بريمة يتفوق دعامة المنبر ب ١٦ بوست بالصفحة الأولى

01:54 AM February, 22 2024

سودانيز اون لاين
أبوبكر عباس-الإمارات
مكتبتى
رابط مختصر

عليك الله، يا بريمة، البوست بكم؟

ما معقول؟ نوم ما في؟

المستنير،
أنا ح أكشف ليك الحقائق كلها .. أنا زول الله .. لسانى محل قلبي، 32 سنة أنا داعم الكيزان والفلول .. لكن، لقيتم ما بقدموا السودان.

الأن أنا، جاهز لو السودان يحكموا واحد من كفار قريش مثل ول أبا جمال المنصوري ويعدل بين الناس أفضل منهم ..

------------
بخصوص الدفع .. قسماً أخوك كيتاً في الفلول يتقتطع من زمنه ومعيشة أولاده ..
ويساند الأشاوس وعسي ولعل الشعب السوداني يوماً ينعم بحياة مختلفة.

بريمة

سلام للمستنير ولك يا بريمة

Quote: المستنير، أنا ح أكشف ليك الحقائق كلها .. أنا زول الله .. لسانى محل قلبي، 32 سنة أنا داعم الكيزان والفلول .. لكن، لقيتم ما بقدموا السودان. الأن أنا، جاهز لو السودان يحكموا واحد من كفار قريش مثل ول أبا جمال المنصوري ويعدل بين الناس أفضل منهم .. ------------ بخصوص الدفع .. قسماً أخوك كيتاً في الفلول يتقتطع من زمنه ومعيشة أولاده .. ويساند الأشاوس وعسي ولعل الشعب السوداني يوماً ينعم بحياة مختلفة. بريمة

يا بريمة أنت تعين الظالم على ظلمه.

لا خير في الدعم السريع ولا في الكيزان وجيشهم.

ابوبكر يامستنير
يا الاهلك بطاحين اربجى
وهم لنا نسابة وعزوة ياخى
طالبك وطالب الصديق بكرى
ابوبكر ان تكتب بسم المستنير
يعنى الانصرافى احسن منك بشنو

يا بريمة، كيف الجنجويد أشاوس؟
يا أخي، الزول البسرق وينهب يعتبر في مرحلة أقل من البشر،
يا أخي، ديل نهائي لم نر لهم نخوة،
قصص دخولهم الجزيرة عايشناها؛
ولا بالغلط ما شفنا موقف مشرف من واحد منهم!
الغرباء ديل الكيزان بالنسبة لهم ملائكة

يا بدر، اسم المستنير ما عارف كيف أنا تسلبطت فيه؟!
عبد الوهاب الشهير بوهبة المستنير يمتلك الحق الحصري الاسفيري للاسم

فشنو؟
ممكن أكتب باسم المستنير الانصرافي

سلام بابكر
يا مستنير انت كرجل مسلم وبتاع مقارنة اديان ومتفقه في الدين، الله قال ليك كون عادل واعطي الجنجويد شيء كويس حتى ولو بمثقال ذرة رمل😲
(ولا يجرمنكم شنان قوم على الا تعدلوا)
عندي صاحبي لاجيء سياسي ترك السودان قبل ٣٠ عام وهو كان معارض شرس ومشهور في الفيسبك ويكره الكيزان قبل قيام الحرب.
طوالي بعد الحرابة دورت قلب كوز عديل والجنجويد اجانب جوا من مالي والنيجر وسرقونا واغتصبوا بناتنا واخواتنا.
انا وصاحبنا التالت ضابط جيش قلنا ليهو اصلآ ما سمعنا زول من عائلاتنا او اهلنا او جيرانا اغتصبوه وقلنا ليه دا كلام كيزان وحتى عندما نسأل اهلنا بقولو لينا الحاجة الكويسة في الجنجويد لا بسألوا ولا بفتشوا اي امراة وقالوا في ثقافتهم اكبر عيب اعتداء او لمس امرأة.
صاحبنا الزول الكان معاض دا زعل مننا وقال هو اذا استلم السودان حيدخلني السجن تابيده وصاحبنا ضابط الجيش حيعدمه.
بعد فترة وهو خائف على اهله واخواته في بيتهم ، اتصلوا بيهو وقالوا ليهو انحنا طلعنا من البيت والجنجويد ساقونا بعرباتهم ووصلونا مكان آمن.
انا بعد سمعت كلامه طوالي بلكته (عملت ليه block) في التلفون.
فشنو ياخي روق المنقة وخليك مستنير ارفع من سرقوا التلفزيون وحلة البرستو وطشت الغسيل. وشوف لينا حل يبعد عننا الكيزان للأبد .

السحر دا يا زين عملوه الكيزان وهم الوحيدين البقدروا يفكوهو،
نحن نتعاون مع الكيزان نخلص من الجنجويد وبعدين نشوف نعمل شنو مع الكيزان،

لكن لو عكسنا الآية ما في حاجة تاني بتفكنا من حرامي الحمير دا