|
|
|
 Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
دكتور الزين عباس الفحل
رجل من الطراز الاول ،
تميز بالشجاعة المطلقة
بنخوة الجعليين.
والركوب علي الأهوال .
ولا ترضي نفسه الأبيض
الا التربع علي القمم
والحنكة السياسية ،
والنبوغ الفريد منذ نعومة الأظافر
تراه حكيما قليل الكلام .
يحسن القول والفعل
سباقا للخير الوفير لكل الناس
نجح دكتور الزين عباس الفحل
بمسلكه الفريد القويم هذا
وحبه لاعمال الخير
باجتذاب الناس الي رحابه
ذو شعبية واسعة النطاق
تربطه علاقات اجتماعية وثيقة ،
برموز المجتمع السوداني
من أساتذة الجامعات
و المثقفين والكتاب
والشعراء واهل الفن .
وقادة الراي العام
والخبراء ورجال الاعمال
وسائل الاعلام العالمية اولا ثم المحليه
اما علاقته بابونا الشيخ عبدالرحيم البرعي
علافة فريدة وشيجة متينة
Close relationships
،،،،،،،
عزالدين عباس الفحل
ابوظبي
| |
  
|
|
|
|
|
|
|
 Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
حُلم جميل أرق مضجعي .
قبل شوية كنت نايم نوم عميق .
واليوم جمعة وقبل صلاة العصر تقريبا .
رايت في المنام انو انا في بيتنا الكبير بالسودان.
وكان كل ناس البيت كلهم موجودين
بالتمام والحمد لله . شفت كل أهلي،
وزي الكان عندي مشكلة بيتناقشوا فيها
هي كيفية الرجوع لشخصي الضعيف
من الاجازة السنوية الي الامارات ،
انو أنا ما عندي تذكرة طيران للرجعة إلي الإمارات .
والزين اخوي كان عندو سيارة صغيرة لونها ابيض
وأعطاني إياها لكي اسوقها
في فترة الاجازةالسنوية بالسودان.
المهم دخلت البرندة بتاعت الرجال
لقيت صينية كبيرة عليها فول سوداني
وكان القشر بتاع مبعثر من الاكل .
سالت الجاب الفول السوداني أبو قشر دا منو ؟؟؟
قالو لي :- - جابو الزين ولقيت إبني الصغير مبسوط
من اكل الفول السوداني ابو قشر
لانو غير موجود في بلاد المهجر
و أرض الغربي الطويلة الممتدة ،
المهم دخلت الاوضة بتاعت الزين أخوي.
لقيتو يضحك ومبسوط للاخر كالعادة
حتي اني لاحظت فلجات أسنانه الناصعة البياض
وقال لي :-- خلاص الحمد لله حلينا ليك مشكلة تذكرة الطيارة
عشان ترجع الامارات.
قلت ليه كيف ؟؟؟؟
قال لي :-- أنو إبنك ح يدفع النصف طيب .
وانا وإخوتي ح ندفع النصف التاني .
قمت ضحكت من الفرح.
قلت ليهو :- - التذكرة كلها دفعتها فردوس عمتي دي
.ويهدي التذكرة .
وعمتي فردوس ست ولا كل نساء العالم
مشهود لها بالمواقف الخيرية
شهامة وكرم فياض.
وبصيرة بدهاليز الأمور
علمتها الحياة الحنكة والسياسة والنخوة
قمت انا وريت لي الزين اخوي التذكرة .
إنبسط الزين اخوي شديد أنو فردوس عمتي
حلت المشكلة بدفع قيمة تذكرة
الرجعة الخرطوم أبوظبي ،.
بعدها قام الزين اخوي رفع مفتاح سيارة فووووق ،
قال لي الزين :--
السيارة دي كبيرة بتاعتي فور ويل 4wheels.
ح اديها ليك تسوقها في الاجازة
بس خايف تكسرها لي ي عزالدين . .
قمت ضحكت شديد .
وقلت ليهو: -- يا الزين إنت عارف انا مهندس
و ناس الشغل اصلا ادوني سيارة Pajero
كبيرة بيضاء ( حقيقة ) 4wheels فور ويل
- ضحك الزين اخوي شديد كعادته
وقال لي:- - صحي يا عزالدين ناس الشغل
ادوك السيارة الكبيرة Mitsubishi Pajero
والا انت بتخمنا ساااااااي.
قمنا ضحكنا كلنا مع بعض بأعلي الأصوات .
وفجاءة صحيت من النوم .
...الحلم والله العظيم كأنه حقيقة وواقع ،
يا إلهي ،،،،،. يا إلهي ...
اللهم اغفر وارحم
الوالدة وعمتي فردوس والزين أخوي
رحمة واسعة.
واجمعنا بهم اجمعين في جنة
عرضها السموات والارض يا أكرم الأكرمين
و بغير حساب ..
اللَّهُمَّ، اغْفِرْ لهم وَارْحَمْهم،
وَاعْفُ عنْهم وَعَافِهِم،
وَأَكْرِمْ نُزُلَهُم،
اللهمّ أبدله داراً خيراً من دارهم،
وأهلاً خيراً من أهلهم،
وأدخلهم الجنّة،
وأعذهم من عذاب القبر،
ومن عذاب النّار.
اللهم أجعل قبورهم روضة من رياض الجنة ،
اللهم نور مرقدهم وانس وحشتهم ..
ووسع مدخلهم واغسلهم بالماء والثلج والبرد .
ونقهم من الخطايا كما ينقي الثوب الابيض من الدنس .
انهم كانو فينا خييرين رحيمين .
إنا لله وإنا إليه راجعون،
،،،،،
عزالدين عباس الفحل
ابوظبي
| |
|
|
|
|
|
|
|
|
|
Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
كان دكتور الزين عباس الفحل
ذا الرصيد السياسي الكبير ،
والاجتماعي العريض ،
والإعلامي النابغة ،
في العمل الصالح العام ،
باع طويل وعريض في تقديم
الشيخ عبد الرحيم بن الشيخ محمد وقيع الله "البرعي"
المعروف بالشيخ عبدالرحيم البرعي ،
الي وسائل الاعلام وأجهزته المتنوعة
فسطع نجمه عاليا كلافق الفسيح
والشيخ عبدالرحيم البرعي
معروفا من شعراء المدائح النبوية السودانية
الذي برع في الأدب النبوي الرفيع ،
فاق الوصف في مدح الرسول ،
عليه افضل الصلاة والتسليم ،
كان دكتور الزين عباس الفحل
من اوئل الذين زاروا الشيخ البرعي
في الزريبة وهي تقع شمال شرق مدينة الأبيض
ما يعرف بمسيد الشيخ البرعي
خلاوي لتحفيظ القرآن الكريم ،
حكي لي دكتور الزين عباس الفحل
عن الزريبة الواسعة ،
بفيض منيع من تلاميذ ،
حفظة القرآن الكريم
شيبا وشبابا وكهولا .
دندنهم كتاب الله
تلاوات لا توصف روعة ،
تخترق القلوب والعقول
تمتزج الاصوات القرآنية
اصوات عالية الجودة ،
بالألوانها الزاهية
فتشع في النفس الطمانينة ،
والحبور وراحة البال
والخلوّ من الهم والغم ،
والهدوء النفسي،
والانشراح بالذكر الحكيم ،
كان في الزريبة صالة لكبار الضيوف
مليئة بالحفاوة والتقدير ،
VIP
بها ما لذ وطاب من الاطعمة .
Delicious food
،،،،،،،
عزالدين عباس الفحل
ابوظبي
| |
|
|
|
|
|
|
|
|
|
Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
الشيخ عبدالرحيم بن الشيح محمد وقيع الله.( البرعي ) .
احد أبرز شيوخ الصوفية العاملين في السودان والعالم الاسلامي.
،،،،،،،
الشيخ عبدالرحيم بن الشيح محمد وقيع الله.( البرعي ) .
احد أبرز شيوخ الصوفية العاملين في السودان والعالم الاسلامي.
والمشير عبد الرحمن محمد حسن سوار الذهب .
رئيس للجمهورية السودانية .عام 1985،
،،،،،،،
عزالدين عباس الفحل
ابوظبي
| |
|
|
|
|
|
|
|
|
|
Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
،،، دكتور الزين عباس الفحل ،،،
، عليه رحمة الله تعالي ،
,,,,,,,,,
عزالدين عباس الفحل
ابوظبي
(عدل بواسطة عزالدين عباس الفحل on 06-07-2026, 08:43 AM)
(عدل بواسطة عزالدين عباس الفحل on 06-07-2026, 08:55 AM)
| |
|
|
|
|
|
|
|
|
|
Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
كثرت زيارات
دكتور الزين عباس الفحل
عليه رحمة الله تعالي
إلي الزريبة مقر
الشيخ عبدالرحيم بن الشيح محمد وقيع الله.
( البرعي )
عليه رحمة الله تعالي
احد أبرز شيوخ الصوفية
العاملين في السودان
والعالم الاسلامي
لتحفيظ القرآن الكريم
ونشأت علاقة قوية البنيان
متينة وصافية
بين الصوفية والطب
الشيخ عبدالرحيم بن الشيح محمد وقيع الله
عليه رحمة الله تعالي
شيخ حفظة القرآن الكريم
ودكتور الزين عباس الفحل
عليه رحمة الله تعالي.
فطلب دكتور دكتور الزين عباس الفحل
من الشيخ عبدالرحيم بن الشيح محمد وقيع الله
بضرورة زيارته لنا
في منزلنا الكائن
بالخرطوم بحري
وافق الشيخ البرعي علي الزيارة
ثم قال :-
أنا بطلع من الزيبة دي بالإذن
يا دكتور الزين
و ح أزورك في بيتك
وقد كان ،
,,,,,,,,,
عزالدين عباس الفحل
ابوظبي
| |
|
|
|
|
|
|
|
|
|
Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
في يوم كثير الغيوم
كثيف المني
بهالة الرونق
و سحرية الأمل
تطرق الأرواح بالجمال
وتسحر المشاعر الدفينة
فالغيوم مسحة سحرية
مثيرةً بالورود و القرنفل
والرياحين والأقحوان
عظيمة المشهد
دق الهاتف الخلوي
لدكتور الزين عباس الفحل
عليه رحمة الله تعالي
وهو في القصر الجمهوري آنذاك
إذ دخل عليه أبونا
الشيخ عبدالرحيم بن الشيح محمد وقيع الله
( البرعي )
عليه رحمة الله تعالي
عبر الهاتف الخلوي ،
قائلاً :-
- يا دكتور الزين أنا في الخرتوم
جمب جامعة الخوطوم
عايز أزورك في بيتكم ،
هلت الأنوار البلورية ،
وإزينت الخرتوم
بالملائكة الكرام
وتغلفت البركة ،
بوشاح السرور
وازدانت الدنيا
بنور ابونا
الشيخ عبدالرحيم بن الشيح محمد وقيع الله
( البرعي )
في دارنا ،
,,,,,,,,,
عزالدين عباس الفحل
ابوظبي
(عدل بواسطة عزالدين عباس الفحل on 06-08-2026, 07:34 AM)
| |
|
|
|
|
|
|
|
|
|
Re: ما بين الشيخ عبدالرحيم البرعي ودكتور الزي (Re: عزالدين عباس الفحل)
|
إلتقي شقيقي
الدكتور الزين عباس الفحل
عليه رحمة الله تعالي
بالشيخ عبدالرحيم بن الشيح محمد وقيع الله
( البرعي )
عليه رحمة الله تعالي
بشارع جامعة الخوطوم
ثم توجهوا سوياً
إلي دارنا
بالخرطوم بحري
وجمع غفير من حاشية
الشيخ الجليل
وهالة من الركب الضخم
كلهم في موكب
مهيب مريب
إلي الخرطوم بحري
إستقبلهم الوالد عباس الفحل
بالحفاوة والتقدير
ماداً ذراعيه
مَهْلًا ومكبراً
و فاض القلب حباً
مودة وإحتراماً
وإنشراحاً والسروراً
وفيض من البركة
والنعيم المقيم
فذُبحت الذبائح
تشريفاً وتكريماً
بالضيف العزيز
الشيخ عبدالرحيم بن الشيح محمد وقيع الله
( البرعي )
وجاءت الوالدة
عليها رحمة الله تعالي
وسلمت علي الشيخ
وصاحت أمي
عليها رحمة الله تعالي
فرحاً وبشراً
وكلها نشوة وسرور
وقالت : -
جاتنا البركة .
وهرولت امي إلي الداخل
وهنا تكلم الشيخ البرعي :-
يا حجة وذكرها بإسمها
ما تعملي أي حاجة
بس أنا عايز كورية ليمون .
فجئ بكورية ليمون كبيرة
فمدتها الي أبونا
بالشيخ عبدالرحيم بن الشيح محمد وقيع الله
( البرعي )
فمسكها منها وقال :-
أول حاجة يشرب
حاج عباس الفحل
وألح الوالد هيبة
لكن إصرار
الشيخ عبدالرحيم بن الشيح محمد وقيع الله
( البرعي )
تواضعاً وإنكساراً
هكذا مقام الرجال ،
,,,,,,,,,
عزالدين عباس الفحل
ابوظبي
(عدل بواسطة عزالدين عباس الفحل on 06-12-2026, 10:36 AM)
| |
|
|
|
|
|
|
احدث المقالات بسودانيزاونلاين اليوم
| |
عزالدين عباس الفحل
فيس بوك
تويتر
انستقرام
يوتيوب
بنتيريست