Post: #1
Title: هل هذا الكلام صحيح؟
Author: محمود الدقم
Date: 05-22-2024, 06:47 PM
06:47 PM May, 22 2024 سودانيز اون لاين
محمود الدقم-
مكتبتى
رابط مختصر
متداول بان الملحق العسكري بالسفارة السودانية وبالتنسيق مع الداخلية المصرية يخططون لشحن الشباب السودانيين سن ١٨ سنة الي ٤٠ سنة من مصر للسودان بغرض التجنيد العسكري...
هل الكلام دا صحيح؟؟
|
Post: #2
Title: Re: هل هذا الكلام صحيح؟
Author: Elhadi
Date: 05-22-2024, 08:03 PM
Parent: #1
غير صحيح
والمشى مصر لو ما جاء من رقبتو ـ باقي ليك في حكومة بتقدر ترجعو ؟؟
|
Post: #3
Title: Re: هل هذا الكلام صحيح؟
Author: محمود الدقم
Date: 05-22-2024, 08:26 PM
Parent: #2
لو كنت البرهان او الكباشي او العطا اول خطوة كنت ساقوم بها هي اغلاق جميع حدود السودان، فرض التدريب العسكري فورا علي كل شاب رجل سليم بان يحمل السلاح ومن يخالف يودع السجن، حل جميع المليشيات، فرض مبلغ 100 دولار لكل شخص يحمل جواز سوداني مقيم بالخارج، و500 دولار امريكي لكل من يحمل جواز سوداني مقيم باوروبا.
لكن بعد سنة انا اسال من هو قائد الدعم السريع الفعلي؟؟ البرهان ام حميتي؟؟؟
|
Post: #4
Title: Re: هل هذا الكلام صحيح؟
Author: صديق مهدى على
Date: 05-22-2024, 09:17 PM
Parent: #3
مافي كلام زي دا بدليل اغلب السودانيين مسجلين فى الامم المتحدة ودا دخل لمصر ما بتفرط فيه اصحى يابريش
|
Post: #5
Title: Re: هل هذا الكلام صحيح؟
Author: محمود الدقم
Date: 05-22-2024, 10:04 PM
Parent: #4
يا بريش
الثلاثة مليون سوداني السجلو في مفوضية الامم المتحدة بالقاهرة المفوضية السامية ما بتعترف بيك ما لم تعمل معك انترفيو ومن ثم تمنحك كرت الامم المتحدة بموجبه ما بحق للسلطات المصرية ان تسفرك
فانت عليك الانتظار من ستة اشهر الي سبع سنوات حتي تتحصل علي هذا الكرت، متي تحصلت عليه انت في امان، ما تحصلت عليه المفوضية ما عندها ليك حاجة تمشي طوالي بورتسودان
لذلك اجابة الاخ الهادي تبدو اقرب الي المنطقية تسلم
|
Post: #6
Title: Re: هل هذا الكلام صحيح؟
Author: محمود الدقم
Date: 05-23-2024, 10:42 AM
Parent: #5
Quote: أكدت سفارة السودان في القاهرة أن التسجيل الصوتي المتداول بشأن اتخاذ إجراءات ضد المواطنين السودانيين من فئة الشباب بالتعاون مع السلطات المصرية غير صحيح.
وكان هناك تسجيل صوتي منتشر يتحدث عن أن الحكومة السودانية قد اتخذت قراراً بعودة الخدمة الإلزامية وملاحقة الشباب في دول المهجر خصوصاً في مصر.
وأوضحت السفارة في بيان أنها تلقت عدة استفسارات حول مقطع صوتي تم تداوله على منصات التواصل الاجتماعي.
وأشارت إلى عدم صحة المعلومات الواردة في المقطع الصوتي المنتشر عن اتخاذ أي إجراءات ضد الشباب السودانيين بالتنسيق مع السلطات المصرية.
ودعت السفارة إلى متابعة صفحتها الرسمية للتحقق من دقة كل ما يتم نشره من معلومات. |
-المصدر: موقع الراكوبة
|
|