هو بعلمو كدة عشان شنو..!

08:12 AM February, 25 2024

سودانيز اون لاين
عبدالقادر محمد-عمق الوطن
مكتبتى
رابط مختصر

ضد اي سلام يفضي لبناء الدولة منذ عقود وتحديثها
لم تكن البداية باتفاق قرنق والميرغني باديس ابابا ولم ينتهي باتفاق كباشي ودقلو بالمنامة

هم ضد بناء الدولة السودانية علي اساس السلام والمواطنة والتعاون ونبذ الاحقاد والانتقام

هم ضد تحديث الدولة لتواكب الحاضر الذي نعيشه
وضد الصحة وضد التعليم وضد التنمية وضد حتي مشيئة الخالق الذي سمي نفسه بالسلام

هم ضد الاستقرار السياسي والاقتصادي والاجتماعي
هم ضد حتي انفسهم وكارهين لها

باعوا انفسهم لمخابرات دول الشر جميعها ليجعلوا هذا الوطن خراباً تنعق فيه البوم وتحلق الصقور فوق رفاة سكانه
بعملوا كدة لشنو وعشان شنو ولمصلحة منو ..!

ضد الهوية السودانية الحقيقية مستعبدين لذواتهم الكارهة لحقيقتهم
رحماء مع الغرباء واعداء مع السودان ارضاً وانساناً وتاريخاً

طمسوا تاريخ راسخ في القدم امتد لالاف السنين لمصلحة مصر
ويحاولون كتابة تاريخ مشوه لا يمت لماضينا بصلة ولا يشبهنا ولا يعبر عنا
..
كل دة عشان شنو ..!

يزرعون في الاحقاد لبن الناس ويوزعون لهم الموت مجاناً ويحرمونهم من حقهم في الحياة والتعليم والصحة
يبثون في سمومهم بين الناس باسم القبيلة والثقافة واللسان واللون مع اننا جميعا كشعب سوداني نتشابه في كل شي الا الجغرافيا
يتبنون كل ما يهدم نسيجنا الاجتماعي ويعملون بكل طاقتهم لأن يكون السودان متأخراً عشرات السنين للوراء متخلفاً في كل شيء
ولا ادري السبب (عشان شنو ولمصلحة منو)

ما تركوا مشروعاً استراتيجياً الا وجعلوه خرابة مشروع الجزيرة كمثال والخطوط السودانية والبحرية وكل البنية التحتية في البلد
هؤلاء الناس غريبين في كل شيء او لنقل مرضي نفسيين