الموقف العملياتي بامدرمان الاتنين ١٩ فبراير ٢٠٢٤

08:53 PM February, 19 2024

سودانيز اون لاين
أبوبكر عباس-الإمارات
مكتبتى
رابط مختصر

صفحة Mohamed Khalifa فيسبوك:

الموقف العملياتي في مدينة أمدرمان 🚨

محاور الإشتباك ⛔

📌 خلال اليوم إشتباكات عنيفة في شارع العرضة بين الجيش ومليشيا الدعم السريع.

📌 إشتباكات في الجزء الأخير من الناحية الجنوبية لحي ودنوباي بين الجيش ومليشيا الدعم السريع.

📌 إشتباكات وحرب شوارع وكر وفر بين الجيش ومليشيا الدعم السريع غرب موقف الشهداء.

📌 إشتباكات متقطعة في الجزء الغربي من حي المهندسين بين الجيش ومليشيا الدعم السريع.

📌 مناوشات في أمبدة الحارة العاشرة بين الجيش ومليشيا الدعم السريع.

مناطق سيطرة الطرفين 🛑

الجيش ⛔

📌 عموم محلية كرري، حي العمدة، حي العرب، المسالمة، المظاهر، القمائر، ودنوباوي، سوق أمدرمان، الأجزاء الشمالية من السوق الشعبي، أمبدة الحارة الاولي والثانية، المهندسين، بانت، العباسية، الموردة، الفتيحاب.

مليشيا الدعم السريع ⛔

📌 أبروف، بيت المال، مكي، حي الشهداء، الملازمين، الإذاعة والتلفزيون، الأجزاء الجنوبية من السوق الشعبي، العرضة، الدوحة، تعويضات بيت المال، أمبدات، المنصورة، حي النخيل، المربعات، البنك العقاري، الشقلة، صالحة، غرب أمدرمان.

ملاحظة 🛑

📌 الفيديو المنتشر في صفحات مليشيا الدعم السريع على أساس إنو في سلاح المهندسين ، غير صحيح، والفيديو مافي السودان أساسا، لا للتضليل والتغبيش والعلف البيش.

🟥 اللهم أحفظ المواطنين الأبرياء وغطي عليهم 🟥

شكراً يا المستنير وأرى أن محمد خليفة وزميله دكتور عزام من أصدق المواقع وأكثرها حياداً رغم أن البعض من البلابسة يصفونهم بالميل إلى الدعامة لكن هذا غير صحيح أبداً

مستغرب يا عبد الصمد، الزول دا كيف بقدر يلملم أخبار بهذه الدقة من كل مواقع العمليات بالسودان!

يعني بريمة أو أي مساند للجنجا جاب خبر في صالح الجنجويد طوالي تمشي صفحة محمد خليفة تتأكد، ما لقيتو تعرف دا طلس ساكت،
وكذلك من الطرف الآخر

عجيب هذا الحساب!

Quote: الزول دا كيف بقدر يلملم أخبار بهذه الدقة من كل مواقع العمليات بالسودان!

تخيل يا المستنير، أنا ملم أكثر من هذا الشخص، بكل مسارح العمليات في السودان .. وأعرف أغلب القيادات الوسطية، للدعم السريع ولكن أنقل فقط الأشياء التى توجع الفلول وأزيالهم.

بريمة

لا يا مستنير دا ما شغل زول واحد ومحمد خليفة وهو شاب تخرج من الجامعة قبل 8 سنوات تقريباً وكان كادر يساري معروف في جامعة النيلين وأحد أهم رموز لجان المقاومة بالعاصمة وتعرض للإعتقال والإصابة أيام المواكب كنت أظنه شيوعي لكن واحد قال لي بعثي وهو بقول إنه بعمل اتصالات وبتحرك بسيارةو أظن أنه خرج أخيراً من البلد. أنا كنت بظن إنه شبكته دي شبكة التنظيم البنتمي ليه لكن مواقفه متعارضة مع مواقف كثير من اليساريين وكذلك لجان المقاومة لذا أمره غير واضح لي ولكن هذا لا يعني أن أمره مريب لا سيما وموقفه من الجيش والدعم واضح وحاسم انه ضدهما معاً والأخبار البجيبها هي الاكثر صدقاً وحيادية

Quote: لا يا مستنير دا ما شغل زول واحد ومحمد خليفة وهو شاب تخرج من الجامعة قبل 8 سنوات تقريباً وكان كادر يساري معروف في جامعة النيلين وأحد أهم رموز لجان المقاومة بالعاصمة وتعرض للإعتقال والإصابة أيام المواكب كنت أظنه شيوعي لكن واحد قال لي بعثي وهو بقول إنه بعمل اتصالات وبتحرك بسيارةو أظن أنه خرج أخيراً من البلد. أنا كنت بظن إنه شبكته دي شبكة التنظيم البنتمي ليه لكن مواقفه متعارضة مع مواقف كثير من اليساريين وكذلك لجان المقاومة لذا أمره غير واضح لي ولكن هذا لا يعني أن أمره مريب لا سيما وموقفه من الجيش والدعم واضح وحاسم انه ضدهما معاً والأخبار البجيبها هي الاكثر صدقاً وحيادية

عبد الصمد لا أنت ولاّ المستنير ما فيكم زول محادين .. ليه تنقلوا من زول محايد؟ دا يعنى ما عندكم ثقة في الفلول .. يعنى أنتم فلول ضد الفلول .. ولا شنو؟

ما قاصد مهاترة .. ممكن توضح لينا موقفكم ..

بريمة

يا بريمة في فلول اكتر من
حميدتي ،،من الذي صنع
واعطاه جبال الدهب والرتبة
العسكرية الكبيرة وهو شبه امي ولايفقه شي ولم يرى الكلية الحربية في حياته
قال فلول قال

Quote: يا بريمة في فلول اكتر من حميدتي

تسنيم، حميدتى قائد ثورة تصحيحية .. ليس تغير فقط .. يعنى إعادة هيكلة مسار الدولة السودانية. لم يفعلها فينا زول بروفسير !

بريمة