Post: #2
Title: Re: خطة إنهاء الحرب - التي طرحها شباب المقاومة
Author: adil amin
Date: 01-09-2024, 04:51 AM
Parent: #1
لاحظ الخطاب الموتور،
ازمة الدجاجة العجوزة الحمقاء ( الحزب الشيوعي السوداني التعيس)
عايز يصفي حسابات قبل يؤسس دولة
وبرضو يجيك قبة المغيب يقول ليك ما عارفين نبدا من وين
اول حاجة يا شيوعيين انتو كنتو في قحت 2019 وتحملو اوزار مجزرة القيادة مع الجميع
ثانيا كنتو مع القوميين الجرب 1969 وتحملو اوزار قتل الهادي والازهري وتغير العلم والشعار،وافساد الخدمة المدنية والقوات النظامية بالتطهير واجب وطني ودمرتو الاقتصاد بالتاميم
وهسة متحولين سياسيا ومتسكعين منظمات وسفارات وما عندكم خارطة طريق وطنية واضحة تضع السودان في اطاره الفدرالي الصحيح قبل 30 يونيو 1989 ولا احترمتو رؤية الحركة الشعبية الاصل 2005 ولا رؤية حسنين علم ودستور
وهو صاحب فكرة اللجان الشعبية ونصبها في الاقاليم ورفض الجنرلات كلهم
يعني هو الوحيد الكان بحمل مشروع ثورة سودانية حقيقية
علم ورؤية ودستور مدني انتقالي
بتخترعو في العجلة لي شنو لحدي هسة
يا تتبنو رؤية الحبهة العريضة من الشمال للجنوب
وترجعو معانا الاقاليم الخمسة
او تتبنو وتتحالفو مع الحركة الشعبية في الجنوب الجديد ودستور 2005 والمحكمة الدستورية والمراجع العام وتصفية السلاح خارج الجيش بي مباردة عقار نافع 2011 المجمدة
امشو اقروها وشوفوها احسن مليون مرة من سلام جوبا 2020 الاماراتي البيض
يا شباب فكونا من لجان مقاومة قلنا ليكم
عندكم اقليمين ما اتلوثو بي البازنقر
قاعدين فيهم الفلول بالولايات
جدعو الولايات ورجعو الاقليم الشمالي والاقليمي الشرقي واستعملو دستور حسنين 2019 ودستور 2005 ودستور 1973 وقوانين 1974 في اعادة الاقليمين لسيرتم الاولى
تكونو جدعتو حثالة الترابي بدون يجو الجنجويد
عايزين.حاكم اقليم موصف دستوريا في الدستور قبل 30 يونيو 1989
حكومة اقليم نفس،الشيء
برلمان اقليم 50 مقعد الشرقي و40 مقعد الشمالي
مجالس محلية وريفية معروفة قبل 30 يونيو 1989 مش محليات وتفاهات الكيزان وامنجيتم
ادارة اهلية بالجنسية الخضراء،المادة 7 من دستور1957
هكذا تتم استعادة الدولة وسمكرتا من جديد صامولة صامولة
بعدين المركز فيه 6 مؤسسات بترجع براها
وشرحناها مليون مرة هنا
الثورة الثقافية
✌💚💛💙
|
|
