أول مقابلة تلفزيونية مباشرة مع حميدتي منذ بداية الحرب

10:59 AM January, 20 2024 سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

(adsbygoogle = window.adsbygoogle || []).push({});

قال في لقاء حصري مع سكاي نيوز عربية استعداده لوقف إطلاق النار فورا والدخول في مفاوضات في حال وافق الطرف الآخر والتزم بمسار التفاوض السلمي.
ذكر انه أجرى إنه لم يبدأ الحرب، بل بدأها البرهان وأضاف بانه لا استطيع إيقاف الحرب لوحده وقف الحرب له إجراءات و قدم مقترحات في جدة، وتم الاتفاق على 90 المئة من النقاشات هناك
اعتبر أن أول ما يمكن القيام به لإحلال السلام، هو وقف إطلاق النار
كما تحدث دقلو عن اللقاء الذي تعذرت إقامته أكثر من مرة مع قائد الجيش، قائلا: "البرهان هو الذي طلب لقائي، لكنه يشترط أن يكون ذلك بشكل انفرادي".

اتهم البرهان بتوزيع السلاح في دارفور محملا إياه مسؤولية المعارك الأهلية الدائرة بين القائل غربي السودان بسبب استمرار التسليح.

واعترف أيضا بارتكاب قواته أخطاء، حيث قال إن الدعم السريع ليسوا ملائكة. لديه محاكم ميدانية ولجان تحقيق فيما قد يرتكب من أخطاء.

أكد على طرح تشكيل جيش وطني غير مؤدلج، على أن يكون الدعم السريع جزءا منه.

وقال دقلو انهم ملتزمون بأن يقود الفترة الانتقالية قبل الانتخابات من يصفون بالنزاهة والوطنية، وأن يكونوا غير عسكريين

واتهم الجيش بـضرب المدارس والمستشفيات مشيرا إلى أن السكان نزحوا بسبب "ضرب الطيران".

كما لا توجد لديهم مخازن ذهب، وكل ما يقال حول ذلك هو لشيطنة الدعم السريع

https://www.skynewsarabia.com/middle-east/1686785-%D8%AF%D9%82%D9%84%D9%88-%D8%B7%D8%B1%D9%8A%D9%82-%D8%A7%D9%84%D8%B3%D9%84%D8%A7%D9%85-%D9...A7%D9%84%D9%8A%D8%A9

اللقاء كاملاً في الرابط اعلاه

تحية كبيرة لسمو الامير محمدان دقلو حميدتي.
أمير البلاد المفدى ومحررها من الفلول.

مما قاله حميدتي لسكاي نيوز عربية:

- جئت إلى كمبالا تلبية لدعوة "إيغاد" والبرهان هو من تخلف عن المجيء.
- إذا كان البرهان مستعداً للقاء والتفاوض فأنا مستعد اليوم قبل الغد.
- مستعد خلال الأسبوعين اللذين حددتْهما "إيغاد" لتلبية دعوتها للقاء البرهان.
- أنا لم أبدأ الحرب.. البرهان هو من بدأها وهو الآن مضغوط من قبل تنظيم يوجّهه حسب ما يشاء.
- البرهان هو الذي طلب لقائي ولكنه يشترط أن يكون ذلك انفرادياً.
- البرهان لم يحضر قمة "إيغاد" لأنه ينتظر تعليمات من قبل "الموتمر الوطني".

في ناس للان يا حيدر ما مصدقين حميتي حي يرزق 🤣

يا حبيب
البلابسة لسه في غيهم سادرون
إتجاه واحد صعب تغير تفكيرهم .. وعيهم مُغبَش
لسه شايلين القلم والمسطرة وواقعين قياس

والله السودان مصيبته مصيبة إنسان جاهل وقاتل زي ده يتحكّم في مصير البلد.

هذا الجهلول يناقض نفسه. يتهم الجيش بقصف المدن والقرى ويتهم البرهان بأنه بلا أخلاق ويطالبه بالقتال "رجل لرجل" وبعد ثواني يبرّر دخول قواته منازل الأبرياء وطردهم منها للاحتماء من قصف الطيران. لا وكمان بيستدرك " من باب الأمانة" ويقول إنه قواته قاعدة في "بعض العمارات الهيكلية الفاضية".

يعني العمارات الهيكلية الفاضية فرقها من الصقيعة شنو يا سعادة القائد؟ وهل لو قواتك قاعدة في عمارات هيكلية فاضية الجيش كان كلَّف نفسه وختّاها بند في مفاوضات؟

وفي كل حي في كم عمارة هيكلية فاضية عشان تشيل قواتك دي كلها؟

الراجل ده مريض نفسي بالدرب العديل، ومن الواضح أنه قِنع من إقناع الشعب السوداني بخطرفاته دي وبقى ماسك في إقناع العالم.

بالتأكيد يا محمد جرائم الدعم السريع في هذه الحرب لا ينكرها إلا مكابر
والمناداة لإنهاء الحرب يجب أن تقابل بردود إيجابية بدلاً من المراوغات (اليوم السودان جمد عضويته في الايقاد لتفادي عقد لقاء بين الطرفين لإنهاء الحرب)

Quote: واعترف أيضا بارتكاب قواته أخطاء، حيث قال إن الدعم السريع ليسوا ملائكة. لديه محاكم ميدانية ولجان تحقيق فيما قد يرتكب من أخطاء.

في الحقيقة هي ليست (اخطاء) وإنما جرائم حرب بصريح العبارة

زمان، يا حيدر، كان بعض المذيعين بيلجأوا لي لصياغة أسئلة عشان يطرحوها على ضيوفهم وخاصة السودانيين.

والله لو خلّوني وضعت الأسئلة لهذا القاتل في مقابلة زي دي كان شرب وما رِوى.

الراجل ده رغم الإمكانيات الكبيرة الموضوعة في خدمته، من الواضح أنه فريق عمله ضعيف جدًا. ديل حتى ما قادرين يفهّموهو أنه دي ما قناة سوادنية، وأنه عبرها هو بيخاطب العالم كله ولازم يتكلم بي tone يناسب كل المتلقّين. الراجل ما بيفرّق بين أنه ضيف في مقابلة مهمة في قناة عربية بعد طول غياب، وبين أنه بيخاطب ليهو في سودانيين ما بفكّوا الخط في قرية نائية في أقاصي السودان.

بعدين، ليه هو بيفترض أنه مشاهد عادي من الأردن أو الجزائر مثلاً ممكن يكون بيعرف "عبد الله مسار" ده؟ أبسط حاجة الناس اللي حوله مفروض يقولوا ليهو لما تذكر اسم في قناة ما محصورة على مخاطبة السودانيين بس، لا زم تعرّف الشخصية تعريف كافي.

بعدين، الراجل يكذب ويتحرَّى الكذب، والغريبة ما في شيء عاصره على كده. من المسلّمات أنه الدائرة المحيطة بأي مسؤول زي حميدتي ده أنهم بيحضّروهو للقاءات واجتماعات زي دي. على سبيل المثال، لو عنده لقاء مع أي مسؤول آخر، بيحضّروا ليهو نبذة عن المسؤول اللي حا يقابله ويوضّحوا ليهو ميوله وانتماءاته وحتى هواياته عشان دي ممكن تستعمل للمجاملات الأولية وice-breakers تلطّف الأجواء قبل الدخول في الموضوعات الجادة، وممكن كمان يستفيدوا من معرفة هوايات المسؤول في تضمينها في برنامج زيارته. يعني لو المسؤول بيحب الخيول، ممكن يضعوا في أجندة الزيارة حضور سباق خيل أو زيارة إسطبلات خيول، وقِس على ذلك.

وحتى الموضوعات الجادة اللي محتمل يثيرها المسؤول الآخر أثناء الاجتماع، لازم فريق عمل مسؤول زي حميدتي ده يحضّروا ليهو المواقف حيالها وكيفية الردّ عليها، ولازم يفهم أنه في موضوعات ضروري هو يثيرها حتى لو المسؤول الآخر ما أثارها (raise)، وفي موضوعات يتجنّب إثارتها لو المسؤول الآخر ما أثارها (not to be raised)، وإذاالمسؤول الآخر أثارها (if raised) لازم يكون ردّك كذا وكذا.

الظاهر بعض السذّج اللي حول حميدتي ما شغالين بالحكاية دي أو ما منجّضين شغلهم. يعني ببساطة ما في داعي حميدتي يقول أنه جاء أوغندا "من الخرطوم"، وكأنه العالم ده كله ساذج وممكن يصدّق أنه فعلاً كان موجود في الخرطوم قبل اللقاء ده. جملة زي دي لو ما خربت ما تفيد بشيء عشان كده ما في داعي ليها من أساسه.

بعدين شنو مستعد للقاء البرهان "في أي مكان وأي زمان". الواحد ما يقول حاجة هو ما بيقدر يعملها. يكتفي بأنه يقول أنه ممكن يقابله في "أي مكان وومان يُتفق عليهما" وبس.

طبعًا واضح أنه في أسئلة إيحائية (leading questions) دردقها ليهو المذيع عشان يتجدّع، زي السؤال عن الجهة التي تضغط على البرهان.

سلام حيدر والجميع

عجبت للمذيع الذي أجرى اللقاء. لم يفتح الله عليه بالسؤال عن دور الإمارات الذي جاء في كبريات الصحف العالمية مثل نيويورك تايمز وواشنطون بوست ووول استريت جورنال بتأجيج الصراع وذلك بنقل الأسلحة لقوات الدعم السريع.
كل ما تحتاج معرفته عن الدور الإماراتي في السودانكل ما تحتاج معرفته عن الدور الإماراتي في السودان

للمقارنة بين القائدين يا حيدر ..
ده من المفترض لقاء يوم التلاتاء الماضي ..

بالله ده رئيس مجلس سيادة بلد و قائد قوات مسلحة ..

قال فك اللجام .. خخخخخخخخخخخخخخخخخخخخخخخخخ

سلام ود قباني

Quote: بالله ده رئيس مجلس سيادة بلد و قائد قوات مسلحة ..

مفلس شديد .. شعوره بخسارة كل شيء يمت للجيش مسيطر على طريقة تفكيره ، يكفيه انه هرب من العاصمة
قائد جيش بقول " ظعطكم" ترجى منه شنو

Quote: للمقارنة بين القائدين يا حيدر

مقارنة الشيء تكون بشيء من جنسه.

ما في أي وجه مقارنة بين الخطابين.

لقاء حميدتي لقاء تلفزيوني بإعداد مسبق، بينما البرهان بيخاطب جنوده خطاب ارتجالي.

غايتو جنس غايتو!

من شلاقات حميدتي في هذا اللقاء أنه فضح حمدوك فضيحة السواد واللواد.

قصّيت ليكم الجزء أدناه في أسفل التعليق اللي كشح فيهو حميدتي الحلّة دي. ولما اكتشف أنه فلَّت في الكلام نطّط عويناته وحاول يدغمس الحكاية لكن يلقاها عند الغافل.

حكاية أنه حمدوك متورّط مع الانقلابيين دي توقّعتها من بدري وتابعتها بالحتّة لما حصلت ولما كان حمدوك في بيت الحبس وعبد الرحيم دقلو داخل وطالع عليهو لغاية ما قدَّم استقالته. ياهو ده توقُّعي:

Quote: بعد أن يضمن إحراز تقدم معقول في هذه الأصعدة كلها وتدين له الأمور بالتحكم في مفاصل الدولة المدنية والعسكرية، وعند بلوغ الضائقة المعيشية في البلاد مبلغًا يستحيل معه استمرار حكومة قحت المتخبطة والمترنحة، سيسعى إلى اختلاق شرعية بطريقة ما بذريعة إنقاذ البلاد من شبح الدولة الفاشلة، وسيكون ذلك بمباركة حمدوك نفسه عندما يقف حمار حكمه في العقبة.

وياهو ده اللي كتبتُه حينها عن أنه كان متواطئ مع الانقلابيين:



وياهو ده المقطع اللي كشح فيهو حميدتي الحلَّة ونطَّط عويناته لما أدرك أنه فلَّت في الكلام:

Quote:

مش كان عمل مقابلة تلفزيونية . .. كان عمل " عمرة " زاتو .

بل بسسسس.