Post: #1
Title: ناس كندا، التقديم بكره الثلاثاء , جاهزين؟ عندى سر
Author: النصرى أمين
Date: 02-26-2024, 10:38 PM
09:38 PM February, 26 2024 سودانيز اون لاين
النصرى أمين-كالغرى, كندا
مكتبتى
رابط مختصر
طبعا المنافسة شديده، مافى رحمة ، بل بس .
كلها تلاته الف فرصة و مليون زول داير يقدم .
يلا انا اتغاتت ...
بعد مشاهدة مليون ندوة عن التقديم و عشرات الساعات اتصفح موقع الوزارة.
انتبهت لحاجة لمعظم الناس ما انتبهوا ليها ، حتى الجماعة العاملين فيها مقددنا لم يذكروها .
طبعا اى زول عارف شروط التقديم ، باختصار حامل للجواز ، مقيم و مقدرة مالية.
يلا من ضمن الشروط ما يكون عندك مشكلة مع الحكومة قبل كده و ما يكون عندك سجل اجرامى .
طيب لمن تقدم وزارة الهجره تعرف كيف اذا انت متردد سجون ولا لا !!!!!
غالبا (وهنا موطن السر المتا بيهو) غالبا يطالبوا تقرير بوليس police report
اها التقريره بياخد اسبوعين واكتر ...
انا من ايام التقديم لقروب فايف عندى التقرير ده.
طبعا ما معروف التقرير ده حيكون مطلوب بكره ولا لا ، غايتو لو طلع مطلوب ناس كتار حيتمقلبوا ونكون
نحن فى الطيارة .....
ضفر شديد جغم ، بل بس
|
Post: #2
Title: Re: ناس كندا، التقديم بكره الثلاثاء , جاهزين؟
Author: النصرى أمين
Date: 02-27-2024, 03:06 AM
Parent: #1
https://ibb.co/k1HKDVX
|
Post: #3
Title: Re: ناس كندا، التقديم بكره الثلاثاء , جاهزين؟
Author: السر عبدالله
Date: 02-28-2024, 03:20 PM
Parent: #2
النصرى
فتحنا الفورم ولقيناهو ما ساهل وخاصة الDownload للوثائق
بس عاوزنك تبسط لينا الأمر شوية وتورينا انت ممكن تقدم لمن ؟
بالتفصيل ...لانه ما موضح في موقع الIRCC
|
Post: #4
Title: Re: ناس كندا، التقديم بكره الثلاثاء , جاهزين؟
Author: النصرى أمين
Date: 02-29-2024, 02:50 AM
Parent: #3
اهلا يا السر
انت يادوب بتسال ؟ ناس كتار قدمت و احتمال كبير التقديم يقفل فى زمن قياسى .
ممكن تجيب الاخ و الاخت
الام والاب
الابناء.
نحن طبعا فى سننا دى مركزين على الاخ والاخت
التقديم معقد وفى نفس الوقت بسيط لو فهمت الطريقة.
نفترض اخوك قاعد فى القاهرة و داير تجيبه
الاخ يعمل حساب فى ircc (وزارة الهجرة و اللاجئين )
و يقدم طلب اقامة دائمة PR عن طريق برنامج السودان لم الشمل.
هناك فورمات لازم اخوك يعبيها
وفى النهاية فى فورمات انت تعبيها و ترفق مستندات اساسية .
الفورم الوحيد الذى يحتاج طباعة هو Statutory declaration
لازم تطبعه و تمشى لزول بتاع notary public يوقع عليه.
تدفع الرسوم و انتهى الموضوع
لو زولك فى القاهرة ممكن يتواصل مع ابن اخى فى الإسكندرية ممكن يساعده فى التعبئة بس لازم تسرع
زمن مافى
|
|