا Caica .. والرمز مفهوم هو صورة الكلب المرفقة بتفاصيلها .. أما الإسم الرمزي هو الأسم الذي يتم التداول به وهو هنا CAICA يكتب هكذا ب capital letters ..
لاحظ مثلاً عملة البتكوين Bitcoin .. أسمها Bitcoin وأسمها الرمزي هو BTC .. ورمز عملة البتكوين هو حرف الباء B.
هنا أنا وضعت الأسم والأسم الرمزي زي بعض وفرقت بينها برسم الحروف Caica CAICA .. وهذا يمنع اللبس في الأسم ..
في حتة ..
Quote: البلوك جين
وهى التكنولجي التى تسند وتؤسس عليها شبكات العملات الرقمية .. قارن ذلك بشبكة الأنترنت هى تكنولوجيا تؤسس عليها البرامج التى نتعامل بها ومنها هذا المنبر .. وبهذا الفهم أنتم جميعاً عايشين في عالم الانترنت .. أما أنا عايش في عالم أخر يسمى "البلوك جين" Blockchain .. وفي عالمنا الأفتراضي "البلوك جين" لدينا برامج مختلفة .. منها برامج كتابة وتحرير العملات الرقمية .. وبرامج البورصات الرقمية ..
ولو قلت ليكم حاجة واحدة تلخبط ليكم فهمكم للاشياء كليتاً .. هى أن حياتكم ومعاملاتكم البنكية تعتمد علي "المصداقية" وهى عندك أسم و رقم حساب .. وتلفون .. وعنوان وبطاقة يجب أن تقدمهم للصراف في البنك حتى يعطيك قروشك هذا النظام يسمى نظام ال Trust.. وعلي النقيض من ذلك، في الشبكات الرقمية نحن نتعامل ب "عدم التصديق" .. وهذا ما يسمى ب Trust-less .. يعنى لا تعرفنى ولا أعرفك .. وهنا نتعامل بأرقام المحافظ الرقمية (هناك رقم تصدره شبكة المحافظ الرقمية حينما تقدم لها ... إسمك ورقم تلفونك ومكان سكنك .. كل معلوماتك يتم إصدار بدل عنها حروف مشفّرة .. وهذا الأسم المشفّر فقط ما تحتاجة للتعامل ..
----------------------- ورد في كلامي الأتي:
Quote: سولانا Solana
.. ح أجي راجع أوضح ليكم شيئ عن أسماء الشبكات الرقمية ..
بريمة
Post: #24 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-05-2024, 08:49 AM Parent: #23
الشبكات الرقمية ..
الشبكات الرقمة .. فيها بورصات للتعامل التجاري .. بيع وشراء العملات .. ما في أي بنوك .. وحينما تدخل البورصة للتعامل تطلب منك أسمك في الشبكة وباسورد .. (ومن يريد معرفة البورصات .. يبحث عن بوست سابق لي جمعت فيه عشرات أسماء البورصات الرقمية) .. البورصات يتم التعامل فيها من الكمبيوتر فقط، عمرك ما ح تدخلها للتبادل التجاري!
الأهم في الشبكات الرقمية بالنسبة لينا كمبرمجين ..هى الشركات الرقمية .. وتسمية شركات رقمية فقط لتقريب الفهم .. وفي الحقيقة كل شركة هى أشبه بشبكة الأنترنت التى تم بناءها بمواصفات تكنولوجيا "البلوك جين" هذه الشركات يمكنك أن تتاجر في أسهمها في البورصات الرقمية .. لكن الأهم هو كتابة البرامج الرقمية في هذه الشبكات ..
أنا في المستقبل القريب سوف أصدر في عدد منها .. الإصدارة الحالية لعملة "كايكا" هى في شبكة "سولانا" Solana .. والماشي والغاشي في التكنولوجيا الرقمية يعرف شبكة سولانا .. هى أسرع شبكة من بين جميع الشبكات الرقمية ..
بعض الأسماء المهمة في الشبكات الرقمية: هى "إيثيريم" Ethereum وشبكة "سولانا" Solana وشبكة آفالاش Avalache وشبكة ماتيك MATIC
وغيرها ..
حجم المال المتداول اليوم في البورصات الرقمية يعادل حوالي 3 تريلون دولار .. (وأنتم تشاكلوا في أم بعر .. وكاب الجداد)!! -------------------- لو حاولت نمشى بيكم لقدام، ح أخش في لغة خضر لا يفهمها .. لكن سوف أعود وأشرح لكم المحافظ الرقمية .. (دي تماثل الحسابات البنكية) وشبكاتها المختلفة .. يعنى بدل ما يكون عندك كرت فيزا .. كرت ماستر كارد .. ح يكون عندك رقم مشفر من محفظة "فانتم" أو محفظة "بيز" وغيرها عشرات ربما مئات منها.
بريمة
Post: #25 Title: Re: صورة الكلب ليس مثل الصورة المنشورة تأكد إ� Author: السر عبدالله Date: 06-05-2024, 10:08 AM Parent: #24
والله يا ول ابا بريمة انت ما قاعد في الواطة ... عندك خبرة كبيرة في عالم البورصة والتكنلوجيا والمال.. بس انا مستغرب كيف بعلمك الغزير ده ومخك البيوزن بلد كيف بتدعم مليشيات متفلتة مجرمة طردت الناس من بيوتها ونهبت الممتلكات وتقتل في مدنيين ابرياء لا ناقة لهم ولا جمل في هذه الحرب العبثية اللعينة ...
Post: #26 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-05-2024, 12:28 PM Parent: #25
ول أبا السر عبد الله
Quote: والله يا ول ابا بريمة انت ما قاعد في الواطة ... عندك خبرة كبيرة في عالم البورصة والتكنلوجيا والمال.. بس انا مستغرب كيف بعلمك الغزير ده ومخك البيوزن بلد كيف بتدعم مليشيات متفلتة مجرمة طردت الناس من بيوتها ونهبت الممتلكات وتقتل في مدنيين ابرياء لا ناقة لهم ولا جمل في هذه الحرب العبثية اللعينة ...
ألف شكر علي الأطراء ..
بخصوص الحرب، حتمت علينا الحرب أن يقف الواحد منا مع أحد الطرفين أو يصمت وينزوي .. أنا مقتنع طريقنا الأمثل للخلاص من الجحيم الذي نحن فيه هو الوقوف مع الدعم السريع ..
أستمع للتنوير التالي من الأستاذ خالد محي الدين ..
بريمة
Post: #27 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-05-2024, 02:40 PM Parent: #26
Post: #31 Title: Re: صورة الكلب ليس مثل الصورة المنشورة تأكد إ� Author: Hasheem Karouri Date: 06-05-2024, 06:25 PM Parent: #29
Quote: عملة "كايكا" .. وإن شئت سميها "كيكة".
يعني لازم !!؟
طيب ياسيد . بريمة . اولا : كايكا ، او كيكة ، كما قلت انت . الاسم ده لايصلح لاي عملة . سواء كانت ورقيه ، او رقمية . يعني باختصار ( غير جاذب ) . ثانيا : هل من الممكن ان تشتري بها اسلحة ؟ ثالثا : قصه عرض ، وطلب . دي ما اظن الكلام ده بينطبق علي العملات . لانها ليست " منتج " . بل وسيلة لشراء منتج او منتجات . بالتالي لاينطبق عليها كلامك . ....... انا من رايئ انك تنتظر بعد الحرب دي تنتهي . بعدين نشوف قصه العملات دي .
#كايكا ليست عملة أمنة
Post: #30 Title: Re: صورة الكلب ليس مثل الصورة المنشورة تأكد إ� Author: محمود الدقم Date: 06-05-2024, 06:19 PM Parent: #28
يا خدر اعمل لينا عملة رقمية نتحدي بيها بريمة دا المافي شنو؟🤣🤣🤣 العملات الرقمية شغل معقد فانت محتاج ان تشتري العملة الان وتخزنها وتنتظر ليك سنة سنتين حتي يرتفع سعرها من 0.0000000001 الي 0.00000001 لذلك الفوركس افضل بالنسبة لي بالرقم من ان الفوركس ولاسيما Binary Options بطير بيك الي السماء بسرعة وبسرعة بطيح بك في سابع الارض لو ما عارف التحليل الفني-ادارة المخاطر-ادارة راس المال.
Post: #32 Title: Re: صورة الكلب ليس مثل الصورة المنشورة تأكد إ� Author: حيدر حسن ميرغني Date: 06-05-2024, 06:25 PM Parent: #30
Quote: كدي جيب صاحبك حيدرجنجا خلي يترجم لينا
ترجمة شنو .. يا زول إيلون ماسك زاتو عاوز يشاركنا بالنص
Post: #33 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-05-2024, 06:28 PM Parent: #30
Quote: يا خدر اعمل لينا عملة رقمية نتحدي بيها بريمة دا
عفوووا يا ول أبا، أنت لو منتظرها من عاطل الموهبة خضر الهطلة .. ليلك ح يطول ولن تري صباح!
بريمة
Post: #34 Title: Re: صورة الكلب ليس مثل الصورة المنشورة تأكد إ� Author: خضر الطيب Date: 06-05-2024, 06:35 PM Parent: #33
مرحب محمود
Quote: يا خدر اعمل لينا عملة رقمية نتحدي بيها بريمة دا
اكيد يا محمود دا موضوع بسيط جداً لما بس افكر في موضوع النصب و الاحتيال على خلق الله 😁
Post: #35 Title: Re: صورة الكلب ليس مثل الصورة المنشورة تأكد إ� Author: muntasir Date: 06-06-2024, 02:59 AM Parent: #34
داير تغسل أموال الجنجا يا جنجكاوزي طالما دخلت في العملات الرقمية معناتها حنزورك أنا ودينق قريب في السجن 😂
Post: #36 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-06-2024, 08:44 AM Parent: #35
خضر الهطلة
Quote: لما بس افكر في موضوع النصب و الاحتيال على خلق الله 😁
دا شنو؟ .. هناك آلاف الأصدارات من العملات الرقمية .. وهناك المئات تصدر يومياً ..
هسي، لو زول في العالم العربي أو شمال أفريقيا أو القرن الأفريقي أو دول الساحل قال أنا أول زول أصدر عملة .. تجروا تقولوا .. لالالا .. نحن السودانيون أهل ريادة وسبق علمى ومعرفي .. أصدر السودانى الأمريكي العبار بريمة بلل عملة "كيكة" .. (خلاص قبلنا كلام شيخ هاشم أنها كيكة لكي تكون سهلة النطق). دا مش كلام حلوا ..
من ساقك من أضانك وقال ليك تعال أشتري عملة "كيكة" ..؟ نحن لا نحتال نجيك بالمعرفة والعلم وبالدرب العديل نخليك تحك رويسك .. الأيفون تشتريهو غصباً عنك .. وأستارلينك تدفع فيه دم قلبك عشان تستطيع تتواصل .. وهكذا قريباً نلقاك تتعلم كيف تكون لديك عملات رقمية .. لأن العالم سوف يتعامل بها.
بريمة
Post: #37 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-06-2024, 08:55 AM Parent: #36
Quote: داير تغسل أموال الجنجا يا جنجكاوزي
ححححم! مسألة غسيل الأموال شبهة مثارة ضد العملات الرقمية .. وهى شبهة تثيرها الدول القابضة علي الأقتصاديات الوطنية .. حتى تنفر الناس من العملات الرقمية.
هسي مثل شيخ هاشم كاروري، الكوز، وهو جايينا في أمريكا باللوتري، ممكن يودع كل أمواله، التى جناها من فلوليته، في عملة "كيكة"من كمبيوتره وحينما يصلنا هنا يحولها إلي الدولار. دي مهمة العلمات الرقمية كسر الأحتكار .. وهناك الخبيث من البشر ممكن يستغل العملات من أجل مآرب أخري.
بريمة
Post: #38 Title: Re: صورة الكلب ليس مثل الصورة المنشورة تأكد إ� Author: حيدر حسن ميرغني Date: 06-06-2024, 10:43 AM Parent: #37
Quote: داير تغسل أموال الجنجا يا جنجكاوزي
الخلبوص ده حاسدنا في ثرواتنا يا مان فـ شنو ، ما تثقفوا .. خليهو عنقالي زول راتب نهاية الشهر .. عاوز يدردقك
Post: #39 Title: Re: صورة الكلب ليس مثل الصورة المنشورة تأكد إ� Author: حيدر حسن ميرغني Date: 06-06-2024, 11:02 AM Parent: #38
مونتاسر .. هاك دي تبكي بس
Post: #40 Title: Re: صورة الكلب ليس مثل الصورة المنشورة تأكد إ� Author: Biraima M Adam Date: 06-06-2024, 11:12 AM Parent: #39
