Post: #1 Title: زعطهم فزعمطهم.. إنه البرهان ولا كذب خخخخ Author: طلحة عبدالله Date: 01-06-2024, 07:33 AM
قال الراوي: كان أستاذ صالح بتاع الإنجليزي يعاني من مشكلة في نطق بعض الحروف ينطق السين شين، والشين سين، وفي يوم عمل لينا امتحان انجليزي واحد من ناس الكنبة الوراء المشاغبين كان بسف التمباك، أها اثناء الامتحان بقي ينقل من جارو أستاذ صالح شافو من بعيد كورك ليهو يا ولد ما تسف ( قاصد ما تشف يعنى ما تنقل من جارك) أها الولد طوالي طلع السفة رماها بالشباك، الأستاذ صاح فيهو هارشا له وكمان شافي ؟؟؟؟ ( قاصد سافي التمباك) .. فضحك الطلبة في الفصل أجمعين منهم من بلبط ومنهم من قعد يرفس ومنهم من سالت دموعه مدرارا من الضحك خخخخخخخخخخ أها بالمناسبة دي اللخو البرخان أقصد البرهان دا لازم نشوف ليهو مراقة ونصر عليها انها الحقيقة من باب (وان طارت برضو عنزة ) نقول وان لزم الأمر ( نحلف عديل ) إنو اللخو دا عندو مشكلة في بعض الحروف ما بقدر ينطقا خصوصا الميم، اذن هو قاصد زعمطة وليس زعطة كما يتوهم المتربصين فالميم راحت في حق الله بسبب مشكلتو دي وكان جوا ناس قحط غالطونا نزور ليهو شهادة طبية نقول فيها مثلا حلقو انقد على بطنو) لكن يا ود أبوه دخلتنا في حيص بيص وجهجهت باكاتنا .. نودي وشنا هسة مع قوم قحط اللابدين لينا ديل؟؟ كان شتمناهو معنى كدا نحن اتحولنا إلى الضفة المقابلة من النهر وبقينا تبع الجماعة أياهم . وكان قبلنا ما جاد به لسانو المتبري منو دا معنى كدا نحن قليلين أدب وسفهاء وصعاليق وبتاعين شوارع ومدرجات استاد كورة لما يجي القون نكورك بصوت واحد زووووووووووط خخخخخخ
Post: #2 Title: Re: زعطهم فزعمطهم.. إنه البرهان ولا كذب خخخخ Author: طلحة عبدالله Date: 01-06-2024, 01:38 PM Parent: #1
واضح جدا انو الأوضاع في بلدي بقت مريبة و ماشة للغريق وبعد ما كان قتل وتفجيرات ونهب ودمار وتهجير الحكاية اتطورت أوي والكبار بقوا يقلعوا لينا هدومهم في الهواء الطلق ونحن صغيرين ما نعرفش حاجة اعتقد والله أعلم الناس الكبارات ديل كلهم بقوا بتعاطوا أعشاب ضارة وشراب مختلف ألوانه وما معروف بكرة يعملوا لينا شنو عشان كدا ما في طريقة إلا الواحد ينفض يدو ويتبرأ من البلد دي يا قول صديقي أمينوف . الله يفكنا منكم أو يسلط عليكم كائن خرافي في شكل صقر يزعطكم جت عليكم بالنفر عشان تبطلوا تقلعوا لينا هدومكم .............. اللهم أنقذنا من القوم الظالمين الفالتين كما انقذت لوط من قومه خخخخخخخ
Post: #3 Title: Re: زعطهم فزعمطهم.. إنه البرهان ولا كذب خخخخ Author: طلحة عبدالله Date: 01-06-2024, 01:54 PM Parent: #2
حافظ يا حبيب هم الحكموا البلد بسيرة ذاتية تهز وترز عملوا شنو غير غشونا وسرقونا وماتوا خلونا شوف ارشح خالد سلك ساي كدا إحساس انو راجل وطني غيور وعايز يعمل حاجة للبلد ورغم انو ممكن اجيب سيرتو الذاتية وأية حاجة لكن عايز اترك ليكم انتوا ردة الفعل جيبوا سيرتو الذاتية وانتقدوا ولو هفت ليكم اشتموا ما عندي مانع طب . .......... البوست دا لو ما عمل حاجة مفيدة غير انو خلى الكيزان الداسنها يتململوا وتجيهم كاروشة لكفاه فائدة عظيمة بالنسبة لي خخخخخ
Post: #4 Title: Re: زعطهم فزعمطهم.. إنه البرهان ولا كذب خخخخ Author: Hasheem Karouri Date: 01-06-2024, 02:30 PM Parent: #3
طلحة . ازيك . وكل عام وانتم بخير . جات مناسبة كده في بوست زهير ، فيما يختص بمعاني الكلمات وكدة خصوصا بتلك المفرده " القبيحه " التي قالها قائد الجيش . المهم حبيت امر اسلم عليك واعايدك وكده . ملاحظة : شائفك مركز علي " خالد سلك " ، ولامانع لديك ان يكون رئيس الوزراء القادم . رائي الشخصي اذا سمحت لي : كل مجموعة الحرية والتغيير ، بما فيهم حمدوك ، اصبحوا لايلاقوا ترحيبا من الشعب . والزاد الطين بله . لقاءهم الاخير مع الشبح .
تقبل تحياتي ،،،،
Post: #5 Title: Re: زعطهم فزعمطهم.. إنه البرهان ولا كذب خخخخ Author: يحي قباني Date: 01-06-2024, 02:45 PM Parent: #4
طلحة يا صفوة ..
لولا شعوره و احساسه بما قال و نطق .. لما قالها ..
القصة (دخلت) الحوش ..
Post: #6 Title: Re: زعطهم فزعمطهم.. إنه البرهان ولا كذب خخخخ Author: Hafiz Bashir Date: 01-06-2024, 02:50 PM Parent: #4
Quote: حافظ يا حبيب
بقيت تهلوس وتجيب محطات خارجية زي البرهان.
Post: #7 Title: Re: زعطهم فزعمطهم.. إنه البرهان ولا كذب خخخخ Author: طلحة عبدالله Date: 01-06-2024, 03:10 PM Parent: #6
غايتو يا حافظ أنا بدأ ينتابني شك انو البورد دا مسكون ياخ مداخلات تطير وردود تختفي وبوستات تنقلب ردود لازم نشوف لينا اظافر سحلية مع ربع كيلو مخ قرد ناشف على شوية بعر خنزير تعافي لتوه من الامساك ونلخبطهم كلهم مع بعض ونوديهم أقرب زبالة خخخخخخ ........ المهم الرد الفوق دا للبوست التاني عايز انافس أبو الزهور في افتراع البوستات
Post: #8 Title: Re: زعطهم فزعمطهم.. إنه البرهان ولا كذب خخخخ Author: osama elkhawad Date: 01-06-2024, 11:37 PM Parent: #7
اهلا طلحة
البرهان ايضا تحدث عن احدهم وقال انو بعرفه ولقبه "القطر قام"..
ذكّرني اللقب بحلّة السكرجية هههههه
هكذا تكلم "ربّ الفور". هههه
Post: #9 Title: Re: زعطهم فزعمطهم.. إنه البرهان ولا كذب خخخخ Author: جمال المنصوري Date: 01-07-2024, 05:49 AM Parent: #8
طلحة يا حبيب ابرهه و ارخميدس بتاع الشجر واحد بيشرب انشا والتاني بيتعاطى بنقو ابرهه لمن يضرب الانشا بيتذكر لغة اهله الاصليين طوالي بيقلب امهرة الكلمة االلي الناس ماسكين فيها بالامهرة معناها ( نتف ريش)
اما اخونا ارخميدس لمن يضرب الحجر بيبقى زي محمود عبد العزيز في فيلم الكت كات فاتح المكرفون ويكب في الفضائح يقول ليك الفلول عملوا كده وكده بس انا ماسك خشمي ما عائز اتكلم ساكت عجيبة والله الواحد كأنو ماشي في شارع محمد علي قوموا الى سلاحكم يرحمكم الله
Post: #10 Title: Re: زعطهم فزعمطهم.. إنه البرهان ولا كذب خخخخ Author: طلحة عبدالله Date: 01-07-2024, 08:19 AM Parent: #9
صباح الخير العزيز الخواض والله أنا حكاية انو المتزعمط دا ادعى الألوهية ما مصدقا لغاية اللحظة هل فعلا قالها كما قالها فرعون ؟؟ الاعزاء المتداخلين كل الشكر والتقدير وساعود للاهتمام بمداخلاتكم ان الله هون ......... بصراحة حاسي بكاروشة شديدة من حكاية الجدية دي .. غايتو بحاول اثبت بقدر الامكان والله يقويني خخخخخ
Post: #11 Title: Re: زعطهم فزعمطهم.. إنه البرهان ولا كذب خخخخ Author: osama elkhawad Date: 01-08-2024, 00:32 AM Parent: #10