يا أيها القحاتــــة تعالــوا إلى كلمة سواء

05:44 AM April, 11 2024

سودانيز اون لاين
Elhadi-
مكتبتى
رابط مختصر

طبعاً يا أخوانا موضوع الدعم السريع والجنجويد ده خلاص انتهى ـ بح

وتحولت مليشيا الجنجويد من خطر على السلطة إلى مجرد عصابات متفلتة ومجرد مهدد أمني لا أكثر ولا أقل

القصة دي اتحسمت ومؤشراتها واضحة جداً لكل من ألقى السمع وهو شهيد

الجيش يتلكأ في حسم المليشيا حسماً باتاً لأغراض تخص قيادة الجيش ـ وبالتحديد عبد الفتاح البرهان ومجموعته والمجموعة التي تسانده وتقف من خلفه.

لكن من ناحية المليشيا انتهت ـ فهي عملياً وواقعياً انتهت ولم تعد تشكل أي خطر على السلطة.. وحتى الدول الكبرى زي امريكا عارفة الكلام ده والدول الإقليمية كذلك

وبراكم يعني شفتو في الأيام الفاتت المليشيا عملت ليها كمين محدود لمجموعة صغيرة من الجيش لا تتعدى الخمسة ستة عربات وعملوا ليها قومة وقعدة وكأنها معركة ستالينغراد :)

بالإضافة لموضوع المسيرة الاسكراب بتاعت عطبرة والليلة ما عارف وين كده ـ يعني مواضيع ميتة كده وهايفة ولا تشكل أي خطر أو تهديد جدي للسلطة..

وهدا قيادات الجيش والقيادات المتحالفة مع الجيش تتحرك في طول البلاد وعرضها وبكل اريحية ـ بينما اختفى قادة المليشيا

دي كلها وقائع يعني ما دايرة ليها درس عصر إلا لي زول عاوز يعيش الوهمة ويقعد يكابر..

فأنا العاوز أقوله ليكم إنو الخطر الداهم الآن هو البرهان ـ أي بالجد هو البرهان

فيا أخوانا ما تقعدوا تضيعوا وقتكم في شغلانية ما نافعة وما جايبة همها والبرهان من جهته قاعد يبني في تحالفاته ويمهد لنفسه للاستئثار بالسلطة

فتعالوا لي كلمة سواء نخارج الزول ده وبعدين بنتفق يعني

لكن أهم حاجة انتو تبطلو وهمة المليشيا دي لأنها والله ما جايبة همها وما حا تجيب همها

وزي ما قال الكوماندور مالك عقار ـ المليشيا دي ممكن تقوم نفس الجيش ـ لكن ما حا تنتصر

ياهو كلام مالك عقار مشى وجاء

وأنا بقول لي السيد مالك عقار ـ القوم نفس الجيش ما المليشيا ـ القوم نفس الجيش هو البرهان نفسه بسوء إدراته للمعركة العسكرية وإدخاله لي اجندته السياسية و الشخصية في تعارض مع مبدأ الحسم العسكري للمليشيا ودوره كقائد للجيش..

وده كان سبب في بعض الاخفاقات ـ

ولا كان القصة دي انتهت زمان والله

Quote: فتعالوا لي كلمة سواء نخارج الزول ده وبعدين بنتفق يعني

من أنتم يا الهادي؟

بريمة

انحنا التيار الوطني المساند لبقاء الدولة السودانية بحدودها الوطنية المعلومة ومؤسساتها

وبعد أن زال خطر الجنجويد وتم تحجيمه

نعتقد أن الخطر الماثل والمحدق الأن والذي يجب مواجهته والتصدي له هو البرهان ومجموعته وتطلعاته غير المشروعة للاستئثار بالسلطة

يواصل الجيش في مهمته وفي القيام بدوره المنوط بيهو في التصدي لعصابات الجنجويد وحفظ الدولة السودانية ومؤسساتها

بينما يجب أن يتفرغ السياسيين لمواجهة مشروع البرهان السلطوي أياً كان من يقف خلفه ويدعمه

Quote: انحنا التيار الوطني المساند لبقاء الدولة السودانية بحدودها الوطنية المعلومة ومؤسساتها

متي تكون هذا الجسم؟ وما هى القوة الميدانية التى تسنده؟

بريمة

قوة قوامها أكثر من 3 آلاف جندي، تتحرك نحو مواقع العلمات ..



بريمة

قال الهادي

Quote: فأنا العاوز أقوله ليكم إنو الخطر الداهم الآن هو البرهان ـ أي بالجد هو البرهان فيا أخوانا ما تقعدوا تضيعوا وقتكم في شغلانية ما نافعة وما جايبة همها والبرهان من جهته قاعد يبني في تحالفاته ويمهد لنفسه للاستئثار بالسلطة فتعالوا لي كلمة سواء نخارج الزول ده وبعدين بنتفق يعني

اتفق معاك كثيرا
كان ما مية في المية يمكن ٩٨ في المية
نفطة خلافي معاك
ودا من حوارات سابقة
إنه الجيش هو البرهان والبرهان هو الجيش
وإنت بتفرق بيناتم
في رأي البرهان هو تمثيل لكل ضباط الجيش إلا ما رحم ربي
كلهم تركيبة واحدة
أمسك عندك العطا كنا قايلين فوقوا الخير والبركة
طلع أهبل من البرهان
كلوا زي دا
من زمان قلنا لناس الجيش لو فيكم فايدة تخلصوا من البرهان
ولم يفعلوا ولن يفعلوا
المهم أساند دعوتك هذه
ضد الديكتاتورية العسكرية أيا كان العسكري
ومع الديمقراطية للنهاية

كملوا عواسة عجينكم الكوجنتوه دة بالهادي

واتفقوا مع زولكم وحبيبكم حميدتي

جنا الجيش

ووليده الشرعى، سيبكم من القحاتة ديل

المثل قال

ياحافر حفرة السؤ وسع مراقدك فيها

تحياتى

سلام مهيرة عيد سعيد دا كلام كيزان البرهان دا اصلا ما فرطوا امس الانصرافي دخل عليهو واحد من ناس الجزيرة فى واحد من لايفاته فرد عليه الانصرافي بزعل طز فيك وفى امك وفى زوجتك عايز البرهان يعمل ليك شنو البرهان قال ليك احمل السلاح احمي نفسك اذن مهما ما اختلفت تعليقات الفلول حول البرهان فهو طوق نجاتهم لا يفرطون فيه هههه

سلام الهادي
بس نسيت وتجاهلت
جزء مهم من ركن مخاطر مابعد الجنحويد
وهو كرتي ومليشيا البراء
فهم ليسو فقط. مجرد حلفاء لبرهان
وانما هم المحرك والمسير له

شكرا كمال عباس عيد سعيد كفيت ووفيت