اصحى يا نائم قبل فوات الاوان العالم بلعب على مصالحه الدول العربية كلها متورطة في الحرب على السودان بما فيها مصر السيسي ما تتعامل بالسذاجة الانت ب تتعامل بيها وب يتعامل بيها الدبلوماسيين المحيطين بيك خليك حريص ما تقعد لينا كده زي خيال الماتة ولا تتباكى وتكيل الاتهامات يمين شمال، نحن فاهمين الحاصل، وفاهمين كمان انو السياسة نفسها قائمة على الحذر، والتخوين من الباطن، وغي النهاية مصالح والبتغلب بيهو العب بيهو وزي ما شايف الكل قاعد يلعب لمصلحته تركيا ابتعدت عنك لأنها قبضت الثمن الاغا كان على شفير الافلاس انضخت ليه 54 مليار دولار في السوق السيسي نفس الحكاية يا خوي لو خائف مصر تطرد السودانيين والله يا ريت.. المثل ب يقول ليك الخلى داره اتقل مقداره اذا كان العالم مصر يلغيك دولة من الخريطة العالمية، انت كمان شوه ليهم الخريطة دي، يا خليت البحر الأحمر بقى احمر اللون يا كمان سلموا لك تسليما الدول المحيطة بيك عندها أطماع في اراضيك ما ح تقدر تحميها مصالح الوطن ووحدته وسلامة اراضيه فوق كل اعتبار مصلحتك الراهنة والعاجلة مع ايران ان منك خطوتين سافر ليها عاوزين نشوفك في طهران زي ما زرت عنتيبي واسمرا وجيبوتي عارف خطوة زي دي اليومين ديل ممكن تعمل شنو؟ الف مرة قلت ليك على اقل تقدير ح تربك العالم كله العالم دلوكت كله في البحر الأحمر على بعد خطوتين منكو ح يعرف خطورة الخطوة الح تقوم بيها دي العالم لا يمكنه تحمل حوثي اخر على الضفة الغربية للبحر الأحمر، خوصا وامريكا ليدها قاعدة في جيبوتي..افهم.. تحالفك مع ايران حاليا ب يخدم مصالح البلدين وب يخليك رقم صعب.. الكيزان زمن عمر البشير الدول العربية دفعت ليه مبالغ طائلة عشان يفك الارتباط اذا انت خائف من العقوبات يا اخي نحن ب نتحمل ، ما تحملنا قبل كده المهم تتحرك و تخلق توازن للقوى ، غير كده ح تضيع وتضيعنا معاك
12-28-2023, 04:16 PM
كمال عباس كمال عباس
تاريخ التسجيل: 03-06-2009
مجموع المشاركات: 17934
سلام المنصوري اولا برهان. هوً من الأسباب الجوهرية لما نحن فيه فهو من مكن الجنحويد وقواهم ومنحهم مواقع عسكرية -ومن اضعف الجيش لصالحهم ومن شاركهم المؤامرات والعمالة - في دارفور ومجزرة القيادة والقتال بالوكالة باليمن وهو من يستبدل الان مليشيا. دقلو بمليشيا كرتي ويعجز عن ادارة الحرب وحماية الأرواح والممتلكات ويواصل الانكسار والانسحابات باختصار الجيش في ظل هذه القيادة الكسيحة لن يتفاوض من موقع قوة ولن يستطيع القيام بواجبه الأساسي وما اظن في خلاف في موضوع البرهان دا
ثانيا ايران تتبني وتؤمن بسياسة التقية والتخفي وعدم التورط المباشر فلا تتوقع ان يقوم الحرس الثوري او حتي مرتزقة ابرانين بالقتال بالسودان
ثالثا لا مقارنة بين الحوثي وحزب الله وحماس فعلي الاقل الحوثيون وناس حزب الله لهم قيادة ليس لها ماضي مخزي كالبرهان ولايمكن وصفهم بالجبن مثله وان قواتهم لا تنسحب وتتراجع بهذا المهين لجيشنا لانو الجيش لايريد ان يقاتل هجوما ولايومن بقيادته
رابعا ايران أعانت البشير وكانت ترسل أسلحة لحماس عبر السودان مرورا بمصر وكانت اسرائل لاتعرض هذه الأسلحة في المحيطات والبحار او في منبع الشحنة بايران او بمصر وانما في السودان حيث ضربت شرق السودان خمسة مراتٍ ومجمع اليرموك في قلب الخرطوم وعلي مرمي حجر من القيادة العامة وكان وزير الدفاع بالنظر يعزي الضربات لانو الواطة ضلمة والطيارة طافية نور
باختصار ايران دولة التقية والتخفي لن تتدخل بصورة مباشرة ولن تتورط في السودان لتكون فريسة مبررة لإسرائيل والغرب وايران تعلم تماما ان الكيزان لم يحفظو لها جميل فقط قاموا ومن دون مناسبة بقطع علاقتهم معها ارضاء. للإمارات والسعودية
إذا موضوع ايران ودخولها لصالح البرهان والكيزان دا رهان خاسر في شوز زيز
12-28-2023, 04:24 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28868
سلام جمال ايران رمت طوبة السودان زماااااان مثلما رمى تنظيم القاعدة طوبة متأسلمي السودان لجبنهم وجبهم للحياة ايران لم تجد إلا الغدر من الاسلاميين ، العربان يقولوا ليهم اقطعوا علاقتكم معها .. يقطعوها .. يعني بياعين وغدارين وخسيسين
12-28-2023, 11:31 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
كمال وحيدر تشرفت بزيارتكم المسألة ما مسألة كيزان ورمي طوية، وقرش ملح، التحالفات الإقليمية والدولية ب تقوم على مدى اهميتك الاستراتيجية في خطط الحليف وبس، وزي ما انت شايف عندنا نموذجين: القضية المركزية للدول العربية على الورق هي فلسطين، ممكن تصدقوا ان الدول العربية كلها واقفة مع إسرائيل، يعني أعداء الامس حلفاء اليوم، الاغا اردوغان قال ما ح اسلم على السيسي، النهار ده نحن بنشوف اردوغان مش سلم على السيسي بس ده باسو عديل كده اليوم اصبح البحر الأحمر، والسودان خصوصا محط انظار العالم، والهدف الاول للتنافس التجاري الدولي. تفتكر ايران ح تتقاعس تدخل في التنافس ده؟ وهي ده الوقت المسيطرة على الموقف بواسطة حلفاؤها في المنطقة
12-29-2023, 01:33 AM
كمال عباس كمال عباس
تاريخ التسجيل: 03-06-2009
مجموع المشاركات: 17934
سلام منصوري مداخلتي. لم تركز فقط علي إمكانية تجاوز ايران لخذلان وإخفاقات تحالفاتها مع الكيزان وحكام السودان نظرا لوجد دوافع. اقوي للتجاوز التركيز علي ماهو اهم لمصالحها -وانما حوت عدة محاور اخري عديدةً أراك قد تجاوزتها في تعقيبك
ومن ضمن هذه المحاور الفوارق الحرهرية بين قيادة الحوثي وحزب الله وبين قواتهم تأهيلا وتدريبا وعقيدة قتالية مقابل جيش يقوده برهان ويتحكم فيه الكيزان. وهم والبرهان من أضعفوه لصالح الجنحويد - جيش بلا مشاة ولاتسليح جيش اصبح الانسحاب. سمة ملازمة له وجيش فرض عليه الاستعانة بمليشيا الكيزان كبديل لمليشيا كرتي وجيش يقوده ويوثر فيه خونة ! وقد ذكرنا ان تل ابيب تعتبر السودان الحلقة الأضعف في. مسار الأسلحة المهربة لحماس من ايران وكانت تقوم بضربها وضرب السلاح الإيراني في مصنع اليرموك ولم تحرك ايران وقتها ساكنا لان سياستها علي مبدا التقية والتخفي وعدم إعطاء خصومها حجة لضربها كما ايران لن تقوم بحشد حرسها الثوري وقواتها للقتال في السودان فمن لم يملك الأهلية والقوة في حدها المعقول والقيادة لن تقوم ايران بالقتال نيابة عنه والتفريط في أسلحتها لتقع غنائم لدي الجنحويد الذي اضحي عتادهم وعدتهم من مخازن ومستودعات الجيش - ايران لن تساعد من لم يساعد نفسه !
وهذا يعيدنا لمداخلتي السابقة وراي في البرهان وقيادة الجيش وعدم ثقتي في اي حسم او حتي تفاوض من مركز قوة يأتي في ظل هذه القيادة الكسبحة
12-29-2023, 03:46 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: ومن ضمن هذه المحاور الفوارق الحرهرية بين قيادة الحوثي وحزب الله وبين قواتهم تأهيلا وتدريبا وعقيدة قتالية مقابل جيش يقوده برهان ويتحكم فيه الكيزان. وهم والبرهان من أضعفوه لصالح الجنحويد - جيش بلا مشاة ولاتسليح جيش اصبح الانسحاب. سمة ملازمة له وجيش فرض عليه الاستعانة بمليشيا الكيزان كبديل لمليشيا كرتي وجيش يقوده ويوثر فيه خون
اهلا كمال تجاوزي للنقطتين ديل كان بسبب انو استراتيجية ايران الجديدة تتجاوزهم ايران في الماضي كانت بتتعامل بصيغة اسمها النوعبة، يعني بتختار تتعامل مع التنظيمات القتالية ذات الطابع الديني الشيعي او ذو الميول الشيعية فقط استراتيجية ايران اللي تبنتها في الماضب القريب والحاضر والحا تستمر طويلا هي في التحالفات التكتيكية، التي تزعج الخصم وتشغله لأكبر قدر من الوقت، ودي شاهدناها في دعمها واصتضاقتها للقاعدة، ودعمها لطالبان رغم العداء الطائفي والسياسي والعسكري لأضعاف الهيمنة الامريكية والصهيونية على القرار الدولي، من هذا المنطلق ايران سوف تدعم السودان لأنه بيخدم الاستراتيجية دي، حتما ايران في يوم من الايام ستنتقم من اسرائيل، وفي السبيل ده حتسعى بقوة لتطويقها من جميع النواحيايران الان على حدود اسرائيل من 3 اتجاهات هي الشمال والشمال الشرقس )سوريا ولبنان) ومن الجنوب عن طريق حماس، الاردن في الطريق، وايران تسعى حاليا لأحداث اختراق في موقف السعودية ومصر.. لماذا السودان: اسرائيل متورطة بصورة او اخرى في احداث السودان، والسودان يتمتع بموقع جيواستراتيجي في البحر الاخمر، والبحر الاحمر الانةشبه مغلق من جهة الشرق في باب المندب، يحتاج ضبة من جهة القرب، ارتريا وجيبوتي لن يدخلا في تحالف محلي مع ايران، البديل هو السواحل السودانية، لو السودان منح قواعد عسكرية ولو جستية لأيران ده ح يساعدها كتير في خططها خصوصا وان ايران لديها تواصل مع الجزائر والجزائر تقع بالقرب من مضيق جبل طارق، ومضيق جبل طارق هو الهدف التالي لأيران حتى تتمكن من اطباق الخناق شبه الكامل على اسرائيل والممرات الحيوية للتجارة العالمية (ايران لديها صبر يفوق صبر ايوب) كما لا ننسى الموروث الحضاري والصراع الازلي بين الامبراطولاية الفارسية والرومانية التي ورثها الان الناتو.. خليني اسمع منك ثم ارد
12-30-2023, 04:36 PM
adil amin adil amin
تاريخ التسجيل: 08-01-2002
مجموع المشاركات: 39161
ايران ذاتا جزء من اللعبة يمشي الصين عديل ودول بريكس وطريق الحرير ايران دي قاعدة في السودان 24 سنة استفدنا منها شنو ياخ عولم وعيك
دولة تحكما ايدولجية ما بتعلمنا الديمقراطية العرب قعدنا معاهم 68 كفاية السودان مكانو الايقاد ودول الحزام المداري من بوتسودان لي داكار ما ناقصنا موارد ناقصنا مخ يدير الموارد مش فلنقايات يهربو الموارد لاسيادهم بره ومفضوحين القو نفسكم اولا يا سودانيين واتحررو من الشعور بالدونية حيال الخارج اللئيم
12-30-2023, 06:00 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
حبيبنا حيدر الزين سلامات وكل عام وانت بخير ايران بتستفيد سياسيا وعسكريا واقتصاديا
لو بصيت لخريطة الشرق الاوسط ح تلقى نفوذ ايران عامل كماشة حول المنطقة عموما واسرائيل خصوصا..وده وضع جيواستراتيجي مهم وخطير جدا ايران تسيطر على الساحل الشرقي للخليج بالكامل مع الوضع في الاعتبار اهمية مضيق هرمز + تحالفها الاستراتيجي مع سلطنة عمان، وده مهم جدا بالنسبة للأقتصاد العالمي تسيطر على الضفة الشرقية لباب المندب. تسيطر على الشريط من الدول الفاصلة بينها وبين اسرائيل (طريق بغداد دمشق بيروت لها نفوذ في قطاع غزة ايران بتعمل كده ليه؟ ايران يا سيدي لديها برنامج تسليحي نووي مهم جدا بالنسبة لها، والدول الغربية ومعها اسرائيل مش عاوز البرنامج ده يصبح واقع عشان كده ايران خلقت الوضع الجيوستراتيجي الحالي ده اهمية الوضع ده ايه: 1- افشال اي محاولة لفرض حصار اقتصادي وتجاري وعسكري على ايران عن طريق تأمين طرق الامداد. 2- في حالة قام الغرب واسرائيل باي ضربة عسكرية صواريخ ايران المتواجدة في هذه المناطق القريبة من اسرائيل ستمسح من الوجود حاجة اسمها اسرائيل وده طبعا مخوف الغرب شديد.. السودان مهم جدا لأيران بحسب موقعه وقربه من مناطق نفوذ ايران في الضفة الغربية للبحر الاحمر الامر الحا يمكنها من امداد حلفائها في قطاع غزة، بجانب ان السودان سينسحب من عاصفة الحزم، وح يشكل تحالف مع الحوثي في اليمن والوضع ده ما ح يكون مريح للسعودية وحلفاؤها، وسيجعلهم يقدمون تنازلات لأيران او على اقل تقدير سينتقلون من خانة العداء السافر لأيران الى مرحلة اقرب للحياد ده بالنسبة لآيران.. اما مكاسب السودان العسكرية والاقتصادية ففيها مغانم كثيرة.. يا حيدر الدول في حساباتها لمبدأ الربح والخسارة بترى انو اي ازعاج للخصم مكسب لا يستهان به تسلم يا حيدر
01-22-2024, 10:12 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22732
انت لخصت مكسب ايران في اتنين: الإلتفاف حول الحصار الإقتصادي.. انا بقول ليك ايران ما محتاجة للسودان بدلالة انها ظلت صامدة من 79 بدون التورط في تدخل عسكري سافر غصب عن الاقليم في السودان.. وحتى عندما دعمت الصناعات العسكرية السودانية وتعرض السودان لإعتداء من إسرائل ما نفعته.. بل حتى دعمها للصناعات العسكرية ما كان ليه اي دور في حماية جو السودان.. ولا قادرة تحمي نفسها في سوريا حتى الان.. ودا بيشمل كلامك عن مغانم السودان المحتملة .. التانية .. السودان ما اقرب من سوريا او لبنان ..
Quote: بجانب ان السودان سينسحب من عاصفة الحزم، وح يشكل تحالف مع الحوثي في اليمن والوضع ده ما ح يكون مريح للسعودية وحلفاؤها، وسيجعلهم يقدمون تنازلات لأيران او على اقل تقدير سينتقلون من خانة العداء السافر لأيران الى مرحلة اقرب للحياد
ما صاح..ولا بيقدر أصلاً البرهان او علي الصادق ما كان بيجرو على زيارة او فتح سفارة ايران لو ما كان الكفيل السعودي عمل كدة مع إيران.. وهو اساساً قطع علاقته مع ايران بسبب الكفيل وموقف الخليج منه..
أضف لكدة حالياً الحاصل في البحر الاحمر دا ما واقع بيخلي الفكرة منطقية.. ودعوة مفتوحة للجميع ليكون السودان ساحة تصفية حسابات..
مودتي..
01-22-2024, 10:23 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28868
Quote: السودان سينسحب من عاصفة الحزم، وح يشكل تحالف مع الحوثي في اليمن
بالسهولة دي يا جيمي انت ماك متابع تعليقات الحوثيين على مشاركة السودان بالمرتزقة في الحرب العبثية الدائرة هناك مستحيل يقبلوا بناس تغير ولائها بالسرعة دي الناس ديل أصيلين وبعرفوا للدواس كويس ما محتاجين مرتزقة يسرقوا انتصاراتهم
01-22-2024, 02:25 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: بالسهولة دي يا جيمي انت ماك متابع تعليقات الحوثيين على مشاركة السودان بالمرتزقة في الحرب العبثية الدائرة هناك مستحيل يقبلوا بناس تغير ولائها بالسرعة دي الناس ديل أصيلين وبعرفوا للدواس كويس ما محتاجين مرتزقة يسرقوا انتصاراتهم
حيدوري كل اليمنيين والايرانيين القاعد اقابلهم بيشجعوا الجيش السوداني بجانب السودان يمكنه ان ينسحب من عاصفة الصحراء بكل بساطة الجنجويد الفي الحدود السعودية اليمنية ما ح ينسحبوا عندا سينسحب غطاء الجندية السودانية عنهم حيكون قدامهم حلل من اتنين اما ان يتم تجنيسهم بالجنسية السعودية والا سيتم تصنيفهم مرتزقة وده بيعقد موقف السعودية التجنيس ايضا ما مريح للسعودية لأنها تعرف مدى خطورتهم ننتظر عندها ماذا ستقدم السعودية للسودان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال المنصوري
كمال عباس
حيدر حسن ميرغني
adil amin
HAIDER ALZAIN
فيس بوك
تويتر
انستقرام
يوتيوب
بنتيريست