بريمة ما تزمزق انت براك قلت في ملكوت ربه الواطة دي اسمها عالم الملك والملكوت هناك عند ربنا يبقى حسب قولك انقرض ولا ما كدي؟
Post: #5 Title: Re: والي الخرطوم، البطل إبراهيم بقال سراج .. ي� Author: Biraima M Adam Date: 03-15-2024, 12:47 PM Parent: #4
نقلاً عن ويكيبديا:
Quote: الملكوت في اللغة هو المُلْك والمالك، وهو الله عز وجل. وحسب ابن منظور في كتابه لسان العرب، هو مُلك الله وملكوته: أي سلطانه وعظمته، وكلمة ملكوت صيغة مبالغة من المُلك.
هو عالم غير مرئي حسب علم الكون الإسلامي، يحتوي على عديد من الكائنات والأماكن الميتافيزيقية المذكورة في العقيدة الإسلامية، كالملائكة والشياطين والجن والجحيم، يستخدم في بعض الأحيان كمرادف لعالم المثل ولكنه من نواح أخرى يبقى مختلفا عنه، لكونه عالما أعلى منزلة منه. رغم ذلك يبقى الملكوت عالما متفرعا نوعا ما من عالم الجبروت، وعلى تعقيد صيغ هذه العوالم، فإن العوالم العليا لا تعتبر عوالم منفصلة عن العالم العادي في الفكر الإسلامي، بل تبقى ذات تأثير عميق ودائم عليه.
البطل إبراهيم بقال .. القصيّر الفات الطوال والقدره.
خليكم في حيرتكم .. يا المنصوري .. البطل بقال أنتزع الأعجاب رغم أنف أي حاسد وحاقد.
حيرة شنو يا بريمة انا اصله ما اتلفت جاي ولا جاي ولا اتحيرت من اول يوم اعلنت تأييدي للجيش الا الحيران يا كا انت في الايام الاولى كنت بتقول (انا عايز الاتنين) بعدين غلب عليك العرق بقيت جنجويدي عدم حيرتي اصلا الدعم السريع ده ما نشأ على خلفية عقائدية ثورية ومحاولة ادلجته عبر قحط باضافة بعض المطالب الثورية للمنفستو بتاعه طلس وكذب ومحاولة للوصول للسلطة عبر ظهر هذه المليشيا التي انشأها البشير من الاول لأداء مهام قذرة قامت بها بكل جدارة وقذارة واقتدار
Post: #7 Title: Re: والي الخرطوم، البطل إبراهيم بقال سراج .. ي� Author: Biraima M Adam Date: 03-15-2024, 03:44 PM Parent: #6
المنصوري ما عايز أحبطك، لكن الأخوان باقون ما بقي السودان. لاحظ ناس المؤتمر الشعبي، قالوا الخيار خيار الشعب .. ودا كل المطلوب من ناس المؤتمر الوطنى. لن تقوم للسودان قائمة دون كل أبنائه.
Quote: المنصوري ما عايز أحبطك، لكن الأخوان باقون ما بقي السودان. لاحظ ناس المؤتمر الشعبي، قالوا الخيار خيار الشعب .. ودا كل المطلوب من ناس المؤتمر الوطنى. لن تقوم للسودان قائمة دون كل أبنائه.
بريمة
بريمة انا ما بحبط لأنو عندي كل الذين في تاستحة السياسية كيزان بصورة او اخرى حتى اليساريين كيزان بالسلوك ما فيش ولا واحد في السودان على المستوى الشعبي مستعد يكون مستمع الكل عاوز يتكلم وكلامه يمشي اما على الصعيد السياسي والاقتصادي والاجتماعي انا مستغني عن اي حكومة، عارف ليه؟ لأنو ببساطة انا كونت حكومتي الخاصة في اسرتي، منظمين حياتنا بحسب امكانياتنا - عندنا نشتري، ما عندنا بننكمش يعني عاملين ميزانية ملتزمين بيها التزام منضبط مرتبين اولوياتنا الاهم ثم المهم ثم الاقل اهمية لا مجال للدين نهائيا لذا انا واسرتي نتمتع باستقلال تام علاقتنا بالدولة في اننا بندفع ليها مستحقاتها علينا اول باول، حيث نشتري منها الكهرباء (جزئيا لأنو عندنا شبكة طاقة شمسية) ونشتري منها الماء، وندفع لها الضرائيب بالصورة دي نحن ما عندنا اي اهتمام بمن يدير السودان... ولكن لدينا قيم اجتماعية نتشارك فيها والمجتمع السوداني الفاضل وقيمنا هي هي قيمة حلف الفضول عرفت ليه ما مهتم
ول ابا بريمة ناس الجنجويد كلهم بداوا يشتموا بقال الوالي وانت لسع بتشكر فيه...مع انه كل يوم. بيشتم فيكم وبيشتم في ال دقلو وقال بالحرف الواحد ان ال دقلو ما بيعينو اي زول في منصب مهم الا يكون من ال دقلو او عربي الاصل وعلى الرغم من انه ما في اي سوداني اصله عربي فكل السودانيين اصلهم افريقي زنجي ...وانت ما قاعد تسمع اغنية انا افريقي انس انا سوداني ..بلد الخير والطيبة...ارضه خزائن ..الله جناين... .... جمال المنصوري.. قلت واوفيت وكفيت..