ظاهرة مناضلو الساعة خمسة و عشرين

09:25 PM March, 08 2024

سودانيز اون لاين
النذير حجازي-بلاد العم سام بلاد الأمن والأمان
مكتبتى
رابط مختصر

ظاهرة مناضلو الساعة خمسة وعشرين:
ديل أجبن السودانيين، ما بدأوا النضال إلا بعد سقوط الكيزان، قال المتنبي:
وَإذَا مَا خَلا الجَبَانُ بِأَرْضٍ .. طَلَبَ الطَّعْنَ وَحْدَهُ وَالنِّزَالا
وعاملين فيها مناضلين، لأكثر من عشرين سنة ما شوفناهم في تظاهرة ضد الكيزان، ولا شوفنا ليهم كتابة معارضة في الأسافير، والمضحك لأنو جديد في شغلانة النضال حتى لا يفرق بين المناضل والكوز، وممكن يتهم مناضل بالكوزنة ولا يكلف نفسه بعناء البحث عنه، والشئ المضحك برضو ما عارف الناس ليه بتكره الكيزان، لأنو زي الطيرة المبارية السيرة ، الناس بتكره سلوك الكيزان، الكوزنة سلوك، ببساطة يا جاهل لو عايز تعرف الكوز من الما كوز، شوف أخلاقو شنو؟ إذا كانت أخلاق كوز فهو كوز، لأن الكوزنة سلوك، وزي ما بقولوا الفرنجة إذا كنت تمشي مشي البطة، وتصدر صوت مثل صوت البطة، إنت إذن بطة.