Post: #1 Title: الزول ده ضرب مصداقية المؤتمر التأسيسي بتاع تقدم في مقتل Author: حيدر حسن ميرغني Date: 05-27-2024, 05:40 PM
05:40 PM May, 27 2024 سودانيز اون لاين حيدر حسن ميرغني-Colombo -Srilanka مكتبتى رابط مختصر
حقيقة ما كان في داعي لمقاطعة حديثه (تم حجب الصوت لدى مقاطعته) بكده.. تقدم ح تفقد مصداقيتها في أول تمرين ديمقراطي لها ، وتتيح لمنتقديها مجالاً للحشد والتعبئة ضدها
تعديل ثاتي : (تم اإيقاف تشغيل الفيديو بناء على طلب ود الامير في للإستماع لفيديو جلبه خضر)
Post: #2 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-27-2024, 05:57 PM Parent: #1
بحسب ما تواتر .. المعترضين على حديث المتحدث (إبراهيم دارفي) كانت حجبتهم أن الجيش أيضاً إرتكب إنتهاكات بالطبع هذا تبرير فطير وغير ديمقراطي لا أقبله حتى انا الموصوف بالجنجاوي (عشان ما يجوني ناس (تناقض) وغيرهم) اقول هذا وأنا من أشد المؤيدين للتيار المدني الديمقراطي العريض ضد العسكر والكيزان . - بكده البوست إستوفى غرضه
Post: #3 Title: Re: الزول ده ضرب مصداقية المؤتمر التأسيسي بتا Author: محمود الدقم Date: 05-27-2024, 06:48 PM Parent: #2
مؤتمرهم وليد فطيس
Post: #4 Title: Re: الزول ده ضرب مصداقية المؤتمر التأسيسي بتا Author: صديق مهدى على Date: 05-27-2024, 07:17 PM Parent: #3
سلام ودميرغني صاح لو فى ادانة تكون للاثنين بعيدين يا حيدر دي حسادة منك المؤتمر ناجح مية المية لكن السؤال :- اين القنوات الفضائية الميكرفون واحد
Post: #5 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-27-2024, 09:45 PM Parent: #4
على فكرة ، د. عِزان سعيد - عضو المنبر - زول ديمقراطي ومناوئ للعسكر والفلول .. لكن الحق يقال ، دي طبظة كبيرة جداً.
Post: #6 Title: Re: الزول ده ضرب مصداقية المؤتمر التأسيسي بتا Author: خضر الطيب Date: 05-27-2024, 10:01 PM Parent: #5
Quote: (عشان ما يجوني ناس (تناقض) وغيرهم)
بقيت تخاف يا حيدرنا ؟ 😁
Post: #7 Title: Re: الزول ده ضرب مصداقية المؤتمر التأسيسي بتا Author: السر عبدالله Date: 05-28-2024, 03:14 AM Parent: #6
واساسا هل تقدم عندها مصداقية ؟؟؟؟؟؟؟؟ شوف اول ما الزور ده طالب الدعم السريع بأن توقف الانتهاكات والجرائم البتعملها قام واحد قاطعه وما خلاهو يكمل كلامه ...لانه من الداعمين والمؤيدين للجنجويد.. وتقدم اساسا قحط رقم ٢. نفس الملامح والشبه والتأييد لجرائم الجنجويد ...
Post: #8 Title: Re: الزول ده ضرب مصداقية المؤتمر التأسيسي بتا Author: Hafiz Bashir Date: 05-28-2024, 03:34 AM Parent: #7
يا مجونجد زولك دا ما ضرب أي شي. تقدم أصلاً ما عندها مصداقية عشان تنضرب. وبعدين ياخي زولك دا ذاتو أشتر. نوع شتارتو لحصها ترباس في مقولته الشهيرة "جني وجن زول ما دافع ويقوم يقلب السمكة"
Post: #9 Title: Re: الزول ده ضرب مصداقية المؤتمر التأسيسي بتا Author: طلحة عبدالله Date: 05-28-2024, 06:59 AM Parent: #8
مرحبا حيدر معليش ما فهمت ضرب مصداقية المؤتمر التأسيسي كيف ؟
Post: #10 Title: Re: الزول ده ضرب مصداقية المؤتمر التأسيسي بتا Author: طلحة عبدالله Date: 05-28-2024, 07:03 AM Parent: #9
سلام السر
Quote: واساسا هل تقدم عندها مصداقية ؟؟؟؟؟؟؟؟
غايتو لو السؤال دا لجميع الناس فبالنسبة لي بقول ليك أيوة عندها مصداقية وطبعا ربما أكون فاهم غلط فلو كان سؤالك استنكاري يعنى أنو ما عندها مصداقية فلو امكن ولا أمر عليك وريني كيف ما عندها مصداقية... مصداقيتا انها ساعية لانهاء الحرب واحلال السلام ودا الشىء الظاهر للعيان على الأقل .
Post: #11 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-28-2024, 07:25 AM Parent: #10
أهلا طلحة المصداقية في كون أن هذا التجمع "المُرتجل" يدعو إلى الحكم المدني وتعزيز وحماية الديمقراطية ، بالتالي ، خليق به أن يدلل على ذلك في ممارساته وأفعاله
Post: #12 Title: Re: الزول ده ضرب مصداقية المؤتمر التأسيسي بتا Author: mohmmed said ahmed Date: 05-28-2024, 08:04 AM Parent: #11
من حق الرجل الحديث بكل حرية
انتهاكات الدعم يجب ان تدان بكل صراحة
الاعتراض على الرجل مرفوض ولكن هل هذا يهدم مصداقية المؤتمر في عشرات الاصوات من اعضاء تقدم ادانت انتهاكات الدعم السريع عن الجزيرة فقط انتقد انتهاكات الدعم كل من خالد سلك وياسر عرمان
الهجوم على تقدم غريب جدا هي لم تشعل الحرب ولم تطلق طلقة واحدة بل وقفت ضد الحرب
Post: #13 Title: Re: الزول ده ضرب مصداقية المؤتمر التأسيسي بتا Author: السر عبدالله Date: 05-28-2024, 12:42 PM Parent: #12
الأستاذ محمد سيد احمد نعم تقدم لم تشعل الحرب ولكنها الآن تؤجج نيران الحرب .. .واسمع تصريحات خالد سلك ...واسمع لايفات أعضاء قحط ٢ ( تقدم) وكيف يحرضون الجنجويد لارتكاب المزيد من الجرائم والسلب والنهب، و إحداهن صرحت صراحة ان النهب والسلب حق مباح للجنجويد وان هذا حق لهم ...لانها غنائم الحرب .... فهل هناك تحريض وتشجيع أبلغ من هذا ...
Post: #14 Title: Re: الزول ده ضرب مصداقية المؤتمر التأسيسي بتا Author: هدى ميرغنى Date: 05-28-2024, 02:45 PM Parent: #13
Quote: "جني وجن زول ما دافع ويقوم يقلب السمكة"
السلام والاحترام للجميع~ مولانا، وكمان قالوا البيدفع القرش بيطلب النغم! سمعت لقاء خالد سلك مع قناة الجزيرة، حتى كلامه السابق عن ادانة الجنجويد حول انتهاكاتهم فى الجزيرة زاغ منه *ويعزف فى الأنغام المطلوبة منهم وهى ادانة الجيش فقط!
Post: #15 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 05-29-2024, 03:38 PM Parent: #14
حيدر السيرلانكى فيدوك طلع مضروب ومتلاعب فيه من قبل البلابسة كيزان الرجل طلع لايف وقال مافي حد منعه من مواصلة كلمته وكل الحصل انه حين ادان الجنجويد البعض احتج وطلبو منه ادانة انتهاكات الجيش برضو وفعل وكمل كلمته دون تدخل من اي جهة بتقدم
Post: #16 Title: Re: الزول ده ضرب مصداقية المؤتمر التأسيسي بتا Author: Hafiz Bashir Date: 05-29-2024, 04:41 PM Parent: #15
Quote: البعض احتج وطلبو منه ادانة انتهاكات الجيش برضو
رشا عوض جات تكحلها عمتها هو انعدام المصداقية كيفنو أكتر من تحتج على زول شهد بما رأي وتطلب منه بأن يشهد بما لم يرى؟
Post: #17 Title: Re: الزول ده ضرب مصداقية المؤتمر التأسيسي بتا Author: mohmmed said ahmed Date: 05-29-2024, 04:52 PM Parent: #16
الواحد محتاج للصبر وعدم الانفعال عندما يقرأ قحت تؤجج الحرب
قحت لا أطلقت طلقة ولا دعت للحرب بل بالعكس أعلى القوى السياسية صوتا ضد الحرب هي قحت
كل تصريحات وبيانات ومؤتمرات ولقاءات قحت تصب ضد الحرب
انه امر محير الجيش والجنجويد يتحاربان وخلفهم ابواق تنعق لاستمرار الحرب
والبعض لا يرى سوى تحميل قحت ذنب حرب لا يد لها فيها
اكثر الأصوات المؤثرة إعلاميا هي أصوات اللايفاتية دعاة الحرب أمثال الانصرافي وابورهف وصلاح سندالة والربيع
هل يوجد لايفاتي واحد من قحت يدعو لاستمرار الحرب
Post: #18 Title: Re: الزول ده ضرب مصداقية المؤتمر التأسيسي بتا Author: Hafiz Bashir Date: 05-29-2024, 05:11 PM Parent: #17
Quote: البيدفع القرش بيطلب النغم!
😂😂😂 المشكلة كمان يا هدى الدافع القروش فقري جنس فقارة. ما بقبل ليك بأي خروج عن النوتة. لازم تجي حافظ النغم تمام.
Post: #19 Title: Re: الزول ده ضرب مصداقية المؤتمر التأسيسي بتا Author: mohmmed said ahmed Date: 05-29-2024, 07:14 PM Parent: #18
التمويل الأجنبي اكيد ليهو سلبيات ولكن الاحزاب عندما تمنع وتسجن وتعتقل وتطرد خارج الوطن تضطر لقبول الدعم
وكل الاحزاب السودانية حصلت على مساعدات من الخارج مؤتمرات التجمع الوطني الديمقراطي..باحزاب الأمة والاتحادي والشيوعي والبعث والحركة الشعبية عقدت مؤاتمراتها خارج الوطن بدعم
أحزاب الجبهة الوطنية الأمة والاتحاد والإخوان المسلمين حصلوا على دعم مالي بل وسلاح من ليبيا في عهد مقاومة نظام نميريى
Post: #20 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 05-30-2024, 05:13 AM Parent: #19
ياسيد حافظ الدخل رشا عوض هنا شنو الرجل قال في لايف معه ان هناك بعض الحضور في القاعة احتجو على عدم اشارته لانتهاكات الجيش قال انه استدرك الامر وادان الطرفين وواصل كلمة بدون تدخل من اي حد في قيادة تقدم كل مافي الامر الكيزان وبلابستهم عدلو في الفيديو وقالو تقدم اغلقت صوت مكبر الصوت عن المتحدث وانطلت الكضبة على البعض ومنهم صديقى حيدر ميرغنى وغيره ...
Post: #21 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 05-30-2024, 12:05 PM Parent: #20
ياحيدر لازمك اعتذار لتقدم او تكون زى فلان اعلاه الماصدق خبر وجا يلطم
Post: #22 Title: Re: الزول ده ضرب مصداقية المؤتمر التأسيسي بتا Author: mohmmed said ahmed Date: 05-30-2024, 03:11 PM Parent: #21
اها بعد توضيح الزول بتاع المزراعين
المصداقية رجعت ولا لسا عايرة
Post: #23 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-30-2024, 06:00 PM Parent: #22
بدر ومحمد يا احبة الفيديو واضح وما بحتاج تفسير بعدين منو العندو مصلحة في اخفاء الصوت غير تقدم ياخي مقدمة المؤتمر طلعت للمنبر وطالبت الحضور بعدم مقاطته في اكثر من كده وضوح
Post: #24 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-30-2024, 06:03 PM Parent: #23
- شاهدوا الفيديو تاني وتاني
Post: #25 Title: Re: الزول ده ضرب مصداقية المؤتمر التأسيسي بتا Author: هدى ميرغنى Date: 05-30-2024, 06:23 PM Parent: #24
Quote: وكل الاحزاب السودانية حصلت على مساعدات من الخارج مؤتمرات التجمع الوطني الديمقراطي..باحزاب الأمة والاتحادي والشيوعي والبعث والحركة الشعبية عقدت مؤاتمراتها خارج الوطن بدعم
سلام أخ محمد سيد أحمد~ اول مرة اسمع عبارة "البيدفع القرش بيطلب النغم" سمعتها عند عم التجانى الطيب ، طلب من السودانين التبرع للتجمع الوطنى الديمقراطى وضرب مثالا بالإرترين انهم كانوا بيدفعو دولارا يوميا … *احد الحضور قال ليه ما يدفع الميرغنى (وجماعة الميرغنى طبعا كانوا ركنا من أركان التجمع الوطنى) جاء الرد من عم التيجاني واضحا "البيدفع القرش بيطلب النغم) ولا حظ حتى ما عايزين مكون من التجمع تكون له الكلمة العليا بسبب مساهمته وقوته الاقتصادية.
*أيضا سمعت دكتور جون قرنق عن المساعدات الخارجية ، قال لا خير فيها حيث يختار الداعم ما يريد، أشياء لا يمكن الاستفادة منها
***لكن بحسب حديث الأستاذة رشا عوض فى لقاء الجزيرة يوم 18 يناير2024 ، إنهم يتلقون دعما غيرالذى أشار اليه الدكتور جون قرنق يعطونهم دعما ليحقق الممول ما يود تحقيقه-قالت المدنية والديمقراطية!
Post: #26 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 05-30-2024, 08:26 PM Parent: #25
حيدر انت شفت الفيديو الصوب فيه المتحدث تفاصيل ماحدث ولا الامر بالنسبة لك مكابره وقضى الامر
Post: #27 Title: Re: الزول ده ضرب مصداقية المؤتمر التأسيسي بتا Author: خضر الطيب Date: 05-30-2024, 08:48 PM Parent: #26
Quote: حيدر انت شفت الفيديو الصوب فيه المتحدث تفاصيل ماحدث ولا الامر بالنسبة لك مكابره وقضى الامر
الاخ ممثل المزارعين نفى تماماً ما اورده هذا الجنجويدي السريلانكي
Post: #28 Title: Re: الزول ده ضرب مصداقية المؤتمر التأسيسي بتا Author: خضر الطيب Date: 05-30-2024, 09:29 PM Parent: #27
Quote: انا الموصوف بالجنجاوي (عشان ما يجوني ناس (تناقض) وغيرهم) اقول هذا وأنا من أشد المؤيدين للتيار المدني الديمقراطي العريض ضد العسكر والكيزان . - بكده البوست إستوفى غرضه
سلام حيدرنا انت ما موصوف بالجنجويدي انت اصلاً الماكينة بتاعتك خلطت الزيت مع المويه 😁 انت مؤيد للتيار المدني ما حب في التيار المدني بس لأنو ضد العسكر الشئ التاني منو القال ليك البوست دا انتهى .. انحنا يادابنا ابتدينا وكيف تقول لي انتهينا بتنهي جيل ينظر الينا باني آمالو و طموحو ومعتمد ابداً علينا علي الطماطم وعليك الدكوة انا طبعاً ما بحب احلف بالطلاق لو الجيل دا فعلاً معتمد عليك على حسب ما تعتقد يبقى الرحمة و المغفرة على هذا الجيل الشئ التاني و انا كأعلامي حاقول ليك حقيقة مستحيل قالا ليك زول رمتالي ذيي لما يكون البوست حقكك للنقاش ما تشغل الفيديو Auto play عشان الناس تركز في النقاش موضوع التضليل الاعلامي انت فشلتا فيهو بقوة و اللهو كان من ضمن دراستي لو انت ماشي في السكة دي ممكن امتعك بصورة ابداً ما كانت على بالك و منو القال ليك البوست استنفذ اغراضو ما انت البتحدد المسألة دي المسألة دي بحددوها المتداخلين معاك انت تطرح طرحك وتشوف رأي الناس او اما انك ما تطرح اي شئ واضح انك بديت بدري هسي الوكت عندك الساعة اتنين صباحا تعال بكرة بدري 😁
تحياتي
Post: #29 Title: Re: الزول ده ضرب مصداقية المؤتمر التأسيسي بتا Author: Hafiz Bashir Date: 05-30-2024, 10:01 PM Parent: #28
سلام يا خضر
Quote: الاخ ممثل المزارعين نفى تماماً ما اورده هذا الجنجويدي السريلانكي
اصلاً الزول دا في الفيديو الاول الجابو السيرلانكي في محلو اتهرش واستجاب للهرشة. وفي نفس الفيديو استجاب لطلبات الهارشين. الهرشة البتجبر المشاركين يستجيبوا ليها دي هي ذاتها دليل انعدام المصداقية لجماعة قالت إنها تسعى نحو الديمقراطية.
هسه شوف صاحبك اب سجارتن كبيرة دا داير يهرشنا أنا والسريلانكي في جملة واحدة.😜
Post: #30 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-30-2024, 10:29 PM Parent: #29
Quote: دليل انعدام المصداقية
فعلا دليل كبير يا مولانا نقول شنو بس الفلنقايات ديل خطهم واحد زي تقدم بتاعتهم دي ياخي انا الجنجويدي عديييل ، كفيل تقدم ، قلت كده هم مالهم - الفيديو لا فيهو لعب لا حاجة . واحد في كل المواقع عندكم ما يثبت كلامكم جيبوهو هنا كدليل
Post: #31 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-30-2024, 10:30 PM Parent: #30
غايتو البوست ده كل ساعتين بديهو up لحدي حمدوك يتدخل بينا
Post: #32 Title: Re: الزول ده ضرب مصداقية المؤتمر التأسيسي بتا Author: خضر الطيب Date: 05-30-2024, 11:08 PM Parent: #31
Quote: الفيديو لا فيهو لعب لا حاجة .
حيدرنا الصحاك شنو هسي و الله يا حيدر رسلتا الفيديو دا لاولادي الاتنين و شغالين في قنوات كبيرة قالو لي الفيديو دا مالو معولق كدة و التقطيع كتير في الصورة مرتين و في الصوت فشنو ما تلاوع .. دا شغلنا سعادتك 😁
Post: #33 Title: Re: الزول ده ضرب مصداقية المؤتمر التأسيسي بتا Author: خضر الطيب Date: 05-31-2024, 04:11 AM Parent: #32
Quote: اصلاً الزول دا في الفيديو الاول الجابو السيرلانكي في محلو اتهرش واستجاب للهرشة. وفي نفس الفيديو استجاب لطلبات الهارشين. الهرشة البتجبر المشاركين يستجيبوا ليها دي هي ذاتها دليل انعدام المصداقية لجماعة قالت إنها تسعى نحو الديمقراطية.
هسه شوف صاحبك اب سجارتن كبيرة دا داير يهرشنا أنا والسريلانكي في جملة واحدة.😜
مرحب مولانا الطبي حتى كونهم صححوه دي ما مشكلة و لو هم ناس حقانيين كان يخلوه يخلص و بعدها يتداخلو معاهو لكن واضح انهم رمتالة فعلاً لا علاقة لهم بالرأي و الرأي الاخر بدر الدين لسه ما هرشكم لكن شاف جغمستكم دي و انفعل بدر الدين ما كتير بنفعل لكن ما بتعجبو الدغمسة
تحياتي
Post: #36 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 05-31-2024, 07:04 AM Parent: #29
حيدر ممكن تشيل الصوت بتاع الفيديو الاول الفاضرو ومفترض عليه رايك عشان نقدر نسمع الفيديو التانى الاورده خضر الطيب
Post: #37 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 07:56 AM Parent: #36
Done
Post: #38 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 08:41 AM Parent: #37
سلام بدر
Quote: حيدر انت شفت الفيديو الصوب فيه المتحدث تفاصيل ماحدث ولا الامر بالنسبة لك مكابره وقضى الامر
معروف أي تصويب في المواضيع دي بكون جاء نتيجة ضغط عشان المصداقية ما تطير في الهواء المهم الزول ده كان على سجيته لما تحدث وقاطعوه ، أي كركبة بعد كده تعتبر ما عندها فائدة وتقدم أصلاً جمعت الناس دي من كل اركان الدنيا دون معرفة خلفياتهم السياسية ، في سعيها لتكبير كومها ياخي قرروا وعملوا كل شيء قبل المؤتمر التاسيسي ده .. اللمة دي للشو فقط ..
Post: #39 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 08:45 AM Parent: #38
Quote: الاخ ممثل المزارعين نفى تماماً ما اورده هذا الجنجويدي السريلانكي
يا ريت تجيب الفيديو لما كان بتحدث في المؤتمر .. مش تعليقه على ما حدث. ياخي منظمة المؤتمر طالبت الحضور بعدم مقاطعته .. معناه شنو ده .. انه كان هناك من يقاطعونه اثناء حديثه المهم البقت بقت والـ في تقدم إتعرفت
Post: #34 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 05-31-2024, 06:04 AM Parent: #28
خضر ياود الطيب كفيت ووفيت
Post: #35 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 06:46 AM Parent: #34
تصدق يا خضر انا اكثر واحد كنت بعمل بوستات مؤيدة لحمدوك في الفيس بوك مع فيديوهات الاغاني المنظومة فيه متل " شكرا حمدوك يسلموا الجابوك" .. كنت محل إنتقاد كبير من الأصدقاء في صفحتي ولليوم انا مع فكرة تأسيس جبهة مدنية وطنية عريضة تتجاوز " العرقي" القديم العبوهو في قوارير جديدة دي بالجد كده ، تقدم دي لا جبهة بتوقف الحرب وتقود حكومة مدنية ولا حاجة ، هذا رأي أتنمى أن يكون محل قبول.
Post: #40 Title: Re: الزول ده ضرب مصداقية المؤتمر التأسيسي بتا Author: طلحة عبدالله Date: 05-31-2024, 09:08 AM Parent: #35
مرحبا والله الواحد خايف يدخل الملعب يبيضا لمولاكم الأشتر دا ويقيسو طول وعرض يجي مولاكم الأشتر برضو يقول طلحة أشتر مع انو هو الأشتر خخخخخ ............ حيدر يا ما قلت ليك حاول أهدأ وخت الكورة واطة شوية .. بقيت زي عديقي عمر التاج في الورجغة أها شوف ليك دبارة مع خضر الطيب دا
Post: #41 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 09:45 AM Parent: #40
Quote: حيدر يا ما قلت ليك حاول أهدأ وخت الكورة واطة
لماذا؟ هل "تقدم" حاجة فوق مستوى النقد مثلاً ؟ علماً بأنه أنا هنا لا أنتقد ، وإنما أطالب بقليل من المصداقية old wine in new bottle اهلي السريلانكيين برضو عندهم نفس الـ "تقدم" ده وبنتقدوه على الدوام ، رغم انه مرشح للفوز في الإنتخابات ، عشان يصلح العترة
Post: #42 Title: Re: الزول ده ضرب مصداقية المؤتمر التأسيسي بتا Author: طلحة عبدالله Date: 05-31-2024, 10:01 AM Parent: #41
يا حيدر الجاب سيرة النقد هنا منو ؟؟ قلت ليك الورجغة الورجغة الورجغة اعتقد جازما انو هناك فرق بين النقد والورجغة فاما الورجغة ياها زي البديت تعمل فيهو أخيرا في البورد دا واما النقد فذاك ضرب له مضارب أخر خخخخخ ....... حيدر لا تزعل
Post: #43 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 10:40 AM Parent: #42
وانا قلت ليك
Quote: علماً بأنه أنا هنا لا أنتقد ، وإنما أطالب بقليل من المصداقية[/QUOTE
Post: #44 Title: Re: الزول ده ضرب مصداقية المؤتمر التأسيسي بتا Author: طلحة عبدالله Date: 05-31-2024, 10:49 AM Parent: #43
حيدر ردي ليك على سؤالك ( هل تقدم فوق النقد) استطرادك بالقول انك لا تنتقد بل تطالب بقليل من المصداقية لم اتطرق له .. بطل المط والجر خخخخخ وعضمة مداخلتي انك بقيت تورجغ كان انتقدت واللا طالبت بالمصداقية .. شفت كيف ؟؟ .......... طبعا يا حيدر لو اعتبرت دا تقليل منك فليك حق الرد ولي حق الاعتذار حتى ولو لم اكن اقصد
Post: #45 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 10:50 AM Parent: #43
رغم انه ده موقفهم دائما وما جديدة عليهم الحركات دي .. إلا أن تقدم فقدت ركيزة سياسية اساسية.
Post: #46 Title: Re: الزول ده ضرب مصداقية المؤتمر التأسيسي بتا Author: السر عبدالله Date: 05-31-2024, 12:34 PM Parent: #45
موقف قوي ومحترم من الحزب الشيوعي السوداني .. ..وطبعا الزول الذي ضرب مصداقية المؤتمر التأسيسي لتقدم هو الزول القاطع المتكلم عندما بدا ينتقد الدعم السريع في إشارة واضحة بان تقدم جزء من الدعم السريع .... .وبعدين يا حيدر هل سمعت إحدى مذيعات إحدى القنوات العربية وهي تقدم حمدوك وهي تقولوالان تقدم عبد الله حمدوك، قائد الدعم السريع .( ز ي أصابت حين أخطأت ).... ..والان ولهذا الموقف القوي والواضح للحزب الشيوعي السوداني فسوف أسعى للحصول على عضوية الحزب والمشاركة في فعالياته ...
Post: #47 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 07:51 PM Parent: #46
للمتورجغان بدر وخضر .. فيديو مضروب آخر على قولكم
Post: #48 Title: Re: الزول ده ضرب مصداقية المؤتمر التأسيسي بتا Author: Hafiz Bashir Date: 05-31-2024, 08:21 PM Parent: #47
#لا_للشكلة#
لا يسعني إلا أن اقول "إكرام الميت دفنه". وصادق التعازي لكل أصدقائي وصديقاتي القحاتة والقحاتيات أجاركم الله في مصيبتكم وعظم اجركم.
كما نرجو من الجميع تفعيل هاشتاق #لا_للشكلة.
Post: #49 Title: Re: الزول ده ضرب مصداقية المؤتمر التأسيسي بتا Author: حيدر حسن ميرغني Date: 05-31-2024, 08:27 PM Parent: #48
Quote: "إكرام الميت دفنه".
وبما انها جنازة بحر .. ما عاوزة غُسُل زاتو - #لا_للشكلة
Post: #50 Title: Re: الزول ده ضرب مصداقية المؤتمر التأسيسي بتا Author: خضر الطيب Date: 05-31-2024, 08:35 PM Parent: #48
Quote: للمتورجغان بدر وخضر .. فيديو مضروب آخر على قولكم
الفيديو المضروب ما بجي مرتين من حضرتك لانو لو جا مرتين الا تكون ذي صاحبك الهارب بريمة المريسة انا الا اكون حاضر المؤتمر دا عشان اعرف الضرب دا سببو شنو ممكن الموضوع طالما فيهو خالد سلك يكون الزول دا سرق منو كيس التمباك 😁 حيدر خليك طبيعي
تحياتي انت و المتورجغ التاني مولانا الطبي
Post: #51 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 06-01-2024, 02:26 AM Parent: #50
حيدر ياسيرلانكى ماقصرت تب سوف يرضى عنك الكيزان وبلابستهم والحزب الشيوعى واشباه الشيوعين بس تكون برضو ماقصرت لوهبشت ليان الحركة الشعبية شمال قيادة الحلو الحضرت المؤتمر كمراب ووقعت مذكرة تفاهم مع لجان المقوامة
Post: #52 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 06-01-2024, 03:03 AM Parent: #51
رشا عوض في مقالها الساخر من نكران الحزب الشيوعى لمساهمته في كتابة الوثيقة الدستورية قالت (كانه كتبه لهم امين حسن عمر ) نقول لرشا جانبك الصواب بكون النكران كتبه الخطيبان الخطيب لمبى الحزبى الشيوعى وخطيب الكيزان الكتب خطاب البشير بتاع الوثبات والملاحظ ان الحزب الشيوعى وحزب الكيزان وجهات نظرهم تكاد تكون متطابقة في العداء لقحت ومؤخرا تقدم
Post: #53 Title: Re: الزول ده ضرب مصداقية المؤتمر التأسيسي بتا Author: Hafiz Bashir Date: 06-01-2024, 03:31 AM Parent: #52
Quote: ياسيد حافظ الدخل رشا عوض هنا شنو
Quote: رشا عوض في مقالها الساخر
يا بدر الدين يا امير أنا ما فكي لكن ريحة كتابات رشا عوض بشمها من على بعد أميال. والزول البيقول يا رشا عوض تلحقينا وتفزعينا، بعرفوا قبال يقول.
Post: #54 Title: Re: الزول ده ضرب مصداقية المؤتمر التأسيسي بتا Author: بدر الدين الأمير Date: 06-01-2024, 04:15 AM Parent: #53
فكى حافظ اصدقك القول الاخت رشا عوض تعرفت عليها عن قرب هنا في الدوحة كانت مشاركة في احد المؤتمرات وقد شرفتنى في دارى في لمة حوارية جمعت بعض الاصفياء الكلام دا قبل ماتحرد رشا حزب الامة لبنات الصادق المهدى وخيالك في محلو تب كونى مستنجد بها ويالك من ساحر افريقى يعرف النجدة قبل المستنجد
