Post: #1 Title: حروب الإتصالات .. الدور جاي للأذاعة والتلفزيون .. ! Author: Biraima M Adam Date: 02-12-2024, 10:21 AM
ما دام حروب الأتصالات بدأت .. لماذا لا يكتمها الأشاوس في البث المرئي والمسموع .. أذاعة وتلفزيون .. ؟
حتي لا نسمع أي فلول حلقومه مشروخ ينبح فينا .. خليهم ينبحوا في مستنفريهم وبس ..
----------------- أنا لو مكان الأشاوس في أذاعة أم درمان .. ح أفكك كل الكوابل وأفصل كل خطوط الكهرباء وأعمل "ربوت" للكمبيوترات .. ثم، نقعد بالجنبه ونفتح إذاعة بورتسودان .. قدر ما يجينى حلقوم مشروخ .. نواصل في مسير التفكيك .. لما نرقدها واطاة صامولة صامولة.
بريمة
Post: #2 Title: Re: حروب الإتصالات .. الدور جاي للأذاعة والتلف Author: Biraima M Adam Date: 02-12-2024, 10:30 AM Parent: #1
شخصي الضعيف، منذ أن ولدت وكبرت .. لم يدخل بيتنا كهرباء .. ولا جهاز تلفزيون .. وليس لدينا تلاجة ولا موية تلج باردة ..
عايشين في غياهب ظلمات الحكومات السودانية جميعها .. ولم نكيل الرماد في رؤوسنا .. ولم نحرد سوداننا الجميل ..
وللعلم مبسوطين .. مثل طيور الدوح كلما أصاب الغصون سكون صفقت للغصون حتى تميلا .. الفرح والجمال وحب الحياة شيئ ذاتي، نفسي، لا تجلبه كهرباء ولا إذاعة ولا ماء بارد .. تجلبه السعادة بالحياة نفسها، الخريف والمطر، والدعاش ونسمات الرشاش وأريج الزهور ورائحة الزرع وأصوات شباب الحي في نقعة الرقص ونمة من طمبور ودندنة ربابة.
------------------ عايز نفتح ليكم نفاج سعادة بعيداً عن آدوات العصر التى أستعبدتنا ونحن من ولدتنا أمهاتنا أحرار!
بريمة
Post: #3 Title: Re: حروب الإتصالات .. الدور جاي للأذاعة والتلف Author: Biraima M Adam Date: 02-12-2024, 10:41 AM Parent: #2
وأهم شيئ .. في البث الأذاعي والتلفزيوني .. هو التحكم في موجات البث .. ومكان التحكم فيها موجود somewhere في داخل الخرطوم أو أم درمان ..
أها يا الأشاوس ما تتوصوا .. برضو فككوا أجهزة التحكم صامولة صامولة .. خلونا نسمعوا صبايا الحي بالربابة والطمبور وصوت القواديس في الزراعة وخرير الماء في الخيران .. أصوات طبيعية وحلوة وتجلب الراحة النفسية وتذهب العناء والشقاوة.
------------------ وإذا غلبكم تب التحكم في موجات البث .. أقبضوا أي إذاعة خارجية إن شاء الله إذاعة جنوب السودان .. أو إذاعة تشاد وأعيدوا بثها علي الموجات المعنية .. أعملوا قوقل لكي تجدوا الوصفة .. وقوقل أعملهوه من الشبكة الداخلية للأشاوس.
بريمة
Post: #4 Title: Re: حروب الإتصالات .. الدور جاي للأذاعة والتلف Author: Biraima M Adam Date: 02-12-2024, 10:50 AM Parent: #3
خلوا بالكم من الكهرباء .. بس تصل للمستشفيات .. نحن السخانة التى عشنا فيها كل حياتنا هم ناس المدن ما قادرين يعيشوا فيها حتى ينجلي فجر الخلاص من الفلول؟!
نحن لما الواحد يولدوه، يشيلوه بفراشه ويضعوه تحت الشمس الحارقة .. لما خدودك تتورد مثل لون الدم، ثلاثة أيام يقلوك مثل قلي الحاجات للفول المدمس لما تنجض .. بعد داك لو مشوك في النار أم لهيب تمشي مثل الراهب الهندوسي ..
ما شايفين الأشاوس بأكلوا نار ككيف؟ .. أنتم أقعدوا ربوهم علي التلج والماء البارد وأيس كريم لولي .. أها شوفوا نجضوا من السخانة ككيف؟
بريمة
Post: #5 Title: Re: حروب الإتصالات .. الدور جاي للأذاعة والتلف Author: Biraima M Adam Date: 02-12-2024, 11:00 AM Parent: #4
بالله شوفوا الفارسة الغرابية دي .. عشة الماجدي، لو شافتها أو ندي القلعة .. الواحدة فيهن لو لقيت جحر ضب لكي ينجيها ح تدخل فوقه ..
-------------------------- هوووي يا الفلول أرعووا .. دا شئ أنتم ما قدره .. !! ..
بريمة
Post: #6 Title: Re: حروب الإتصالات .. الدور جاي للأذاعة والتلف Author: Biraima M Adam Date: 02-12-2024, 11:42 AM Parent: #5
نفرة منطقة "سرف عمرة".. رئاسة ناظر عموم المحاميد .. الشيخ موسي هلال ..
والكلام دا .. مفاده يا ناس الفاشر .. أرقدوا مقرزنين !!
يا بيما تحياتي هذه نصائح مستشار متخصص كمان وما شرح مناصر عادي ,خلاص نشوف ما يحدث علي ارض المعركة
Post: #8 Title: Re: حروب الإتصالات .. الدور جاي للأذاعة والتلف Author: Biraima M Adam Date: 02-12-2024, 12:40 PM Parent: #7
زهير،
Quote: يا بيما تحياتي هذه نصائح مستشار متخصص كمان وما شرح مناصر عادي ,خلاص نشوف ما يحدث علي ارض المعركة
أنا لست متخصص في Telecommunications .. ولكنى كمتخصص في مجال البرمجيات .. أفهم أن كل الأجهزة تحتاج لمصدر للطاقة .. وهذه معلومة كل شخص يعرفها .. مصادر الطاقة يجب تفكيكها سواء في الشبكات أو الأجهزة المسموعة أو المرئية ..
كل ما تحتاج عدد من مفكات "فليبس" مقاسات مختلفة .. والغلبك، تمعط وصلة الكهرباء منه .. وأنتهى الأمر ..
ما في أجمل من تعيش الطبيعة .. والحياة علي سجيتها .. وتشوف النجوم والمجرات ودورة المجموعات الفلكية .. Constellations
بريمة دا شنو البتعمل فيه دا. اها بعد السودان دا كله يتكسر حترتاح
Post: #10 Title: Re: حروب الإتصالات .. الدور جاي للأذاعة والتلف Author: Biraima M Adam Date: 02-12-2024, 03:51 PM Parent: #9
Quote: اها بعد السودان دا كله يتكسر حترتاح
لا يا أخ، الأمر ما كده، كأنى إنسان سادي! أنظري بعد قطع شبكة الأتصلات .. طائرات الدرون والمسيرات التى تنقل الأحداثيات توقفت عن العمل .. وهذا يعنى أن القتل بواسطة الطيران تم تعطيله. نفس الشيئ قطع البث والأتصلات .. يؤدي إلي خفض التوتر والتحريض .. ناس بل بس!