Post: #1 Title: بروفيسور مهدي التوم استاذ جامعة الخرطوم يتحدث عن عمليات النهب الواسعة التي يمارسها الجيش Author: حيدر حسن ميرغني Date: 03-20-2024, 07:36 PM
Quote: إذا عض كلب رجلًا، هذا ليس خبراً، أمّا إذا عض رجل كلباً، فهذا هو الخبر
سلام حيدر هسي العبارة الفوق دي علاقتا شنو بالموضوع الشي التاني دي حرب و التجاوزات وارده و واضح انها من بعض الأفراد في الجيش و ليس كل الجيش اذا فعلاً حدثت نعم اذا حدثت فعلاً فهي مستنكره و غير مقبولة على الإطلاق لكن كل البوستات الفتحتها عن هذه السرقات و التي لم تأتي بدليل دامغ غير قلنا و قالوا هذه لن تنال من الجيش شعرة يظل الجيش هو جيش السودان و إن كان في اسوأ حالاته و لن تنال منه مثل هذه البوستات و التي تزرع الفزع في قلوب المواطنين و البغضاء على الجيش
كيفك خضر يعني المليشيات دائماً متفلتة وغير منضبطة في سلوكها .. اي خبر يتعلق بهذا السلوك يعتبر عادي جدا جدا اما الما عادي .. جيش وطن ، حماية المواطن وممتلكاته من صميم واجباته، يقوم بنفس سلوك المليشيا ، فهذا خبر صاعق وغير معهود
Post: #6 Title: Re: بروفيسور مهدي التوم استاذ جامعة الخرطوم ي Author: Biraima M Adam Date: 03-20-2024, 08:12 PM Parent: #3
تسجيل صادم .. من زمان قلنا لهم الجيش مؤسسة حرامية .. الضباط يأكلون مواهى الجنود .. والجنود يسرقون ممتلكات المواطن في مناطق الحروب.
ثلاثة حوادث أجرامية للجيش في جنوب كردفان: هناك شجرة صندل كبيرة وهى الوحيدة في السودان، وناس الغابات حامينها كنموذج ممكن يستهدوا به لزراعة الصندل في السودان، اليوم الذي نشبت فيه الحرب، الجيش حفر الشجرة من عروقها وسوها حطب.
أيضاً، هناك غابة أبنوس كاملة .. وهى محمية .. الجيش قطعها عن بكرة أبيها في جنوب كردفان.
الجيش معروف عنه سرق كل معدات شركة شفرون .. من الزنك والزويي والحديد .. وحتى الترابيز والمصابيح والأبجورات .. رحلها كلها معه ..
Quote: يعني المليشيات دائماً متفلتة وغير منضبطة في سلوكها .. اي خبر يتعلق بهذا السلوك يعتبر عادي جدا جدا اما الما عادي .. جيش وطن ، حماية المواطن وممتلكاته من صميم واجباته، يقوم بنفس سلوك المليشيا ، فهذا خبر صاعق وغير معهود
وإنت تقر بدور الجيش في حماية المواطن وممتلكاته وتقر بتفلت وعدم إنضباط مليشيا الدعم السريع، أسألك ماذا كان دورك أنت في تحريض كل الطرفين في أداء ما هو ميسر له؟
التسجيل موضوع البوست عبارة عن شهادة سماعية لا تتفق مع كثير من الشواهد.
Post: #8 Title: Re: بروفيسور مهدي التوم استاذ جامعة الخرطوم ي Author: السر عبدالله Date: 03-21-2024, 02:21 AM Parent: #7
للاسف شهادة البروفيسور كلها سماعية : قالوا لى...وسمعت من واحد ...وفي واحد أكد لى.... يعنى ما سمعناهو وهو بيقول انا شفت بعيني..... لكن سرقات الجنجو يد موثقة بالصورة والصوت ....وحتى زعيمهم ما نكر... ولغاية الآن محتلين البيوت ...
Post: #9 Title: Re: بروفيسور مهدي التوم استاذ جامعة الخرطوم ي Author: حيدر حسن ميرغني Date: 03-21-2024, 03:33 AM Parent: #8
- حافظ والسر شكرا لمروركم الكريم
Post: #10 Title: Re: بروفيسور مهدي التوم استاذ جامعة الخرطوم ي Author: منتصر عبد الباسط Date: 03-21-2024, 05:00 AM Parent: #9
هل تقصد سرقة ونهب الدعم وانتهاكاته شيء عادي وليست خبر وأن الخبر هو أن الجيش يسرق وينهب هو الخبر؟؟ أما زولك دا كذاب أشر ففي علم الحديث حديث الأحاد ولو ورد من ثقة لا يكون حجة كالحديث المتواتر دعك من صدوره من مجهول كصاحبك هذا بروفا كان أو مساعد تدريس
Post: #11 Title: Re: بروفيسور مهدي التوم استاذ جامعة الخرطوم ي Author: Zein Abdalla Date: 03-21-2024, 10:29 AM Parent: #1
Quote: اتصلت بالتلفون بعد سمعت الأخبار بتاعة النهب بامدرمان بجارنا ( حسن داندرمة) بسكن في الملازمين جمب صينية ازهري ولسه قاعد في بيته وما شرد جرى مصر وهو ناشط مؤيد للكيزان وزول كويس وبنصلي الصبح مع بعض دايمآ في الجامع، فقال لي (الجيش يبرا ويستبرا من ٩ طويلة ديل.. ديل كلهم شماشة لماهم ياسر العطا من مايو والعزبة ولبسهم لبس الجيش واداهم كلاشنكوفات وقال ليهم اهجمو على الجنجويد. قامو الجنجويد شتتوا وسابونا وطوالي تقوم ٩ طويلة بتاعة الجيش تهجم علينا جوة بيوتنا قايلننا نحن الجنجويد وما خلوا لينا تلاجة ولا خلاط ولا بمبر ولا مرتبة نرقد فيها والله حتى بخور التيمان الكنت داسيهو ورا الدولاب عرفو شالوه. هسي دي انا بشوف انه علي كرتي يصدر قرار سريع جدآ لسناء العوض تجي تحقق مع ياسر العطا وتعاقبه طوالي ١٠ جلدات في صلبه عشان تاني ما يسوي كده.
Post: #12 Title: Re: بروفيسور مهدي التوم استاذ جامعة الخرطوم ي Author: Mohamed Adam Date: 03-21-2024, 02:47 PM Parent: #11
Quote: دي حرب و التجاوزات وارده و واضح انها من بعض الأفراد في الجيش و ليس كل الجيش اذا فعلاً حدثت
نفس الفهم ينطبق على قوات الدعم السريع !!!
Post: #13 Title: Re: بروفيسور مهدي التوم استاذ جامعة الخرطوم ي Author: خضر الطيب Date: 03-22-2024, 00:09 AM Parent: #12
Quote: نفس الفهم ينطبق على قوات الدعم السريع !!!
مرحب اخونا محمد ادم لك التحية و التقدير
الجيش لديه عقيدة حتى لو حدثت تجاوزات فهي في الغالب تجاوزات فردية و سيتم حسمها اما الجنجويد ماهي عقيدتهم؟ و من الذي يحاسبهم ؟ هؤلاء ما هم الا آلات قتل و نهب
Post: #14 Title: Re: بروفيسور مهدي التوم استاذ جامعة الخرطوم ي Author: هدى ميرغنى Date: 03-22-2024, 04:29 AM Parent: #13
سلام للجميع~ بروفيسور مهدى التوم يكتب ويكتب وينادى ويحنس للوصاية الدولية والفصل السابع
*عايز يحقق هدفه - عشان كدا ما غريبة يأتى بهذا الكلام *يمكن مراجعة كتاباته بسودانايل
Post: #15 Title: Re: بروفيسور مهدي التوم استاذ جامعة الخرطوم ي Author: Deng Date: 03-24-2024, 08:57 PM Parent: #14
ده مش كان وزير للتربية والتعليم؟
إدانته لسلوك الجيش شي جميل وشجاع أيضا وكلنا يجب أن ندين سلوك الجيش في سرقة ونهب منازل المواطنين.
ولكن أين كان السيد البروف و وزير الثورة السابق في كمية الجرائم التي قامت بها ميلشيا الدعم السريع ضد المواطنين؟
أين كان قلم البروف؟
وتلك الفظائع والجرائم كان أقلها سرقة ونهب منازل وممتلكات المواطنين.
إدانته لسلوك الجيش شي جميل وشجاع أيضا وكلنا يجب أن ندين سلوك الجيش في سرقة ونهب منازل المواطنين.
ولكن أين كان السيد البروف و وزير الثورة السابق في كمية الجرائم التي قامت بها ميلشيا الدعم السريع ضد المواطنين؟
أين كان قلم البروف؟
وتلك الفظائع والجرائم كان أقلها سرقة ونهب منازل وممتلكات المواطنين.
الأخ العزيز دينق~ لا لا دا ما العالم البروفيسور "محمد أمين التوم" ***الأسماء متقاربة شديد …محمد أمين التوم وزير التربية والتعليم الذى تآمر عليه الكيزان والجنجويد (كيزان ايضا) وصمت حمدوك عالم رياضيات متفرد ، شخص مختلف تماما عن "مهدى" التوم
Quote: الأول مهدى التوم (صاحب التغريدة والجيش وشنو وشنو) والثانى العالم محمد أمين التوم
عظيم تحياتي
Post: #19 Title: Re: بروفيسور مهدي التوم استاذ جامعة الخرطوم ي Author: NEWSUDANI Date: 03-26-2024, 11:26 AM Parent: #18
من المؤسف طبعا أن ترى مثل هذه التحليلات والمغالطة وسط عالم يفترض فيه الأطلاع ،،،،
أولا الجنجويد لصوص وغزاة ..تمام ..لكن عندما جلدوا العميد في الاستخبارات قبل أعوام أين كان الجيش وضباطه ؟؟؟؟
ثانيا هذا الجيش الموجود الآن ده عبارة عن مجموعة كيزان .....وأي ضابط غير كوز لا يسلح لا يخرج في عمليات وهذا لنسب أي أنتصار أم مساومة لوقف أطلاق نار هم طرف فيها
دعوة البروفسور مهدي أمين التوم هي أعقل دعوة ، وسترون حجم المؤامرة بين الحركات والدعم وحينئذ سنجد أن الكيزان (الجيش) فروا بين مصر وتركيا وملكوا البلد الكيزان الجنجويد
والله هذه البلد يجب أعادة أحتلالها بأي مستعمر ،،لقصور هؤلاء السياسيين من أدارة أمر العباد ويعشقون الأختلاف والناس تموت يوميا
لعنة الله على الكيزان في المذاهب كلها
دعو
Post: #20 Title: Re: بروفيسور مهدي التوم استاذ جامعة الخرطوم ي Author: Deng Date: 03-26-2024, 11:46 AM Parent: #19
Quote: الأخ العزيز دينق~ لا لا دا ما العالم البروفيسور "محمد أمين التوم" ***الأسماء متقاربة شديد …محمد أمين التوم وزير التربية والتعليم الذى تآمر عليه الكيزان والجنجويد (كيزان ايضا) وصمت حمدوك عالم رياضيات متفرد ، شخص مختلف تماما عن "مهدى" التوم
الغالية هدى
شكرا لك في التوضيح والتصحيح.
كامل اعتذاري للبروف الوزير السابق محمد أمين التوم.
كسرة:
مهدي أمين التوم ده الزول اللي كان عندو زمان مدرسة بيت الأمانة الثانوية و كان إداري في المريخ؟
Post: #21 Title: Re: بروفيسور مهدي التوم استاذ جامعة الخرطوم ي Author: Biraima M Adam Date: 03-26-2024, 01:03 PM Parent: #20
حسب متابعتى لنبرة الصوت .. أرحج أن المتحدث هو السيد الوزير بروفسير محمد أمين التوم .. وليس بروفسير مهدي أمين التوم ..
كامل اعتذاري للبروف الوزير السابق محمد أمين التوم.
كسرة:
مهدي أمين التوم ده الزول اللي كان عندو زمان مدرسة بيت الأمانة الثانوية و كان إداري في المريخ؟
أخى العزيز دينق، تحياتى وسلامى~ يكون ياهو بتاع بيزنيس وغيره يترجى فى العالم تعالوا احتلوا السودان ، لأنه عايز حكومة المنفى وشغل المنظمات والأمم المتحدة والحقارات على الشعب السودانى ، يكون يتمنى وظيفة يجئ السودان فيها -كادر أجنبى *مثال حى للمستفيدين من الحرب
Quote: والله هذه البلد يجب أعادة أحتلالها بأي مستعمر ،،لقصور هؤلاء السياسيين من أدارة أمر العباد ويعشقون الأختلاف والناس تموت يوميا
تحياتى أخى المحترم NEWSUDANI كيف الكلام دا؟ *ما تقنع من مقدرات الشعب السودانى - سيهزم الكيزان المتحاربين ديل ويحرر السودان منهم *كلامك دا قالوا زمان الناس كانت تنادى الإنجليز لينقذها من جماعات عبد الله التعايشى الآن ما عايزين ولا استعمار حديث ولا إستعمار قديم #النصر حليف الشعوب ، ان قصر الزمن وان طال
