|
|
|
 Re: البرهان هو الخطر الحقيقي على السودان (Re: جمال المنصوري)
|
لأول مرة في حياتي انتبه للأسم ( عبد الفتاح) ودلالته الأخرى
كلنا سمعنا بالمقولة خير الاسماء ما عبد وحمد (يراعى التشيل النحوي)
كنت فاكر انو الاسم عبد الفتاح تعنى عبد لله من باب ان الفتاح اسم من اسماء الله الحسنى
لكن في القرن الواحد وعشرين اكتشفت انو عبد الفتاح تعنى العبد الذي يخضع لأي فتاح مهما كان نوع الفتح، فتاح علب، فتاح قواو، فتاح اقفال ما مهم
المهم يكون فتاح وبس وماشاء الله طوالي يقدم خدماته
كدي عليكم الله انظروا حواليكم وشوفوا..
| |
 
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
Quote: مرحب ياسر
ان شاء الله تكون طيب
معاك البرهان سرق الثورة
لكن هناك في الجانب الاخر
من ساعده على سرقة الثورة
وعشان اكون اكثر تحديدا ابراهيم الشيخ |
تسلم يا المنصوري
أعتقد أن الفرق بين ابراهيم الشيخ وبين البرهان هو أن البرهان كان يضمر سوء النية وقد تمكن من تغفيل ابراهيم الشيخ وغيره من جماعة الحرية والتغيير. يعني ناس الحرية والتغيير كانوا حسني النية، وأفتكر اكتشفوا خطأهم هذا.
| |
|
|
|
|
|
|
|
|
Re: البرهان هو الخطر الحقيقي على السودان (Re: Yasir Elsharif)
|
Quote: تسلم يا المنصوري
أعتقد أن الفرق بين ابراهيم الشيخ وبين البرهان هو أن البرهان كان يضمر سوء النية وقد تمكن من تغفيل ابراهيم الشيخ وغيره من جماعة الحرية والتغيير. يعني ناس الحرية والتغيير كانوا حسني النية، وأفتكر اكتشفوا خطأهم هذا. |
سلام يا ياسر
ما بتفرق كتير
في الحالة دي بيكون ابراهيم الشيخ يتمتع بالسذاجة
ودي ما كويسة في حق السياسي عموما وابراهيم الشيخ خصوصا
نتيجة لسذاجته هو البنعاني منو دلوكت
وبما تانو اقنع الكتل المكونة للحرية والتغيير
يبقوا اتبعوا ساذجا اذن فهم قوم ساذجون
| |
|
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
والله العظيم يا ابرهه
حميدتي ما خاتي عليك لمن قال ان ما كارب قاشك..
غايتو الفرق بينك وبين ابي احمد
بس انو انت لونك شوية فاتح لكن الباقي صورة طبق الاصل
يا ناس بورتسودان اسقو الزول ده انشا
وسجلوا لينا اللغة الح يتكلم بيها بعد ما يسكر
| |
|
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
أضحك الله سنك يا أخي المنصوري
أنا طبعا لست منتميا للحرية والتغيير ولكني كلي أمل بأن يتمكنوا من الاستفادة من أخطائهم. وكما تعلم أن معلمنا الأستاذ محمود عرَّف الديمقراطية بأنها "حق الخطأ".
أخونا سيف لطفي طرح السوال دا اليوم في الفيسبوك.
Quote: Saif Lutfi
[قبل ساعة]
خالد سلك من أكثر السياسيين الكيزان بكرهو.
لامن سمعنا المقطع أعلاه قبل كم سنة كان عندنا أراء مختلفة.
اسمعوا الآن وشوف رأيك أتغير ولا لسه في مكانه |
وكان هذا تعليقي:
(سلام يا سيف وشكرا. خالد كلامو يستحق الاحترام.)
والآن الحمد لله فكل من الجيش والدعم السريع سوف تتم إزاحتهم من المشهد السياسي بعد أن يكتشفا استحالة الاستفراد بحكم هذا الشعب الأصيل. طبعا الشعب دفع ثمنا غاليا.
أرجو أن تقرأ مقال دكتور أحمد عثمان عمر الذي نشر اليوم
حجب الشرعية عن الجنجويد وبناء سلطة مدنية هو الحل!! د. أحمد عثمان عمر حجب الشرعية عن الجنجويد وبناء سلطة مدنية هو الحل!! د. أحمد عثمان عمر
| |
|
|
|
|
|
|
|
|
|
Re: البرهان هو الخطر الحقيقي على السودان (Re: Yasir Elsharif)
|
تعرف يا ياسر
الاستاذ/ لمن انتهكت الارض في حلايب وشلاتين في الخمسينيات (لاحظ حلايب الارض وليست حلايب العرض) طوالي وقف مع حزب الامة وتناسى الخلاف الفكري بيناتهم وقال قولته الشهيرة..
فما بالك اليوم السودان ينتهك ارضا وعرضا
مال الناس كيف يحكمون
(افعال الاستاذ على الارض هي تجسيد للفكرة الجمهورية
| |
|
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
| Quote: أنا طبعا لست منتميا للحرية والتغيير ولكني كلي أمل بأن يتمكنوا من الاستفادة من أخطائهم. وكما تعلم أن معلمنا الأستاذ محمود عرَّف الديمقراطية بأنها "حق الخطأ". |
يا ياسر
ياخي عليك الله طول عمرك ده شفت ليك سياسي سوداني استفاد من الخطأ بتاعه
ما انت شايف
عسكر وساسة حرامية متلازمة الخرطوم (دي متلازمة جديدة من ولاد افكاري)
بعدين في مثل (برضو من اختراعي)
الولد الولد يا جمالو
والولد طلع يشبه خالو
تسلم
| |
|
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
البرهان ليس إلا اداة من ادوات الكيزان ينفذون عبره مخططاتهم الخبيثة
الخطر الحقيقي هو التنظيم الذي يدير العمليات الحربية ،
كان خليق بك ايضاً ان تدين التظيم الذي افرغ الجيش من شرفائه وبدلهم بمن يوالونهم
البرهان صنيعة تنظيم فاسد ، التظيم هو الخطر الحقيقي على البلد
| |
|
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
| Quote: ي متلازمة جديدة من ولاد افكاري |
ياسر
ولاد افكاري دي ما تتشكك فيها مقصوده
زمان كانت الاناث بيطالبوا بالمساواة مع الرجال
لكن بعد 30 سنة كيزان و 4 سنين حرية وتغيير
وسنة الا 4 شهور جنجويد
وظهور اناث ارجل من الاولاد
انا هنا بحاول اساوي بين الاولاد الهسع مع الاناث
(يجب مساواة الولد بالبنت وان كانت البنات السودانيات يتمتعن برجولة زائدة
واطالب بتشكيل حكومة وقيادة للجيش من النساء فقط هن اجدر من اشباه الرجال
| |
|
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
الله يستر ..
Quote: يجب مساواة الولد بالبنت وان كانت البنات السودانيات يتمتعن برجولة زائدة
واطالب بتشكيل حكومة وقيادة للجيش من النساء فقط هن اجدر من اشباه الرجال |
محمد معانا .. ما تغشانا ..
كافر قريش المنصوري أصابه الريح الأحمر .. ناس الخرطوم بقولوا عليها هستيريا!
بريمة
| |
|
|
|
|
|
|
|
|
|
Re: البرهان هو الخطر الحقيقي على السودان (Re: Biraima M Adam)
|
Quote: محمد معانا .. ما تغشانا ..
كافر قريش المنصوري أصابه الريح الأحمر .. ناس الخرطوم بقولوا عليها هستيريا!
بريمة |
يازول حرم السواها البرهان والجيش ما في مرة سوتها..
تحدثنا العلوم الطبيعية ان كل ذكر داخله انثى، وكل انثى داخلها رجل
طبعا لمن تتهيأ الظروف لكل طرف
تظهر انثاه او ذكورته..
اصحى يابريمة وابقى برمة عديل كده
عملية جراحية ضغيرونة كدي وبعدها ويتساوى الجميع
| |
|
|
|
|
|
|
|
|
|
Re: البرهان هو الخطر الحقيقي على السودان (Re: جمال المنصوري)
|
ابرهه
بي سببك بكري حدد اقامتي، كل يوم العصير يستدعيني للحراسة
الزول ده قريبك ولا شنو؟
شوف يا ابرهه
حرم ما بخليك ان رحت السما
يازول انت اكبر خازوق ركب في البلد
ياكافي البلا لامهنية لا تكتيك لا زعامة
هي يالرمة وقبلك قريبك، ياخي والله مناطقكم دي مسخرة شديدة:
جابت لينا انت
والبشير
طه عثمان الحسين
وكرتي والحرامي عنان
وزير الداخلية قريبك باع البلد
اول مره يقابلني زول اسمو عنان
انتو ما بتخجلوا
حرامية وجبناء
كل واحد فيكم داير الزعامة والحكم
انت قايل الحكم ده كرش وجعاب وشلاليف
الحكم ده سماه القرأن (حكمة) والحكمة وضع الاشياء في مواضعها
انت يازول كبش ساكت، تعاين في السكين يسننوا فيها وراقد
الحارس ليها شنو؟
الله يقدرني علي خشمي
زول مسك حريمكن تقوموا تخلوا ليه امو تمرق بكل بساطة، يمين ددي لا رجالة لا فراسة
\يا زول النذل تبقى اندل منو دي قاعدة الحكم الأولى
درستونا في التاريخ عن بني امية والحجاج بن يوسف الثقفي وانت ما استفدتوا اي شيء مما درستونا
يازول عبد الله بن الزبير (من وجهة نظر بني امية ) تمرد زي حميدتي دا، قوم يا سيد عمك رسلوا ليه الحجاج، اها صاحبك بن الزبير قال كدي دخل الكعبة، عارف يعني شنو الكعبة ، طبعا يا ابرهه بتعرفها كويس، ما كنت عاوز تهدمها، ولا نسيت؟
بس ياها زاتها (بيت الله) الحرم المكي، عارف ليه سموه الحرم المكي؟ طبعا لا، عارفك بتكتل ملف هني، القال عليه النبي الكريم، من دخل البيت فهوامن، مش زي حميدتي دخل بيوت الناس، الحجاج قام رجم ليك بن الزبير ومعاهو بيت الله زاتو هنا بدأت القيادة والسيادة تتجلى،
القيادة هي تأخد القرار الصعب وتتحمل تبعاتو.. الحجاج لا فكر ولا تدبر بنتائج قراره يوم القيامة عملا بالقول( اليوم خمر وغدا امر) يعني لمن بكرة يخش النار يتعامل معاها بي وكتها..
غايتو عجبني انك بتصل الارحام، مشيت جمب قرايبك، بس مشيت غلط، كان تمشي القضارف، المتمة من هناك قريبة، واهلك الجعلتيين كتار هناك يقلبوا ساكت.. عشان كده سموها القلابات (اوع تقول العربات) الزمن داك ما كان في عربية قلاب ، ما اخترعمها..
كان كنت جعلي صحيح كان تمشي قندتو، الا انك اثبت بالدليل القاطع انك جعلتي
| |
|
|
|
|
|
|
| |
جمال المنصوري
Hani Arabi Mohamed
Yasir Elsharif
حيدر حسن ميرغني
Biraima M Adam
فيس بوك
تويتر
انستقرام
يوتيوب
بنتيريست