دعوة لحضور ندوة

03:16 PM February, 09 2024

سودانيز اون لاين
زهير ابو الزهراء-السودان
مكتبتى
رابط مختصر

تدعوكم لجنة ندوات المنبر السوداني الامريكي لندوة بعنوان

نحو بناء جبهة مدنية موحدة

المتحدثون
الاستاذ: وجدي صالح
الدكتور: بكري الجاك

الأحد 11 فبراير 2024
1:00 بعد الظهر بتوقيت تكساس
2:00 بعد الظهر بتوقيت واشنطن
9:00 مساء بتوقيت السودان

على منصة X (تويتر)
https://x.com/i/spaces/1RDGllObkDMGL[/glowhttps://x.com/i/spaces/1RDGllObkDMGL[/glow]

تاني ترف زي ده ما بنفع ندوات وورجغة في الفضائيات وثرثرة بعثيين وناصريين وشيوعيين موتورين
كفاية ضيعوً١٨٠٠ يوم و٥ سنة الموتورين ديل في تصفية حسابات مع نص الانقاذ وضيعو ثورة الشباب
فشلو في تأسيس دولة من اول يوم ثورة
تاني بس الشباب يصبها في عواصم الاقاليم الخمسة في السودان مع الشعب والمشورة الشعبية والإدارة الاهليةً والقوى المدنية في الداخل والمزارعين والرعاة والمعدنين والنازحين
خمسة مؤتمرات إقليمية مباشرة وبرنامج واحد
اعادة الخمسة مؤسسات للحكم الاقليمي قبل ٣٠ يونيوً١٩٨٩
حاكم اقليم
حكومة اقليم
برلمان اقليم
مجالس محلية
إدارة أهلية وبالجنسية الخضراء
المرحلة الثانيةً
مؤسسات المركز
٦/المحكمة الدستوريةً هيكلة السودان بالمرجعيات الدستورية الموجودة والفيش للمناصب في الحكومة الانتقالية الإقليمية والمركزية
٧/المراجع العام والدكلاريشن لاعادة أموال الشعب لبنك السودان (راجع رسالة ابراهيم منعم منصور٢٠٢٠للبرهان وحميدتي )
٨/وزارة التخطيط والتعاون الدولي ( اعادة الاعمار بمساعدة الصين )
٩/ مجلس سيادي رئيس مدني توافقي + ٦ نواب من كل اقليم
١٠/ مجلس تشريعي مركزي انتقالي ٣٠٠ مقعد بقوة المقعد لكل اقليم والمركز
١١/ حكومة مركزية نظيفة توصلنا انتخابات
غير كدهً بس ادمان فشل وتوهان ونرجسية ونواقص ذاتية أعيت من يداويها
ومن جرب المجرب حاقت به الندامة
الكورة في ملعب الشباب والشعب داخل السودان يجدعو علم مايوً القبيح ويعتمدوً علم الاستقلال ١٩٥٦ علم القوى الديمقراطية الحقيقية في السودان الكوشي العظيمً

فاتكم قطار الثوران الدستورية العربية حصلو قطار الثورات الافريقية وآهو السنغال بدت الان
يا النخبة السودانية وإدمان الفشل الما يتعلمو من أخطاءهم ولا من تجارب الآخرين
احسن الناس تسمكر دولة جنوب السودان وتمارس نشاط سياسي. واعي من دولة جنوب السودان. فقط وتحترم رؤية الحركة الشعبية الاصل من نمولي الى خلفا ويخلو التسكع في امريكا والعالم العربي نيفشا تحل كل مشاكل السودان ام فقهوً ومن الجنوب الجديد المنطقتين ابيي لحدي نصل حلفا واعادة الاعمار بمشروع نقل المدينة الى الريف
وتعمير حلفا واعادة نازحين السودان في مصر كلهم وده الملف الانساني الما قادرين يديروهوً العاطلين عن المواهب ديل متسكعين السفارات والمنظمات
المتغطي بي الامم المتحدة عريان
شكرًا زهير
تساعدنا في التنوير فعلا

دا كلام دا يا عادل

Quote: تاني ترف زي ده ما بنفع ندوات وورجغة في الفضائيات وثرثرة

يعني خلوكم من الحوار وتبادل الآراء وأسمعوا كلامي دا !!!!!
يا عادل
إذا أنت قلت كلامك دا ألف خرتمويتة مرة ولكن الناس ما سمعوه
يبقي الغلط فيك ولا في الناس ؟؟؟؟؟

العيب في الناس الزيك كده

وبقولو مليون مرة للناس البتسمعوًً
جون قرنق قال عليكم انتو ما بتسمعو لحدي تشوفو
هسة بعد ٥ سنة ادمان فشل وصلتونا وين
وبرضو قاعد معانا عشرين سنة في البورد وما اتعلمت حاجة
قحت فشلت تماما
وده ما كلامي
الحكم الاقليمي كان اخر مرحلة فيها دولة في السودان
وال١١ مؤسسةً دي لازم ترجع والسودان
عايز ثورة دستورية زي الطلعت الانجليز
والكلام البكتبو في البورد مستهدف بيه الشباب والشعب بس مش نوعك ده
الشيوعي
البعثي
الناصري
الكوز
السلفي
دي أمراض نفسية وليس مشاريع سياسيةً
ضيعت ٦٨ سنة من عمر السودان في الصراخ والعويل
شوف سودان بكره ودبنقا
هل توجد خارطة طريق ديمقراطية فدرالية

وكمان
شوف المتفاعلين مع اعلان الندوة ده في البورد والزوار كم ١٩٥
دي جماهير قحت زمان وتقدم هسة
انت قبل تستخف بالناس
انا قلت لي منو باريني
قلت للشباب والشعب من ٢٠١٩
باروً الجبهة العريضة حسنين او الحركة الشعبية محل وقفت في الجنوب الجديد
او اتفاقية اديس والحكم الاقليمي او الحزب الجمهوري ( أسس دستور ١٩٥٥) مش يباروً ايتام صدام حسين وعبدالناصر ديل وخدم الامارات كمان
يا مسكينً
ولي الدجاجة العجوزة الحمقاء
اصحى نحن في ٢٠٢٤ شفت قلع الكيران بالقوة ودى غزة وين
وبي الدعم السريع ودى السودان وين
العلة في مخك زي ما قلت ليك ما. في الكلام البكتبو هنا
والسبب معروووف
سمعت وجدي صالح والجاك ده مليون مرة ما طلعت منهم بي حاجة تخليني اخلي الحركة الشعبية واباريهم
ومن اول يوم ثورة قلتً قحت لمة بلا مشروع ولا تمثلني
وهسة بقول ليك
تقدمً لمة بلا مشروع وإدمان فشل ولا تمثلني
رايك شنو

وما تزعل يا نصر

الامر ما شخصي

انصحً انت ناس تقدم وناس الحل الجذري يحترمو ويواجعو البرنامج الوطنية القدما غيرهم عبر العصور قبل الإنقاذ وبعد الانقاذ ولمن سقطت الإنقاذ
ما ممكنً تلم الناس بدون خارطة طريق واضحةً
خليهم يقروً
الحزب الجمهوري ( أسس دستور السودان ١٩٥٥)
منصور خالد استفدنا منه في
انفاقيةً اديس ١٩٧٣
ونيفشاً٢٠٠٥
وايضاً احترام رؤية الجبهة العريضة حسنين قدم علم ورؤية ودستور مدنياًوو ما فيه جنرلات من ٢٠١٩

دي البرنامج المدور بيها في البورد يا نصر
اها الغلط وين هسة
الوثيقة الدستورية ٢٠١٩
سلام جوبا انتهى٢٠٢٠
إطاري فواكر فرتق السودان ٢٠٢٣
مش احسن نتواضع ونشوف البديل الواعي. من جديد
والحديث ذو شجونً

يا عادل

Quote: العيب في الناس الزيك كده وبقولو مليون مرة للناس البتسمعوًً

كويس
فلننسي الناس الزي لمصلحة تطوير الحوار
الناس البتسمع والأنت بتخاطبهم .... سمعوك ولا لسه ؟؟؟؟
طيب إذا ما سمعوك وإنت قلت ليهم كلامك دا بدل الألف مليون
يبقي في مشلكة
المشكلة والتي أنا بصددها هو إنك بتقول في كلام كويس بس عندك مشكلة في توصيله للناس
المشكلة إنك بتعمل في منولوق في منصة ديالوق
إنت بتحاور في نفسك في ساحة حوار عام
المهم الآن أن نتعلم كلنا الحوار مع بعض
وإذا عايز كلامك دا يصل للناس ويقتنعوا بيهو حاورهم
يعني أخد وأدي
(ولك في محاورات أفلاطون أسوة حسنة لو قدرت تلقاها وتقراها)
جلنا يمسك بجز من الحقيقة وليس كلها أ
في الواقع
متي ما أعتقد أحدنا أنه يملك كل الحقيقة وعنده مفاتيح الحكمة فقد ضل
قديما قال حكماء العرب والمسلمين
يظل المرء عالما متي ما طلب العلم فإذا ظن انه قد علم فقد جهل

ما في مشكلة شخصية بيناتنا حتي إذا إختلفت اراؤنا
بس محتاجين لشوية هايبني هبيكا كما يقول الهدندوة

طيب الكلام الكويس
قالو
محمود محمد طه
جون قرنق
منصور خالد
ابراهيم منعم منصور
د محمد سليمان
علي محمود حسنين
وليه ما وصل لي ٤٠ مليون سوداني محتاج لي برنامجهم
طيب ليه ما وصل للناس الفي الساحة هسة واحترمو
ووصلو للناس بدل يخترعو في العجلة
انا في البورد ده بعرض أفكار وكتب ورؤي ناس محترمة من جئت
ما جبت حاجة من عندي الا٥٪‏ تقريبا اعمال ابداعية
الناس في البورد بشكلوً وعي عابر للقارات ليه
ما استجاب ليه السياسيين والمثقفين السودانيين
طبعا الشعب والشباب الان غيبوً فعلا بقطع النت ال٨ مليون في المهاجر والمنافي والنزوح وينو حراكم الفاعل
هسة سمعت ناشط من تقدم في راديو دبنقا يقول عندنا ورش نعملا ٨ ورش بعدين ننزل للجماهير في كل السودان نعرضا عليهم
ونختار ٦٠٠ من كل فئات المجتمع السوداني لمؤتمر قومي دستوري
شوفً دي رؤية معكوسة تماما وتضيع زمن وتبديد قروش الامم المتحدة
مفروض ينزلو هم اولا لكل فئات المجتمع السوداني في الاقاليم الخمسة ( الديمقراطية الشعبيةً) وبالمشورة الشعبية مع كل ناس أقاليم وحسب المكونات الاجتماعية الفيه
وياخذو راي المزارعين والرعاة والمعدنين والنازحين والطرق الصوفية والإدارة الاهليةً والقوات النظامية
ويحولوً الرؤيً دي خارطة طريق ديمقراطية فدرالية
كدهً بكون اعادة تأسيس الدولة السودانية الحقيقة
اما يقعدو في الخارج تتناوشهم المصالح الإقليمية والدولية المغرضة
ده ما حل
التحاور مع الشعب قبل الورش
وشوف خارطة الطريق الواضحة إلانت بتقول قدمتها مليون مرة في البورد
وارجعً شوف مناظرة خالد سلك تقدم مع طارق الحزب الشيوعي الجذري
في سودانًً بكره
عشان تعرف الحزب الشيوعي اقترب من فكرة الديمقراطية الشعبية والمشورة الشعبية
في الاقاليم والمركز بس ما قرو دستور المؤسس الاستاذ محمود ( كتاب أسس دستور السودان ١٩٥٥) عشان يحددو إطار الدولة الفدرالي ولا المؤسس التاني جون قرن وانفاقية نيفشا ودستور ٢٠٠٥ عشان كمان يبدو السلام الشامل الحقيقي من محل فرملوً الطيب مصطفي
الجنوب الجديد ٢٠١١ بالتحالف الواعي مع الحركة الشعبية
وناس تقدمً عايزين يكنكشوً في الإطاري والباقين يجوهم. ديكور بس
عرفت ليه الندوات دي مزعجة وما مفيدة للزول العارف البديل الواعي للازمة السودانية المفتعلة
انا دوري تنوير بس وبخت الحقائق قدام الناس وهم احرار في مواقفهم والتاريخ بيحسب في البورد والتايم لاين والأرشيف قاعد
في قوى انتهازية تعزل الشعب والشباب عن الثورة الثقافية الحقيقية والدستورية الناعمة
وتصعد على الجثث
يقولون نموت لكي يحيا الوطن
يحيا لمن
منً بعدنا لنً يبقى الا التراب والعفن
نحن الوطنً
احمد مطر
شفت كيف يا نصر الفرق بين من يعرض بضاعتو وبين من يفرض بضاعتو وما يواجه الخساير الناجمة عنها ٥ سنة و١٨٠٠ يومً
تعال ناقش في المؤسسات ال١١ دي يحاورك بلا زعل

والله بكري الجاك ده زول واعي وكويس شفتو في سودان بكره
لكن بصر ليه انه مافي مشاريع وطنية سودانية حجيتا فقط بضاعة خان الخليلي المصرية
الحزب الجمهوري أسس دستور السودان ١٩٥٥
اتفاقية اديس ١٩٧٣ اجهضا الترابي بي المصالحة الوطنية
اتفاقية نيفشا ورؤيةً د جون قرنق الحركة الشعبية التي شوها نظام الانقاذ
رؤية حسنين الجبهة السودانية العريضة علم ورؤية ودستور مدني انتقالي
دي كلها احسن من
الوثيقة الدستورية الانتهازية الشرعنت الجيش والجنجويد

احسن من سلام جوبا البيض ٢٠٢٠ الجاب مرتزقة الامارات وحفتر والسراج
إطاري فولكر مهندس خراب سوريا
والنتايجً قدامكم
ما في زول مباري البعثيين والناصريين والشيوعيين يقول. ما في برنامج سودانية
اما الكيزان صفر عدادهم الترابي قال لا دين لا اخلاق والسلفية بقت حزب بهجة في السعودية
الناس في. سودانًبة بكره دي ما شايفة الأربعة برنامج سودانية دي ولى ما عايزين يشوفوها وكمان شيوعيين حقي سميح وحق الناس ليه شتيح
جذري دي شنو ؟

حسب تقديراتي فالحوار دا ماشي كويس
داير أبدأ معاك بموضوع عودة الأقاليم الخمسة
زمان درسنا بروفسير العجب حاجات مهمة كدا عن الحكم المحلي والإقليمي
قاعد أفتش لمراجع ومقالات مهمة منشورة عن هذا الموضوع
دايرة وقت
لكن أقول ليك وبرجع ليك
ملخص آراء بروف العجب عن الحكم الأقليمي
أيا كانت الأشكال والتقسيمات والأسماء
الحكم المحلي لا يستقيم أبدا في غياب الديمقراطية
ما لم ينتخب السكان المحليين ناس السلطة المحلية
وتكون السلطة المركزية ذاتها منتخبة ديمقراطيا
غير كدا مهما أتحرفنا في أشكال الحكم المحلي والإقليمي القصة ما شغالة

ما نفس الكلام بالحرف لكن هذا ما جادت به الذاكرة بعد قرابة الأربعين عاما

Quote: حسب تقديراتي فالحوار دا ماشي كويس داير أبدأ معاك بموضوع عودة الأقاليم الخمسة زمان درسنا بروفسير العجب حاجات مهمة كدا عن الحكم المحلي والإقليمي قاعد أفتش لمراجع ومقالات مهمة منشورة عن هذا الموضوع دايرة وقت

سلامً نصر
اول حاجة
قبل الاستقلال الجنوبيين ومحمود محمد طه فقط الشخصو مشكلة السودان انها ((فدرالية فقط)
وانت تُبدا بي الاجابة عن السؤال هل السودان ما فيه مشاريع فدراليةً ديمقراطية اشتراكية
نعم
ام
لا
ونبدأ
نشوفا مشروع مشروع ونشوف الإجهضا منو وليه
عشان مافي زمن
للتنظير
نشوف
كناب أسس دستور السودان ١٩٥٥ من موقع الفكرة ونقارنوً بي الحكم الاقليمي التجربة بتاعة ١٩٧٣ وقوانين ١٩٧٤ ثم نقارنوً بي اتفاقية نيفاشا ودستور ٢٠٠٥ ثم نقارنوً بي دستور حسنين ٢٠١٦ في مكتبة النور
بعد داكً نشوف. المشاريع الأربعة دي ونقارنا بي حاجات قحت
الوثيقة الدستوريةً٢٠١٩
سلام جوبا ٢٠٢٠
الإطاري بتاع فوكلر ٢٠٢٣
ونشوف ناس تقدم اللافين صينية بره لحدي هسة
هل بعد فشلو
اطلعوً على هذه المشاريع الفدرالية ام على العقول إقفالها
يضيعو لينا زمنا بي الورش
الدولة المركزية المجرمة الحكمت بالانقلابات والمشاريع المصرية هي مشكلة السودان بعد الاستقلال
وتوجد مشاريع وطنية سودانية لا تريدها الدول الناهبة للسودان وادواتها الرخيسةً في السودان وافتعلت النزاع المسلح الفطير ده