أمدرمان دي سرها شنو العاوز يسيطر عليها طرفا القتال بأي طريقة ؟

04:05 PM February, 23 2024

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

ام درمان مهمة
فيها الطابية
وفيها الإذاعة والتلفزيون
وفيها قبة المهدى
وفيها بيت المال
وفيها بوابة عبد القيوم
وفيها شيخ الأمين ،حاتم الطائي السودانى

سلام السر
او كما اشار التقرير

Quote: وإضافة إلى كونها العاصمة الثقافية للسودان، تكمن الأهمية الاستراتيجية لمدينة أم درمان في أنها تشكل مدخلا مهما للعاصمة من الناحيتين الشمالية والغربية، كما تضم قاعدة كرري العسكرية وسلاح المهندسين والسلاح الطبي.

-

Quote: وفيها الإذاعة والتلفزيون

اها الإذاعة دي بيمرق منها البيان الأول بتاع اي إنقلاب عسكري
اتمنى مكتبتها تكون بخير لأنه حكامنا، المغبورين والحيين، لم يعملوا على حفظها (يرقمنوها) تجنباً للخراب والضياع في مثل هذه الوضع الصعب
الحمد لله نجت من العبث في زمن المتطرف الراحل الطيب مصطفى لما كان مسؤول عنها في فترة من فترات سيئة السمعة حكومة الانقاذ.

الاشكال انه لازال كل طرف يدعي الغلبة والسيطرة التامة على مناطق في امدرمان
فيديو للدعامة بناريخ اليوم

فيديو للجيش تاريخ تحميله اليوم

فيديو بتاريخ 16 فبراير الجاري لمواطنين في امدرمان (شارع النص) مبتهجين بلقاء جيش كرري بجيش المهندسين

Quote: ام درمان مهمة فيها الطابية وفيها الإذاعة والتلفزيون وفيها قبة المهدى وفيها بيت المال وفيها بوابة عبد القيوم وفيها شيخ الأمين ،حاتم الطائي السودانى

ما تنسى يا السر الهلال والمريخ ... إرثنا الكروي وهوس واهازيج مشجعيهم
الغريبة حميدتي نفسه ساهم في صيانة ملعب احد الفريقين
تخيل الكوؤس والأعلام والصور التاريخية .. أرشيف تليد اسأل الله ألا يكون قد إمتدت إليه أيدي المخربين

الاخ الغالى حيدر
تحياتى
وسلامى للجميع واتمنى ان يكون الجميع وكل الاهل بخير وعافيه فى ظل هذه الحرب العبثييه التى قضت على كل جميل وتبا عليهم اجمعين كل من اشعل الحرب
امدرمان سرها انها مدينه تعيش فينا ونعيش فيها بقلوبنا والارواح فيها والاجساد بعيده الاف الاميال ولكن هناك مدن تعيش فيها ومدن تعيش فيك
واقل شى اقول ليك عن سر امدرمان انها منبع كل جميل وقيل فيها كل جميل قيل فيها
المكان وامدرمان تلك العاصمه الانثى الجمليه الرائعه .
كتبوا عنها الكثير والجميل
وقال الشعراء عن امدرمان
ما قاله شعراء الحققبيه من شعر عن امدرمان اكثر منما قيل عن عاصمه العراق بغداد فى عهد الخليفه هارون الرشيد
.
العبادي يقول:
ليك سلامي يا ام در أمان
اقبليه وهاتي الضمان
ويقول عبيد:
طال هجري يا ام در أمان
بي بعادك حكم الزمان
وخليل فرح يقول:
أذكر بقعة امدرمان
وانشر في ربوعنا أمان
ذكر يا شبابي زمان
درانا ودار أبونا زمان
فيها رفات جدودنا كمان
ما بنساك خلقة ضمان
جنة وحور حماك أمان
ذكر يا شبابي زمان
بطري الاسسوك زمان
كانوا نحاف جسوم ما سمان
كانوا يحلحلوا الغرمان
يساهروا يتفقدوا الصرمان
اتذكر يا شبابي زمان
في السودان فتيح معروف
ولسه بعنجة خوره سروف
ود نوباوي زول معروف
باقي وديك مشارع
ذكر يا شبابي زمان
كانوا جبال مكان وتقال
نزلوا اتربعوا الأركان
خلوا البقعة كل مكان
آهلة ورازة بالسكان
ذكر يا شبابي زمان
ليه ياكعبة العربان
غاضبة وفين عريسك بان
قبال نسأل الركبان
حبك من حسودك با نذكر يا شبابي زمان
في جوفي كاويني حب ام عفاف
أم در من قبل تكويني كمان
وقال عتيق:
من النيل بالجهة الغربية
أنظر معقل الوطنية أم درمان
أﻧﺎ ﺍﻣﺪﺭﻣﺎﻥ أﻧﺎ ﺍلأﻣﺔ
ﻭﺻﻮﺕ ﺍلأﻣﺔ ﻭإﺣﺴﺎﺳﻪ
أﻧﺎ ﺍﻟﺘﺄﺳﻴﺲ ﺑﻲ ﺗﻢ
ﻭأﻧﺎ ﺍﻟﻠﻤﻴﺖ ﺷﺘﺎﺕ ﻧﺎﺳﺎ
ﻣﺰﺟﺖ ﺷﻤﺎﻻ ﺑﺠﻨﻮﺑﺎ
ﻭﺳﻜﺒﺖ ﺷﺮﻭﻗﺎ ﻓﻲ ﻏﺮﻭﺑﻪ
ﻭﺯرﻋﺖ ﺍﻟﻄﻴﺒﺔ ﻓﻲ ﺩﺭﻭﺑﺎ
ﻭﻃﺎﺑﺖ ﻋﺰﺓ للأﻭﻃﺎﻥ

ولكن اجمل ماقيل عن امدرمان من شعر عالق فى ذهن كل اهل امدرمان
من فتيح للخور للمغالق
من علايل أبروف للمزالق
قدله يا مولاي خافي حالق
بالطريق الشاقه الترام
خليل فرح، “ما هو عارف قَدَمُه المُفارِق

الاخوه الاعضاء والاخ الغالى حيد
نمشى مع بعض فى جوله امدرمانيه ونسال من منكم ياناس امدرمان بتذكر الناس والشخصيات التاليه
هل سمعت بملكه جمال امدرمان فى الزمن الجميل
عزيزه ادم منديل ملكة جمال السودان
التي غنى لها (عبيد عبدالرحمن) و (سرور) اغنية (آه من جور زماني).. (أفكر فيه وأتامل).. (حليل زمن الصبا).. ( ذكراك سمير روحي).. (غزال البر).أما أغانيها من سيد عبدالعزيز، فهي: (يا مداعب الغصن الرطيب).. (أنَّة المجروح).. وأغنية (يا بنت النيل) وهي بطلة اغنية “ظبية المسالمة” و “غزال المسالمة” واغاني أخريات من اغاني الحقيبة
طيب هل قرات مجله الصبيان وعمك تنقو والرسام الفنان شرحبيل احمد و لا مريت بسوق المورده واكلت سمك من شعيب ولا من عوضيه وتكون محظوظ يا زول يا ولد دقلو ومن معك من المرتزقه لو كنت من ناس ومواليد امدرمان كان وانت طفل وانت مريض عالجك الدكتور فواد عبده ولا فى زول فيكم امو اتعالجت عند دكتور ابراهيم الحضرى ولا دكتور ابراهيم المفتى ولا عندك فحص دم وفحص ليك الفحيص العم مكى والد علاء الدين مكى ووسامه مكى ولا انت كبير وعيان كان عالجك للكسور الفيك قبل الموت كان عالجك دكتور خواجه فى حى العمده ولادكتورعبدالمنعم الشفيع اخصائى العظام البروف الذى لديهم حيى كامل فى امدرمان اسمه حى الشفياعه وهل فيكم زول كان عندو حاله نفسيه ورقد فى التجانى الماحى فى امدرمان ولا اتعالجتو بالموسيقى مع الفنان عبدالعظيم حركه اولوفيكم زول اتكسراى كسر فى العظام رجعت الكسر الخاله بت بتى قدرت ترجع ليكم الكسر بالجبيره
وتعال افسحك فى النيل هل شربت مويه النيل ولاشميت الهواء تحت كبرى شمبات ولا فى نهار رمضان الحار قيلت تحت الكبرى بتاع شمبات الذى غرق فيه خيره شباب امدرمان زى السر دؤاد عليه رحمه الله ولا اكلت ليمون وجوافه من مزراع السيد عبدالرحمن التحت الكبرى بتاع شمبات ، ولا رميت سناره من فوق كبرى شمبات ، وانا بحلف انو ما حصل ليكم ولا هل حضرت حفله فى صاله الريفيرا ولا عمرك سمعت بى اشهر القابلات ، الخاله الشول خيرى ،ولا حاجه وزنوا الدايه وديل كلهم اشهر القابلات فى امدرمان واغلب علماء ومشاهير امدرمان اتولدو على يد هولاء الفاضلات
..ياحليل امدرمان وناس امدرمان ..... ولا فى يوم من عمرك مشيت عصرية في دار الرياضه امدرمان وشفت الموت الاحمر بين قريق ابوروف وبيت المال وناس كلبو وعلى صمغه وشرف وهل فى دار الرياضه اكلت تسالى عمك ابوشنب الشايقى طبعا لا و لا شفت عمك كاك ولا شفت ولا شريت شاى فى دار الرياضه ولا فى الليل مشيت حفله فى العباسيه وغنى فيها العندليب الاسمر زيدان ابراهيم وسط الزهور متصوروجهه الصبوح ومنور
وهل سمعت زيدان ابراهيم بغنى للكابلى فيك يامروى شفت كل جميل
وهل فى يوم اى خميس قعدت فى حديقه المورده ولا الجندول وكان معاك الاصحاب ومعاكم زول عامل فنان وبعزف فى العود ويغني اغانى الزمن الجميل
ولا زول بقول فى نكات وهل شفت اولاد امدرمان فى الهلال والمريخ ناس كمال عبدالوهاب دكتور الكره السودانيه

الاخ الغالى حيد ماعايز ارحم ليك البوست لاننى بصدد اصدار كتاب مكون 1566 صفحه عن امدرمان والان الكتاب تحت التصحييح وتجنب الاخطاء اللغويه ولكن اوعدك ارسلوا ليك بى دى اف
وهاك مقتتطفات من الكتاب
ولا لقيت الرائع ابراهيم عوض وغنى ليك تذكار عزيز ياقلبى شايلوا جرح اليم
وهل عمرك شفت الانيق الرائع ابراهيم عوض بكامل اناقته وهندامه زمان وكيفيه تسريح الشعر حتى كانت هناك شقه شعر وتسريحه اسمها تسريحه ابراهيم عوض ذلك الانسان الفنان الكريم وقد حكى لى الفنان ابراهيم عوض بانه اول من حمل المايك فى ايده
من لبس الساعه بيده اليمنى قبل انصار السنه وكان السبب انه كان لديه ساعه ماركه عالميه وكانت الكتينه بتاعت الساعه من نيكل وسبب له النكيل حساسيه فى اليد اليسرى وقام احد اصدقائه فى سوق امدرمان وقام بصناعه كتينه من جلد ولبس بعد ذلك الفنان الرائع ابراهيم عوض الساعه بيده اليمنى حتى فارق الحياه عليه رحمه الله وبركاته
ولا سمعت اشعار الصديق سيف الدين الدسوقى لما قال سألت الشاعر الكبير الصديق العزيز سيف الدين الدسوقي الذى ساله احد الاصدقاء من حى العرب ان كان لا يزال يسكن في منزل أسرتهم بحي العرب فقال له انه رحل حين ضاق بهم المنزل والحال إلى منزل شيده قرب جبال المرخيات وارتجل هذع الكلمات الرائعه
ولكني رحلت معي صغاري
إلى غرب المدينة في الحدود
عواء الذئب نسمعه نهاراً
وصوت الجن ليلاً بالنشيد
وأنفاس الجبال لها بخار
جهنم في الممات وفي الوجود
حياة ليس للشعراء فيها
هناءات من العيش الرغيد
أنا أم درمان تسكن في عروقي
فكيف أعيش في قفر وبيد
وغيري في الضفاف لهم قصور
تلوح مع الحدائق من بعيد
ويكون عمرك كلوا ضاع انت ومن معك لو مبتعرف و لم تسمع عن محمداحمد عوض لما يغنى ويقول ابوي يا يابا ماتقول ليه فى الحاره السادسه الثوره كان لديه كشك او مطعم صغير فيه الذ واروع كوراع
كدى سوال هل إنتا بتعرف سوق الشجرة ...حي المظاهر ...والكبجاب ...وحي السيد المكي وفريق ريد وفريق المسالمه وهل كنت بتسمع الفريجونى وهو يغنى ويقول امسيتو كيف ياملوك امدر !؟!
برضو هل عمرك تسمع بى حى العرضه وامبده والفتيحاب وابوسعد والمهندسين وحى الروضه وحى المهندسين والسلاح الطبى وسلاح الموسيقى وحى السوق وحى العرب
وهل درست الابتدائى فى بيت المال ولابيت الامانه ولا الهجره ولا ابوروف ولا مدرسه المورده وهل كان الاستاذه الاجلاء استاذ شعيب فى بيت المانه الابتدائيه ولا سيداحمد الغول ولا الفاضل ولا صديق مولى كرار ولا درست الثانوى العام فى بيت الامانه ولا النهضه ولا درست الثانوى العالى فى الموتمر ولا محمد حسين ولا الاهليه ولا حتى الاحفاد ولا بيت الامانه و استاذتك استاذ شداد ولا كرف ولانورين ولا عوض حسن احمد مدرس اللغة الانجليزيه ومن كتب الاتذكرين صغيرتى ولا درسك استاذ حمزه ابوحنك ولا استاذ حسين الامام ولا استاذ معروف
وهل لعبت فى الدوره المدرسيه مع احرف ناس ممكن يكونوا لعبوا فى المدراس فى ام درمان
فطحاله المدراس الكان فيها كل لاعبى الهلال والمريخ والمورده كان فى بيت الامانه ابرهومه ابراهيم عبدالعظيم حماده وعصام عشرى وحمدى العرضى وكموله وحمورى وسامى عزالدين ومصطفى سيماوى وابوبكر سيماوى وعبده الشيخ ومعاويه كرتيه والعدد الهائل من لاعيبه كره القدم عطيه حسن ومجدى سنتر ونحله والحريف عبدالمنعم الصياد الرائع شرحبيل

عزيزنا مصطفى
لك الشكر واسأل الله أن يحفظ امدر وكل عزيز لديكم من كل شر

Quote: لاننى بصدد اصدار كتاب مكون 1566 صفحه عن امدرمان

يا سلام .. امدر وسيرتها المًلهمة لكل ما هو جميل تستحق ان يصدر عنها وفي حبها دشليون كتاب

ول أبا حيدر

محمد سليمان، يقول في التقرير، "أم درمان تمثل نقطة فارقة ما بين النصر والهزيمة ، فالطرف الذي يظفر بها بشكل كامل سيحسم الحرب وسيفرض إرادته سلماً أو حرباً"

------------
ول أبا حيدر، الأعراب في الجاهلية لما يريدوا قتال حار ولازم إحد الطرفين يحسم الأخر بشكل نهائي، يمشوا لإمرأة في مكة المكرمة، تسمى "منسم" .. المرأة عندها عطر يتعطروا به، ولو تعطرت به تقاتل مثل ذكر النحل.

نحن والفلول بيننا وبينهم عطر "منسم" .. إلا يجروا يخلوا أم درمان بشكل نهائي ويغادروها لعصامتهم الجديدة بورتسودان.

بريمة