ود الاصيل وابو الزهور لابد ان تصدقو اربجي اقتحمها الجنوجويد وهم من يحموها الان

00:00 AM January, 01 2024

سودانيز اون لاين
بدر الدين الأمير-دولة قطر
مكتبتى
رابط مختصر

ياوطن عز الشدايد

ويجيك واحد
زي الاجنبى دينق
ويطالب بتسلح المواطنين
للدفاع عن النفس العرض
يالك من بائس ايها الدينق
نحن في الجزيرة حدنا تكون
عندك سكين تضبح بها خرف كرامة
اوتهليلا بقدوم ضيف والحرب لاعندنا
لها جبل ولاغابة خليك من سلاح واسلحة

ويجيك واحد
زي الاجنبى دينق
ويطالب بتسلح المواطنين
للدفاع عن النفس العرض
يالك من بائس ايها الدينق
نحن في الجزيرة حدنا تكون
عندك سكين تضبح بها خرف كرامة
اوتهليلا بقدوم ضيف والحرب لاعندنا
لها جبل ولاغابة خليك من سلاح واسلحة

ود الأمير

كل عام وأنتم والأسرة بألف خير .. أربجي آمنة بإذن الله. طمئنا علي الأهل في أربجي ..

ما تخافوا ولا تسمعوا للبلابسة .. نحن مضي علينا أكثر من 7 شهور مناطقنا فيها الدعم السريع في كردفان، أمنين في أراحنا وممتلكاتنا وأعراضنا ..

ما تخلوا البلابسة يدخلوا وسطكم ويخبروا مناطق أهلكم ..


بريمة

يالاقدار الحرب
دي اصعب مداخلة منك
يابريمة بلل يمكننى
الرد عليها بسهولة
المهم الجنجويد اقتحمو
اربجى كما باقى قرى ومدن الجزيرة
وعاصمتهم مدنى
عاسو فيها قتل والقائد اي البعاتى
اعترف بهذه التفلاتات من خلال خطابة على منصة
اكس اي تويتر سابقا
ولى عودة يابربمة كى اواصل الحوار

ود الأمير
أنا متأكد في أربجي .. ح يكون هناك ناس شطار مثلك .. صدقنى ناس الدعم السريع ح يكونوا ظهير ليكم في أي شيئ تريدون تنفيذه.
أبقوا شطار .. وحددوا مطالبكم في المنطقة .. من نواحي أمنية وتنموية .. وإدارة المنطقة ..

بريمة

الجيش جيش كيزان
والاستنفار استنفار كيزان
من يحمينا من الكيزان هم
جنجويدهم اي صناعتهم التى
شقت عليهم عصا الطاعة
وهل وهل ...
عندى الجنجويدى يمكن استئناسة
وليس الكوز تاجر الدين ومشعل الفتن

أبو اللمير ياخ أ قولليك حاجة:
لو منى مستنى الملام
يا سلام عليك يا سلام
يا حلو دة السكوت مرات كلام
وعدم الملام هو كمان ملام
يا سلام عليك يا سلام
انا يا غرامى وصلت بيك
فى الدنيا لى حد الغرام
ولقيت ملامى على عينيك
يا سيدى زى الما ملام
يا سلام عليك يا سلام
الورده لو فاتا الفراش
ما اظن تلومو عن الندى
ما الريدة يا حنين كدة
يا سلام عليك يا سلام.
+ شكرن يا بدُر ، نعتذر للتاخير
لكن كنت مستني شيخي أبو الزوز
الللي الله مرقنا من ضنب الككو فابت
نفسه الأمارة إلا أن تركبني موجة
البلابسة فبقيت بلبوس رغم أنفي .

كيزان اربجي
الان هم صم بكم عميان
امام المسجد الكبير الكوز
عبدالناصر
الذى اعلن من خلال مكبر
الصوت الجهاد ضد الجنجويد
تم تهريبه خارج اربجي
بعد اشعاله الفتنة ككوز بلبوس
من قبل الكيزان
المهم تم تدارك الفتنة باقل الارواح
التحية والتقدير لعقلا اربجي وشاب لجان
المقاومة باربحي
الرحمة والمغفرة لمن استشهدو فداء للوطن
ولموطنهم اربجي

كيزان اربجي
الان هم صم بكم عميان
امام المسجد الكبير الكوز
عبدالناصر
الذى اعلن من خلال مكبر
الصوت الجهاد ضد الجنجويد
تم تهريبه خارج اربجي
بعد اشعاله الفتنة ككوز بلبوس
المهم تم تدارك الفتنة باقل الارواح
التحية والتقدير لعقلا اربجي وشاب لجان
المقاومة باربحي

ود الاصيل
هل تعلم ان اغنية
الملام لمصطفنا ود سيد احمد
هي احد اغنياته الكاسرة فينى ضلعتين
وهى من كلمات ود كسلا عبدالوهاب هلاوى
افتكر من اسمو بكون ادروبى ومصطفانا من
شايقية ودسلفاب هل انت ام انا ام هلاوي ام مصطفانا
بنقدر نكون بلبوسين حتى لو رمنا بتلك الجريمة صديق صديقنا
ابو الزهور قال ايه ود الاصيل ممكن يكون بلبوسى
وعجبى

صديقى حيدر السيرلانكى
يعنى جنجويدتنا عندك مغفورة ...

الأمير أبناء الأمراء بدر الدين
لك التحية وكل الأمنيات بعام سعيد يغسل رهق السنين
تعرف لاربجي مقام في نفس كل سوداني وربك عليم بحال العباد أمسِ تكلمت عبر الاتصال المرئي مع قيادات العمل المدني عن احوال الأهل في الجزيرة
وكان الوعد أن يعملوا علي رفع المعاناة عسي ربي يزل رحمته بكل أهل السودان
لا تقلق أن محنة وسوف تذهب ولكن صبرنا عليها صعب أخي
لك العتبي حتي ترضي

Quote: امام المسجد الكبير الكوز عبدالناصر الذى اعلن من خلال مكبر الصوت الجهاد ضد الجنجويد تم تهريبه خارج اربجي

المجاهد عبد الناصر .. صييج بعد ما ولعها!

أهل أربجي طيبين .. كان يمسكوه ويسلموه للأشاوس.


بريمة

Quote: ود الاصيل هل تعلم ان اغنية الملام لمصطفنا ود سيد احمد هي احد اغنياته الكاسرة فينى ضلعتين وهى من كلمات ود كسلا عبدالوهاب هلاوى افتكر من اسمو بكون ادروبى ومصطفانا من شايقية ودسلفاب هل انت ام انا ام هلاوي ام مصطفانا بنقدر نكون بلبوسين حتى لو رمنا بتلك الجريمة صديق صديقناابو الزهور قال ايه ود الاصيل ممكن يكون بلبوسى وعجبى

+ من ود اللمير ، دي
شهادة شاهدٍ من أهلي ، سوف ألبسا
قلادة زي المعلقات السبع على صدري ،
و ياريت فردتي حبيبو أبو الزوز بعدَّا ماني داير
منو اعتذار، علا ممكن يعمل زوغبير ونعتبر تهمتو
لشخصي الفقير إلى الله زي الذم بما يُشبه المدح.
+ با لموناصبة البلابسة حالياً هم الأوباش المغول التتار
بكل جدارة ، فضلن عن بقية طباع لاضِّباع الفيهم.
أربجي شريحة مخبرية ونخوذج لما جرى ويجري
عندنا في أبي حرازات و طيبة عبد الباقي ،إلخ...
أقال الله عثراتهم و رد غرباتهم.

أهلاً ود الأمير وضيوفه الكرام

انتم اهل اربجي اقرب الناس إلى حمل السلاح.

ليه؟
اسم المنطقة اسم عسكري.
كيف؟

آر بي جي هههههه

يابدرالدين
لا تأمنو. للجنحويد

لاعهد ولا ميثاق لهم
بكرة يغدرو بيكم
دسو
الذهب والفلوس. وطفشو بكاسيكم. بعيد منهم

وبعد. اعمل فيها زي أبوسفيان
قول للاربجية
من دخل دار بدر الدين الأمير. فهو امن !!

ابو الزهور الخرق الدستور
حاولت مرارا الاتصال بك بجد
هاتفك مغلق اهو براك شايف اهوال
الحرب خلتنا نتعامل مع بريما بدون
عنف مش جماعتو بقو حارسنا وفارسنا
هههه

ود الخواض ياسامى
الخواضة في المعرفة
تجينى ويجينى معاك
زمن حرب وحروب
ار بي جى 7 السلاح الروسى
ورطنا زي ما انا متورط بمخاطبة
الجنجويدى بريمة بلل برقة

كمال ياود عباس
طولنا منك ياخ
ياسيدى وهو نحن عندنا خيار اخر
غير استئناس الجنجويد اقرب ارتكاز
للجيش يبعد عنا اكثر من مئة وخمسين
كيلو اي سلاح المدرعات وهو زاتو محاصرنو
الجنجويد
نحن ناس اكرام الضيف مرارة وشية
لاعندنا غابة ولاجبل كي نقاتل ..

تعرف يا بدُر البدور لو الملام كاسرة فيك
ترقوة أخوك كاسرة فوقي عضم أب قبيح راسو عديل.
بالموناصبة ، واحد من قضروف سعد سالني الليلة قال
سامع ود مدني رجعت آمنه فالخبر شنو؟!، قلنالو: لازم ننوم قفا
موش قالو القضارف زاحفة علينا بقضها و قضيضها؟!
طبعن ، عارفننا نحنو ناس ناس الله في بلد الله ، كفر و وتر دواية
ومحاية و أرض المحنَّة دي بقرة حلوب بين تورين أملحين ،
أكان جاعو الالتنينب تعشيهم ، لاكين كان هي جاعت عِدمت
سلقة الدقيق إلى تنوم بايت القوا .
ثمح، على جنبة كدا :
+ أنقر لاقيت ليك في الليالي منو؟! الأربجاوي
عبد الله عبد الرحمن(مِلِح) ، بحَّر فوقي سمح واتلفت،
ماني عارفو مطلش ولا تغابى فوقي العرفة.
فاش نو ، بتحصل عادي والله.
+ عمومن، لسة مطالبين بحقنا في طاجن
الحوت مع ناس ود القريش.

Quote: ورطنا زي ما انا متورط بمخاطبة الجنجويدى بريمة بلل برقة

أنتم عارفين، ود الأمير وول أبا ود الأصيل، سيآتهم مغفورة عندي ..
حينما سمعت أن الأشاوس دخلوا أربجي .. أتصلت علي ود الأمير، أسأله عن سلامة أسرته الصغيرة والكبيرة وأهل أربجي.
ووجدته رابط الجأش .. رغم أنه زعلان من الذين يدعون المواطنين العزل لحمل السلاح ..

هاهم الأشاوس طردوا الفلول من عقر دار الثوري ود الأمير ..
نحن منتظرين أن ينضم ود الأمير إلي الأشاوس حتي تتحقق مقولة ول أبا كمال عباس .. من دخل دار ود الأمير فهو آمن.

بريمة

بريمة ياود بلل
لحدى هنا نحن
كويسن مع بعض
بس ربنا يكفينا شر
البلبوسى الاجنبى دينق

ياود الاصيل
الجماعة في اربجى
بقت شغلتهم من الصباح
لعب الكتشينة في النادى
وعشان ما تحصل مشاكل في
لعب الكتشينة والناس اهل لانو
البزعل ويخلى مجيئ النادى بكون
خياره يايمش يجلس في البيت او
يكون حايم في الشوارع الجماعة
اقترحو ان يكون كل يوم في واحد
حكم للحريق وقراراته نافذة بدون غلاط
قام واحد نزل ونزوله كان ناقص الحكم قال له
نزولك ناقص قام عاين للحكم وقال له هسى لواحد
من الجنجويد كان لاعب معانا ونزولو كان ناقاص بتقدر
تقول له نزولك ناقص وبهت الذى كفر دحين الايام دى الجنجويدى
بريمة بلل ورقو زايد ورقو ناقص بنمشى له

ههههههاااااي ما ترا كبا
يجازي محنك و دِقٌقك يا ود اللمير
و يكلبش لي بنيات اباريسك ، تعرف آجنا ،
طريتني نكتة عمك نقٌد من أبعاج أخوي دراج المحن
في سنة 1973 أستدوعه ضمن خريجي حنتوب يحضرو
اليوبيل الفضي، نميري جا راكب مجروس ترجل منه و طوالي
مشى على داخلية عنجة يتفقد احوال ا لرعية ، (كان رئيسا)
+ الجماعة قالولو يا سعادتك زميلك زمان محمد غبراهيم نقُد حايم
بجا في شارع النيل مدني لابس رداء كاكي و عامل رايح ، فيا ريت
تديه الأمان ولو ليوم واحد يجي يحضر، عمك عمل تقدثر موقف و قاللهم:
خلاس حركو كارو بي مكرفو يناوده : يا رفقيق نقُد أظهر و بان عليك اللمان.
حتين خرج المحيط المتجمد اليساري من عزلته المجيدة و حضر.
+ أتعمل سداسي بين طلبة جنتوب و قدامي المحاربين ، حيث كان
عمك نميري لاعب راس حربة ، فلامن جاتو الكورة مرفوعة باص من
النص، ثبتها بي سدرو الواسع و أصلو ما مقق ليها حشرا ليك في شباك
الخصم حش مصارينا حش لام عجاجتا ربطت. في اللحظة دي نقد كان ماسك
رجل خطو كان رافع رايتو لحكم النص بانو اللاعب دا كان سارق، لكن الحكم زي
طنشو وصفر فيها : قوووووون ، نقُد زهجان، راح مقبلعلى المنصة وقالهم:
نسوي شنوعاد وريناه لاك حكام الزمن دا ما بسمعو الكلام.

المثل الشعبى بقول
( يفلق ويداوى)
الجنجويد عاملين
حملة للعودة الطوعية
للنازحين في ولايةالجزيرة
الى الخرطوم بس لاماكن
سيطرتهم بالخرطوم ومستعدين
لحايتهم
طيب وكيف بتقدرو تحموهم من طيران
جيش الكيزان

ود الأمير،

Quote: هسى لواحد من الجنجويد كان لاعب معانا ونزولو كان ناقاص بتقدر تقول له نزولك ناقص وبهت الذى كفر دحين الايام دى الجنجويدى بريمة بلل ورقو زايد ورقو ناقص بنمشى له

أنا أديتكم زبدة 7 شهور .. نحن تحت حكم الدعم السريع .. حياتنا هناك حارقة تش ..
لكن الفلول دخلوا خوفة في الناس من الأشاوس .. وأنتم ختوا الكورة واطاة وما تتسللوا مثل أب عاج في حكاية ود الأصيل ..

بالجد ح يساعدوكم في حاجات كتيرة .. بالذات المشاريع التنموية .. الأشياء التى كنتم تنوون عملها بالسنين بالجهد الشعبي .. كلها ح يعملوها ليكم بلا من ولا أذي.
أسمعوا كلامي يا الأمير وأبو الأمير.

بريمة

+ يظل الوُدُّ محفوظاً حبيبو ول أبا بريمة ،
و لكن يبدو أنو فُرضَ علينا ولا محجالة، أن نبقى على
طرفَى سكة حديد لغاية ما يقيف قطار الهم دا إلى حين
ميسرة و لامن يبدأ يعود لينا قطار عطبرة.