إستفتاء: من مع اتجاه الدخول في حرب مباشرة ضد الامارات او نلبس طرح ونسكت المشاركة إجبارية

03:15 PM April, 03 2024

سودانيز اون لاين
توفيق عيسى مكي-
مكتبتى
رابط مختصر

مافي عميل قذر بقدر يشارك بالقطع أو يقول رأي مع الناس
في الحتة دي بالذات الأفضل ليه يقرأ ويتخارج
لا من شاف لا من درى
نوع من أنواع خساسته

ما هي الأمارات بالواضح ما بالدس قاعدة تدمر وتكسر ليك بلدك
بالواضح قاعدة بيد الجنجويد المؤجراهم تضرب الدانات لقتل ناس
بلدك بدون فرز
قاعدة بسلاحهها وقروشها تحارب بلدك
قاعدة تستأجر مرتزقة يعملوا ما تقول ليهم تدمير بلدك
قاعدة تشتري زمم المحتاجين من بلدك
حقرانة بيك ومستخفة بيك وعاداك زيك وزي الفطيس واحد

هسي أفعالها دي لو عملتها ضد السعودية كان مسحتها من الخريطة
لو عملتها ضد المصريين كان في كسر من الثانية مافي حاجة اسمها امارات
قطر الصغيرة دي ما بتقدر تعمل واحد في المية ضدها من العملته معانا

نحن في البوست ده دايرين نشوف منو الما لابس طرحة
ومنو الما عميل لبني صهيون

الاستفتاء ده نتائجه واضحة مباشرة

اي زول متابع الشأن السوداني
أكيد بدخل سودانيزاون لاين في أي منصة من منصات السوشال ميديا
وأكيد حا يشاهد البوست ده
ويعرف النتيجة مباشرة

اها المعانا منو
والما معانا منو
ما أصلو
يا ابيض يا أسود
قضايا الوطن المصيرية كده

السودانيين دوما كانوا أهل السلم والرحمة

Quote: هسي أفعالها دي لو عملتها ضد السعودية كان مسحتها من الخريطة لو عملتها ضد المصريين كان في كسر من الثانية مافي حاجة اسمها امارات قطر الصغيرة دي ما بتقدر تعمل واحد في المية ضدها من العملته معانا

بالتأكيد التدخل في شؤوننا مدان
لكن العِلة فينا يا توفيق وليس فيهم
مافي زول بحقر بآخر لو ما لقاهو ضعيف وقابض عليه مذلات
قادة جيشنا اشتغلوا سماسرة ولوردات حرب لعيال بن زايد في حربهم ضد اليمن
يفوجون قوات عسكرية نظامية ومن الدعم السريع لليمن في سبيل الظفر بحفنة دولارات
الى اليوم البرهان عنده افراد من الجيش هناك ما عاوز يرجعهم ..
ربما ربنا يريد ان يمتحنا في تدخلنا في شؤون دولة (اليمن) لم تعادينا
اليوم اليمنيين يشمتون فينا (طالع تغريداتهم في تويتر)
الدخول في اي حرب لازم تسبقه دراسة عن الربح والخسارة .. ما حاجة ساهلة وإلا حربنا الشغالة دي ما كانت ارهقتنا بهذه الدرجة
ادعو للسلام وحقق كل شيء بدبلوماسية
الدول التي ذكرتها انت انحازت للدبلوماسية وللعقل اكثر من القوة .
تصدق الشيخ زايد نفسه لما دعته قوى تتكسب من الحروب للدخول في حرب ضد ايران بعد احتلالها للجزر قال والله لن اخسر ما بنيناه بسبب جزر لا يقطن فيها إلا الطير (يعني الحرب يجلب الخراب)
وترك امر الجزر للأمم المتحدة .. فوت على تجار الحروب الفرصة بعقلانية وحكمة .

شاعر القوات السودانية في اليمن

شايف كيف
من شدة تدخلنا في شؤون غيرنا جيشنا نصَب شاعر يمتدح ملوك العربان في حربهم ضد اليمن
-
اسمع التملق الذي لا قبل له من هذا الشويعر الذي يقرض الشعر بإسم الجيش

راحو شمار في مرقة لأنهم إفتكروا نفسهم ماشين يدافعوا عن الحرمين كما اوهموهم اول مرة
من يحاسب الجيش على هذه الجريمة ؟
لما يصبح افراد جيشنا مرنزقة للأخرين ؟
تخيل لو العدد ده كان موجود ومشارك في الحرب المدورة في بلدنا

الامارات والسعودية لما طلبوا من باكستان مدها بجنود ، رفضوا رفض بات لأن تحريك الجيش خارج اراضيه يحتاج لموافقة البرلمان وليس في يد شخص واحد كما هو الحال عندنا
دي الدول اللي بتحترم الكاكي بتاعها ، علماً بأن باكستان كانت مقبلة على حالة افلاس .
دي اسمها هيبة الدولة يا حبيب .. الحاجة اللي بفتقدها السودان منذ اكثر من ربع قرن

2019 يا توفيق والزول ده كأنه يقرأ الطالع وما حل بنا من غضب الله
هناك ايضاً ترملت نساء وقُتل اطفال ودمرت ممتلكات على ايدي قواتنا
برضول تقول ندخل في حرب ضد من اشترى ذمم قادتنا الذين لم يستشيروك كمواطن في قرارهم بغرسال افواج من المرتزقة الى اليمن الدولة التي لم تعادينا في تاريخها
الله غالب أمره ولو بعد حين

مثل هذه التعليقات كنا نقرأها آنذاك بحرقة
صبوا جام غضبهم تجاهنا ، لا تجاه عيال زايد .. لأننا صرنا عبيد عندهم نقتل بأمرهم
اليوم دارت علينا الدوائر وأنبأتنا بما لم نكن نعلم

في المقابل، يمتدح مرتزقتنا من اشتراهم بثمن بخس ..
ليه ما عملوا "مقاومة شعبية" مثلنا .. لأنهم ليسوا في حاجة لذلك طالما هناك "جيش سوداني" يعرض مرتزقته بمقابل ، فوج وراء فوج

Quote: السودانيين دوما كانوا أهل السلم والرحمة

السودانيين كانوا منذ الأزل اهل قوة وقتال ومنعة
من ترهاقا مرورا بالمهدي لنميري يا استاذنا زهير

Quote: بالتأكيد التدخل في شؤوننا مدان لكن العِلة فينا يا توفيق وليس فيهم

يا حيدر يا أخوي مافي حاجة اسمها ادانات في معارك الكرامة
العين بالعين والبادئ أظلم
دي كل الحكاية

حرب اليمن دي واحدة من بلاوي البشير الركبها فينا
من بعدها بالفعل لبسونا الطرح
هل حا نفضل لابسنها ليوم الدين يعني

باختصار يا حيدر انك ترى انتا يجب أن نلبس طرحنا ونسكت
نشوف رأي باقي الما عملاء

تاريخ دموي

البوست ده بفضح العملاء السودانيين قدر شنو