09:37 PM January, 11 2024 سودانيز اون لاين
Hani Arabi Mohamed-كوكب الأرض
مكتبتى
رابط مختصر
مهما فيك طولت صابر
يا سنين عمري الشقية
ومهما طال فيك حظى عاثر
وذوبت عمرى الاسية
ما بقول انا راح أواني
عارفو ببسم لي أماني
وسعدى برجع ليا تاني
بالأماني السندسية
بالأماني السندسية
بكرة بصبح ذكريات
حالي داك الكنت فيهو
تملا آمالي العراض
بكرة تجمعني الصلات
بى عزيزاً اصطفيهو
ترجع ايامى النضيرة
بى لياليها الهنية
وسعدى برجع ليا تانى
بالامانى السندسية
اصلى من فيض العواطف
ديمة أسرانى المحنة
وكل مناى ترتاح حروفى
وفى الفؤاد طاوياهو انة
لا فؤادى يشوف عداوة
لا شقاوة ولا مظنة
اصلى يا روحى الصفية
لسة حافظ للوصية
وسعدى برجع ليا تانى
بالامانى السندسية
في بلد يملأه الاختلاف ، يبيع بعضه الكل ويشتري كله البعض!
نحتاج إلى أن نتعلم الأمل وحب الحياة!
الإخلاص والوفاء!
ومزيداً من الانتماء!
نحتاج نشيداً وطنياً جديداً ...
أن نسمع سلاماً جمهورياً متفائلاً ...
لعلنا نحب بعضنا
ونقبل أن نعيش سوياً
لننتج ونعمر
ونعيش في وئام!
فلتكن الأماني السندسية بداية السلام والأمان والاستقرار في السودان.
شكراً مصطفى سيد أحمد ، شكراً يوسف الموصلي، شكراً صلاح أحمد عبد الفتاح
-------------
الفيديو المرفق بصوت نادر خضر