|
|
|
 Re: الطائرات بدون طيار الإيرانية أحدث أداة با (Re: Mohamed Omer)
|
| Quote: وقال آلان بوسويل، مدير مشروع القرن الأفريقي في مجموعة الأزمات الدولية، إن تقديم إيران طائرات بدون طيار وغيرها من الدعم المادي للجيش السوداني “أمر معروف في المجتمع الدبلوماسي”. إن استعادة حليف في السودان، خاصة على طول البحر الأحمر، سيكون بمثابة فوز كبير لإيران ولكنه سيثير قلق القوى الإقليمية والغربية الأخرى. |
تحياتي
محمد عمر
ده هو بيت القصيد
لمن قلنا ان يا برهان ما ليك غير ايران كان ده هو المطلوب
قلق القوى الاقليمية والغربية ده هو المطلوب
دلوكت ح يجلس الوسطاء مع الجيش السوداني وبدل ما يطلبوا تنازلات ح يكون السؤال كالتالي:
- طلباتك يا بيه؟
تسلم يا سيدي
| |
 
|
|
|
|
|
|
|
|
Re: الطائرات بدون طيار الإيرانية أحدث أداة با (Re: حيدر حسن ميرغني)
|
لا مسيرات ايرانية بتحلهم ولا غواصاات ايرانية، الحل يكمن في تنظيف الجيش من الفلول والكيزان
وبناء جيش حقيقي قومي لا يسمح باي مليشيات موازية.
حتي ولو فرضنا جدلا ان المسيرات عملت شغل علي الارض. في النهاية انت محتاج لسلاح مشاه، لترجمة انتصارات الكم..يكازي الايرانية علي الارض، يعني محتاج ليك الي ١٠٠ الف جندي مشاه مدرب مؤهل علي الارض مدربين علي حرب المدن والشوارع مش مستحمرين سنافر،
لذلك قبل ١٠ اشهر انا كتبت هنا علينا ان نصلي كي تنتهي هذه الحرب عام ٢٠٣٠
قالوا مسيرات ايرانية قال...
| |
|
|
|
|
|
|
|
|
Re: الطائرات بدون طيار الإيرانية أحدث أداة با (Re: محمود الدقم)
|
Quote: جيمي يا ملالي
الشغلانة دي ما بتنفع إلا لما تكون مثل النصيية دي |
حيدوري
انا ما ملالي
انا شايف السودان بيضيع نتيجة تدخل دول من الجوار وخارج الجوار، لايهمها الخير للسودان
النغمة السائدة هي محاربة الفلول.. يا خي دي نغمة بايخة جدا كان على الفلول الدعم السريع كله فلول، هو اصلا انشأ لحماية الفلول
الفلول الموجودين في الدعم السريع اكتر عن الموجودين في الجيش، يسرقوا ويكبروا
حرامي الدهب عاوز يكون ملك على السودان، والقحاتة زي ديك المسلمية بصلتهم مقلية وهم يعوعوا
يا حيدر بالمنطق كده..
حميدتي والدعم السريع بعد التضحيات القدموها دي كلها تفتكر كده يجيب ليكم ديمقراطية؟
غايتو سبحان الله الا يسويها ليكم ملكية دستورية...
نجي لموضوع ايران:
دخول ايران تكتيكيا في الحرب الدائرة في السودان بيعمل تشك ملك للاعب على الطرف الاخر، وسيظهر نفسه بصورة واضحة، والا سيتلقى الضربات في صمت دي اولا:
دخول ايران بيجعل القرار السوداني حر نسبيا من اقرب جيراننا (ما شايف مؤتمر القاهرة) والدعوة لأستئناف منبر جده،
ح يخلي خليفة حفتر يفكر الف مرة ان يرسل امدادات للدعم السريع، وكذلك كاكا وبقية دول الجوار.
دخول ايران ح يحيد روسيا لأن لها علاقات استراتيجية مع روسيا لايمكن ان تخسرها مقابل مصالح طارئة مع الطرف الاخر، والدليل في سوريا لمن ايران استدعت روسيا للتدخل بوتين دخل بكل قوة متجاهلا مصالحه الاقتصادية مع الخليج
الفبرة الجاية دي موجهة للسيد/ محمود الدقم..
(قال مسيرات قال)
اريتها لو وقفت على المسيرات بس..
يا باشا الدعم السريع وبيتخطيط من المحور المتحالف معه سيطر على جميع مصانع امداد السلاح بتاع الجيش السوداني:
1- اليرموك.
2 جياد
3- التصنيع الحربي قري.
بجانب مصفاة الجيلي..
بجانب انه حرم مناي دعم عسكري او لوجيستي من دول الجوار، حتى من مصر التي تعتبر السودان جزء من امنها القومي
يعني بكل بساطة الجيش السوداني كان في طريقه للأنهيار التام.
بص كده يا حودة
مسألتش نفسك ليه الجيش اليومين ديل كرب قاشو وشغال في الدعم السريع شغل نضيف؟
انا مش عارف انت اعلامي ومحلل عسكري وسياسي كيف؟
يا خي دي واضحة وضوح الشمس ان ايران دعمت الجيش بكل الاسلحة والزخائر الكانت بتنقصه عشان يشن هجوم معاكس مش بس مسيرات
الجيش دلوكت عاوز يخلص من جماعتك في العاصمة المثلثة الجماعة المشو الجزيرة والبطانة ح يبقوا جزر معزولة تماما لمن يقطع منهم طرق الامداد وح يسهل عليه التعامل معها بطريقة نوم ان جيري..
عرفت ليه بنقول لنو ايران قادرة على قلب المعادلة ودخولها ضروري
اما بالنسبة للموعد بتاعك بتاع 2030 ده كان زمان وجبر
الجيش لسع ما استخدم الحشود البيحشد فيها
قال سنة 2030 قال
اصبر بس وح تشوف
اول ما تشوف الجيش هاجم الدعم السريع في اي مكان في غرب السودان اعرف انو المعركة انتهت
| |
|
|
|
|
|
|
| |
Mohamed Omer
جمال المنصوري
حيدر حسن ميرغني
محمود الدقم
فيس بوك
تويتر
انستقرام
يوتيوب
بنتيريست