مبروك لزميل المنبر ابوالزهور صدور روايته الاولى (الافول) عن دار نشر زميل المنبر هانى العربى

04:08 PM January, 09 2024

سودانيز اون لاين
بدر الدين الأمير-دولة قطر
مكتبتى
رابط مختصر

انها مطر عز الحريق
التحية والاجلال والتقدير
للزميلين ابوالزهور وهانى العربى
لهذه النسمة في عز هجيرنا وشتاتنا
وهجراتنا لعوالم مجبورين عليها...
لا للحرب

الرواية تقع في 250 صفحةمن الحجم المتوسط

وحاتكون متاحة للقراء
في معرض القاهرة الدولى
للكتاب

وبجيكم راجع للاحداث
التى تدور حولها الرواية

ياود الاصيل
اوعى تكون انت
برضو ابوالزهو كان
مغتغت عليك انو عندو
رواية في طريها للنشر

بريمة بلل
غير مطلوب حضورك
وبرضو صنوك الاجنبى دينق

مبروك لزهير صدور الرواية،

والشكر لحامل "البشارة" إلى المسكونة.

ود الأمير
تحياتي يعني أنا أفهم أنك معاي لتروج الرواية ولا لحرب مع صديقي ود الأصيل وهو عارف كل التفاصيل وله حاسة سادسة خطيرة
والمهم لكما كل الامتنان أنت الشاعر الفنان أسامة الخواض أتمني يكون من نقاد هذه الرواية لزائفته الفريدة في تحلل الإعمال الأدبية

ود الخواض
ياخى انا مسرور
بخبر صدور الرواية
قبل ان الطالع الرواية
(والدغمسات الفيها )

يا سلام ود الأمير
سا سلام يا د الأمير .. تغيب وتجئ بالبشريات ..

Quote: بريمة بلل غير مطلوب حضورك وبرضو صنوك الاجنبى دينق

ألف مبروك يا أبو الزوز .. وإن شاء الله نقرأ روايتك ..
أنا متوقع أبو الزوز .. ح يكشف فيها أسرار عن عوالم نحن لم نطرقها ..

ننتظر بس ..

بريمة

وأنت يا صديقي بريمه بعد السلام
ح تنتظر كثير أو تشتري من أمازون وهي الأقرب لك في عالم الغرب الأمريكي

تحية للشفيف زهير صاحب الكتابة المشحونة بالهواجس والشجن والتأملات
شكراً بدر جالب التباشير والفرح

بريمة ياود بلل
الرواية دى تقراها
وانت لابس الكمدول
فيها مافيها من .....
او كما قال البرهان

حيدر ياسيرلانكى
رواية يرويها خيال ابو الزهور
اكيد حايكون فيها العجب
العاجب

الف مبروك ابوالزوز
ياريت صورة لغلاف الرواية
وتسلم كتير يا بدر الامير

Quote: ياود الاصيل اوعى تكون انت برضو ابوالزهو كان مغتغت عليك انو عندو رواية في طريها للنشر

+ تصؤَّر يالو اللمير دا الحاصل بالظبط
شفت جنس الدِسدَيس و الغتغتة نفس حركات البعاتي الارجوز .
عشان كدا أتاريه فك الخيت الماسكنو سوا ، و خلاني بجاي ألعب أتاري
و أرغي براي مع ناس إيميل زولاو البريبت كامو، لكن برضو ما راحت
بعيد لانو ابو الزوز والعبدد لله الجزلان واحد و أصلن بنطلع الشدر
( زي الناس) بي كراع واحدة و الجزلات.
+ فالف ألف مبارك و ليس (مبروكا )عليك الليلة يا نعومة ،
عمومن روايتي دي بشارة خير أنو رواتتي المتعوسة وخايبة
الرجاء " ليس قابلاً للكسر" لسة مشنوقة ( تحت الطبع) يكون
جاها الفرج يتنفض عنها غبار الرف و أبو الزوز يكسر لينا تلج لينا
عند صاحبو هاني عربي .نطبع على انجلاتو ومن جاه الملوك نلوك
+ بالموناصبة ، أخونا هاني عربي دا ، لو ما تخونني الذاكرة
دخل علي مرتن فرد واحدة في حياتي و كتب لي عبارة
(YOU MDADE ME DAY)، ماني عارف زاتو
أضحكت سنو بي شنو . فا شكرن يا أمير.

يا سلام ود الأصيل لو أدهشتونا بعمل يليق بحروفكم الشحمانة ،
ليس بغريب على المنبر أنه لازال يضم مبدعين ومبدعات ، تكونوا إمتداد لكتاب وكاتبات أبدعوا في صياغة نصوص روائية في غاية الجمال ساهمت في تطويق أعناقهم بجائزة الطيب صالح للإبداع الروائي
على سبيل المثال لا الحصر
الدكتور بشرى الفاضل
طه جعفر
هشام ادم
ليلى صلاح
حامد بدوي
مصطفى بشار
محمد سليمان الفكي
-
بروف احمد ابراهيم أبو شوك الباحث المعروف أستاذ التاريخ الحديث والمعاصر بجامعة قطر (شخصية العام لجائزة الطيب صالح)

نسيت أضيف المبدع شاذلي جعفر شقاق لهذه القائمة
فهو أيضاً من أعضاء المنبر

يا أبو الزهور الرجل الأنيق المرهف الفنانلك التهنئة الصادقة بصدور الروايةانت فعلا رجل عملي وطموحبالتوفيق ومزيد من الانجازات

** وشكرا يا كاشف المغتتت والمدسدس يا بدور القلعة وجوهرها

Quote: يا سلام ود الأصيل لو أدهشتونا بعمل يليق بحروفكم الشحمانة ، ليس بغريب على المنبر أنه لازال يضم مبدعين ومبدعات ، تكونوا إمتداد لكتاب وكاتبات أبدعوا في صياغة نصوص روائية في غاية الجمال ساهمت في تطويق أعناقهم بجائزة الطيب صالح للإبداع الروائي

+ تعرف يا حيدر، شخصياً عندي مشكلة مع
جائزة عمنا الطيب صالح و مع كتارا و حتى مع مسابقة
قطر للترجمة و التفاهم الدولي ، مشكلتي فنية عويصة في
إنهم بشترطو دايمن إنو عمل المشارك ما يكون منشور سابقاً
عشان كدا"ليس قابلاً للكسر" مكتوب عليها تفضل كاسرة
كرونة في العلب ، و ما حتشوف النور نوهائي.

كل الشكر والامتنان للأحباب في المنبر العام والزملاء والزميلات بس لي رجاء هو شراء الرواية بالاونلين أمازون
قريبًا جدا سوف تكون متوفرة


هذا هو الغلاف يا صديقي محمود
https://top4top.io/

يا أخي صديقي والأصيل
لك التحية والأجلال أستاذي الجليل
أعتذرلك عن الكتمان وعدم الإفصاح عن نشر الرواية التصرف الذي حدث هو كل الأمر جاء بغته وبسرعة وأريدك أن تعرف أنه حدث دون قصد وأن تتفهم موقفي
ولا يضلك هذا العروب ود الأمير
مع كل الاحترام والود

الفين مبرووووك ولييي قدام

Quote: يا أخي صديقي والأصيل لك التحية و الأجلال أستاذي الجليل أعتذرلك عن الكتمان وعدم الإفصاح عن نشر الرواية التصرف الذي حدث هو كل الأمر جاء بغته وبسرعة وأريدك أن تعرف أنه حدث دون قصد وأن تتفهم موقفي ولا يضلك هذا العروب ود الأمير مع كل الاحترام والود .

+ دايمن تخجل تواضعنا بتواضعك
الجم زيزو عزيز دنيايا يا اعز عزيز؛ لكن و الله العكس
فرحان ليك يعمل الله من جوة الجوة و كان علي ود اللمير
زولنا تب ما عليك منو و حتى لو حاول يفسخ البصلة من
قشرتا ما في طريقة ، تعرف و نحن كنداراميين جهون عظتنا
على بعض ، عاملين متل كيف؟! أنتا بكيزة الدرملي بنت
الأصول و أنا زغولو العشماوي بنت أبو زغلول .
بس عندي فيك عشمين 01 / تجازف لي نسخة ملح
02 / تحنس لينا صاحبك هاني عربي.

لك يا أخي ود الأصيل

لك السمع والطاعة وتجاب وان كل الأمر علي الروح العزيزة
وأمنحي وقتا لحين التدشين بمعرض القاهرة للكتاب

يا ابو الزهور
تصديق ودالاصيل زاتو
طلع بتاع دسدسة
اول مرة اعرف انو عندو
مخطوطة لرواية جاهزة للنشر
وكم مرة طلبت منه المشاركة
في جائزة جامعةحمد بن خليفة

للترجمة وهى اكبر جائز للترجمة
في العالم وهو زول ترجمان من طراز
فريد بترجم له اكثر من ثلاثين سنة
وهى وسيلة كسب عيشه الوحيد زولنا
دا شكلو متاثر ابهله الصوفية بخاف القروش
تكتر في جيبو هههه

Quote: يا ابو الزهور تصديق ودالاصيل زاتو طلع بتاع دسدسةاول مرة اعرف انو عندو مخطوطة لرواية جاهزة للنشروكم مرة طلبت منه المشاركة في جائزة جامعةحمد بن خليفةللترجمة وهى اكبر جائز للترجمة في العالم وهو زول ترجمان من طرازفريد بترجم له اكثر من ثلاثين سنةوهى وسيلة كسب عيشه الوحيد زولنادا شكلو متاثر ابهله الصوفية بخاف القروشتكتر في جيبو هههه .

♤ يا ريت يابو اللميير ، بس لو قالولسك سمين تقو ليامين
و هو أنا كان بعرف أدس و لا أغتغت كان بقى حالي كدي.
دي مشكلتنات زاتا، الفولة ما تن(بل) في خشمنا ، الفي قلوبنا
على الكيبرود جا زول . وعمك جقود برضو نصحني أتحرك
في االتجاه دا، لكن براك عارف الماسكانا مي فاكانا.
♧ عمومن كدا كويسين ورايقين و يظل طبق حكمتنا لكل يومٍ
《إذا لم يكن ثمةَ بدٌّ من سقوطٍ ، فلا تكتفي بأن تلتقط معك شيئاً ما،
كلا بل حاول أن تضع شيئاً أو تترك تذكاراً ما، كأثرٍ بعد عين》

الاخ الدفعه زهير عثمان حمد
الف مبروك عقبال كل المخزن فى العقل والقلب

ألف مبروك أبو الزهور .
وإن شاء الله سنحجز نسختنا . بس ما تتحسس من النقد ههههه
...

شكرا أبو الأمير على البشارة .

أمونه بت الشرق
تحياتي
نسخة بس نسخ أنشالله
و أنت ناقدة بحس فنان أتنقدي وحللي حتي أتفهم ما أنا عليه من ضلال
أيتها الجميلة لكي أستقيم من النقد ويكون علاج وتقيم

لك ودي سيدتي

امونة يابت مختار
يابنية من عاصمة الكيزان
ياخى كتر خير وفضلت خير
رواية ابو الزهور طمنتنا بظهرورك
انك من مازلتى كما عهدناك تمشى في
الاسواق وتاكلى الطعام وتقولى كلمتك
ياخى مسرور بطلتك البهية مسرور مسرور جدا
كونى بخيرين وزيادة

....

https://top4top.io/Willows House For Printing and Publishing

·
عن هذا المدمن وما أحكيه عن نفسي ومجموعتي قد لا يثير أهتمامكم لسماع مدمن غريب الاطوار كان ذات يوم كاتب وصحافي له حضور اليوم طريح الفراش من داخل عيادة نفسية يتحدث هل هي الادانة له كمثقف ومتعلم وصاحب تجربة أنسانية كبيرة من ندين هل ندينه هو كفرد أو هذا المجتمع قد تكون جلسات نفسية ذات طابع غريب فيها تفاصيل كثيرة ولغرابتها وودت أن أكتبها بيدي بعد هذا الحال الذي أصبحتــ الحياة بعده نوعا من العبث أو عدم القدرة علي التعامل مع الحياة و الاخربشكل أيجابي أو أمرا مستحيل دعوني أتحدث لكم بصدق أريد أن أعترف نحن جيل كامل من الفاشلين ووثقوا هذا الكلام قد لا تطلع علي شمس غدا وأنا بين الاحياء سوف أقول تجربتي الانسانية بكل شجاعة لا أعرف لماذا وليس هنالك هدف ما
لتجريم نفسي أو الاصدقاء و لا كل هذا المجتمع .
#رواية الافول
#للكاتب زهير عثمان احمد
#معرض_القاهرة_الدولي_للكتاب_2024
#ويلوز_هاوس_للطباعة_النشر
(SÄÄSTVA OÜ Powered by Hani Bashier)
جناح ويلوز هاوس بمعرض القاهرة الدولي للكتاب صالة 3 جناح

نرحب بكم جميعاً في معرض القاهرة للكتاب
صالة 3
جناح C6
حيث تجدون كتبنا :

- رواية الأفول.
- كتاب دارفور حقيقة الثورة والإبادة.
- كتاب الدبلوماسية فن وممارسة.
- كتاب الإدارة المالية للمنظمات غير الربحية.
- AMEL: Accountability Motioning Evaluation and Learning
- Diplomacy, the Art and Practice

-------------------------------
مستدامة للطباعة والنشر والتوزيع
-------------------------------
صفحتنا على فيسبوك

ربنا يبارك فيك يا بدرالدين الأمير

--------------------------------------------------------------

دعوة لكل المبدعين من بلادي
وكل المبدعين حول العالم

للنشر معنا في مستدامة للطباعة والنشر والتوزيع!

نرحب بكم في معرض القاهرة الدولي للكتاب

مبرووك لكل من صنع عمل ثقافي جديد يقاوم به الزمان الشينً

ابو الزوز وهاني كل إنجاز إبداعي يشكل اضافة للجبهة الثقافيةًتلسودانية وبقاء السودان حيا على خارطة العالم وان نوقد شمعة خير من ان نلعن الظلام
وكل من اصدر كناب في هذا الزمن الصعب
وأتمنى ان يكون هناك حراك ثقافي كبير في معرض القاهرةً