Post: #1
Title: قصة جورج
Author: أبوذر بابكر
Date: 01-01-2024, 06:54 PM
05:54 PM January, 01 2024 سودانيز اون لاين
أبوذر بابكر-
مكتبتى
رابط مختصر
كان في جورج
بعدين جورج
مش القصة او الحكاية او الحجوة بتبدأ كدا ؟
وبعد داك الراوي يدخل في متن القصة
|
Post: #2
Title: Re: قصة جورج
Author: أبوذر بابكر
Date: 01-01-2024, 07:15 PM
Parent: #1
جورج المعني والمقصود
هو إنسان
إنسان حقيقي وزول سوداني مخلوق من طين البلد
ومشبع بمعنى وطعم ونكهة وطيب البلد
كائن جميل ونبيل وأصيل
اسمه جورج بنيوتي
|
Post: #3
Title: Re: قصة جورج
Author: أبوذر بابكر
Date: 01-01-2024, 07:21 PM
Parent: #2
ربما يبدو الموضوع وما فيه
استمرار وجريان في سياق المواضيع الاخيرة المتشبثة ب نوستالجيا الحنين لماضي ذكريات سودانيزاونلاين
سودانيزاونلاين الموئل الحنين الما ضنين
الجاد علينا بسنوات خصيبة وديار رحيبة ومعارف حبيبة
نبتت واينعت واستطالت واثمرت صلات وروابط ووشائج سمحة ومخضرة
بعرفوها كل او معظم القدامي هنا
|
Post: #4
Title: Re: قصة جورج
Author: أبوذر بابكر
Date: 01-01-2024, 07:27 PM
Parent: #3
قصة جورج بتبدأ لما امطرت سماء الحضور هنا، في المنبر
عطايا غيمات جورج السخية
وجادت علينا وعلي العالمين بطيب غيثها وسقيا متحها وكريم منحها
ادبا جميلا وابداعا هميلا وحديثا نبيلا
فكان الحمد والامتنان منا محاولة لرد العطاء وشكر السخاء ومدح البهاء
كتبنا حينها
"جورج دي كفك ولا غيمة"
قصيدة حاولنا فيها وبها وعبرها رد الجميل والجمال
ومنها بدأت القصة
|
Post: #6
Title: Re: قصة جورج
Author: أبوذر بابكر
Date: 01-01-2024, 07:38 PM
Parent: #1
نص القصيدة البدت القصة
**********************
جورج بنيوتى، أو الزول البحر
دي كفك ولا غيمه
تلمس الطين ينتشي
يبقى الكلام
روح التراب
تبقى الحروف
معنى الوئام
الفرحة تسرج صهوتا
ونجيك على خيل السلام
وعليك محبة وليك سلام
دي كفك ولا غيمه
ريدتك تقوم
وسط الصحاب
نيمه وسبيل
في إيدو مرتاح الحلم
في عيونو قيّلت الجروف
ويضحك الطين ينتشي
عارف براك
ما بسوى شي
ريدتك تبتق
زي تراتيل النخيل
كفك تكب
طهر الغنا
وتصدح هديل
تفرهد الدعوات منى
وتزغرد اللحظة وتشيل
ونغني بب حسك "نشيل"
معناك والود النبيل
ودي كفك ولا غيمه
تضحك الروح تنتشي
جنحات كلامك تبقى عِينه
ضي الحروف خد الرتينه
ورقصة الحب الرزينه
بى نشوة الريد تنتنى
ترقص حداك وليك تميل
وعطر الألق
كل القصائد والمواويل الحنينه
شبال علي كتفك يسيل
وكفك تكب
طهر الغنا
وتصدح هديل
والفرحة زي ضحكة عطر
بسمة أريج
مضاريه في توب النِسيمه
ودب كفك ولا غيمه
وبى الفينا
بى كل التواشيح القديمه
و كل ريده بتسقي
عطش الشوق حنينا
نهديك ورده ريد وسيمه
وساعة نجي
تحضن الخطوه المشي
نبقى معنى ونبقى قيمه
نرقص مع الطين ننتشي
ونهديك وردة ريد وسيمه
|
Post: #7
Title: Re: قصة جورج
Author: أبوذر بابكر
Date: 01-01-2024, 07:45 PM
Parent: #1
القصة ما كانت هي القصيدة
القصة هي انه البوست دا
بقى حاجة غريبة
تقاطرت الخلوق من كل فج جميل
وكان اول موضوع في سودانيزاونلاين يصل لعشرات الصفحات المحتشدة باجمل خلق الله
ما كان في شي بجمع بينهم غير المحبة
والعندو محبة ما خلا الحبه
زي ما قال شيخنا ود بدر
وبعد داك بقت علاقات انسانية سامية ربطت بين الناس ديل كلهم
واكيد زي ما قلت معظم او ربما كل الناس القدام هنا في اوائل الالفينات بتذكرو الحصل
حاولت القى رابط للموضع لكن ما قدرت او ما عرفت
ويا ريت اخونا بكري لو يوم مر من هنا
يتعطف علينا ويبرنا برابط الموضوع إذا كان لذلك سبيلا
|
Post: #8
Title: Re: قصة جورج
Author: أبوذر بابكر
Date: 01-01-2024, 07:47 PM
Parent: #1
الزمن داك كان اسمي المطر
THE RAIN
يا ليتنا عدنا
او عادت الايام
او زي ما قال م. درويش
حتى إذا عادت الأماكن
من يعيد لنا الرفاق
|
Post: #9
Title: Re: قصة جورج
Author: أبوذر بابكر
Date: 01-01-2024, 07:47 PM
Parent: #1
الزمن داك كان اسمي المطر
THE RAIN
يا ليتنا عدنا
او عادت الايام
او زي ما قال م. درويش
حتى إذا عادت الأماكن
من يعيد لنا الرفاق
|
Post: #10
Title: Re: قصة جورج
Author: أبوذر بابكر
Date: 01-02-2024, 07:27 AM
Parent: #1
بعد نهاية قصة جورج
تم طباعة كل الموضوع وبقى مجلد ضخم مطبوع علي ورق مقاس A4
قامت اختنا بلقيس في الخرطوم، عضوة المنبر ال بتشارك باسم ملكة سبأ
طبعت كل صفحات الموضوع في مجلد ورقي أنيق
وكانت اول سابقة طباعة واحد من مواضيع سودانيزاونلاين
|
Post: #11
Title: Re: قصة جورج
Author: حيدر حسن ميرغني
Date: 01-02-2024, 10:48 AM
Parent: #10
يا شفيف ..
بالله شوف عدت كم سنة ، وكم وكم ناس مبدعة كانوا ساكنين هنا
رغم ان المشاحنات الشخصية و السياسية كانت مشتعلة أكثر من الآن آنذاك ، لكن البورد كان مزدهـر ، يعج بالشعراء والأدباء
صدقني ، كانوا أكثر من شدوني إلى هذا المنبر وسبب حماستي في نيل عضويته 2005
أسماء لا تحصى ، رغم غيابهم الطويل لازال أثرهم محفوظ في المكتبات وفي الذاكرة
مرة لقيت العزيزات هالة عبد الحليم وليلى صلاح (ابنوسة) ورباح الصادق المهدي في بيت الفنون بتاع طارق الامين طلبت منهن يرجعن للكتابة في المنبر
ما تتصور كنت سعيد كيف والمناسبة كانت إحتفاء بفوز ليلى ابنوسة بجائزة الطيب صالح للرواية ، ده غير عضوات اخريات زينن بكتاباتهن الجميلة صدر هذا المنبر
ياخي الحوش ده كان فلتة
|
Post: #12
Title: Re: قصة جورج
Author: أبوذر بابكر
Date: 01-02-2024, 06:24 PM
Parent: #11
ازيك يا حيدر
ويسعد مساك النور
بتوقيت الذكريات العطرة والأيام السمحة
سنين مرت ومرو سنين
زي ما غنى الكابلي عليه الرحمة وليه المحبة
المكان دا كان محتشد ب ناس ما عاديين
كانو حضور ونور وعطور وزهور
واستلمو المجال
اول مرة يمكن في مكان ما وقي وقت يتآلف الكم والنوع
بمعنى ال Quality and Quantity
في حتة واحدة
اعداد كبيرة مت الناس السمحين فعلا
وجودة عالية في المعنى والحضور والطعم واللون والرائحة
ما عايز اعدد واذكر الأسماء بالتحديد والتمييز
لكن يشهد الأرشيف والمراجع بكل الأنا عايز اقوله واوصله
ولو حصرنا الذكرى والتذكر واسترجاع ما مضى بس في العضوات
ممكن ما نقدر نحصيهن كلهن ونعدد اسماهن
كل واحدة متميزة وايقونة في مجالها
احسب بس وعد
تماضر شيخ الدين
بنات العباسي رجاء وراوية
ابنوسة
ايمان احمد
سلمى الشيخ سلامة
بنات قوتة هالة واختها
ملكة سبأ
يكفي بس يا حيدر انه كانت معانا الدكتورة عائشة موس
ارملة شيخنا واستاذنا الاعظم دكتور محمد عبد الحي
ولسه القائمة مليانة بالاسماء المضيئة والمفيدة
واكيد انت بتتذكر اسماء تانية كتيرة
مع التحية والود
|
Post: #13
Title: Re: قصة جورج
Author: Abdalla Gaafar
Date: 01-02-2024, 07:28 PM
Parent: #12
أبو آمنة
لك ولجورج السلام والمودة
دي كانت واحدة من الكتابات المتبادلة
الي جورج بنيوتي
تخت وجعك
علي وجع الدفاتر
ينفتح باب الجرح
سرسار نزيف
تكتب
عن الارض الابت
يطلع صباحا
خريف
تظل ممدود
علي حزن الغلابا رغيف
وما توصل
|
Post: #14
Title: Re: قصة جورج
Author: أبوذر بابكر
Date: 01-03-2024, 07:20 AM
Parent: #13
عوافي يا عبد الله
خت عليها كمان
جورج الضل الوريف
|
Post: #15
Title: Re: قصة جورج
Author: أبوذر بابكر
Date: 01-04-2024, 09:39 AM
Parent: #1
أبطال القصة الابرز
صلاح شتات
معتصم دفع الله
ملكة سبأ
بنات العباسي - رجاء وراوية
خالد الحاج - على روحه الرحمة والغفران
عبد الله جعفر
الهدهد
سمرية
ولسه القائمة طويلة وجميلة
|
|