Post: #2 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 09:20 AM Parent: #1
هل الفيديو ده حقيقي ؟ كيف يتم إستهداف طائرة بهذه السهولة في منطقة عسكرية ؟
Post: #3 Title: Re: خسارة كبيرة .. تدمير طائرة شحن في وادي سيدن Author: Biraima M Adam Date: 03-19-2024, 09:33 AM Parent: #2
دا شغل نضيف، الفلول يمشوا وين بعد دا.
يا ول أبا حيدر، دا شغل لايف ما فيهو قالوا وقلنا .. الفلول في خلفية الفيديو شتو جاريين مثل النمل!
بريمة
Post: #4 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 09:40 AM Parent: #3
ول ابا بريمة التصوير عجيب وواضح جدا عشان كده افتكرته في بلد غير بلدنا
Post: #5 Title: Re: خسارة كبيرة .. تدمير طائرة شحن في وادي سيدن Author: Biraima M Adam Date: 03-19-2024, 09:50 AM Parent: #4
ول أبا حيدر
عووووك .. موقع هشابة .. أرفق الفيديو في يوتيوب .. والأمر حديث.
الموضوع يداب نجض .. وادي سيدهم غير آمن للفلول ..
بريمة
Post: #6 Title: Re: خسارة كبيرة .. تدمير طائرة شحن في وادي سيدن Author: Biraima M Adam Date: 03-19-2024, 10:07 AM Parent: #5
ول أبا حيدر
قاعدة وادي سيدنا قاعدة حربية .. كل الآليات والمنشآت والمركبات .. أهداف مشروعة .. وأي تجمع للفلول في وادي سيدنا يتم جغمه.
دا سلاح نوعي خطير .. ناش الطيارة وخلي الفلول شاتين مثل النمل ..
--------------------- سبحان الله مغير الأحوال .. طقعه واحدة قاموا صوف .. ما قلتوا نوبة!!!!!
بريمة
Post: #7 Title: Re: خسارة كبيرة .. تدمير طائرة شحن في وادي سيدن Author: Elhadi Date: 03-19-2024, 10:59 AM Parent: #6
سجمي !!
انتو من زمن الهيروكليز ؟؟
Post: #8 Title: Re: خسارة كبيرة .. تدمير طائرة شحن في وادي سيدن Author: Elhadi Date: 03-19-2024, 11:01 AM Parent: #7
آخر طيارة عاملة لدى الجيش السوداني من هذا الطراز
تدمرت في مطار واو على ما أذكر زمن الحرب في جنوب السودان
الباقي اتباع خرد وقطع غيار
يا حليلكم والله
Post: #9 Title: Re: خسارة كبيرة .. تدمير طائرة شحن في وادي سيدن Author: Elhadi Date: 03-19-2024, 11:02 AM Parent: #8
قاعدين تمنوا نفسكم بالأماني الكذوبة
وعايشين الحالة
Post: #11 Title: Re: خسارة كبيرة .. تدمير طائرة شحن في وادي سيدن Author: Zein Abdalla Date: 03-19-2024, 02:35 PM Parent: #8
Quote: آخر طيارة عاملة لدى الجيش السوداني من هذا الطراز
تدمرت في مطار واو على ما أذكر زمن الحرب في جنوب السودان
الباقي اتباع خرد وقطع غيار
يا حليلكم والله
سلام الهادي هل سبب عدم وجود طائرات اللوكهيد هيركيولس هو توقف الشركة عن انتاج الطائرة أم عدم قدرة الجيش السوداني للحصول عليها. هل ممكن تكون الطائرة المصابة هي تقليد للهيركيولس ... يعني ليست اصلية جابوها من تايوان او الصين او اوكرانيا
Post: #10 Title: Re: خسارة كبيرة .. تدمير طائرة شحن في وادي سيدن Author: اسماعيل عبد الله محمد Date: 03-19-2024, 11:02 AM Parent: #6
سلامات حيدر وبريمة
الفلول ما دايرين يقتنعوا إنو الله نزع منهم الملك.
صفحة سوداء من تاريخ السودان انطوت.
Post: #12 Title: Re: خسارة كبيرة .. تدمير طائرة شحن في وادي سيدن Author: هدى ميرغنى Date: 03-19-2024, 02:48 PM Parent: #10
هل دى نفسها الطائرة من يوم 27 نوفمبر من السنة الفاتت ؟
Quote: فريق دبنقا للتحقق قرر مراجعة مقطع الفيديو بناء على عدد من الشواهد وأولها أن القوات الجوية السودانية لا تمتلك أي طائرة نقل من هذا النوع صالحة للاستخدام. صحيح أن الجيش السوداني امتلك هذا النوع من الطائرات في سبعينات القرن الماضي، ولكنها توقفت عن العمل بسبب عدم توفر قطع الغيار والصيانة في فترة العقوبات الأمريكية على السودان، كما أن بعض من هذه الطائرات تعرض لحوادث أثناء الحرب في جنوب السودان. ثاني هذه الشواهد هو توقف الطائرة بشكل عرضي على المدرج في لحظة تعرضها للهجوم وهي في حالة ثبات، علما بأنه من غير المعتاد أن تتوقف الطائرات بهذا الشكل على مدرج الطيران. وبعد المراجعة اتضح أن نفس الخبر وبنفس التفاصيل تم تداوله في 27 نوفمبر 2023. ونشر الخبر على حساب قوات الدعم السريع الموثق بالإشارة الزرقاء في ذلك التاريخ.
Post: #13 Title: Re: خسارة كبيرة .. تدمير طائرة شحن في وادي سيدن Author: خضر الطيب Date: 03-19-2024, 03:07 PM Parent: #12
الأخ حيدر ارجو شاكراً التأكد قبل النشر في اتصال مع دفعتي و هو برتبة الفريق نفى تماماً هذا الفيديو وأكد بما لا يدع مجالاً للشك بأن منطقة وادي سيدنا مؤمنة تأميناً شاملاً هسي الفرق شنو بينك و بين بريمة ؟
Post: #14 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 03:13 PM Parent: #13
شكرا الاخت هدى على التوضيح الشافي خضر والهادي قومو لفو يلفكم قطر ما قريتو اول تعليق لي جايين طايرين ضفاري يا خلبوصين
Post: #16 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 03:16 PM Parent: #14
Quote: في اتصال مع دفعتي و هو برتبة الفريق
انا ذاتي في اتصال ثمين بدفعتي برتبة عقيد أكد لي انهم عندهم طيارة بنفس الطراز المافي شنو
Post: #17 Title: Re: خسارة كبيرة .. تدمير طائرة شحن في وادي سيدن Author: خضر الطيب Date: 03-19-2024, 03:17 PM Parent: #14
خضر والهادي قومو لفو يلفكم قطر
برضو راي و لا مو هيك :)
Post: #18 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 03:24 PM Parent: #17
هاك يا حضر برضو قول ده كضب واتصلت وقالوا ليك مافي حاجة بالشكل ده
Post: #15 Title: Re: خسارة كبيرة .. تدمير طائرة شحن في وادي سيدن Author: Hafiz Bashir Date: 03-19-2024, 03:15 PM Parent: #13
سلامات خضر
Quote: هسي الفرق شنو بينك و بين بريمة ؟
كيفن الفرق شنو؟ صديقي حيدر متجونجد وبريمة جنجويدي من هامش الجنجويد (تايواني ساي). وقالوا في المثل: الجنجويدي ولا المتجونجد.
Post: #19 Title: Re: خسارة كبيرة .. تدمير طائرة شحن في وادي سيدن Author: جمال المنصوري Date: 03-19-2024, 03:27 PM Parent: #15
حيدروف يمين بالله انت فت بريمة زاتز ياخي لو مدرج وادي سيدنا جمب البحر كده كان الجنجويد دمروه من الجيلي وشمبات والحلفايا يظهر عليها جغمت الاذاعة حارة شديد
Post: #20 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 03:29 PM Parent: #19
Quote: يظهر عليها جغمت الاذاعة حارة شديد
حارة ساي حمتني النوم يا فقر زي جغمة مدني
Post: #21 Title: Re: خسارة كبيرة .. تدمير طائرة شحن في وادي سيدن Author: جمال المنصوري Date: 03-19-2024, 03:32 PM Parent: #20
Quote: حمتني النوم يا فقر زي جغمة مدني
تعرف يا حيدروف مدني دي قصة تانية الفصل الاخير للقصة يجري الترتيب ليه لكن يا خي يوميا بقت تتطلع فبركات وانت تشيل ووتجيب يا خوي قلنا ليك باي باي جنجا الفار في المصيدة
Post: #22 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 03:40 PM Parent: #21
Quote: باي باي جنجا
سمك القرقور قال لأمه ما تقنعي مني لحدي ثالث قلية
Post: #25 Title: Re: خسارة كبيرة .. تدمير طائرة شحن في وادي سيدن Author: Biraima M Adam Date: 03-19-2024, 03:48 PM Parent: #22
ول أبا حيدر دي ما أول ولا أخر طائرة يسقطها الأشاوس .. حتى لو كان الخبر في نوفمبر الماضي برضو الخبر حقيقة.
بريمة
Post: #26 Title: Re: خسارة كبيرة .. تدمير طائرة شحن في وادي سيدن Author: جمال المنصوري Date: 03-19-2024, 03:51 PM Parent: #25
Quote: ول أبا حيدر دي ما أول ولا أخر طائرة يسقطها الأشاوس .. حتى لو كان الخبر في نوفمبر الماضي برضو الخبر حقيقة.
هوب يا زول هو انت صدقت الطلس عاين للبحر فريب للمدرج كيف؟ دي في ذمتك المطاط دي ده وادي سيدنا؟ يازول البس النضارة
يا جماعة بريمة رمى طوبة بابا نوسة وبارى الجداد
Post: #23 Title: Re: خسارة كبيرة .. تدمير طائرة شحن في وادي سيدن Author: Mahjob Abdalla Date: 03-19-2024, 03:42 PM Parent: #20
Quote: في اتصال مع دفعتي و هو برتبة الفريق
Quote: انا ذاتي في اتصال ثمين بدفعتي برتبة عقيد
صديقنا (شيخ عرب كبير من البطانة) مشى زيارة للسودان و كأجنبى مفروض يمشى يسجل في الجوازات عشان يأخد اقامة. المهم بعد انتظار طويل و زهج و ملل, فك ليك في العساكر شكلة وقفهم كلهم علي كراع واحد. فى الاخر سمع صوت ناعم من وراهو قالت ليهو يا عمو تعال انا بساعدك. التفت لقاها رتبة عميد. قال لى انا اللسة شباب او كنت قايل روحى شباب, طلعونى عمو. يا حليلك يا خضر, غايتو حيدر عملها اخف شوية برتبة عقيد.
Post: #24 Title: Re: خسارة كبيرة .. تدمير طائرة شحن في وادي سيدن Author: جمال المنصوري Date: 03-19-2024, 03:46 PM Parent: #23
Quote: سمك القرقور قال لأمه ما تقنعي مني لحدي ثالث قلية
بعد القلية التالتة هاك يا الشوربة
Post: #27 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 03:52 PM Parent: #15
Quote: صديقي حيدر متجونجد
شيخي وما بقدر اغالطك
Post: #28 Title: Re: خسارة كبيرة .. تدمير طائرة شحن في وادي سيدن Author: Biraima M Adam Date: 03-19-2024, 03:59 PM Parent: #27
Quote: يا حليلك يا خضر, غايتو حيدر عملها اخف شوية برتبة عقيد.
ول أبا محجوب، خضر ليس لديه أي دفعة في الخدمة .. طلس ساكت!
بريمة
Post: #29 Title: Re: خسارة كبيرة .. تدمير طائرة شحن في وادي سيدن Author: خضر الطيب Date: 03-19-2024, 04:33 PM Parent: #28
مرحب مولانا الطبي كيف حالك و الاسرة اتمنى انكم بخير المتجوند و الجنجويدي كلهم واحد ماشين في السكة الغلط و واضح انو حيدر جنجويدي كامل الدسم النوع البرفع الكلسترول في الدم معانا انحنا ومع ارتفاع ضغط الدم ممكن يعمل لينا شلل رباعي حيدر ميرغني رجل رائع و خط حيدر في فترة الكيزان كان واضح جداً الآن هو بعتقد انو الجيش جيش الكيزان ذي ما بعتقدو كثيرين نعم هذا الجيش من فرد الى رتبة فريق اول تم تعيينهم في فترة الكيزان و اغلبهم كيزان و حتى الما كانوا كيزان تمت أدلجتهم ليكونوا كيزان سواء كان بالإغراءات او بالقوة لكن الآن نحن امام اعداء اثنين هم الجيش و الجنجويد يبقى الواجب علينا دعم احدهم ليخلصنا من الآخر و انا ادعم الجيش دعم كامل حتى يحين موعد محاسبته بعد التخلص من هذه الطفابيع الجنجويدية و التخلص من داعميهم من المرتزقة و بعدها لكلِ حدثٍ حديث و لكلِ فارة كديس :) تظل القوات المسلحة هي قوات الشعب و هي حامية حمى الوطن طال الزمن ام قصر سترجع القوات المسلحة صمام امان للبلد و يبقى الجنجويد مهدد أمني لسلامة البلد
Post: #30 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 05:49 PM Parent: #29
Quote: النوع البرفع الكلسترول في الدم معانا انحنا ومع ارتفاع ضغط الدم ممكن يعمل لينا شلل رباعي
ما تشوف شر يا مان وان شاء الله ما اكون كذلك على الاقل في نظرك
Post: #31 Title: Re: خسارة كبيرة .. تدمير طائرة شحن في وادي سيدن Author: Biraima M Adam Date: 03-19-2024, 05:50 PM Parent: #29
Quote: نعم هذا الجيش من فرد الى رتبة فريق اول تم تعيينهم في فترة الكيزان و اغلبهم كيزان و حتى الما كانوا كيزان تمت أدلجتهم ليكونوا كيزان سواء كان بالإغراءات او بالقوة لكن الآن نحن امام اعداء اثنين هم الجيش و الجنجويد يبقى الواجب علينا دعم احدهم ليخلصنا من الآخر و انا ادعم الجيش دعم كامل حتى يحين موعد محاسبته بعد التخلص من هذه الطفابيع الجنجويدية و التخلص من داعميهم من المرتزقة و بعدها لكلِ حدثٍ حديث و لكلِ فارة كديس :) تظل القوات المسلحة هي قوات الشعب و هي حامية حمى الوطن طال الزمن ام قصر سترجع القوات المسلحة صمام امان للبلد و يبقى الجنجويد مهدد أمني لسلامة البلد
حجتك أوهن من بيت العنكبوت .. ما الذي يجعل موقفك سليماً وموقف ول أبا حيدر خطأ؟ ..
وعشان نوريك أنت علي خطأ، أنت أمامك عدويين: الجيش الذي تقف معه وخصمهم الدعم السريع؟ وأيهما تخلص من الأخر أنت سوف تفرد عضلاتك لمواجهته .. وأنت يا سجم الرماد ما عندك غير خشمك الذي يكسر الحديد من القوة وبلا طائل .. أما ول أبا حيدر أمامه عدو واحد .. وإذا ما تخلص منه وصل مع فريقة لتأسيس دولته؟
ذكاءك صفر مقارنة ب ول أبا حيدر .. الذي يعمل علي أن السياسة هى فن الممكن ..
بخ بخ ول أبا حيدر .. والعار والشنار لربيب الكيزان خضر .. وكمان شيخك صاحب "هنااااااااااااااااااااااااااااااااا أم درمان" .. هنا أم درمان بتاعتك دي بلها وأشرف مويتها أفطار!
بريمة
Post: #32 Title: Re: خسارة كبيرة .. تدمير طائرة شحن في وادي سيدن Author: خضر الطيب Date: 03-19-2024, 07:55 PM Parent: #31
مرحب الاخ محجوب عبد الله خليني من دفعتي انا حيدر ميرغني دا دفعتو بتكون الآن برتبة مشير لكن هو بس عملا عقيد خليهو يختار المصدر المؤكد ان شاء الله يكون حاجة التاية جارتنا :) مشى حيدر علف ليهو فيديو قديم و فتح بيهو بوست اها دا تقول عليهو شنو ؟ عادي ممكن انزل فيديو من خمسة سنة و اغير فيهو بعض الإحداثيات و الزمن و ارفعوا تاني بتاريخ اليوم الفيديوهات ما عادت دليل دامغ عن ما يحدث الآن في محاضرة قبل شهر كانت في جامعة اوكسفورد عن الفيديوهات كأدلة لبعض الجرائم الجنائية اتضح انو الموضوع مستحمي تماماً و محتاج لأدلة تانية ممكن تدعمو
Post: #33 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 08:00 PM Parent: #32
Quote: حيدر ميرغني دا دفعتو بتكون الآن برتبة مشير
تصدق يا خضر قدمت للكلية الحربية زمن الكيزان ديل.... مسكوني الدرب كان ح اعمل انقلاب وارصع كتفي بكم رتبة ... سيم سيم بقال الله يلعنهم .. السودان كان ح يتقدم
Post: #34 Title: Re: خسارة كبيرة .. تدمير طائرة شحن في وادي سيدن Author: خضر الطيب Date: 03-19-2024, 09:19 PM Parent: #33
Quote: تصدق يا خضر قدمت للكلية الحربية زمن الكيزان ديل.... مسكوني الدرب كان ح اعمل انقلاب وارصع كتفي بكم رتبة ... سيم سيم بقال الله يلعنهم .. السودان كان ح يتقدم
صدقني يا حيدر ما كنت حتقدر حتقلب لقيمات خليك تقلب دولة انت زول حنين لكن يكونو عرفو انك بتنتمي لجماعة تانية ممكن تكون اقرب للختمية بعد خلصت الثانوي العالي الوالد الله يرحمو كان عندو صديق في الوكت داك مدير شرطة السجون قال لي رايك شنو تبقى ضابط سجون و الدفعة دي خرجت بالضبط 11 ضابط قلت ليهو لا مستحيل هم المساجين ناقصين بعدها كلمتا صديقي الإنسان الجميل عبد الرحمن عبد الله الله يرحموا ابو مصعب قام قال لي محمد حامد آدم وهو اعلامي متميز في الإذاعة السودانية وقتها كان حيكتبا فيك انت يا ضابط السجن نعم المسجونيين هم ناس اجرموا في حق المجتمع لكن ياما في السجن مظاليم ليه انا اكون حارس ليهم شخصياً رفضت الموضوع اغلب دفعتي اصبحو ضباط في الشرطة او الجيش اذكر منهم الفريق عبد الباقي دراج من ابناء الدويم له الرحمة و المغفرة و عبد العزيز الربيع مدير ادارة الإعلام بوزارة الداخلية و السر موسى حمزة مدير ادارة الجرائم الموجهة ضد الدولة و غيرهم و كذلك في الجيش
عندي صاحبي و دفعتي الله يرحمو عبد الباقي دراج من اولاد الدويم قال لي ابوي انا عاوز اخش العسكرية اياً كانت جيش شرطة سجون اتوفق عبد الباقي و دخل الشرطة كان مدير شرطة المرور بالأبيض في فترة من الفترات و بعدها كان برتبة لواء في بورتسودان انا العسكرية ما بتنفع معاي اعيش حياتي كلها في أوامر ؟ يعني ممكن ربنا يسلط عليك واحد ذي العواليق بريمة دا يكون فايتك برتبة يوريك نجوم الضهر و يبدا يعلف ليك من اليوتيوب :)
Post: #35 Title: Re: خسارة كبيرة .. تدمير طائرة شحن في وادي سيدن Author: حيدر حسن ميرغني Date: 03-19-2024, 09:29 PM Parent: #34
Quote: ما كنت حتقدر حتقلب لقيمات
ذكرتني موقف معفن جداً حصل لي من ضابط جوازات مستجد في حلفا وانا مغادر لمصر لمواصلة الدراسة بعد اجازة متعبة في قسم الامن بعطبرة الضابط بوشاية من كوز عضو اتحادنا بتاع الطلبة حبس جوازي ورفض يعمل لي حروج .. قال لي ليه ما عملت الخروجية من الخرطوم لما قلت نحن مواطني نهر النيل من حقنا نعمل الخروج من حلفا بدل نسافر الخرطوم لقاها فرصة وشبكني ليك انت عاوز تعلمني شغلي وكلام كتير ... شال الجواز وقال لي تعال بكرة بدري أملأ الازيار لحدي ما اشوف حتة احبسك فيها .. تخيل عسكري حلفاوي قال لي مدير القسم اجازته انتهت وح يداوم بكرة .. انا بدخلك ليهو اول زول قبل ما يشوفك المعفن ده المهم فعلا الرجل طلع اصيل (اسمه محمد عيبر) وهرش ليك الضابط بل خلاهو يصرف لي مصاريف التأخير عن السفر ليوم كامل اللذيذة قال ليهو " هسا ده يقلب حكومة .. ده صحن فول ما يقلبو وانا طالع .. لقيتا فرصة تفيت عليه بغل شديد .. والله على ما اقول شهيد
Post: #36 Title: Re: خسارة كبيرة .. تدمير طائرة شحن في وادي سيدن Author: خضر الطيب Date: 03-19-2024, 11:49 PM Parent: #35
Quote: اللذيذة قال ليهو " هسا ده يقلب حكومة .. ده صحن فول ما يقلبو وانا طالع .. لقيتا فرصة تفيت عليه بغل شديد .. والله على ما اقول شهيد
يعني ذي ما قلت ليك يا حيدرانت لقيمات ما تقدر تقلبا :) و الله ضحكتا حتى بانت نواجزي ما عارف منو الشافا لكن هي بانت :) ممتع انت بصورة غير عادية غايتو الواحد لو عاوز يستمتع بتمتعو و لو عاوز ترفع ضغطو عندك الملكة دي :)
Post: #37 Title: Re: خسارة كبيرة .. تدمير طائرة شحن في وادي سيدن Author: كمال عباس Date: 03-20-2024, 00:42 AM Parent: #36
منقول. وزير دفاع الإنقاذ عبد الرحيم نحارب. بطائرات من زمن الحرب العالمية الثانية !! ((( في الجلسة الخاصة التي أقامها المجلس الوطني لإستجواب السيد الوزير حيث فند جملة الخسائر التي حاقت بالوطن" عزا هذا" الى ضعف ذات اليد وقلة الحيلة وشكى من قلة الإمكانيات والعتاد داخل المؤسسة العسكرية وقال بالحرف أنهم يستخدمون طائرات من زمن الحرب العالمية التانية وعزا ذلك للحصار الأمريكي الذي حال دون تطور الجيش السوداني مع العلم أنه من ضمن جوقة المتشددين الذين كانوا يصرحون بأن الحصار(
Post: #38 Title: Re: خسارة كبيرة .. تدمير طائرة شحن في وادي سيدن Author: Biraima M Adam Date: 03-20-2024, 01:59 AM Parent: #37
Quote: يعني ممكن ربنا يسلط عليك واحد ذي العواليق بريمة دا يكون فايتك برتبة يوريك نجوم الضهر و يبدا يعلف ليك من اليوتيوب
المعفن خضر بطة .. مش قال مفروض يدخل كلية الشرطة مع المرحوم اللواء عبد الباقي دراج .. الدفعة 56،
دخلت الدفعة 56 كلية الشرطة يوم 24 يناير 1987م وقتها أقل واحد يدخل عمره 19 عاماً .. يعنى أقل شيئ البطة من مواليد 1968م، لكن الضابط الذي كتب عن الدفعة قال أعمارهم من صغار إلي كبار شديد. يعنى تقديراتى بأن هو وشيخه عمر الجزلي من زمن حفروا البحر مواليد 1949م ما زال وارد.
أنظروا واضع صورة ناس "أبقي قوية" لكي يظهر نفسه شاب .. آزول أبقي مثلنا وأعترف. وفي مثل هذا العمر العتيق، ما زال يسب ويلعن في خلق الله. يا أخوانا، الناس ديل ناسين الأخرة؟ ناسين يوم مقابلة المولي عز وجل الذي لا يظلم عنده أحد!
