أنضمام لواء بكل قواتة من حركة جيش تحرير السودان .. لأشاوس الدعم السريع!

Post: #1
Title: أنضمام لواء بكل قواتة من حركة جيش تحرير السودان .. لأشاوس الدعم السريع!
Author: Biraima M Adam
Date: 03-24-2024, 10:26 AM

10:26 AM March, 24 2024
سودانيز اون لاين
Biraima M Adam-أمريكا الشمالية
مكتبتى
رابط مختصر

حي الله الأبطال ...

بريمة

Post: #2
Title: Re: أنضمام لواء بكل قواتة من حركة جيش تحرير ال
Author: محمود الدقم
Date: 03-24-2024, 11:42 AM
Parent: #1

سلام بريمة
امبارح مالك عقار زار جرحي جنوده في بعض مستشفيات سنار الانجغموا الاسبوع الفات علي تخوم الجزيرة، متحرك تابع لعقار كله راح في غضب الله بواسطة عدة الشغل الجديدة الدعامية .
المهزلة ليست في كتامية الزيارة و التشديد بعدم التصوير، بل الفضيحة في نصيحة عقار لجنوده الفاريين من غضب الدعامة، حيث اندهش منهم وطلب منهم ما يهربوا من الدعم السريع، وتسأل لماذا تهربوا منهم؟ هم ناس زيكم ههههههههه
شيء مضحك في سوق النخاسة دا، المهن الفيديو المضحكة منتشر علي منصة اكس.

Post: #3
Title: Re: أنضمام لواء بكل قواتة من حركة جيش تحرير ال
Author: جمال المنصوري
Date: 03-24-2024, 12:47 PM
Parent: #2

بريمة
ومحمود

هههههههها ضحكتوني والله
يا باشا الدعم السريع وكت قواته كانت تسد عين الشمس ما عمل حاجة غير انو المواقع الكان بيحرسها سيطر عليها
35 جندي بس في القيادة حطموا ليك كبرياءه
نهار اليوم لمن خلاص عدم نفاخ النار وبقى يشتري في المرتزقة ح يعمل شنو؟
وهو كل يوم بيفقد مواقعة
يا خوانا هدوا اللعب قلت ليكم لودخل الممول بذات نفسه ح ينجغم ح ينجغم
تفطروا على خير

Post: #4
Title: Re: أنضمام لواء بكل قواتة من حركة جيش تحرير ال
Author: Hasheem Karouri
Date: 03-24-2024, 02:54 PM
Parent: #3

🤣🤣🤣🤣

ليه كده يابريمة ؟؟ وين الفزع حقكم ؟ كملوا ولا شنو ؟ بقيتوا تحنسوا في ناس الحركات !!
والله زعلتني بصراحة !!

هاك اقرأ المرثية دي لاحد شواكيشكم ، وهي تعبر عن واقعهم .
تماما.

.......

رباعيات بلسان جنجويدي يشتكي من الخرطوم وما حصل لهم فيها

👇🏼👇🏼👇🏼👇🏼👇🏼👇🏼
يا الخرطوم بليتي اولاد ابوكا بلايا .....
رائي بقولو واضح كو دُبر عنزايا .......
عيال الجد جنيد يا حميدتي كِملو نهايه ..
والسمحه ام قرون اترملت عزبايا ......

👇🏼👇🏼👇🏼👇🏼👇🏼👇🏼

عماراتك تطير يا العاصمه الخرطوم ..
جيناك شان نعيمكي وخيرك المردوم ...
قبيل غلطان حميدتي الهالك المرحوم ...
ما كان يستشير عرمان غُراب الشوم .....

👇🏼👇🏼👇🏼👇🏼👇🏼👇🏼
من الطيران بيلبد ود ابوكا نِعامه ..........
وناس الخاص بيتكوا الزول بسوهو كرامه ..
ضاقت بينا ها الخرطوم كتم نساما .........
زايلي الدنيا يا ولض امي ما دوامه .......

👇🏼👇🏼👇🏼👇🏼👇🏼👇🏼

عمر جبريل والخايس وليد الضي .........
والجوفاني وود بقال شُغُلهم ني ..........
بيوقدو النار وبِتحاشو الدِواس يا خي ......
ناس تصوير وإعلام تاني مافيش شئ ....

👇🏼👇🏼👇🏼👇🏼👇🏼👇🏼

كتير فكرت في المرقه وطريق العوده .......
لكن ضُمه يا خَي الدروب مسدوده .....
بقولها نصيحتي قنقر كِملت المعدوده ....
ونحن ترانا ننفُخ في قِرب مقدوده ......