فتح وتعبيد الطرق بين شمال وشرق البلاد أولوية وأهمية استراتيجية قصوى

02:20 AM May, 05 2024

سودانيز اون لاين
Elhadi-
مكتبتى
رابط مختصر

الحرب دي كشفت عن نقاط ضعف استراتيجية كثيرة في بنية الدولة السودانية

لكن واحدة من أهم الأشياء الاستراتيجية التي كشفت عنها هذه الحرب هي الأهمية الاستراتيجية القصوى والعاجلة للربط البري بين شمال البلاد (الولاية الشمالية) وشمال وسط البلاد (نهر النيل وعطبرة ) وبين مدن شرق السودان

وبطرق برية معبدة وسريعة لتسهل الربط بين الكتل السكانية الكبيرة في شمال وشمال وسط البلاد مع الكتلة السكانية في مدن وحواضر وقرى شرق البلاد

الموضوع ده أهميته يجب أن تكون بموازة أهمية الانتصار على وسحق مليشيا الجنجويد

ياخي جيبوا الأتراك في يومين تلاتة بكسروا الجبال دي كلها ويفتحوا الطرق ـ

ده مفروض يكون مشروع قومي ذو أولوية قصوى توقف له كل المشاريع الاخرى وتجير وتسخر له كل إمكانيات البلاد المادية والبشرية

خصوصاً مع التخريب والدمار الذي طال عاصمة البلاد ـ ما تقعد تبنوا لينا عمارات وأبراج

أي قرش وأي تعريفة داخلة البلاد أو حتى عن طريق الاستدانة يجب تنفيذ مشاريع الربط هذه وبصورة عاجلة

ياخي إن شاء الله بالعون الذاتي ـ والناس فيها الخير والبركة

بالذات الكتل السكانية في هذه المناطق هي كتل سكانية بتاعت بناء وتعمير وتعاون وتكافل وأنا متأكد الناس ما بتقصر

غير كده زي ما تفضلت يمكن الاستعانة بالاتراك وهم خبرات في هذا المجال

وطبعاً الأتراك ما حا يشتغلوا بالمجان ـ لكن نشوف الاتراك عاوزين شنو من مصالح ونتفاوض معاهم، وفي الإطار يجب أن نراعي مصالح الكتل السكانية الكبيرة دي وليس مصلحة السعودية أو مصر أو أي دولة يمكن أن يكون لها تحفظات على الوجود التركي في السودان

ك.. أماتهم عملوا لينا شنو ما ياهو قاعدين يدعموا الجنجويد

جيبوا الأتراك خلي يكملوا مع مجهود الناس ديل وأن تتولى الدولة هذا المشروع وتمنحه الأولوية القصوى والمطلقة

افتح الطريق خلي الناس تشوف معايشا ومستقبلها ومستقبل أولادها وتبني وتعمر سيبك من حميدتي ودقلو وعفن وكل هذه الخرائيات والبكائيات التي لا تنتهي