منطقة جبل الداير الأستراتيجية .. ج. كردفان.. في قبضة الأشاوس!

09:55 AM April, 18 2024

سودانيز اون لاين
Biraima M Adam-أمريكا الشمالية
مكتبتى
رابط مختصر

جبل الداير، منطقة مهمة تربط ما بين شمال وجنوب كردفان في المحور الشرقي لجنوب كردفان .. (فضل خط واحد فاتح لجنوب كردفان من الدلنج لكادقلي .. شمال الخط مقطوع في محلية القوز يعنى غير مربوط بالأبيض)



جنوب كردفان أصبحت معلقة بسبيبة ..

بريمة

زولكم محمد خليفة يقر بأستلام الأشاوس لجبل الداير

Quote: ولاية شمال كردفان 🚨 📌صباح اليوم. 📌 مليشيا الدعم السريع تسيطر على معسكر جبل الدائر سدرة جنوب محلية الرهد. محبة وسلام #حال_الغلابة

بريمة

Quote: زولكم محمد خليفة يقر بأستلام الأشاوس لجبل الداير

تخيل يا بريمة وضعكم بقى يحنن كيق

زمان ايام الجيش ما عندو سلاح كان النقيب سفيان محمد زين بريمة (حفيدك البطيني) يقول انا ماشي ادخل معسكر الاحتياطي المركزي، انا ماشي ادخل الجزيرة
انا ماشي كبري ود البشير انا ماشي جبل اولياء.، ويدخل .. حليل داك الزمن

دلزكت بقيتو تفرحوا لمن تسيطروا ليكم على نقطة بتاعت بوليس في جبل الداير وتسموه معسكر
تخيل السويتوه في سنة الجيش قاعد يستردوا .. بس كيف؟
الجيش يا حبيبنا ما داير يرجع الحاجات دي بسرعة عارف ليه؟
يا بريمة
خطة الجيش واصحة الجيش بيعمل تنظيف وتجريف للقوة البشرية للجدندويد
الاسماء الكبيرة كلها دنيا زايلي
دلوكت الجيش بيقتل المحترفين وبيستلم الجهال
تخيل اعمار الاسري بقت ما بين 12 سنة لي 14 سنة
يمين بالله يا بريمة لو استمرت الحرب دي حداشر شهر تانية الاسرى حتكون اعمارهم بين
ستة اشهر وسنتين(ناس الحضانة) والبي يكونوا حارسين ليكم الديار هناك ح تكون اعمارهم بين ال 80 سنة وال 100 سنة
حميدتي جاء لي اذاكم ما لي اذانا
يا بريمة الما بشوف من الغربال يبقى اعمى
انا نصحتكم وبريت ذمتى

مشكور علي النصيحة يا المنصوري

أنت لا تعرف أهمية جبل الداير لولاية شمال كردفان، وجنوب كردفان .. جبل الداير هو ثانى مدخل لولاية جنوب كردفان من الناحية الشمالية الشرقية لجنوب كردفان. المدخل الأخر هو عن طريقة مدينة الدلنج، الجهة الشمالية الغربية.

أي مدخل أخر يصطدم ب خور أبوحبل .. وليس له كبري.

بكده تم أغلاق الجهة الشرقية لجنوب كردفان .. تخيل ناس أب كرشولة، العباسية تقلي، أبو جبيهة، وعيييك ..

وهذا يعنى قطع خطوط الأمداد إلي وسط وغرب الولاية ..

يعنى زنقة شديدة ..


--------------
كل المناطق التى ذكرتها ما زالت في يد الدعم السريع.

بريمة

Quote: مشكور علي النصيحة يا المنصوري أنت لا تعرف أهمية جبل الداير لولاية شمال كردفان، وجنوب كردفان .. جبل الداير هو ثانى مدخل لولاية جنوب كردفان من الناحية الشمالية الشرقية لجنوب كردفان . المدخل الأخر هو عن طريقة مدينة الدلنج، الجهة الشمالية الغربية.

يؤسمة يا صاحبي
طول ما في طيران اي موقع سيطر عليه الجنجويد بيعتبر ساقط عسكريا وما حتستفيد منو شيء
الامداد بتاعكم في الخرطوم ووسط الجزيرة شبه مقطوع يعني موضوع تستفيدوا منو استراتيجيا طلس ساكت
ما في موقع انتو مسيطرين عليه مستفيدين منو عسكريا، ده حاليا
فرصتكم الذهبية اختوها في الايام الاولى الوضع الحالي غير
الجيش اعاد تسليح نفسه وفي يده المبادرة حاليا
انتو زمنكم فات وغنايكم مات
ةاهلنا قالوا الفرط ضرط
(عشان ما تقول كلمة ضراط دي عيب فقد ورد في الاثر (- وعَنْ أَبي هُريْرَةَ  قَال: قَالَ رَسُولُ اللَّهِ ﷺ: إِذا نُودِي بالصَّلاةِ، أَدْبرَ الشيْطَانُ ولهُ ضُرَاطٌ حتَّى لاَ يسْمع التَّأْذِينَ، فَإِذا قُضِيَ النِّداءُ أَقْبَل، حتَّى إِذا ثُوِّبَ للصَّلاةِ أَدْبَر، حَتَّى إِذا قُضِيَ التَّثْويِبُ أَقْبلَ، حَتَّى يخْطِر بَيْنَ المرْءِ ونَفْسِهِ يقُولُ: اذْكُرْ كَذا، واذكُرْ كذا لمَا لَمْ يكن يذْكُرْ منْ قَبْلُ حَتَّى يظَلَّ الرَّجُلُ مَا يدرَي كَمْ صلَّى متفقٌ عَلَيْهِ.)
يلا سمعونا ضراطكم

ول أبا المنصوري

Quote: الجيش اعاد تسليح نفسه وفي يده المبادرة حاليا

مرات أحس كأنك لم تقرأ الأخبار ولم تسمع لها .. وحتى ما ننقله لا تطلع عليه .. عندك محفوظات تجئ تسمعها فينا ..
في ثلاثة أسابيع بالله كم فريق وكم لواء .. وكم قائد متحرك قتل أو أسر من قبل الجيش؟؟
أراه نحسبوا من الطرفين في خلال 21 يوم فقط .. وسوف تري إنهيار الجيش .. بوضوح.

وما تنسي فرار عمك التوم هجو .. وهو عجوز قطع المسافة من سنار إلي الدمازين علي جناح السرعة ولا يعرف عن مكانه ..
مناوي حتي اللحظة مكان تواجده غير معلوم لأي جهة حكومية ..
كتائب البراء أين هى؟؟

تشلعوا تب ..
والردم متواصل من قبل الأشاوس ... راياتهم فوق تعانق عنان السماء سواء في مليط أو جنوب كردفان أو سنار أو الجزيرة وحتي سلاح المهندسين.

لو كان كلام الخشم يجيب نصر لكان اللايفاتية أمثال محمد أبو الدهب، بسيونى كامل، غالب طيفور، الأنصرافي، وعيييك .. خشوم تكسر الحجر وحليفه بالقسم المغلط وغداً تلقي الشيئ كلام والسلام!

بريمة

فيديو متداول: الأشاوس في منطقة جبل الداير هجموا علي معسكر الفلول وأبو طيرة .. في منطقة سدرة .. وطردوهم من المعسكر شر طرده وشربوا شاي الصباح الذي يعدونه.

لكن حصل موقف ..

في أثناء حروب الفلول، كان هناك معهم رجل عجوووووووووز .. جري معهم ولم يستطع، فأستخبي في داخل شجر اللعوت .. والأشاوس ساكينهم. وقفوا عند مكان أستخباء الرجل العجوز .. وطلبوا منه الخروج.

خرج عليهم وهو كالهيكل العظمي ..

أمر قائد الأشاوس بإصدار عفو عنه في الميدان .. أن يذهب حراً طليقاً ...
قال لجنوده: "لبسوه جلابيته .. أمشي يا عم لأهلك .. أمشي" .. ثم نادي في جنوده: "عمكم دا في مقام أبواتكم .. خلوه يذهب".

هكذا ذهب الأسير العجوز.

الخزي والعار للفلول الذين يستنفرون ناس عواجيز لا يقوون حتى علي الجري!

بريمة