حسين المقصود هو حسين خوجلي وهذا ما قاله في حوالي منتصف مارس 2019
Post: #2 Title: Re: من هو حسين الذي ورد إسمه في قصيدة أزهري مح� Author: Yasir Elsharif Date: 02-28-2024, 02:05 PM Parent: #1
"قول لحسين هناك في الشرفة حمد الله الوصلنا سلامة
والشرفة هي قرية حسين خوجلي.
Quote: خريف الدم الشاعر: أزهري محمد علي في شارع القيادة العامة من كل حتة وفرقة فجينا الأرض ووقفنا دي الوقفة التشوفها قيامة ماراحت شمار في مرقة بتزيدنا ونزيدا وسامة يوم جرد الحساب بالورقة حاسب نفسك اللوامة حاسب والمتاريس درقة والشجر البيمشي يمامة عينو على الرغيف والطرقة وأنت على المعاك يتامى بينك والمشارع فرقة والبحر الكبير دوامة قول لحسين هناك في الشرفة حمدالله الوصلنا سلامة زي يوم الوقوف بي عرفة والنَّاس الهناك أياما شاهرين الهتاف سلمية رافعين الأيادي علامة أتنين بالكتير في المية والباقي بنتمو شهامة لو تصبر علينا شوية والصبر إن كمل نتسامى فوق كل الجراح الحية والنار التذكي ضراما ما بتعرف كلمة أحييا والنضم الوراهو ملامة والعمر البروح عيدية هدر في مسخرة دعامة ما بناخد فداهو الدية ما بنقبل قصادو غرامة نحنى على الفداء إتواعدنا وإتعاهدنا حب وكرامة زي سرب القماري صعدنا في لحظة وقوع الطامة إتوسمنا خير وقعدنا في جحر الأفاعي السامه شن طعم القيادة بعدنا شن معناهو طولة القامة في القلعة المشيد سورا قايلين الوراها نشامه في ذاكرة شعوب محفورة في صدر المعارك شامة تبت دوشكتا المأجورة تاكل من حلالا حراما تتلامع سماحة صوره وأولادنا بتموت قداما يا عار القيادة العامة والواحدة ميقات التجلي ميقات صعود الثورة في هرم المواعيد زغرودة والشارع يقوم وتبدأ الملاحم بالزغاريد من وين بنبداها الحكايات يا حرفنا المختصر المفيد أنفض حيل الكلمة وإنفضت ملمات يا دمنا المسفوح قبائل العيد نتلاقى في وهج البشارات والمعاني الخالدة في بيت القصيد دقت النوبات ودندنة الأناشيد للولاد المارقة حوبات الشهيد تلو الشهيد وَيَا خريف الدم سلامات نحنى بي موتنا بنزيد والبموت شان وطنو ما مات بتولد من أول جديد جينا من رحم البسالات جونا من بره الأجاويد خلينا بالنا على البلاد ختولنا في الجرح المراويد جات كلاكلات إيد علي إيد بري شمبات المسيد جبره وأمدر والحشود المارقة من كبري الحديد إنت بتكيد والشعب يفعل ما يريد يحيا الكفاح وينبغي وتسقط كتائب الجنجويد
Post: #3 Title: Re: من هو حسين الذي ورد إسمه في قصيدة أزهري مح� Author: Yasir Elsharif Date: 02-28-2024, 02:06 PM Parent: #1
Post: #4 Title: Re: من هو حسين الذي ورد إسمه في قصيدة أزهري مح� Author: Yasir Elsharif Date: 02-28-2024, 02:07 PM Parent: #1
مكرر بدون قصد
Post: #5 Title: Re: من هو حسين الذي ورد إسمه في قصيدة أزهري مح� Author: Amira Hussien Date: 02-28-2024, 05:15 PM Parent: #1
تسقط كتائب الجنجويد الف مرة
Post: #6 Title: Re: من هو حسين الذي ورد إسمه في قصيدة أزهري مح� Author: هدى ميرغنى Date: 02-28-2024, 06:23 PM Parent: #5
Post: #7 Title: Re: من هو حسين الذي ورد إسمه في قصيدة أزهري مح� Author: Yasir Elsharif Date: 02-28-2024, 09:38 PM Parent: #6
تحية طيبة أميرة وهدى. والحمد لله على ظهورك في المنبر يا هدى. المقصود حسين خوجلي فهو الذي قال ان المعارضة ٢في المئة.
Post: #8 Title: Re: من هو حسين الذي ورد إسمه في قصيدة أزهري مح� Author: mohmmed said ahmed Date: 02-29-2024, 05:25 AM Parent: #7
اول امس استمتعنا بامسية شعرية مع الرائع ازهري قبل يومين في المركز السوداني بالشارقة
طلبت منو هذه القصيدة قال دي بتجيب ليكم الهواء
مع انو القصائد التى رددها لا تقل عنها ثورية
Post: #9 Title: Re: من هو حسين الذي ورد إسمه في قصيدة أزهري مح� Author: بدر الدين الأمير Date: 02-29-2024, 07:11 AM Parent: #8
سلام ياسر وضيوفه المقصود هو المرخرخ حسين خوجلى الشرفة هى قريته بشرق الجزيرة طبعا المرخرخ عمال فيها ام درمانى
Post: #10 Title: Re: من هو حسين الذي ورد إسمه في قصيدة أزهري مح� Author: Yasir Elsharif Date: 02-29-2024, 10:25 AM Parent: #9
Quote: الجزيرة - السودان [13 أكتوبر 2019] حديث مع الشاعر السوداني أزهري محمد علي عن دور الشعر في الثورة السودانية الجزيرة – هذا الصباح
Post: #11 Title: Re: من هو حسين الذي ورد إسمه في قصيدة أزهري مح� Author: Yasir Elsharif Date: 02-29-2024, 10:34 AM Parent: #10
Quote: حزب المؤتمر السوداني war live. [8 مايو 2019] نقل وبث مباشر لمشاركة الشاعر ازهري محمد علي في إلقاء شعري بمنصة إعتصام القيادة العامة للقوات المسلحة بالعاصمة الخرطوم . إعلام حزب المؤتمر السوداني
Post: #12 Title: Re: من هو حسين الذي ورد إسمه في قصيدة أزهري مح� Author: Amira Hussien Date: 02-29-2024, 11:30 AM Parent: #1
تسقط كتائب الجنجويد الف مرة
Post: #13 Title: Re: من هو حسين الذي ورد إسمه في قصيدة أزهري مح� Author: Amira Hussien Date: 02-29-2024, 11:33 AM Parent: #1
هدى ان شاء الله انتى طيبة
Post: #14 Title: Re: من هو حسين الذي ورد إسمه في قصيدة أزهري مح� Author: هدى ميرغنى Date: 03-04-2024, 08:56 PM Parent: #13
سلام دائما أخى دكتور ياسر~ شكرا على التصحيح والتوضيح، كنت فاكرة الشرفة هى الأعالى التى رحل اليها الأستاذ محمود حسنين *الشعراء أذكياء نحتاج ان نقرأهم بهدؤ
Post: #15 Title: Re: من هو حسين الذي ورد إسمه في قصيدة أزهري مح� Author: هدى ميرغنى Date: 03-04-2024, 08:59 PM Parent: #14
Quote: هدى ان شاء الله انتى طيبة
أميرة الأميرة ، شكرا ليك ودكتور ياسر أيضا على السؤال أنا طيبة يا عزيزتى ربنا يطيب حال السودان ويطيب خاطر الشعب السودانى الصابر