المدسيين

06:36 PM May, 22 2024

سودانيز اون لاين
Hasheem Karouri-امدرمان
مكتبتى
رابط مختصر

ليس المقصود هنا الطوابير وكده .
لكن اقصد " اللابدين في بيوت الناس "
المقصود بيها العاملين لينا فيها رجال " ويدسوا في المصفاة والمستشفيات " وبيوت الناس .

قوبال سنه وشوية كدة ، مرقوا " يتفوججوا " علينا :
*ديك النقعة !
*يلاقونا في الميدان  !

والكتير من الجعجعه ، مطر بدون براق ، وبراق بدون مطر . ووو ....... مما يوحي ليك انو الناس ديل ناس دواس وناس ميادين عديل كده .

لكن للاسف من الاسبوع الاول ، وانتشارهم بين القري والحضر .
طلعوا ناس ساي .
ناس مستشفيات ، ودايات .
متخصصين في الاختباء وسط المدنين ، والمستشفيات ، والمصافي .
ياها دي الرجالة القالوها ؟
ده شغل ناس همباته ساي .
وهم اصلا همباتة .
كبيرهم قال : هدفنا . ماعندنا هدف . !
وفعلا ماعندهم هدف .
هدفهم الكيزان ، ودولة ٥٦ .
ابدا . والله
هدفهم السرقة والنهب .

" وده حدوا قريب " .

هم مفتكرين " بعد انتشارهم في القري والحضر ، والمستشفيات ، وبيوت الناس ، والمصافي .
انهم كده خلاص نجحوا في الهيمنة علي البلاد !!
زي ماهم مغروريين ، بمرتزقهم ، وعتادهم .
نحنا زاتنا مغروريين بجيشنا ، وقواته الرديفه .
عتادنا عتاد جيش . مش عتاد مرتزقة مواهيم .
عشان كده نحنا معاهم ، حتي فناءنا جميعا .


او

فناءهم ،،،،،

......
مصفاة شنو ؟
نحنا ناس مصافي ؟
ولادولة مصدرة للنفط ؟

مع انو القصف طال جزء بسيط من المكان .

ولو بلوا كلوا " وحيحصل " . يكون احسن .

همنا الاول ننتهي من الطاعون ده .
بعدين بنبني ٢٠ مصفاة . يعني شنو ؟
هو الاتدمر ، والاتسرق ، والاتنهب . شوية ؟
بقت علي مصفاة ؟
يتبلوا الناس ديل محل مايدخلوا .




شنو هي ؟ مش حرب ؟ ولا لعب ؟

رأي انا الشخصي :
الناس ديل يتبلوا ، ويمشوا " لي الله " ، محل مايقبلوا
لو مشو الصين ! برضو وراهم .

واتخيل لي ده راي ناس كتار غيري .
علي الاقل بنكون ريحنا الناس من شرورهم
......
يابشر . الحرب جولات .
الصامد هو من يربح .
"تاني خلي بن زايد يرسل ليهم وقود !! "
والجيش صامد . وجزء كبير من الشعب خلفه .
والمدد في . !
تاني شنو ؟
نحنا غايتو مدنها تاني كده ٥ سنوات .
دواس . اعمار !

نشوف النفسو طويل منو .
.......

فيا ايها المندسون .
امرقو من بيوت الناس .
وامرقوا من الاعيان العامة

وماتقعدوا تولولوا . " ضربوا المصفاة ! ضربوا مستشفي وين كده ماعارف "
انتو امرقوا طيب .
تعالوا النقعة زي مابتقولوا .


يامندسين ،،،،










# مافي ميليشا بتحكم دولة

عمري ماشفت لي ميليشيا " بتدسا " في بيوت الناس والمصافي .

شفنا حزب الله في لبنان . قاعدين في الضاحيه ، ومقاتليهم في الجنوب . ومادخلوا بيت زول .
سمعنا " بالحوثي " . ابدا ماسمعنا واحد منهم " ادسي " ليه في مصفاة .
حتي الميليشات " الجربانه " ناس بوكو حرام وشباب المجاهدين . وحتي نمور التاميل . ماسمعنا بواحد فيهم " احتل " ليه بيت زول . او مصفاة .

حتي اطلاق كلمة " ميليشيا " عليهم . كبيرة .

ديل مجموعة نهابين حرامية . قتلة .
لا عندهم هدف ولايحزنون .






شيلوا الصبر ،،، ،،،

الجبان الرعديد . هو من يخفي نفسه ، ويتخذ البيوت والاعيان ، والمدنين " دروعا " لحمايه نفسه .




وهو في النهاية ( حرامي ساي ) .،،،،،،

ههههههه هو هووووو كيزان جبناء مفروض يلبسوا طرح

سلام واحترام أخى هاشم~
أنتوا ملح الأرض ان جفت وإن كانت غنية
وجودك دايما مهم

Quote: من حقي أغني .. لشعبي .. ومن حق الشعب عليّ لا بي إيدك تمنع قلبي .. ولا قلبي كما بايديا علمني أغني .. الطين .. المنجل .. والطورية الناس الصابرة .. سنين بالحال .. الما دغرية القابضة الجمرة في إيدا .. والجمرة تلهلب حية لا قادرة الجمرة تقيدا .. لا قادرة تولع هيّ واصلين الما بتأجل .. اليوم الشمشو قوية …

عليكم السلام . اخت . هدي

يديك العافيه . سنظل ورأهم واخراجهم من جحورهم ، ورميهم في مزبلة التاريخ .




تحياتي ،،،

حربنا " شعواء " .