ألمسافه صفر

08:09 AM January, 10 2024

سودانيز اون لاين
Hasheem Karouri-امدرمان
مكتبتى
رابط مختصر

الحرب الان اقتربت من العام وهي في خواتيمها . وهي فترة قصيرة ، مقارنة مع الحروب في الاقليم والعالم . ومن البدايات لولا التخاذل والخونة والجرجرة السودانية المعروفة ، لما استغرقت اكثر من ٣ ايام علي اسؤا الفروض .( كما قال احد القادة العسكرين ) .
الحساب أت لاريب فيه . ولكن نحن الان في " الخضم" ، وبعدها لكل حادث حديث .
......
قوات الفدائيين وقواتنا المسلحة ، والقوات الاخري الرديفه ، تشتبك حاليا مع المرتزقة من المسافه صفر .
في السابق كان الجيش في ثكناته ، وكان يصد فقط هجمات المتمردين ، وقد نجح في ذلك كثيرا ، وامتص الصدمة وحافظ علي قواته باقل الخسائر " وهذا يرجع لتقدير قادة الجيش " . الان " الهواء قلب " .
المرتزقة كانوا في هجماتهم دائما يعتمدوا علي الكثافه النيرانية ، والهجوم بقوات كبيرة . لم يكن الجيش وقتها مستعدا لها " لظروف كثيرة " ، " ذكرت في الاسطر السابقة " .....

الان قل الامداد البشري واللوجستي بشكل كبير ، عكس جانبنا ، الذي انتفض وتم دعمه.
تم تفعيل قوات مستنفرين ، ولاحقا مقاومة شعبيه مسلحة ، اربكت حسابات الكل ، علي رأسهم من يوجدون في الميدان الان . فقد انكشفوا واصبحوا بلاء غطأ ، بعد ان تشتت قواتهم في الولايات تسرق وتنهب وتغتصب كعادتهم .

هم الان في مأزق كبير ، وخروجهم " سالمين " هو اقصي امنياتهم الان ، وهذا حلم من الصعب جدا تحقيقه حاليا ( السماء اقرب ليهم ) . يتبلوا ويمشوا لي الله ،،،،

توجد صور ومقاطع كتيرة ، تؤثق هلاك " الجنجا " ، وهي مبذولة في النت لمن يرغب .

امدرمان التي كانت اكبر قاعدة لهم ، وبها الطريق والمنفذ الوحيد لامدادتهم . خرجت من يدهم بلا رجعة .


وبكرة احلي ،،،،،،




#بل بس

شبابنا البواسل مايزالون يعملون ليلا نهارا في " هتك ومتك " ال############ان في امدرمان ، من المسافه صفر .


نوافيكم بالمستجدات حال استقرار الشبكة . " تذبذب "


نصرا وفتحا قريبا من المولي عز وجل ،،،

حذف للتكرار

ول أبا هاشم كاروري

كدي شوف البطل إبراهيم بقال .. صورة وصوت .. دي أم درمان أم غيرها؟




بريمة

ماشفوا والله . " لسه هو حي ؟ "
طبعا انا اصلا ماقاعد اشوف مقاطعكم " خصوصا هذا البقال " .
المهم
لفائده القارئ . هو شنو ، واتصور وين ؟
ومن جانبنا نحنا هنا اقول ليك المناطق التي يسيطر عليها الجيش ، والتي قام بتنظيفها من " خبوب " المرتزقة .
بالمناسبة الكلمة التي تم تمويهها من قبل المنبر هي :
ال ج ذ ر ان .
المناطق المحررة :
امدرمان القديمة . ودنوباوي ، حتي المسالمة غربا .
شارع الاربعين من " بانت " مرورا بابكدوك ، العباسية شرق وغرب ، حتي صينية التجاني الماحي .
مدينة المهندسين ، مرورا بالفتيحاب والشقلة حتي صالحة .
امبدات وهي كما قلت سابقا مساحتها تعادل مساحة " فرنسا " . جزء كبير جدا منها تحرر ، بل وتم نشر قوات الشرطة فيها .
وقريبا جدا ستسمع ان امدرمان " كلها " محررة .

خليك متابع ، معركة " كسر العظم دي " وكلنا حنحتفل .

تاني ماتقول لي " بقال " .
قريبا حتسمع انه " يرقد بسلام ".

اللهم سدد الرمي ،،،

طيب، أبراهيم بقال .. صورة وصوت من صنينة التجانى الماحي ..

بقال من داخل أم درمان وليس من الدلنج؟

بريمة

ياخبر بفلوس ، بكره ببلاش . ذكرتني " شبشب الملك " . زيك كده طوالي مستعجل للنتائج 😃.


( انتم الان تنتظرون السمنه من ورك النمله ) . تقول لي بقال 😀


شيل الصبر ياحبيب وخليك متابع ،،،،










#نحن في الشده بأس يتجلي

ناس " زين " ديل زاتهم مصاصي دماء . ياخ مامعقول البعملوا فينا ده اول حاجة زياده مبالغ فيها "1 " قيقيا لمده اسبوع كانت ب ١٣٠٠ وشوية . وفجاة قبل يومين اصبحت ال " 1 " قيقيا ب ١٧٠٠ وشوية . !! زياده غير معقولة في وقت الناس بتعاني في لقمه عيشها ، والغريبة الزيادة تمت بدون سابق انذار .
وياريت الخدمة ممتازة . ولايات كثيرة تعاني منهم اكثر من معاناتهم من الجنجويد . حتي العاصمة الشبكة بقت زي الزفت .
الخدمة سيئة جدا جدا جدا جدا

" لازم نفتح بوست بهذا الخصوص "

زين . تبا لكم ،،،

الوقت الان للقضاء علي الاوغاد .
..................................

امدر العزيزة شبه خالية من السفلة " تبقي القليل يابريمة " ماتفرح لي بشويه مقاطع ينشرها الملاقيط من هنا او هناك . بكرة حتعرف الحقيقة .
....
امدر تبقت فيها بعض الجيوب وجاري التعامل معها . علي راسها " مبني الاذاعة والتلفزيون " . بح صوتنا اقصفوها ودمروها بلفيها ، وبكرة بنبني غيرها ياخ !!
اذاعة شنو وسجم شنو .
....
اليوم الجمعة قصف مدفعي كثيف " اتمني يكون موجه للاذاعة " .
...
الخرطوم ايضا شبه خالية ، ماعدا بعضهم منتشر في " السلمة والازهري وجنوب الخرطوم " ايضا جاري التعامل معهم ....
....
بحري ايضا تبقي القليل منهم جهة " المصفاه " . ايضا اتمني ان يتم قصف المصفي بما فيه .
كله بكره برجع يتعمر ويكون احسن من الاول .
....
ولايه الجزيرة : يوجد بعضهم اضافة للمجرمين واللصوص الذين يرافقهم وعاثوا فساد ، خصوصا في القري الامنه التي لم تعرف السلاح ابدا مثل " المعيلق " وغيرها من القري البسيطة الامنه.
ايضا هولاء جاري التعامل معهم ( حسب خطط القوات المسلحة ) .
....
" المرتزقة والمجرمين واللصوص " الان هم في ورطة كبيرة . فهم محاطين من كل الجوانب ، ولايوجد اي مخرج او مفر لهم ، الموت في انتظارهم في كل مكان .
الان الجميع " داخل السودان " جاهزين ومسلحين لاخذ " الثار " .
.....

قريبا سنحتفل بالنصر المؤزر ، وخلو قلب السودان من كل المرتزقة والخونة . ومن ثم الاتجاه " غربا " .




العزه والنصرة والشموخ للسودان ، والخزي والعار ، لكل مرتزق اثيم ، وكل خائن بلا ضمير ، " باع " بلده بشوية دولارات . وديل وقتهم جاي .



حتي اخر نبض في عروقنا . سنقاوم وننتصر ،،،




# نحن في الشدة بأس يتجلي

Quote: لي راسها " مبني الاذاعة والتلفزيون "

ول أبا شيخ هاشم، نحن في الشهر العاشر .. ومازالت نفس الأسطوانة ..

ما في زول بصدقكم،
الاشاوس العالم كله أعترف لهم .. الأشاوس راكزين.

بريمة

ماراكزين يابريمه


القلعة الزرقاء في قبضة الجيش :

تمكنت أمس الجمعة ، القوات المسلحة من تحرير استاد الهلال من قبضة مليشيات الدعم السريع الذين كانوا ينتشرون حول الاستاد وداخله ويتخذونه ثكنة عسكرية، حيث قاموا بنصب الاسلحة المضادة للطائرات ومنصات المدافع فى مواقع عدة داخل الاستاد

وقد قام الجيش بإحاطة الاستاد ودارت معارك ضارية بين الطرفين تكبدت فيها مليشيا الدعم السريع خسائر فادحة فى الافراد والمعدات القتالية وتمكن الجيش من دحر كل القوة العسكرية التي كانت متمركزه داخل الاستاد وخارجه وفرض سيطرته التامة على الاستاد والسوق والمناطق المجاورة .


ماشين في السكه نبل ،،،،

ما في زول بصدقكم،
الاشاوس العالم كله أعترف لهم .. الأشاوس راكزين.

Quote: ماراكزين يابريمه

كله طلس ساكت ..!

بريمة