📌 الجيش يتقدم في محور أحياء أمدرمان القديمة ويسيطر على حي بيت المال بالكامل وعلى منزل وصينية الزعيم الأزهري.
📌 الجيش يتقدم في محور سوق أمدرمان ويسيطر على أستاد الهلال والمريخ ويبسط سيطرته على شارع العرضة.
📌 تراجع قوات مليشيا الدعم السريع إلي مابعد كبري ود البشير، وتراجع قواتها في أحياء أمدرمان القديمة إلي حي الملازمين والإذاعة.
📌 معارك وإشتباكات بين الجيش ومليشيا الدعم السريع في محور أمبدة غربا وتقدم للجيش.
📌 هدوء في محور سلاح المهندسين، مع قصف مدفعي متقطع من قبل مدفعية المليشيا نحو سلاح المهندسين والسلاح الطبي.
Post: #2 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 00:47 AM Parent: #1
خلينا نعقد مقارنة مع التقارير السابقة
تقرير يوم 19 فبراير 2024م
Quote: صفحة Mohamed Khalifa فيسبوك:
الموقف العملياتي في مدينة أمدرمان 🚨
محاور الإشتباك ⛔
📌 خلال اليوم إشتباكات عنيفة في شارع العرضة بين الجيش ومليشيا الدعم السريع.
📌 إشتباكات في الجزء الأخير من الناحية الجنوبية لحي ودنوباي بين الجيش ومليشيا الدعم السريع.
📌 إشتباكات وحرب شوارع وكر وفر بين الجيش ومليشيا الدعم السريع غرب موقف الشهداء.
📌 إشتباكات متقطعة في الجزء الغربي من حي المهندسين بين الجيش ومليشيا الدعم السريع.
📌 مناوشات في أمبدة الحارة العاشرة بين الجيش ومليشيا الدعم السريع.
مناطق سيطرة الطرفين 🛑
الجيش ⛔
📌 عموم محلية كرري، حي العمدة، حي العرب، المسالمة، المظاهر، القمائر، ودنوباوي، سوق أمدرمان، الأجزاء الشمالية من السوق الشعبي، أمبدة الحارة الاولي والثانية، المهندسين، بانت، العباسية، الموردة، الفتيحاب.
مليشيا الدعم السريع ⛔
📌 أبروف، بيت المال، مكي، حي الشهداء، الملازمين، الإذاعة والتلفزيون، الأجزاء الجنوبية من السوق الشعبي، العرضة، الدوحة، تعويضات بيت المال، أمبدات، المنصورة، حي النخيل، المربعات، البنك العقاري، الشقلة، صالحة، غرب أمدرمان.
ملاحظة 🛑
📌 الفيديو المنتشر في صفحات مليشيا الدعم السريع على أساس إنو في سلاح المهندسين ، غير صحيح، والفيديو مافي السودان أساسا، لا للتضليل والتغبيش والعلف البيش.
Post: #4 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 00:57 AM Parent: #3
Quote: هدوء في محور سلاح المهندسين، مع قصف مدفعي متقطع من قبل مدفعية المليشيا نحو سلاح المهندسين والسلاح الطبي.
ليه ما قال الدعم السريع يتقدم في المهندسين!
بريمة
Post: #5 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 01:12 AM Parent: #4
والي ولاية الخرطوم، العقيد البطل إبراهيم بقال سراج
بريمة
Post: #6 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 01:53 AM Parent: #5
بقال كضاب في صفحته قال بيت أزهري والصينية تحت سيطرة الجنجويد ودا كضب واضح. بعدين كيف ما في تقدم بين النقريرين؟ الآن كامل بيت المال وأبروف وكآمل شارع العرضة تحت سيطرة الجيش، الجيش يستطيع أن يسوي الإذاعة بالأرض لكن الرهائن تعطل تقدمه للإذاعة.
Post: #7 Title: Re: الموقف العملياتي بامدرمان اليوم الخميس ٧ Author: علاء الدين صلاح محمد Date: 03-08-2024, 05:50 AM Parent: #6
بكري و بريمة لكما تحية شمباتية خضراء بريمة من ايام شمبات كوز او لو خففنا من المولفة قلوبهم حتى سكنو في الداخليات كان مع في داخليات مخصصة للكيزان و غرف مجاورة لمكتب صحة الكيزان في خامسة كان في داخلية سنار حيث مطبعة آخر لحظة مش كدة و بس و تاريخه القريب هنا في هذ المنبر بقدرة قادر و فجاتن كدة مع صراع الإخوة الاعداء سادالكروموزمات الجهوية القبلية على الايدولوجية الحزبية وظهرت في كتاباته جمل الفلول الكيزان البلابسة
Quote: الجيش يستطيع أن يسوي الإذاعة بالأرض لكن الرهائن تعطل تقدمه للإذاعة.
بكري اعتقد خانك التعبير وأنت حفيد العباس بالمناسبة بريمة ده ابن عمك يا احفاد العباس و بمنطق بريمة انتو الاثنين في سرج وأحد او المفروض هكذا انت اعتقد قاصد تقول الجيش يستطيع أن يسوي الإذاعة بالأرض لكن حرص الجيش على الإذاعة وعلى ممتلكات الشعب الخاصة والعامة و حياة الرهائن تعطل تقدمه للإذاعة كما جسر شمبات إلا أن مليشيات عرب الشتات احفاد العباس دمرو الكبرى
Post: #8 Title: Re: الموقف العملياتي بامدرمان اليوم الخميس ٧ Author: Zein Abdalla Date: 03-08-2024, 08:47 AM Parent: #7
سلام ابوبكر تقع صينية ازهري بين بيت المال والملازمين. شارع ازهري يمتد منها ويقطع الكوبري حتى التقاطع ببحري فما هي الاهمية العسكرية للصينية والكبري نفسه الكيزان كسروه. بالله اسال محمد خليفة عن شنو الحاصل في مستشفى الدايات وهي في نفس منطقة الحرابة ، فهل تم تحريرها او الاستيلاء عليها بواسطة المليشيا ومتى ستعود للعمل. الدايات دي عامله لخبطة في رأس الكيزان..الكباشي يطلع يشرد من القيادة واول حاجة يصرح بيها يقول تصوروا الجنجويد مشوا يقعدوا في الدايات. الجنجويد ماسكين معظم السودان وجيش الكيزان بيحرر في مطعم المحينة بالموردة وكوافير نادية العاقب بابروف. نادية العاقب دي البنت الحلوة الكانت بتشيل الجك الاصفر تجيب فيه الفول. دكان الفول دا ذاته قلبوهو كوافير.
Post: #9 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 09:24 AM Parent: #7
مرحب بالأخ علاء الدين
Quote: بريمة من ايام شمبات كوز او لو خففنا من المولفة قلوبهم حتى سكنو في الداخليات كان مع في داخليات مخصصة للكيزان و غرف مجاورة لمكتب صحة الكيزان في خامسة كان في داخلية سنار حيث مطبعة آخر لحظة مش كدة و بس و تاريخه القريب هنا في هذ المنبر
لم أكن يوماً كوز .. ورب الكعبة.
ههههاي!! يا أخي رجعتنا زمن ..
بريمة
Post: #10 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 10:45 AM Parent: #9
كلامك صاح يا علاء، الخلاف بيننا وعرب الشتات هو نفسه خلاف يوم السقيفة، الفرق في أن يوم السقيفة الأنصار (عرب الشتات) انصاعوا بأن يكونوا دائماً الوزراء (الكرسي نمرة اتنين على كلام حميدتي) ونحن الأمراء دائماً ( أحفاد العباس). الحرب دي بدت يوم فاز منو داك برئاسة الحركة الإسلامية (من الغرب ناسي اسمو) لكن تم تحويل الرياسة لغازي صلاح الدين العتباني.
Post: #11 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 10:53 AM Parent: #10
زمان يا زين في دوري الجامعة عشان نقلل من شأن فريقكم بتاع كلية الطب كنا نسميه بفريق الدايات، يعني القصة ما كباشي وعساكر براهم حتى أولاد الجميلة ومستحيلة حاقرين بالدايات.
بت أبروف اسمها رحاب العاقب وليس نادية
Post: #12 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 11:05 AM Parent: #11
المستنير،
Quote: الفرق في أن يوم السقيفة الأنصار (عرب الشتات) انصاعوا بأن يكونوا دائماً الوزراء (الكرسي نمرة اتنين على كلام حميدتي) ونحن الأمراء دائماً ( أحفاد العباس).
بالمناسبة ما عندنا بيكم أي علاقة، كلام علاء الدين خطأ. نحن قبائل جهينية، في الأصل يمنية. أنتم قبائل عدنانية. العباسيون والأمويون وهم قبائل قرشية .. الأثنين قتلة تأريخياً والدولة العباسية في العراق ما أراقته من دماء لم يحصل في تأريخ البشرية .. إلا في عهد المقول هولاكو ..
عماليكم دي جيتوا تسوها في السودان، لكن ح نوقفكم في حدكم.
بريمة
Post: #14 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 11:09 AM Parent: #12
وحاجة تانية يالمستنير،
نحن أصل العرب، اليمن السعيد. وأنتم يهود من نسل سيدنا إسماعيل. ما شايف عمايل اليهود باينة فيكم.
ههههاي!! المستير النفاج دا لازم نقفلوه، صعب عليكم.
بريمة
Post: #13 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 11:08 AM Parent: #11
ما يجي زول يقول لي غازي ما عباسي؟!!! عباسي وأي زول متشبع بثقافة المثلث فهو من آل البيت
أقرب ليكم المسألة: يوم السقيفة كان ممكن نوافق على سلمان أو بلال لكن مستحيل كان نوافق على سعد بن عبادة
Post: #15 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 11:18 AM Parent: #13
ما بتقدروا يا بريمة، غير ترضوا بالكرسي رقم اتنين، تزعلوا وتخربوا وتفرفشوا وتسيطروا بالقوة سنة سنتين أو قول اربعطاشر زي بتاعت الخليفة لكن في النهاية بنطردكم وتعود السيطرة لآل المثلث (آل البيت).
نحن نسيطر على ثقافة النيل والدولة لا تقوم بعيداً عن النيل
بنطردكم بنطردكم
Post: #16 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 11:19 AM Parent: #15
تفرفروا
Post: #17 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 11:22 AM Parent: #13
Quote: ما يجي زول يقول لي غازي ما عباسي؟!!!
غازي صلاح الدين، حبانى (هبانية في السودان)، لكن له علاقة أخري بيكم، هو ربما من أصل يهود حبان، لليوم موجودين في اليمن .. عشان كده النسب اليهودي يجمعكم.
بريمة
Post: #18 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 11:32 AM Parent: #17
يا بريمة، أنت قائلنا نستعر من اليهود؟! نحن أحفاد العباس نعتبر اليهود أقرب لنا من الأنصار.
أقرب ليك المسألة وهي قريبة لطريقة العمل المأسونية، نحن واليهود نافشين لعبة الدين لأننا عاملنو وصانعنو، الأنصار دائماً بكونوا ماخدين قصة الدين دي جد جد، ولو خليناهم يمسكوا بخربوا الدنيا وممكن جد جد يقطعوا لينا يد سارق في الزمن دا ويمنعوا الخمر، في حين نحن بنكون خاتين الموضوع تهديد بس لكن السرقة شغالة والبارات شغالة،
بالمناسبة مرات بطلع واحد من آل البيت زي نميري وبكون أشتر لكنها استثناءات
Post: #19 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 11:33 AM Parent: #17
Quote: نحن نسيطر على ثقافة النيل والدولة لا تقوم بعيداً عن النيل
دي حقيقة يا المستنير، الحضارات نشأت علي ضفاف الأنهار.
لكن باقي ليك نحن تانى نرجعوا الغرب ..؟ ما أظن.
بريمة
Post: #20 Title: Re: الموقف العملياتي بامدرمان اليوم الخميس ٧ Author: أبوبكر عباس Date: 03-08-2024, 11:40 AM Parent: #19
خلاص ما دايرين ترجعوا الغرب اقعدوا بادبكم، ما ممكن تجي بحمارك وتكون داير تحكم لازم تصل مرحلة عيون المها بين الرصافة والجسر،
نحن الآن ما عندنا مانع نوافق على ولد داوود الخليفة يحكم لكن مستحيل كان نوافق على الخليفة
Post: #21 Title: Re: الموقف العملياتي بامدرمان اليوم الخميس ٧ Author: Biraima M Adam Date: 03-08-2024, 12:34 PM Parent: #20
Quote: نحن الآن ما عندنا مانع نوافق على ولد داوود الخليفة يحكم
أسرة الخليفة مهمشة .. ولم يسمحوا لأحد منهم يكون رئيس وزراء .. نحن لا ننتظر عيون المها، نحن مع زولنا علي بن الجهم: أنت كالكلب في حفاظك للود و كالتيس في قراع الخطوبِ أنت كالدلو، لا عدمناك دلوًا من كبار الدلا، كبيرَ الذنوبِ بنقلع حقنا قلع .. شوف الكلام دا سمح كيف؟!
بريمة
Post: #22 Title: Re: الموقف العملياتي بامدرمان اليوم الخميس ٧ Author: جمال المنصوري Date: 03-08-2024, 01:01 PM Parent: #21
Quote: يعني القصة ما كباشي وعساكر براهم حتى أولاد الجميلة ومستحيلة حاقرين بالدايات.
يا بكور الجيش واقف برة مستشفى الدايات لسببين: الاول: لعدم الاطلاع على عورات النساء. ثانيا: الاب دائما بكون قلقان عشان كده بقعد في ضل الشدرة لحدت ما يسمع الزغرودة
Post: #23 Title: Re: الموقف العملياتي بامدرمان اليوم الخميس ٧ Author: MAHJOOP ALI Date: 03-10-2024, 03:01 AM Parent: #22
جمال الجميل زمن ياالحبيب ، نصيحه لي رب العالمين بريمه دا كوز ماصل ومفصل نحن في الموقع دا من زمن حفروا البحر المستنير راجل ذكي وبحب يبحت في البعر اظن بحب العقارب ولقالوا عقرب موهضلم خابروا
Post: #24 Title: Re: الموقف العملياتي بامدرمان اليوم الخميس ٧ Author: جمال المنصوري Date: 03-10-2024, 04:18 AM Parent: #23
Quote: جمال الجميل زمن ياالحبيب ، نصيحه لي رب العالمين بريمه دا كوز ماصل ومفصل نحن في الموقع دا من زمن حفروا البحر المستنير راجل ذكي وبحب يبحت في البعر اظن بحب العقارب ولقالوا عقرب موهضلم خابروا
محجوب ود علي وينك يا راجل؟ رمضان كريم يا صاحبي بنعاد عليك وعلى كل اسودان بالخير والامن والطمأنينة كوزنة بؤيمة والدفعة المعاهو انا عندي ليها ارشيف بجيبوا ليه في الوكت المناسب