طالعت بوستاً لزينب الصادق المهدي، تُطالبني ومجموعة من الزملاء الأفاضل بالاعتذار أو الاعتزال عقب ظهور حميدتي في يوغندا وإثيوبيا..! كان على هذه السِّياسيّة المُستجدّة، عليلة التعبير، محدودة القُدرات، عجولة الرأي، أن تأتي لي بقول منطوق أو مكتوب ذكرت فيه أنّ حميدتي قد مات أو قُتل..؟!
بل العكس كنت أكرِّر دائماً القول عندما أسال بأنه موجودٌ وحيٌّ، ولكن هنالك ما يمنع ظهوره..!
فعلاً في هذا الزمن الأعوج الجهجاه، شح الحياء، وانعدم الخجل، واستطالت ألسن النصح الكذوب، وأصبح فاقد الشيئ يعطيه بكثرة ..!
مَن عليه الاعتذار والاغتسال من الجنابة السِّياسيّة.. هُم مَن برّروا احتلال منازل المواطنين، وسرقة أموالهم، وهتك أعراضهم كما فعلت هذه الزينب..!
مَن عليهم الاعتذار، الذين تمرّغوا في عطايا السّفارات وبلاطات العَمَالَة، وضُبطوا بتهريب الذهب حين فرار..؟!
عطايا ينالونها من زمان البشير إلى (شوباش )آل دقلو عن يدٍ وهُم صاغرون ..!
مَن عليهم الاعتذار، أولئك الأذلاء، مُمتهنو الارتزاق السِّياسي، الذين تواطؤا بالصَّمـت المريب والإدانات الخصية أمام انتهاكات المليشيا منذ طلقتها الأولى إلى اليوم…؟!!
مَن عليهم الاعتذار ومُغادرة المسرح السِّياسي، مَن باعوا ضمائرهم في مزادات المواقف واختبأوا عراةً في صناديق الزجاج..؟! ضياء الدين بلال
Post: #2 Title: Re: هذا ما كتبه ضياء الدين بلال عن الحبيبة زين Author: زهير ابو الزهراء Date: 12-29-2023, 09:31 PM Parent: #1
كتبت زينب الصادق المهدي : ظهور حميدتي يوجب على السيدات والسادة من اهل الاعلام الاعتذار الرسمي، فهذه المهنة عمادها المصداقية وقوامها التحقق .. وعلى الاتية اسماؤهم الاعتذار او اعتزال المهنة، فقد اصيبت مصداقيتهم/ ن في مقتل: عثمان ميرغني عادل الباز ضياء الدين بلال محمد عبد القادر نسرين النمر روشان اوشي عائشة الماجدي عبد الماجد عبد الحميد مزمل ابو القاسم الفاتح السيد الهندي عزالدين الطاهر ساتي الطاهر حسن التوم بكري المدني خالد الاعيسر عبد الماجد عبد الحميد محمد محمد خير اسامة عبد الماجد #لا_للحرب #لا_للكذب
Post: #3 Title: Re: هذا ما كتبه ضياء الدين بلال عن الحبيبة زين Author: كمال عباس Date: 12-29-2023, 10:11 PM Parent: #2
وضياء بلال يتحدث عن النزاهة والشرف وهو ربيب صحافة الإنقاذ والأكل من موائد جمال الوالي وهو نفسه الذي كان يمدح ويطبل لحميدتي قبل الانقلاب
Post: #4 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 03:36 AM Parent: #3
Quote: لا_للكذب
هههههههههههههه حلوة "لا_للكذب" دي جدك يا زينب كذب وقال هو المهدي المنتظر، ومازلتم يا زينب تسترزقون من كذبه. حتى اسمك الثلاثي يحمل أكبر كذبة في تاريخ السودان. اول حاجة تبرئي من كذب جدك وبعدها ينظر ويفاد في ."لا_للكذب" بتاعتك دي.
Post: #5 Title: Re: هذا ما كتبه ضياء الدين بلال عن الحبيبة زين Author: أبوبكر عباس Date: 12-30-2023, 06:00 AM Parent: #4
هو الزول لو قال أنا المهدي ولّ قال أنا نبي أو رسول، كيف نتأكد من إنو صادق ولّ كاذب؟
عبد الله الأنصاري جد محسن خالد قال لناس المسيكتاب إنو هو موفد المسيح من الله، قالوا ليهو أنت كاذب، الله ما رسلك ولا حاجة. قال ليهم: أنتوا منو فيكم الله عشان يكون متأكد ما رسلني؟
Post: #6 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 10:45 AM Parent: #5
يا مستنير جد محسن خالد حريف، جاب مسمى جديد "موفد المسيح من الله" وما أسند صفات "موفد المسيح من الله" إلى أي مرجع. جد زينب الصادق قال أنه المهدي المنتظر المذكور في كتب أهل السنة. لذا من السهل التأكد من كذبه بمقارنة صفاته وصفات أفعاله بالمذكور في المراجع التي استند هو عليها في ادعائه.
إنت يا مستنير وقت الله جابك داير أسألك بإعتبارك قحاتي كبير ليه القحاتة والدعامة بزعلوا شديد كدا لما يقولوا ليهم حميدتي مات؟ غياب حميدتي عن أجهزة الإعلام خلال الفترة الماضية كان لازم يفتح باب لكثير من الاسئلة والتكهنات. وليه القحاتة والدعامة ما حاولوا يجدوا مبررات للغياب غير إنهم بس يشاكلوا الناس القالت حميدتي مات؟
الغريبة البلابسة ما زعلوا شديد لما صغار القحاتة طلعوا إشاعة بإنو كباشي مات.
Post: #7 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 12-30-2023, 11:06 AM Parent: #6
Quote: كباشي
كباشي يا حافظ في مقام عبد الرحيم دقلو من حيث التراتيبية في القيادة يعني البلابسة لن يهمهم موته من عدمه طالما برهانهم حي .. بعدين ياخي زينب طالبت بإعتذار دون ان تنجر لإتهامهم بالعمالة وتهريب الذهب كان بإمكان ضياء يحصر رده في موضوع الاعتذار بدل كيل التهم دي حقيقة عيال الامام اعتقد انهم نظيفين ، ولم يثروا بإستغلال اسم والدهم وإرثه السياسي كما فعل عيال الكيزان
Post: #8 Title: Re: هذا ما كتبه ضياء الدين بلال عن الحبيبة زين Author: يحي قباني Date: 12-30-2023, 11:22 AM Parent: #7
Quote: #لا_للحرب #لا_للكذب
# الكاذب الضلّيل ..
Post: #9 Title: Re: هذا ما كتبه ضياء الدين بلال عن الحبيبة زين Author: أبوبكر عباس Date: 12-30-2023, 12:23 PM Parent: #8
أنا يا حافظ، قحاتي فرع حمدوك ونحن دون بقية البحارة نمتاز بالبراغماتية والمرونة من أجل جذب الاستثمارات، نعبد الدولار وأهل الدولار، ونرى في الدولار حل لأي مشكلة، الكاش يقلل النقاش، ونحن الحمامدكة ديل نستطيع الآن جبر ضرر هذه الحرب وفض الاعتصام وكل الجرائم بالدولار. نسيت سؤالك كان شنو؟ لكن من الأحسن التفكر والتأمل في الدولار
Post: #10 Title: Re: هذا ما كتبه ضياء الدين بلال عن الحبيبة زين Author: أبوبكر عباس Date: 12-30-2023, 12:25 PM Parent: #9
القحاتة وليس البحارة
Post: #11 Title: Re: هذا ما كتبه ضياء الدين بلال عن الحبيبة زين Author: أبوبكر عباس Date: 12-30-2023, 01:25 PM Parent: #10
اتذكرت سؤالك؛ أنا لسّ ما مقتنع بالفيديوهات الأخيرة بتاعت أثيوبيا يوغندا وشايف إنو حميدتي مات
Post: #12 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 04:47 PM Parent: #11
Quote: كباشي يا حافظ في مقام عبد الرحيم دقلو من حيث التراتيبية في القيادة يعني البلابسة لن يهمهم موته من عدمه طالما برهانهم حي
طيب يا حيدر الدعامة وعرفنا دا زولهم الأول ما بتقارن بكباشي وليهم حق يزعلوا، القحاتة مالم بزعلوا شديد كدا؟
Post: #13 Title: Re: هذا ما كتبه ضياء الدين بلال عن الحبيبة زين Author: طلحة عبدالله Date: 12-30-2023, 05:31 PM Parent: #12
مرحبا مولاهم حافظ ومساء الخير يا عبدالله
Quote: القحاتة مالم بزعلوا شديد كدا؟
فعلا حاجة غريبة جدا كونو يزعلوا شديد كدا زي زعلك انت في البوست على بت الصادق وجدها عشان بس طالبت نفر عزيز بالاعتذار .
Post: #14 Title: Re: هذا ما كتبه ضياء الدين بلال عن الحبيبة زين Author: جمال المنصوري Date: 12-30-2023, 05:56 PM Parent: #13
Quote: #لا_للحرب #لا_للكذب
الغريبة قالوا انو الحرب دي ضدالفلول وهم دلوقت قاطعين نفسهم عشان يفاضوا الفلول....عجيبة لا للكذب
Post: #15 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 06:02 PM Parent: #13
أخونا طلحة الغائب اريتك طيب.
Quote: زي زعلك انت في البوست على بت الصادق وجدها عشان بس طالبت نفر عزيز بالاعتذار .
عرفتني زعلان كيف؟ في غيابك دا بقيت تعلم الجهر وما يخفى؟ أنا ضحكت للمفارقة بين إسم المهدي و"لا_للكذب"، ولم أعلق أصلاً على مطالبة بت الصادق نفر عزيز بالاعتذار.
بعدين ياخي سؤالي عن زعل القحاتة موجه للمستنير بإعتباره من كبار القحاتة ولحيدر بإعتباره من كبار الدعامة، إنت يا طلحة قحاتي صغيروني ساكت المشوبرة ليك شنو؟
Post: #16 Title: Re: هذا ما كتبه ضياء الدين بلال عن الحبيبة زين Author: طلحة عبدالله Date: 12-30-2023, 06:25 PM Parent: #15
Quote:
عرفتني زعلان كيف؟ في غيابك دا بقيت تعلم الجهر وما يخفى؟ أنا ضحكت للمفارقة بين إسم المهدي و"لا_للكذب"، ولم أعلق أصلاً على مطالبة بت الصادق نفر عزيز بالاعتذار.
بعدين ياخي سؤالي عن زعل القحاتة موجه للمستنير بإعتباره من كبار القحاتة ولحيدر بإعتباره من كبار الدعامة، إنت يا طلحة قحاتي صغيروني ساكت المشوبرة ليك شنو؟
عرفتك زعلان بنفس الطريقة العرفت بيها القحاتة زعلانين اتا قايل براك العندك الحاسة التاسعة دي خخخخخخخخ ثم يا مولاهم حافظ انا دخلت البوست من أجل المشاركة لا لحاجة تانية وكوني اكون قحاتي صغيروني واللا كبيروني أنا حر أكيد . هسة انت تراكا كويز صغيروني جدا وقاعد تتشالق وتتشوبر في اي بوست وبرضو أنت حر . خخخخخ
Post: #17 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 12-30-2023, 06:44 PM Parent: #16
Quote: كويز صغيروني
وانا اقول مولانا دي جات من وين
Post: #18 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 06:48 PM Parent: #16
حبيبنا يا طلحة أنا ما وصفتك بإنك قحاتي صغيروني ساي كدا من عندي، أنا وصفتك لأنو إنت كزول لا مع دا ولا مع دا وكزول يحق ليهو الحرية في التعاطي مع الحاجات حسب فهمو ليها ما دايرنك تخلي لينا البورد دا.
Quote: يعني أنا كزول لا مع دا ولا مع دا أخلي ليكم البورد دا واللا أعمل شنو بالضبط عشان أرضي فخامتكم وأنال شرف ممارسة حياتي كزول يحق ليهو الحرية في التعاطي مع الحاجات حسب فهمو ليها؟
Post: #19 Title: Re: هذا ما كتبه ضياء الدين بلال عن الحبيبة زين Author: طلحة عبدالله Date: 12-30-2023, 07:09 PM Parent: #18
ما فهمت يا مولاهم حافظ يعنى كونك تصفني بالقحاتي الصغيروني رغم توضيحي الاقتبتسو الفوق دا بخليني ما أخلى البورد ؟؟ واللا شنو كدا وقعا لي لأنو حسب فهمي تبريرك مع المقتبس زي قضبان القطر
Post: #20 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 07:17 PM Parent: #19
التطور حاجة كويسة يا طلحة، وكونك تطورت وبقيت مع دا، دي حاجة كويسة تستحق الإشادة. بس حسب مشاهداتنا مراحل التطور بتبدأ من صغير لكبير.
Post: #21 Title: Re: هذا ما كتبه ضياء الدين بلال عن الحبيبة زين Author: طلحة عبدالله Date: 12-30-2023, 07:36 PM Parent: #20
Quote: كونك تطورت وبقيت مع دا، دي حاجة كويسة تستحق الإشادة.
بسم الله أنت بترد على منو يا مولاهم حافظ ؟؟ شنو هو الاتطور ومنو هو البقيت مع دا ؟؟ غايتو أشك انك بتعنيني أنا لانو أنا لا تطورت ولا بقيت مع دا واللا اكلت بطيخ انت برااااااااك جيت قلت لي اتا قحاتي صغيروني سااااااي كدا زعلة منك خخخخخخ لكن لو عايز تطورني وتبقيني مع دا سمبلة ساي كدا براحتك يمكن عندك فهم تاني ..بس أنا برضو بطورك وببقيك مع دا من باب رد الجميل وكدا خخخخخخخ
Post: #22 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 07:52 PM Parent: #21
Quote: وانا اقول مولانا دي جات من وين
المشكلة يا حيدر زولك دا بقاني كويز صغيروني ونزع من المولنة في ضربة واحدة.
Post: #23 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-30-2023, 07:55 PM Parent: #22
Quote: غايتو أشك انك بتعنيني أنا لانو أنا لا تطورت ولا بقيت مع دا واللا اكلت بطيخ
عارفك يا طلحة ما أكلت بطيخ لكن من حسن ظني بك، كنت قايلك إتطورت وبقيت قحاتي. طالما لسه إنت لا مع دا ولا مع دا، فتقبل إعتذاري عن وصفك بالقحاتي الصغيروني.
Post: #24 Title: Re: هذا ما كتبه ضياء الدين بلال عن الحبيبة زين Author: طلحة عبدالله Date: 12-30-2023, 08:08 PM Parent: #23
Quote: فتقبل إعتذاري عن وصفك بالقحاتي الصغيروني.
سمح بس أنا متين نزعت منك المولنة القلتها دي ؟
Post: #25 Title: Re: هذا ما كتبه ضياء الدين بلال عن الحبيبة زين Author: أبوبكر عباس Date: 12-30-2023, 11:52 PM Parent: #24
معظم الناس دي ما زعلانة من طلب الاعتذار، زعلانين من إنو كومتهم في لستة كيزانية ودا قاعد يطلع ميتين ضياء ونسرين، وصفهم بالميزان قاعد يجيب كثافتهم.
Post: #26 Title: Re: هذا ما كتبه ضياء الدين بلال عن الحبيبة زين Author: أبوبكر عباس Date: 12-31-2023, 00:56 AM Parent: #25
قدر ما وديت طلب المدعو حافظ من زينب أن تكذب جدها المهدي، قدر ما وديتو جاي ولّ جاي، ما لقيتو ليهو وصف غير تعدي من المدعو على حرية اعتقاد المهدي عليه السلام، زينب شغلتها شنو باعتقادات الناس الدينية؟ شغلتها شنو تكذب زول قال هو المهدي، أو أمس كان معاهو في الحضرة النبوية نبي الله الخدر؟ أو زول قال الله بقرة؟ أو حجر؟ أو غير محسوس؟ أو ثالوث؟ شغلتها بالموضوع دا شنو يا شيوعي يا مستنير؟ شغلتها شنو باعتقادات الناس؟
Post: #27 Title: Re: هذا ما كتبه ضياء الدين بلال عن الحبيبة زين Author: كمال عباس Date: 12-31-2023, 01:40 AM Parent: #26
ياحافظ بشير المستنيردا عاوزيرميك في الفخ انكار الغيبيات. مهدية المهدي -رسالة الرسول. - هذاالنبي ذاك ممكن يطالبك. باثبات ان الرسالات كلها. صحيحة والنبوءة كذلك يطالبك باثبات انها كلها من عند الله مافي إثبات ؟المسالة مسالة اعتقاد ؟إذا عليك احترام اعتقاد زينب وبقية الانصار بمهدوية أمامهم وشيوخ الطرق الصوفية بولاية شيوخهم يمكن تقول مثلا. ما عندك مشكلة في الاعتقاد وحرية الاعتقاد ولكنك تمارس حقك في نقد الاديان والمذاهب والاعتقاد وتثبيت حقك في زيفها ومصدرها البشري المنزوع من اي بعد روحي او سماوي - وهنا قد يتدخل من ويقول هناك فرق بين حرية التعبير ونقد الاديان والتجريح والإساءة للمعتقد وعدم احترم قناعته عموما المستنير سيضعك في. فخ الولاية ولصلاح. والمهدوية والنبوءة والرسالة كلها اعتقادات وقناعات شخصية لايمكن إثباتها بالعقل والمنطق. والأدوات العلمية سيقول عليك ان تعامل اعتقاد زينب وحواري السمانية والمسلم واليهودي والمسيحي والهندوسي والبوذي. علي حد سواءتكذيب هذا يقود لتكذيب ذاك وهكذا
Post: #29 Title: Re: هذا ما كتبه ضياء الدين بلال عن الحبيبة زين Author: كمال عباس Date: 12-31-2023, 06:06 PM Parent: #27
...
Post: #30 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 12-31-2023, 06:14 PM Parent: #26
Quote: يا شيوعي
باللهِ مولانا حافظ طلع زميل احمر غايتو ح يتعب مع طلحة
Post: #31 Title: Re: هذا ما كتبه ضياء الدين بلال عن الحبيبة زين Author: صديق مهدى على Date: 12-31-2023, 06:28 PM Parent: #8
من قال الكاذب الضليل يا يحى قباني هو نميري بعد دخول الجبهة الوطنية مسلحة عن طريق الصحراء الليبية والتي استولت على السلطة ثلاثة ايام يا ريت نمير قال هذا اوصف فى قيادات الجبهة الوطنية لكنه مثلك عقدته الصادق المهدي ياريت يا يحى قباني اتيت لنا بكلام نميري بعد المصالحة فى عام ١٩٧٨والتي عقدها مع الصادق المهدي وهذا دليل على انا الكاذب الضليل ليس الصادق المهدي بل نميري نفسه الذي غير اسلوبه مع الصادق المهدي عندما قابله على عرض البحر الاحمر فى باخرة من قرب بورتسودان حيث كتب نميري فى كتابه النهج الاسلامي لماذا من صفحة ٤١الى صفحة ٦١ كتب نميري فى هذه الصفحات ان الصادق المهدي ليس بكاذب ضليل بل هو صادق فى كل شئ يا ريت يايحى قباني تكون امين وتعطي الرجل حقه بدل هذه الاساءة التي تشبهك
Post: #28 Title: Re: هذا ما كتبه ضياء الدين بلال عن الحبيبة زين Author: adil amin Date: 12-31-2023, 04:27 AM Parent: #1
من باع الوطن يا ضياء الدين بلال🙈🙉🙊 الانقاذ 1989_2024 والقاعد في راس الناس 30 سنة الكوز المنحوس برضه بعد صفر عدادكم الترابي ولعنكم لعنا كبيرا مفروض برضو ترجعو كل الدولارات المكدسة في حسابتكم الخاصة وشركلتكم الوهمية خارج بنك السودان قبل تشيلا امريكا بقانون جاستا الحجر على مال السفيه ويكوكم بيها في جهنم الحمرا الانقاذ نظام مجرم فاسد فصل الجنوب ودمر الدولة المدنية في السودان والمرافق الخدمية والانتاجية الاسسوها الانجليز وعبود ونميري ونظام فاشي صنع الجنجويد وقننه دستوريا بالبرلمان وشرد بيه 1000000 شخص في دارفور،وجابهم مرتزقة في اليمن وليبيا وبدد بيهم ذهب جبل عامر ورباهم لعض الشعب السوداني وفي الاخر عضو الزول الجابهم من موسى هلال لي البشير،وهسة جوكم انتو يا البرهان والكيزان بدعم اماراتي وواااااضح وحدهم بوتسودان مالكم ومال بنت الصادق المهدي دي جدها السيد عبدالرحمن اسس حزب حقيقي يغطي السودان كله وبجي بصناديق الاقتراع انتو جيتو من وين يا حثالة الترابي وضيعتو السودان من 30 يونيو 1989 معقول نقعد عالقين كده بين السيء والاسوا في السودان لا خير في البنا الفلول ولا البعجن في الطين الجنجويد شوفو ليكم حاجة محترمة باروها يا شعب الله المحتار تحرركم من خزى الدنيا ومن انقاذيين جملة وتفصيلا الفلول والجنجا وجهين لعملة واحدة
Post: #32 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-31-2023, 06:39 PM Parent: #28
Quote: ما لقيتو ليهو وصف غير تعدي من المدعو على حرية اعتقاد المهدي عليه السلام، زينب شغلتها شنو باعتقادات الناس الدينية؟
يا مستنير هو المهدي خلى الناس حرين في إعتقادهم عشان أنا أخليهو حر في إعتقادو؟ أما زينب فما زالت سايقة الناس بمهدوية جدها الكاذبة.
Post: #33 Title: Re: هذا ما كتبه ضياء الدين بلال عن الحبيبة زين Author: صديق مهدى على Date: 12-31-2023, 06:47 PM Parent: #32
حافظ بشير قبل كدي وصيتك البنقو دا بفقدك مصداقيتك فى المنبر تحياتي
Post: #34 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 12-31-2023, 06:54 PM Parent: #33
يعجبني فيك يا صديق إنك بتدي مولانا حافظ بالحتة الفيها الدانة - حفظ الله عيال الإمام .. انظف عيال سياسي في السودان
Post: #35 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-31-2023, 07:27 PM Parent: #32
يا كمال أنا محدود المعرفة فيما حولي فقط وليس لي أدنى علم في ما إذا كانت الغيبيات حقيقة ام لا، إلا في حدود تجاربي الشخصية التي لا يمكنني تعميمها على أحد غيري. ولكني أستطيع أن أحاكم المهدي بأقواله ومرجعيته التي إختارها هو المهدي قال أنه المهدي المنتظر الذي ورد ذكره في كتب السنة. إذن نقيس صدقه من كذبه بمقارنة صفاته وأفعاله بصفات وأفعال المهدي المنتظر الذي ورد في كتب السنة.
Post: #36 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-31-2023, 07:40 PM Parent: #35
Quote: حفظ الله عيال الإمام .. انظف عيال سياسي في السودان
حفظ الله أبناء وبنات الصادق، عيال الإمام ما فيهم كلام كمواطنين صالحين.
Post: #37 Title: Re: هذا ما كتبه ضياء الدين بلال عن الحبيبة زين Author: كمال عباس Date: 12-31-2023, 08:39 PM Parent: #35
حافظ بشير
Quote: المهدي قال أنه المهدي المنتظر الذي ورد ذكره في كتب السنة. إذن نقيس صدقه من كذبه بمقارنة صفاته وأفعاله بصفات وأفعال المهدي المنتظر الذي ورد في كتب السنة
وكيف علمت وإستوثقت إنوماورد هوالسنةأوماقاله الرسول ص- أعني المهدويةوالمهدي المنتظرـوليست موضوعات شيعية؟ المهدي لم يستند علي المنقولات هذه وإنماماأخبره به سيدالوجودعيانالارؤية أومنام أو تخيل مهدي بماقاله له الرسول ـ
Post: #38 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 12-31-2023, 09:20 PM Parent: #37
Quote: المهدي لم يستند علي المنقولات هذه وإنماماأخبره به سيدالوجودعيانالارؤية
يا كمال أنا قلت حسب ما ورد في كتب السنة والمقصود كتب أهل السنة والمذكور في كتب أهل السنة لا يتفق مع مهدينا. رواه أبو داود والحاكم عن أبي سعيد الخدري رضي الله عنه قال: قال رسول الله صلى الله عليه وسلم: (المهدي مني؛ أجلى الجبهة، أقنى الأنف، يملأ الأرض قسطاً وعدلاً كما ملئت جوراً وظلماً، يملك سبع سنين). والحديث صححه الحاكم على شرط مسلم.
سأتجاوز مؤقتاً في أن الأرض كلمة مجازية قُصد بها الجزء الذي حكمه المهدي من السودان، وسأتجاوز عن مسألة القسط والعدل كرماً مني في حوارنا هذا وبإعتبارنا لا ندري ما هو عدد السنين التي أخبر سيد الوجود المهدي بأنه سيملك فيها ويملأ الأرض قسطاً وعدلاً بعد أن ملئت جوراً. من الذي أخطأ التقدير ليخلق مفارقة بين الحديث المروي عن سيد الوجود الذي بنفسه أخبر محمد أحمد بأنه المهدي وبين واقع ما حدث؟ خيارات ازالة التناقض أمامكم أنت والمستنير.
Post: #39 Title: Re: هذا ما كتبه ضياء الدين بلال عن الحبيبة زين Author: صديق مهدى على Date: 12-31-2023, 09:41 PM Parent: #38
يا ريت حافظ يكلمنا عن السياسة الخارجية للثورة المهدية لانه ظاهر عليهو بكتب من كتاب سلاطين باش السيف والنار وبعد داك يكلمنا عن الحوار الذي دار بينه وبين علماء السلطنة العثمانية ومن هو الذي اعلن الحرب على الامام المهدي بعد ان انتصر فى الحوار على علماء السلطنة العثمانية
Post: #40 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 12-31-2023, 10:22 PM Parent: #39
Quote: لانه ظاهر عليهو بكتب من كتاب سلاطين باش السيف والنار
ما بعيد الخلبوص ده بكون يحتطب من كتاب عدو الله سلاطين يا صديق اصلا كلامو الكبار ده ما بكون جايبو من راسه يا مولانا اختشي
Post: #41 Title: Re: هذا ما كتبه ضياء الدين بلال عن الحبيبة زين Author: كمال عباس Date: 12-31-2023, 10:41 PM Parent: #38
انت تسند علي غير ما أورده " البخاري والمسلم مالم يعد في الصحيحين وحتي الصحيحين ديل دونت احاديثها بعد وفاة الرسول بما يقارب القرنيين ومع هذا فان الصحيحين. تحدثا عن عودة المسيح بن مريم
-وفي صحيح البخاري ومسلم عن أبي هريرة رضي الله عنه أن رسول الله صلى الله عليه وسلم قال: كيف أنتم إذا نزل ابن مريم وإمامكم منكم. وفي صحيح مسلم عن جابر رضي الله عنه قال: سمعت رسول الله صلى الله عليه وسلم يقول: لا تزال طائفة من أمتي يقاتلون على الحق ظاهرين إلى يوم القيامة، قال: فينزل عيسى ابن مريم صلى الله عليه وسلم فيقول أميرهم: تعال صل لنا، فيقول: لا إن بعضكم على بعض أمراء، تكرمة لهذه الأمة
ثانيا لم يرد نص قراني في هذه المسالة ثالثا صفات المهدي ومطابقة اسمه للرسول. وردت في غير الصحيحين
رابعا
نحن. هنا امام احاديث معننعمة يقابلها قطعيات ووثوقية. للمهدي السوداني تقول انه تلقي مهديته من الرسول مباشرة - يقظة لا منام وتخيل تلق الرسل والأنبياء. رسالتهم ونبوتهم من السماء. - من الله وتلقي المهدي مهديته من الرسول المعصوم وبعد دا تجي تقول لي ابن ماجة والترمزي وأبو داوود الرسول. قال ليهو انت المهدي / مهدي آخر الزمان ومن شك. في مهديتك فقد. كفر
وهكذا. حافظ مش يشك. وهو ناكر وكافر عديل بمهدية محمد احمد الدنقلاوي - غايتو لو عشت في السودان قبل ١٥٠ عام لضرب يونس. ود الدكين عنقك ولحقوك. شباب البطاحين الذي. ارتوت ارض العرضة بدمائهم
دا اعتقاد وعقيدة الانصار والصوفية والمسلم والبوذي والمسيحي فيما يعتقدون بها
وسؤال المستنير هل الرسل والأنبياء. لهم تواصل بالسماء وبالله ؟
هل انت كمسلم مثلا يمكن إثبات قطعي بان دينك مصدره السماء والخالق وانه وحي يوحي ؟
ماذا. ستقول في مواجهة هشام ادم الذي ينكر هذا ويقول ان الاديان مصدرها ارضي وانو الرسل قد ألفوها وكذبو علي الناس ؟
Post: #42 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 01-01-2024, 06:10 PM Parent: #41
Quote: انت تسند
أنا لا أستند الذي يستند على هذه الأحاديث هو محمد أحمد المهدي. محمد أحمد المهدي لم يبتدع الفكرة ولا أخذها من رؤيته لسيد الوجود، ولم يستخرجها من بطون الكتب. بل الفكرة كانت مستقرة ورائجة في ذلك الزمان وسط عامة الناس. وكان الناس يتمنون وينتظرون ظهور المهدي كمخرج من واقع الظلم والمعاناة. وفكرة المهدي المنتظر رغم أنها موجودة في مختلف التيارات الإسلامية إلا أنها كانت راسخة عند الصوفية، وكانت ملازمة للفكر الصوفي المنتشر في السودان وهي موجودة كفكرة حتى عند الختمية.
إذن محمد أحمد لم يبتدع الفكرة ولم تأته الفكرة مشافهة من عند سيد الوجود. ومحمد أحمد نفسه يسند أن فكرة المهدية على الأحاديث الواردة في مداخلتي السابقة كما يستند على كتابات اهل التصوف عن المهدي المنتظر. وقد استشهد محمد أحمد في كتاباته بأقوال إبن عربي عن المهدي النتظر.
الحضرة النبوية بالتفاصيل التي ذكرها محمد أحمد لأصحابه جاءت لتأكيد إختياره للمهمة ولم تأتي لتأسيس الفكرة. فالفكرة كانت أصلاً مؤسسة بتفاصيل محددة ومعروفة لدي الصوفية في ذلك الزمان. ومحمد أحمد نفسه حاول المقاربة بينه وبين الصفات المذكورة عند الصوفية ، ففي بعض كتاباته ذكر أن سيد الوجود أخبره بأن الله جعل له على المهدية علامة وهي الخال على خده الإيمن. وذكر نسبه للرسول من ناحية الأب والأم لأن الرائج أن المهدي من أهل البيت.
كما أنه إدعى أنه سيفعل الأفعال التي سيفعلها المهدي كما جاءت في الأحاديث. ففي مكاتبته للشيخ محمد الطيب البصير، ذكر محمد أحمد أن سيد الوجود تلى عليه جميع الأحوال إلى دخول مكة ومبايعة الضعفاء اولاً ثم مبايعة الشريف ملك مكة وجميع شرفائها. وذلك إشارة واضحة إلى أنه سيملك الأرض كما جاء في الأحاديث عن المهدي.
Quote: نحن. هنا امام احاديث معننعمة يقابلها
لو عشنا أنا وأنت في السودان قبل ١٥٠ عام، ودار نفس هذا الحوار بيننا وقلت أنت ان هذه الأحاديث معنعنة، أؤكد لك بأن سيف يونس ود الدكيم سيكون أقرب إلى عنقك منه إلى عنقي.
Post: #43 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 01-01-2024, 07:59 PM Parent: #42
يا سلام يا مولانا حافظ حررررم انت شيخي عديييل حقيقة مداخلة ثمينة ومفيدة ومقنعة كمان التحليل العقلاني ، كما في علم اللاهوت، مهم جدا في الأمور دي - من اليوم .. رميت طوبة المستنير وللأبد اصلاً هو شخَت لي
Post: #44 Title: Re: هذا ما كتبه ضياء الدين بلال عن الحبيبة زين Author: صديق مهدى على Date: 01-01-2024, 08:14 PM Parent: #43
والله يا حيدر انت بشكر فى راكوبة فى الخريف ههههه حافظ شنو وامثاله الحاقدون كلهم يعرفون انه هو المهدي بدليل انتصارته وجمع الصف لكنهم جاحدون
Post: #45 Title: Re: هذا ما كتبه ضياء الدين بلال عن الحبيبة زين Author: كمال عباس Date: 01-01-2024, 08:33 PM Parent: #42
أبدا ياحافظ
المهدي أخذ من المنبع ومن الجذر والأساس الحقيقي مهديته اخذها من الرسول مباشرة ولم يعتمد علي احاديث لم ترد في "الصحيحين " هذا مع التحفظ علي بعض مماورد فيها المهدي اخبره سيد الوجود المعصوم الذي يتلقي علمه ومعرفته من عند الله قوة مهديته ومشروعيتها أتت من حديث وتأييد الرسول المباشر له
ويبقي كل ماورد في الأحاديث بتاعت. اوبوداود وابن ماجة والترزمي تأتي في مرتبة تانية بل. يعد كلما اختلف منها مع حديث وسند الرسول. للمهدي اما موضوع او منسوخ
الرسول" بذاته قال كدة للمهدي - نخلي دا ونمشي نسمع احاديث ابوداود والترمزي التي يضمنها البخاري ومسلم
القضية دي كلها عقيدة واعتقاد وخلاف اهل السنة والجماعة ما جديد فقد طال لأولياء. ومرجعيتهم والرموز والأئمة الدينية
يا اخي المبشرون بالجنة وصحابة الرسول اختلفو وسالت الدماء بينهم في واقعة الجمل وصفين وكل يحتج بنص وحديث - نبوي وهذا ينفي صحة هذا الحديث والأموي يختلق احاديث وينسبها للرسول لتخدم اجندته ودا كان كلو قبل ميلاد البخاري ومسلم بعشرات السنين
ووقتها لم يستعين الامام علي او طلحة والزبير والسيدة عائشة ومعاوية كاتب الوحي - لم يستعين او يستند برويةاو حديث مباشر للرسول مع اياً منهم
هذا الفتح الإلهي. والمدد الرباني منحه الله تعالى لمحمد احمد الدنقلاوي والذي كان يتلقي مباشرة من الرسول !
Post: #46 Title: Re: هذا ما كتبه ضياء الدين بلال عن الحبيبة زين Author: Zein Abdalla Date: 01-02-2024, 06:58 AM Parent: #45
سلام كمال لا اظن ان محمد احمد الدنقلاوي كان كاذبآ عند ادعائه للمهدية فقد بدأت افكاره الغريبة وسط اهله ولم يتحملوه فرحل عنهم جنوبآ. الكلام الذي كان يقوله لم يكن يخضع للمنطق وهو يعرف ب delusion او الاعتقاد الكاذب.
اما رؤيته للرسول جهارآ نهارآ والصلاة امامآ للنبي والصحابة، وهي امر لا يتقبله العقل السوي ولكن محمد احمد المهدي فعلآ رأى وسمع وتحدث مع النبي وهي حالة مرضية تسمى (هوس) hallucination وهي رؤية المصاب المريض لأشياء غير موجودة او سماع لأصوات لا يسمعها غيره. هذه الحالة هي مرض عقلي نفسي تسمى (الانفصام العقلي) Split mind أو schizophrenia شيزوفرنيا (اسكتسوفرنيا) بساطة الناس والجهل والخوف في ذلك الوقت ادت للكثيرين منهم لتصديقة وحمل السلاح معه. لو ظهر اليوم شخص مثل المهدي فمصيره ان يذهب الى (الصينية) ليخطب في الجمهور او وجد من يعطف عليه ويأخذه لمستشفى التيجاني الماحي للامراض العقلية والنفسية.
Post: #47 Title: Re: هذا ما كتبه ضياء الدين بلال عن الحبيبة زين Author: طلحة عبدالله Date: 01-02-2024, 09:09 AM Parent: #46
Quote: يا اخي المبشرون بالجنة وصحابة الرسول اختلفو وسالت الدماء بينهم في واقعة الجمل وصفين وكل يحتج بنص وحديث - نبوي وهذا ينفي صحة هذا الحديث والأموي يختلق احاديث وينسبها للرسول لتخدم اجندته ودا كان كلو قبل ميلاد البخاري ومسلم بعشرات السنين
نعم نعم كلو كان من فقهاء السلاطين بالدولة الأموية ومن بعدها العباسية ألا لعنة الله كل من قول الرسول ما لم يقله وزور ما قاله ....... مبشرون بالجنة كلهم رجال من قريش ولا سيدة واحدة ما في حتى من آل ياسر ؟؟ مبشرون بالجنة وقد بلغ عدد قتلى حروبهم عشرات الالآف من المسلمين ؟؟ كيف عايزين نفهم ؟
Post: #48 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 01-02-2024, 09:41 PM Parent: #47
Quote: يا سلام يا مولانا حافظ حررررم انت شيخي عديييل
العين لا تعلو على الحاجب يا حيدر أنا جايب لي كيبوردي تعزم لي فيهو عشان أقدر على طلحة وصديق مهدي ديل.
Post: #49 Title: Re: هذا ما كتبه ضياء الدين بلال عن الحبيبة زين Author: Hafiz Bashir Date: 01-02-2024, 09:46 PM Parent: #48
سلامات يا صديق مهدي
Quote: والله يا حيدر انت بشكر فى راكوبة فى الخريف ههههه حافظ شنو وامثاله الحاقدون كلهم يعرفون انه هو المهدي بدليل انتصارته وجمع الصف لكنهم جاحدون
أنا أفرق بين محمد أحمد كثائر ضد نظام ظالم وباطش، وبين محمد أحمد كمهدي صاحب قداسة دينية.
Post: #50 Title: Re: هذا ما كتبه ضياء الدين بلال عن الحبيبة زين Author: كمال عباس Date: 01-02-2024, 11:22 PM Parent: #47
تعرف ياطلحة لو ابوبكر المستنيرقرا. مداخلتك الأخيرة هذه لغفر لك ماتقدم. من ذنب وماتأخر " تجاهه طبعا "! ولفتح لك نفاجأ في حوش استنارته ولقال we are all in. Same page! وشايف. حافظ بشير برضو تحت. تحت مبسوط. من عقليتك النقدية هذه !!
Post: #51 Title: Re: هذا ما كتبه ضياء الدين بلال عن الحبيبة زين Author: كمال عباس Date: 01-03-2024, 04:54 PM Parent: #1
.،
Post: #52 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 01-03-2024, 07:51 PM Parent: #51
Quote: أنا جايب لي كيبوردي تعزم لي فيهو عشان أقدر على طلحة وصديق مهدي ديل.
عويد بخور تعويذة من ظلم الدهور ومن الشريرين ديل
Post: #53 Title: Re: هذا ما كتبه ضياء الدين بلال عن الحبيبة زين Author: طلحة عبدالله Date: 01-04-2024, 02:23 PM Parent: #52
مساء الخير يا حيدر لو طلع شيوعي احمر ما عندي مشكلة بس المهم ما يطلع كويزي أو عمر التاج خخخخخخ
يا كمال عباس أنا تنويري بلا فخر من تلاميذ محمد عبده خخخخخ
Post: #54 Title: Re: هذا ما كتبه ضياء الدين بلال عن الحبيبة زين Author: حيدر حسن ميرغني Date: 01-04-2024, 03:15 PM Parent: #53
Quote: بس المهم ما يطلع كويزي أو عمر التاج خخخخخخ
لا لا يا طلحة هو لا هذا ولا ذاك حاجة كده خاتف لونين
Post: #55 Title: Re: هذا ما كتبه ضياء الدين بلال عن الحبيبة زين Author: كمال عباس Date: 01-05-2024, 01:23 AM Parent: #53
سلام. اخونا طلحةالامام محمد عبده والكواكبي خطوة. في طريق سار فيه بالمشعل فرح فودة نصر حامد أبوزيد حسين مروة حقو تبدّا. بفرج فودة وقبله رواية اولاد حارتنا لنجيب محفوظ
Post: #56 Title: Re: هذا ما كتبه ضياء الدين بلال عن الحبيبة زين Author: ترهاقا Date: 01-05-2024, 03:55 AM Parent: #55
العلامة محمد شحرور وخرافة المسيح الدجال والمهدي المنتظر
Post: #57 Title: Re: هذا ما كتبه ضياء الدين بلال عن الحبيبة زين Author: ترهاقا Date: 01-05-2024, 04:06 AM Parent: #56
الدكتور محمد الهداية
Post: #58 Title: Re: هذا ما كتبه ضياء الدين بلال عن الحبيبة زين Author: كمال عباس Date: 01-06-2024, 05:26 PM Parent: #57
المهدي المنتظر تأليف وإخراج شيعي بنسخة الامام الغائب
