الجوع،،،

Post: #1
Title: الجوع،،،
Author: علوبه
Date: 02-11-2024, 10:54 AM

09:54 AM February, 11 2024
سودانيز اون لاين
علوبه-KSA - Sudan
مكتبتى
رابط مختصر

*من الأرشيف،،، ،،،،،*

*بي📝 الحنين،،،، ،،،،،،*
*د. علي الشيخ ،،،، ،،،،،،،*

*الجوع،،،، ،،،،،،*
الجوع مفرده مطاطيه المعنى،،،
الغالبيه تربط هذه الكلمة مع الأكل،،،
ولهم العذر،،،
حسب مدي تفكيرهم،،،
مرة بتكلم مع واحد صديقي،،،
قلت ليهو أنا *جيعان*،،،
قال لي ما مشكله نمشي نأكل،،،
قلت ليهو ما فهمت كلامي،،،
أنا هسه أكلت،،، و الحمد لله
لكن لسه جيعان،،،
و أظنه يحسب مع تلك الغالبيه،،، في تفسير معني كلمة الجوع،،،
رديت ليه بعد فترة صمت طالت،،،
و قلت ليهو،،،
أنا *جيعان نوم*،،،
الجوع أنواع،،،
جوع للمكان،،،
جوع للزمان،،،
الجوع حسب العمر،،،
جوع الطفوله للبزه 🍼 من أصدق الأنواع،،،
لكن،،،
*الجوع للوطن* عنده إحداثيات،،، تتغير حسب المزاج،،،
بس،،،
جوع الحبيبه بداهمك بدون استئذان،،،
أحب الأنواع لشخصي،،،
الجوع للسفر،،،
لا أشبع منه،،،
لاني اتناوله،، قبل الزمان و بعد المكان،،،
الجوع مرات بكون
لي زول قديم،،، اشتقت ليهو
وده ما عايز أي بهارات،،،
في نكهة جوع،،، مُرّه شديد،،،
الجوع المهزوم،،، ساعة تكون مغلوب على أمرك،،، ومتحير،،،
بكون زي صفارة الحكم،،، و فريقك مغلوب،،،
ما بالضروره إنه ،،،
الجوع مرتبط بالفقر،،، في بشر،،، شبعانين قروش ودراهم،،، لكنهم جيعانين ،،، أهلنا وكت يقولوا ليك فلان ده جيعان،،، قاصدين كلامي ده،،،
الجوع شاطر إذا كان غصبا عنك،،، بسرق أفكارك،،،
معه تتولد موائد جاذبه،،، متفائلة،،، ملئيه بالحب،،،
*الجوع كافر،،،*
يا ربي الكفره منو،،،
و في زمن منو كفر،،،

جيعان شاكي باكي،،،
فيك علاج حبيبي،،،
و
جيعان من زمن،،،

*و الله جيعان ليكم شديد،،،*

نسمع من وين بجيني النوم،،، مع الدهشه،،، والزمن المجافي،،، نسمعها ونستمتع،،، مع خوجلي عثمان،،،،

*د.علي الشيخ*
*الحنين*
*أمدرمان*
*٦ أغسطس ٢٠١٦*

Post: #2
Title: Re: الجوع،،،
Author: adil amin
Date: 02-12-2024, 08:55 AM
Parent: #1

يا سلام ابداع عجيب
والله هسة
جوعنا للوطن الكان زمان
مرضنا في الغربة الكرونيكً
قلنا الناس ديل بدل التنازع
مش كان احسن التنافس في الاعمار بدل الدمار
والله فعلا انواع الجوع كثيرة
فعلا
نحن جعانين وطن
✈️⚓️💙💛💚

Post: #3
Title: Re: الجوع،،،
Author: علوبه
Date: 02-12-2024, 10:56 AM
Parent: #2

مشكور عادل امين
ربنا يسد الرمق ونشبع في حب الوطن

ياريت الناس تعي الدرس
لك مودتي واحترامي