الزول دا شاف المستقبل قبل أكثر من عام قال الكلام دا و ارضى ضميره

10:19 AM December, 26 2023

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

سامر الصديق عمر / الفيس يوك

لما درع البطانة كان تبع الجيش
اليوم الدرع بقى دعامي

المواطن : انت يا جيش بتستولى على السلطة بتاعتنا نحن المدنيين، وتقتل اولادي، و تهتك عرضي، وتعتدي على النساء و الكبار بمعاونة المليشيات ليه؟
الجيش: أسكت يا مواطن، نحن بنستولى على السلطة عشان نحن البنحميك، ونحن البنحمي البلد دي و انت نايم، ومافيها حاجة اذا استولينا ع السلطة، وقتلنا اولادك في الشوارع لما يطلعوا يطالبونا بالعودة للثكنات ، ونرميهم في النيل، ونسحلهم ، وناكل ميزانيتك الاقتصادية، ونشعل ليك كم حرب قبلية، وحذارك تسأل تاني عشان مانقول عليك خاين وعميل.
(اثناء الحرب وبعد ان فقد المواطن كل شيء)…
المواطن : يا الجيش انت لسه قاعد في السلطة ليه، بعد ما انسحبت وهربت خليتني بدون حماية ، مش دا السبب الخلاك تمارس كل القتل والجرائم في حقنا كشعب لأكثر من 60 سنة؟
الجيش: شوف يا مواطن انا لميت ليك جنودي في الثكنات زي ما كنت بتطالبني، يلا قصاد الطلب دا انت كمان لازم تجيب بقية اولادك اللي ما قتلتهم ليك، و تستنفرهم وتحموا نفسكم بنفسكم، و انا قاداتي ذاتهم يوديهم بعيد من الحرب ، يغيروا جو في الكورنيش بعد حبسة الشهور في البدروم دي.
المواطن: طيب انا فترت من النزوح ، ومن الموت و القتل، و التشريد، ياخ اوقفوا الحرب دي، وامشوا المفاوضات…
الجيش: انت مواطن خاين ومتعاون مع العدو، كيف نوقف الحرب، و العدو قاعد في بيتك ، وفي قواعدنا العسكرية؟
المواطن: ما العدو دا دخل بيتي لأنكم هربتوا، من قواعدكم، وما وفرتوا لي حمايتكم الكنتوا قالعين بيها السلطة، وناهبين بيها البلد.
الجيش: بالله شوف المواطن الخاين دا، كيف تجرؤ على انتقادنا اثناء الحرب اللي نحن مختبئين فيها، انت شكلك عميل… بالمناسبة انت قبيلتك شنو؟
المواطن : انا سوداني..
الجيش: لااااااا انت شكلك من حواضن العدو…
ياااااااااا عمل خاص ، يا ارهابيين البراء بالله صفوه بعد ما تعذبون كويس.
مواطن آخر : يا أخوي انا مش قلت ليك الجيش جيش كيزان ، واحسن ليك تتعايش مع العدو وتحفظ حياتك؟
الجيش : يا المواطن الآخر، غير مسموح ليك ابدا تحافظ على حياتك بأي صورة من الصور البتضمن طلب المساعدة او الهدنة مع العدو الهربنا منو بسلاحنا و خليناك تحت رحمته، عشان ما نصفيك انت ذاتك.
المواطن الآخر : طيب الحل شنو ؟
الجيش من داخل الثكنات: بل بس
ويستمر بل المواطن
و يستمر الجيش في السلطة
و التفحيط.
-
مجاهد بشرى