ثم ماذا بعد ان تأكدنا اننا اسوأ خلق الله ..

03:50 AM February, 04 2024

سودانيز اون لاين
يحي قباني-فى الدنيا العجيبة
مكتبتى
رابط مختصر

و بعد ان ايقنا ان الفينا ليست مشهودة على الاطلاق ..

و بعد ان عشنا دهرا نبيع للعالم اننا انزه خلق الله و اكثرهم امانة و اكثرهم صدقا ..

انكشفت عورتنا عند المحن .. و قد كنا نتغنى بتحدينا للموت عند المحن ..

استغل بعضنا البعض عند المحن .. بعد ان كنا نتشدق و نقول عارفانا المكارم نحن بنقودا ..

يقول البعض ان هذه الحرب اخرجت أسوأ ما فينا ..
و انا اقول لهم .. لا و الله ..
فنحن في الاصل سيئين و لم نكن نعلم اننا سيئين ..

سلامات يا باش
البوست دا معظم الناس تدخل تقراء وبطلع و بقفل الباب طوالي لانو دي الحقيقة المرة الناس ما دايرة تعترف بيها
يا اخي مش عندنا مثل بقول الشينة منكورة ولا حاجة زي كدا؟
نسال الله الهدايا لنا جميعا ونعترف بعيوبنا دي عشان نمشي عديل
تحياتي

حبيبنا قباني تحياتي يا جميل
نعم صدقت كلنا ولا احد يستثنى نفسه
لابد من الاعتراف

تحياتي

والله يا يحى قبانى قلت لينا الحقيقة المرة ...
والحمد لله الشاعر إسماعيل حسن والذي أنشد الشعر الجميل الرقيق حبا
في شمائل وعادات شعب السودان وحسن أخلاقهم لم يعد حيا اليوم ليرى
ماذا حل بشعب السودان وكيف انهم أصبحوا كالوحوش الضارية تقتل وتنهب
وتستغل ....
اللهم لا نسألك رد القضاء ولكن نسألك اللطف فيه ..

الاخ القبانى
تحيه طيبه بعد
وربنا يرفع البلاء ويصلح حال البلد يارب ولكن عندما بعود الناس الي الوطن بعد انتهاء الحرب يجب قبل بناء البلاد والمنازل والمصانع والمدراس والجامعات والبنيه التحتيه يجب اعاده بناء
اخلاق الناس لان الحرب قد فضحت الاخلاق ومعادن الناس والرجال وكانت كل الشعارات والقيم والمثل خداع وكذب وزيف
وظهرت معادن الرجال الحقيقه المخزيه والتى عار على كل من استغل الناس
وعرفنا اننا شعب تجار حروب ونسي الناس كل القيم الانسانية والدينيه واصبحنا مجرد لصوص
والله العظيم شي مخزي وشي مولم ان ناكل لحوم البشر وناكل بعضنا البعض وناكل اموال الناس بالباطل

القال ليك منوً
لو البلد مسكت درب الانجليز وجيل الاستقلال. الجميل ما كنّا دخلنا جحر ضب خرب مع بعاعيت مايوً١٩٦٩ وأيتام الترابي ١٩٨٩
منو الجاب القردة تلهو في السوق وفشل ثورة الشباب
اعرف نفسك واعتبر
الحركة الشعبية برنامج محترم سحل ليه ١٨ مليون انتخابات ٢٠١٠ مش قعدو في راس الناس زي ناس قحت١ وقحت٢
ديل الانتخبهمً منو ؟
منو الغرق مدني يا قبة
خلي الإسقاط
١١ دولة تنهب السودان رقحة
الكعب منو نحن ولي وهم
الشيوعيين والبعثين والناصريين والكيزان والسلفيين حثالة اجتماعية سياسية معطلين السودان ٦٨ سنة
دي الحقيقة البتجرو منها
هسة هل علي محمود حسنين كعب؟؟؟؟

ليه كدا يا شباب؟؟؟
تحياتي

سلام قبانى
والضيوف
المشكلة بعد ده كلو ما زالوا فى طباعهم السيئة …..تمنيت لو لم يكن الطريق معبد ومافى بصات لى مصر او اى مكان لانهم شالو معاهم فى البصات كل قباحتهم وإدعائهم و وهمم وفراغ عقولهم ……تمنيت لو بقينا فى السودان اليموت يموت بى شرف والبعيش يكون أتولد من جديد

Quote: سلامات يا باش البوست دا معظم الناس تدخل تقراء وبطلع و بقفل الباب طوالي لانو دي الحقيقة المرة الناس ما دايرة تعترف بيها يا اخي مش عندنا مثل بقول الشينة منكورة ولا حاجة زي كدا؟ نسال الله الهدايا لنا جميعا ونعترف بعيوبنا دي عشان نمشي عديل تحياتي

محمد نور يا صديقي ..
دفن الرؤوس في الرمال ما بحلنا .. لازم كل واحد فينا يمسك مرايته و يعاين لي رقبتو .. و يمسك مراية تانية للناس البريدها و يوريهم و يوروهو عيوب بعضهم البعض ..

ماهو ما ممكن يا محمد كلنا مدسين وراء الراعي الحايم في خلا السعودية و ضرب مثل في الامانة .. و انحنا قاعدين نضبح الناس المرقت اثناء الحرب جوه البلد و براها بي سكاكسن ميتة ..
الأمثلة من شدة ما بقت كتيره .. تحس اننا شعب عصابة و لسنا ببشر ..

Quote: حبيبنا قباني تحياتي يا جميل نعم صدقت كلنا ولا احد يستثنى نفسه لابد من الاعتراف تحياتي

عمك علي يا زول يا جميل ..

نعم .. كلنا بدون استثناء ..

يا عم علي .. حتى الشيوعين .. بستخدموا النقد الذاتي حسب المزاج الشيوعي .. و اصبح اشبه بفقه الضرورة الذي ابتدعه الترابي ..

المشكلة ما سوء بس
المشكلة الكبرى قوة الراس و المكابرة و الحماقة.

شعب منتهى محتاج اعادة فرمته

الساقط والفاشل لممن يفشل يهين الشعب
يا الطيرة المباري السيرة
الشعب السوداني شعب عملاق يتقدمه الاقزام وربع الدماغ ومتسولين السفارات والمنظمات وبعاعيت مايو والدجاجة العجوزة الحمقاء الشيوعيين وأيتام الترابي ومرتزقة حفتر والسراج
ديل المفروض يدانوً ويطردو من الساحة السياسية
ناس الخساسة في السياسة
وشد السلك يا قبة ننشر ليك الغسيل القذر الإماراتي وغير الإماراتي هنا من ٢٠١٩
انت وينا رؤيتك في كندا يا قبة

غارزة ونطاحة
ما عندك حاجة لشعب السودان العظيم ما تنبذوً

ديل كيف
من ٢٠١٩ قلنا الحصة نظافة في البورد ده وفي صابونتين بس في السودان
صابونة حسنين الجبهة العريضة وصابونة منصور خالد الحركة الشعبية الاصل
قحت لمةً بلا مشروع

Quote: *جمهورية السودان الاماراتية* 🌍بمناسبة استغراب البعض من نزول الملحق الاممي للجنة السياسية الحاتحكم السودان في السفارة الاماراتية حابا اديكم معلومات علي الطائر ⤵️ *⏬هل تعلم أن الملياردير البريطاني الجنسية سوداني الأصل إبراهيم ماو مقيم في الإمارات العربية المتحدة ومعظم استثماراته بها وهو صاحب شركة كان يعمل بها الود حمدكة قبل م نركب الكركابة .وهو الآن يحرك الحكومة بالريموت كنترول. *⏬هل تعلم آن د.مني زوجة حمدوك كانت موظفة علاقات عامة في السفارة الإماراتية في ادس قبل م نحن نركب الكركابة 😂 *⏬هل تعلم أن صلاح قوش لديه مكتب استثماري في الإمارات ويمتلك إقامة بها . *⏬هل تعلم أن السنبلة الدقير كان موظف حكومي في الإمارات ومن الوظيفة الي رئيس حزب السنابل هل ولا م هل وقع ليكم 😂😜 *⏬وهل تعلم ان طحنون بن زايد مدير المخأبرات الاماراتي تكفل بسفر وعلاج الدقير الي لندن من المشكلة النفسية التي المت به بعد تكليف حمدكة برئاسة الوزراء . *⏬هل تعلم انت عضو المجلس السيادي محمد التعايشي كان حرس أمن لاستثمارات إماراتية في هولندا. *⏬هل تعلم أن الود كرومي مقيم في الإمارات وزوجته طبيب خاص لواحد من عيال زايد هل ولا م هل . *⏬هل تعلم أن بوخة بحج للإمارات ومريم المنصورة بتعمر بس 😂😜 *⏬هل تعلم معظم طاقم عبودي من أبوظبي والي مكتب رئيس الوزراء. *⏬الرشيد يعقوب وكيل وزارة الثقافة والإعلام موظف هو وزوجته في السفارة الإماراتية في فرنسا هل تعلم ذلك حبيبي انا. *⏬البرهان إلتقى رئيس الوزراء الإسرائيلي بنيامين نتنياهو بتنسيق إماراتي عارف دي ولا اديك شلوت حبيبي انا. *⏏حميدتي قاعد في جيب الساعة بتاعة طحنون بن زايد وم بطلع إلا الدرت الجاي رئيس طووالي ضُر كدا بس 😂😜 #عرفتوا الحاكمنا منوو ولا ازيدكم حبايبي انا. #وقع ليكم ولا اخلي #طحنوون اعيدو ليكم 😜 منقول👆👆👆👆👆

شلة الامارات التعيسة الضيعت ثورة الشباب لشجاع
يا رجرجرةً كندا
ولسه الغسيل بتاع الشيوعيين في الطريق الا اجري تخلي البوست
وتعتذر للشعب وتدين من شردوهم ونهبو مواردهم
وعملاء الشركة القابضة المصرية ايضا بنجيب ليك خبرهم
صراع صفري بين حثالتين وانت تنبذ الشعب المسكين
ده افلاس وجهل شنيع
بوست غير موفق
إطلاقا وما بشبهك يا قبة

يا قبة خبر طازج من راديو دبنقا
كندا دخلت خط احتواء الازمة السودانية عبر سفيرها السابق في السودان
نيكولاس كوقلان
يللا أكرب قاشك وانت والنَّاس في كندا وقدمو خارطة طريق كمان
عشان اطلعو من التنبلة
والولولة
كيف تسهم كندا في حل ازمة السودان

عادل امين في متآهته ..
و في فنجطته ..

يا عادل .. قنا ليك مية مره .. اها .. برنامجك وافقنا عليهو
يلا ورينا التنفيذ كيف ..

ياخي طلعت زيتنا بالتكرار البليد حق فكرتك و تفكيرك

يلا ارسم خارطة طريق لتنفيذ خزعبلاتك دي على ارض الواقع السوداني الحالي ..

اعتقد جازما أنه بعد تصدر المتأسلمون للمشهد
أصبح جل الشعب السوداني (أسوأ خلق الله)
............
لعنة الله على تجار الدين المتأسلمين
ربنا سلط عليهم ما سلطته على قوم عاد وثمود

Quote: عادل امين في متآهته .. و في فنجطته .. يا عادل .. قنا ليك مية مره .. اها .. برنامجك وافقنا عليهو يلا ورينا التنفيذ كيف .. ياخي طلعت زيتنا بالتكرار البليد حق فكرتك و تفكيرك يلا ارسم خارطة طريق لتنفيذ خزعبلاتك دي على ارض الواقع السوداني الحالي ..

تعترف بان اسوا ما في السودان بعاعيت مايو الشيوعي والبعثي والناصري وايتام الترابي الكوز والسلفي وامراض العالمالعربي بتاعة التنابلة ديل
البرناج واضح تصبها في الاقاليم
من الشمال رؤية وعلم ودستور حسنين دولة على ورق
من الجنوب الحركة الشعبية دستور2005 ووتفعيل كل ما وقعه البشير مع الجنوبيين من 2005 ولحدي 2024 وايضا الجنوب الجديد
وتزح من كعوك الامارات المفضوحين ديل 5 سنة و1800 يوم راحت مع حمدوك والكعوك
بالله زول قاعد في كندا وما عارف بخارج السودان كيف من التافهين المؤدلجين المننتهين الصلاحية ديل
الصراع الصفري بين الكيزان وبعاعيت مايو عنده محرك واحد بس البنك الدولي وشركات النفط ونهابة الدهب
عولم وعيك
برنامج حسنين والحركة الشعبية ما خزعبلات
الخزعبلات حمدوك وحميدتي والبرهان ومرتزقة حفتر والسراج ..خدم الامارات المفضوحة
وؤسنا برنامج الدجاجة العجوزة الحمقاء الشيوعيين هسة شنو؟؟؟

بدون اقتباسات يا جقود
اها .. أنا موافق على برنامج علي محمود حسنين

يلا خلي الشغل النظري و التنظير و ورينا كيفية تنفيذه على ارض الواقع الحالي ..

و اي بعترف باي شي و بعاعيت مايو الخ ..

يلا التنفيذ يكون كيف .. اول خطوة اعترفنا و سلمنا انه نظريتك هي الحل الأوحد ..

يلا الخطوة التانية شنو و التالته و هكذا !!

الشعب السودانى فيهو الخير وفيهو الكعب مثله ومثل غيره من الشعوب وربما لعامل الجهل دور وللقبيلية دور وللجهوية دور وللتعددية الاثنية دور ولكن كل هذا لا يسمح لشخص ينتمى لاحدى مجموعات الشعب السودانى ان يصدر حكما بعمومية ما ذكره قبانى

يا حسن
للاسف الشعب السودانى كله بقى كعب ...
والسبب الجنجو يد ...وعنفهم غير المبرر ...
فقد زرعوا في شعب السودان الشر وكل الشر ...وأصبحنا كلنا اشرار

Quote: بدون اقتباسات يا جقود اها .. أنا موافق على برنامج علي محمود حسنين يلا خلي الشغل النظري و التنظير و ورينا كيفية تنفيذه على ارض الواقع الحالي .. و اي بعترف باي شي و بعاعيت مايو الخ .. يلا التنفيذ يكون كيف .. اول خطوة اعترفنا و سلمنا انه نظريتك هي الحل الأوحد .. يلا الخطوة التانية شنو و التالته و هكذا !!

ايواااه
طيب كانً تكلم الشباب في كل السودان من ٢٠١٩ بدل تباري. ناس شكرًا حمدوك ادوات الامارات ناس نومة وسهرة وقهوة وسكرة يضيعو ٥ سنة و١٨٠٠ يوم حاصل فارغ مع قحت الموز وجنرلات الشركة القابضة المصرية وجنجويد الامارات
ما كان حدس ما حدس
اها آمنت بمشروع الجبهة العربضةً زح من تقدم الوهم ديل

وكمانً ذاكر في برنامج الحركة الشعبة
الشعب السوداني كويس جدا
طلع الانجليز بي الانتخابات
المعفنينً ديل انتخبهم منو
يهربوً الذهب بي الطن ويستوردوً الاغاثة من الدول التافهة الناهبة للسودان
ديل هم الاسوا في السودان
اي كلام عّن اهانة الشعب السوداني إسقاط بس
الساقطين في السودان معروفين للناس الواعين لكن المساكين مبارنهم
٣٠٠ طنً ذهب وين راحت قيمتا
نفط من ١٩٨٨ مشا وين
كبر دماغك والقصة اقتصاد سياسي
يا بتاع ثمرات وشكرا حمدوك
ماركس قال الاقتصاد البنية التحتية
والاخلاق البنية الفوقية
وأبناء السفلة بددو موارد السودان ومستمرين في الحروب العبثية بالوكالة
والصعود على جثث الشباب دي عادة كيزان وشيوعيين
يقولون نموت لكي يحيا الوطن
يحيا لمن
من بعدنا لنً يبقى الا التراب والعفن
نحن الوطنً
؟؟؟؟؟؟؟؟
منو الكتل الشباب وضيع ثورتم في القيادةً
اكتب كلام واعي ولي انقرع

كالعادة .. ورجغه في ورجعة ..

عادل نسألك للمرة المليون :

يلا التنفيذ يكون كيف .. اول خطوة اعترفنا و سلمنا انه نظريتك هي الحل الأوحد ..

يلا الخطوة التانية شنو و التالته و هكذا !!

سؤالي منو السبب في انو بقينا اسواء خلق الله مع انو كنا احسن خلق الله وبشهادة الجميع
مودتي

السبب يا متولى هم الجنجو يد القتلة فقد ادخلوا علينا بتصرفاتهم الهمجية الوحشية عادات غريبة على المجتمع السودانى من تعذيب وقتل للأبرياء من المدنيين ونهب الممتلكات واغتصاب النساء وزرعوا في المجتمع السودانى أفظع الشرور وتحول كل المجتمع السودانى من مجتمع مسالم إلى مجتمع شر من هول ما يلاقونه من شرور هؤلاء التتار والمغول ولا سيما أن ملايين السودانيين المدنيين الأبرياء وخاصة النساء والأطفال يعانون أشد المعاناة في دول الجوار في مصر وتشاد وإثيوبيا وجنوب السودان وهي الدول التى هربوا إليها بعد أن تم طردهم من منازلهم وديارهم وتم نهب ممتلكاتهم واغتصاب فتياتهم من قبل هؤلاء التتار والمغول ..ولذا لم يعد المجتمع السودانى هو ذلك المجتمع الذي كان يعرفه العالم قبل بداية هذه الحرب اللعينة في ١٥ أبريل من العام الماضى ..وأصبحنا الان أسوأ خلق الله ...

السبب هم الجنجويد يعني ما انحنا هل كان من يتصور أن يتشرد الناس بهذه الطريقة الغير إنسانية يظل انسان السودان دائما هو الاحسن خلقا رغم المحن والأزمات
و حتما نعود

كالعادة .. ورجغه في ورجعة ..

عادل نسألك للمرة المليون :

يلا التنفيذ يكون كيف .. اول خطوة اعترفنا و سلمنا انه نظريتك هي الحل الأوحد ..

يلا الخطوة التانية شنو و التالته و هكذا !!

عادل امين ..

زيك و زي اي سوداني ..

تنظر .. و متوقع انه هناك شخص ما او جهة ما .. في وقت ما .. و مكان ما .. ستقوم بعمل ما تفكر فيه .. و تاتي بطريقة التنفيذ ..

اذا .. انت سيئ مثلنا جميعا ..