روعة والم اختنا هدي ميرغني لك عظيم التحايا يا كنداكة و التحية لامهاتنا و اخواتنا وبنياتنا الصامدات واللاتي واجهن حرب حقيقية ظالمة بين مخلوقات كيزانية لا دين و لا اخلاق لهم تبا لهم اجمعين غلبتني الدموع ماطال مافي الروح نفس عزة سودانا محال تموت بتعالج الحلبة المغس الجانا من كاس السكوت حقيقة عجبني الايقاع و الكلمات و صوت هذه البنية و بالمناسبة والدها من شمال السودان و والدتها من قبيلة الدينكا مزيج يعبر عن روعة المكون السوداني المتفرد و الذي سعى اخوانا الشيطان لا بارك الله فيهم ليس لتمزيقه فقط بل لطحنه تماما و سيطحنون
الكلمات روعة و التحية خالصة للشاعر المجيد فتح الرحمن النور
كملت خيوط العنكبوت وجرحنا ماطاب بالسكوت وعدالة فى نص البحر مغموسة جوة فى بطن حوت ... اى يونس انت متين تيجى وتشوف عوج كل البيوت مالسة اليقطين بخير والناس تكابد فى الدروب بتصارع الموت شان تعيش فوق قاع بحر رمان وتوت غارفنو ناس من غير ضمير داخرينه منكور دم وصوت والحكمة اطفالنا الصغار دمعاتها بتشيل لينا صوت بترقرق الليل والنهار من ربطة الحجر المقود من قهرها وضحت النفوس ماعارفة زاتها هى وين تشوت فى وجوها تعبيرات كتار مكتوبة بى اعرض خطوط عنوان غلافها مكمدات شيرية و قرض بوخة لعوت تقراها يطلع ليك سؤال العبرة بى موية بتفوت نرجع نقول سمح الصبر سهم القدر ما اظن يلوك ياقلنا عزته يالقبر سودانا مافرجة شموس جيناك ياسوس التمر جياشة كنداكة وشفوت من بشرة الناس السمر الواظبو الدين الفلوت الهمهم سودان بخير فى عتمة الزمن الكفوت ويسو لى احمد نكير قطر العمر قبال يفوت ماطال مافى الروح نفس عزة وطنا محال تموت بتعالج الحلبة المقص الجانا من كاس السكوت
ما طالا ما في الروح نفس عزة وطنا محال تموت عزة سودانا محال تموت عظيم تهاني لهذا الاختيار الموفق و المتوافق تماما مع فيديوهات الصامدات
Quote: ورأيت أن أبادلك بهذه الأغنية من الأبنوسة وكلمات خالد شقوري "ليه الحرب"
والتحية عبرك للابنوسة فدوى فريد و للشاعر المجيد خالد شقوري و التحية كذلك لمن قامو بانتاج هذا العمل حقيقة عجبني شغل المونتاج و المكساج قمة الروعة
والناس اهل نايمين و صاحين بالامل حتى الشقي الفقران سعيد لكن عيون اخوان الشيطان هناك في تركيا نصبت شراكا على الدرب الرمية رائعة جدا كنت متوقع انو الشغل يكتمل بالمتوقع بوجود الفرقة الموسيقية لك عاطر التحايا دكتور ياسر زرعوا الحرب
Quote: تحياتي استاذة هدى بالفعل الاغنية مؤثرة صوتا وكلماتها ولحنا كان الله في العون
تحياتى واحترامى أخى استاذ ابو جهينة~ حقيقة كلمات وألحان مؤثرة جدا… دموع الأمهات ، يا استاذ ابو جهينة تعنى الانهيار الأم من كثر صبرها على الشدائد لحماية من حولها ، لا تستسلم للبكاء إلا نادرا * ويوم ذاك الاحتفال الذى رددت فيه الأبنوسة تلك الكلمات رأيت دموع الأمهات رغما عن صمودهن
Quote: سودانا مافرجة شموس جيناك ياسوس التمر جياشة كنداكة وشفوت من بشرة الناس السمر الواظبو الدين الفلوت الهمهم سودان بخير فى عتمة الزمن الكفوت ويسو لى احمد نكير قطر العمر قبال يفوت ماطال مافى الروح نفس عزة وطنا محال تموت بتعالج الحلبة المغص الجانا من كاس السكوت
ما طالا ما في الروح نفس عزة وطنا محال تموت عزة سودانا محال تموت عظيم تهاني لهذا الاختيار الموفق و المتوافق تماما مع فيديوهات الصامدات
تحياتي
تحياتى وسلامى أخى خضر ~ جزيل الشكر على إثراء الخيط بالكلمات الرائعات لقصيدة خيوط العنكبوت *سؤال : هل سودانا ما فِرجة شموت إم سودانا ما حرقة شموس؟ طبعا العبارتين مشابهات لحال السودان
Quote: هل سودانا ما فِرجة شموت إم سودانا ما حرقة شموس؟ طبعا العبارتين مشابهات لحال السودان
طبعا انا سجلتا الكلمات سماعيا و الحمد لله السمع مازال بخير اتمنى ان يكون مثل حال السودان في المستقبل القريب فرجة تعني انقشاع الغمة وفرجة شموس اعتقد جازما بان الشاعر كان يقصد العبارة الاولى وسينقشع الظلام قريبا بعد زوال هؤلاء القتلة كما زال قائدهم ورائدهم الهالك الترابي وقريبا البشير وعلي عثمان و بكري حسن صالح واحمد هارون وبقية الطفابيع عندما تحدث ثورة ضد عصابة مثل عصابة الكيزان يجب ان يكون هناك ما يسمى بالحسم الثوري كما حدث في العام 1989 في رومانيا قامت الثورة الرومانية وتم القبض على شاوشيسكو وتم احضاره بدبابة هو وزوجته لمحكمة عسكرية استمرت فقط لمدة عشرين دقيقة وصدر حكم الاعدام عليهم رميا بالرصاص امام قاعة المحكمة وهم مكبلين
