Post: #3 Title: Re: حقيقة سقوط سلاح المهندسين إفادة ضابط من د� Author: جمال المنصوري Date: 02-13-2024, 01:56 PM Parent: #2
الشريف ياسر كيفنك؟ في حاجات بحسبوها بالعقل كده ما دايرة ليها تأكيد الجنجويد لمن كان عندهم القوة والعتاد محاصرين سلاح المهندسين 9 شهور ما قدروا دخلوه تفتكر بعد ادخال الامدادات والذخائر لسلاح المهندسين وبعد البل الحصل في ام درمان واندحار الجنجويد يجوا يحتلوه البعاتي الشريحة المركبة ليه يظهر عليها اتأثرت باشعة قاما الضربت الارض صدقت الايجاد لمن قالت (لأسباب فنية) غايتو الان مسك بيعمل في بلاوي
Post: #4 Title: Re: حقيقة سقوط سلاح المهندسين إفادة ضابط من د� Author: كمال عباس Date: 02-13-2024, 02:59 PM Parent: #3
يا جمال وبي المنطق بتاعك دايبرز ان ولماذا لم يستطيع برهان فك حصار دام مايقارب العام عن المهندسين والقيادةالعامةً؟ وبعدين شنو "لغة البل دي "؟ بل ؟ بعدا مافضل ليك الا تقول اكسح وامسح ؟ وين لغة الأستاذ والله دا مشت التلاجة واستبدلها بلغة الترابي ؟ هذه الحرب مستمرة علي الرغم من لغة بل وحسم من انصار برهان والتي لم نري لها مردود علي الارض وعلي الرغم من لغة الجغم الجنجويدية والتي استهدفت اكثر المواطن
لا جديد يذكر سوي الموت والدمار والتشريد والذي ضحيته الأبرياء والعزل لذا نقولها لا للحرب
Post: #5 Title: Re: حقيقة سقوط سلاح المهندسين إفادة ضابط من د� Author: جمال المنصوري Date: 02-13-2024, 04:44 PM Parent: #4
Quote: يا جمال وبي المنطق بتاعك دايبرز ان ولماذا لم يستطيع برهان فك حصار دام مايقارب العام عن المهندسين والقيادةالعامةً؟
كمال انت قاعد تاخذ الحكاية بالقطعة كيمو الجنجويد كان متواجد في المناطق دي كلها ولم ياخذها عنوة واقتدار الجنجويد في الخرطوم يوم 15 ابريل كان عددهم 175 الف، وكان مسيطر على جميع مناطق امداد القوات المسلحة جياد الباقير التصنيع الحربي اليرموك التصنيع الحربي قري القيادة العامة المطار هيئة العمليات المناطق الاستراتيجية حول القيادة العامة وهو كان يتمتع بالامداد المستمر بعد 3 شهور بس نغدت كل ذخير القوات المسلحة الجيش اعتمد خطة الحفاظ على ما تبقى من معسكرات حتى استطاع اخيرا الوصول الى امداد متواصل بعلاقاته مع ايران الجيش طيلة 9 اشهر كان بيدافع بس دلوكت الجيش بيهاجم وبيحقق مكاسب الجيش يستطيع فتح كتير من الجبيهات خطة الجيش الخالية هي عزل المليشيا في جيوب يستطيع التحكم في طرق امدادها والقضاء عليها باجهادها القيادة العامة اخر نقطة يفكر الجيش في تحريرها لأنها ببساطة بعد تطويقها وقطع الامداد عن محاصيرها من الجنجويد تعتبر مسألة تحريرها مسألة وقت ليس الا الجنجويد وتقدم املهم في الفصل السابع بدواعي الاننسانية ده باختصار يا كمال الجنجويد يخوض نعركته الاخيرة بمنطق حياة او موت، وهو يعرف ان الموت مصيره وما هو الا وقت بسيط يمر وتنتهي مليشاته الى الابد حواضن الجنجويد تأكدت من هذه النهاية وهم بصدد تكوين وفد لمقابلة البرهان كفرصة اخيرة(انظر تمرد بطون قبيلة المسيرية على قرارات العمد)