هل المقصود هو ضرورة ولزوم العون الإنساني لشعب السودان مثلا ؟
تحياتى وسلامى أخى أبو ذر~ بالضبط كدا أخى أبو ذر ، المطلوب هو ضرورة نجدة ودعم الشعب السودانى أيضا
*كان ممكن نقول الواقع خطر جدا فى السودان والحرب هناك دعفسة شديدة. لأنه المطبخ العالمى دا وصل أوكرانيا فى أسرع وقت ممكن(الحرب هناك مجيهة شوية) *قلت يمكن السودان بعيد وطبعا الإغاثات التى تصل اليه تُباع فى وضح النهار والآن الدعم السريع يقلدوا فى شغل الجماعة بمنع وصول المعونات… *لما المطبخ العالمى وصلوا غزة حيث حرب الذكاء الصناعى وحسب ما أشار أندريا ان الدرونات هناك لها عيون فكرت ليه ما يصلوا بمساعداتهم ووجباتهم الجاهزة الشعب السودانى فى رمضان دا *إذا قلنا الكلام على "اللون" - أندريا ومجموعته لا يميزون وليسوا عنصرين بدليل إن فكرة وبداية المطبخ كانت لشعب هايتى ايام الزلزال المريع
عن قصد او ربما بسبب الانشغال بما هو أهم بالنسبة للعالم
لذلك لا نتفائل كثيرا بأن نسترعي اهتمام العالم بما فيهم اندرياس ومن معه
أخى المحترم ، أبوذر لك التحايا ونرد على التفاؤل ب"تفاءلوا خيرا تجدونه" ~ السودان وشعبه ضايعين فى النص -لا لمينا عرب لا أفارقة *التفاؤل جانبا وسيظل ثابتا: ولا دولة ما واقفة مع شعب السودان - قابلت عددا من الأفراد من بلدان مختلفة بيجيبوا سيرة الشعب السودانى الطيب وإنه لا يستحق هذا الدمار لكن من الأيام الأولى مشاهد النهب المسلح وتكسير المحلات ونهب الوطن بحاله كانت غالبة على الفضائيات وبعدها جاءت غزة وهكذا - أصبحنا فى عداد النسيان…
سلامى وتحياتى أخى أسامة~ شكرا على هذه الإضافات المعبرة عن التعامل الإقليمى والدولى مع واقع وحرب السودان المدمرة. *حيكون معانا فى الصف بعد شوية (من المنسين) شعب هايتى فى مواجهة جنجويدهم- برضه هناك جنجويد هايتى قالوا عايزين يجيبوا الديمقراطية بالنهب ، القتل والتشريد
Quote: العزيزة هدى ولا بى كلمة تجاهل غريب ……من الاول وقف المجتمع الدولى متفرجا …..حتى اقرب الدول ……. ده كان ما ساعدت فى اشعال الحرب ……. زى القاصدين
العزيزة أميرة الأميرة~ كلامك صحيح شديد أميرة، الشعب السودانى واقف براه الدول كان مجاورة كان بعيدة طمعانين فى موارد السودان ولقوا من يبيعها لهم وعشان يصلوا ويحققوا أطماعهم عايزين بلد خالية من شعبها ما بين قتل، إخفاء ونزوح
