هدهد محمود درويش

03:04 AM February, 20 2024

سودانيز اون لاين
أبوبكر عباس-الإمارات
مكتبتى
رابط مختصر

هدهد محمود درويش:

لم تبق أرضٌ لم نعمِّر فوقها منفى لخيمتنا الصغيرةْ
هل نحن جِلْدُ الأرض؟
عَمَّنْ تبحثُ الكلماتُ فينا
وهي التي عقدَتْ لنا في العالم السفليّ محكمة البصيرةْ
وهي التي بَنَتِ المعابدَ كي تُروِّضَ وحش عزلتها بمزمارٍ وصورةْ
وأمامنا آثارُنا
ووراءنا آثارُنا

أنا بعتقد إنو قصيدة الهدهد دي أعظم كتابة كتبها بشر،
واحد ممكن يقول لي؛
هل أنت يا أبكر، قريت كتابات كتيرة جداً ممكن تأهلك لاصدار مثل هذا الحكم؟

واحد لاقى شيخ وقال للشيخ:
والله، يا مولانا، أنا بتمنى أموت وأنا ساجد
الشيخ قال ليهو؛ وأنت يا أخينا، قاعد تصلي؟
داك رد ليهو؛ ما قاعد أصلي يا مولانا.

يا حبُّ
من سَفَرٍ إلى سَفَرٍ تُسَفِّرنا سدى
عَذَّبتنَا
غَرَّبتنا عن أهلنا
عن مائنا وهوائنا
خَرَّبتنَا
أفرغتَ ساعات الغروب من الغروب

لا تَكْسِر زُجَاجَ الكون حول نِدائنا
لا تضطربْ
لا تصطخبْ
واهدأْ قليلاً كي نرى فيك العناصر وهي ترفع عُرْسَها الكُليَّ
نحوك
واقتربْ منا لنُدرك مَرَّةً
هل نستحقُّ بأن نكون عبيد رَعْشَتِكَ الخفيةِ؟

الصورة لشارع بيتنا بمدني،
يا الله، ما ممكن واحد من الجنجويد ديل قلبو يحن وقبل ما يسرق خرطوشي الأخضر السمح الأمريكي يسقي لي شجرة المهوقني الجوّة حوش الديوان،
شجر النيم ما مشكلة بتحمل العطش لحدي الخريف.

زمان التيجاني يوسف بشير قال؛
حلاوة شعر شوقي زي حلاوة القرآن

كفر ابن يوسف واعتدى وبغى
قالوا احرقوه

التيجاني لو كان حضر زمن محمود دا كان خرّ ساجداً

عَمَّنْ تبحثُ الكلماتُ فينا
وهي التي عقدَتْ لنا في العالم السفليّ محكمة البصيرةْ

محكمة البصيرة هي عين حورس قدمها لأبيه اوزو شنو كدا ما عارف ليبعثه حياً من الموت
والله، دا كلام!

عمن تقتل الكلمات فينا؟