هل تؤيّد ان يتفاوض الجعليين و اهل الشمالية مباشرة مع الدعم السريع ؟

05:18 PM December, 22 2023

سودانيز اون لاين
يحي قباني-فى الدنيا العجيبة
مكتبتى
رابط مختصر

أسوة بما فعله اهل الهلالية و رفاعة ..
و حقنا للمال و العرض ..
و تسليما بالأمر الواقع و هو الغلبة للدعم السريع ..

ام سينزلقون وراء تحريضات الكيزان و الفلول ؟؟

Quote: أسوة بما فعله اهل الهلالية و رفاعة .. و حقنا للمال و العرض .. و تسليما بالأمر الواقع و هو الغلبة للدعم السريع .. ام سينزلقون وراء تحريضات الكيزان و الفلول ؟؟

يحيا
ازبك
انت شايف انها تحريضات كيزان..
ببساطة كده فصلت الكيزان عن الدعم السريع؟
التسيمة دي ذاتها سماها ليهم منو؟
كدي ورينا شهادة الميلاد حقتهم..
طيب تقدر ترجع ارشيفنا اللي اتحرق
ولا مؤسساتنا الادمرت
خليني اسألك سؤال صريح:
خلينا نحن قول وقعنا( تفتكر الدعم السريع حيرجع نازحي دارفور لديارهم؟
نمشي شوية لي قدام:
بعد التدمير الهائل للأرشيف تقدر تثبت انك تمتلك بيت، سيارة، قروش؟
تقدر تثبت انك سوداني اصلا؟
العاوز يصلح ما بيخرب

شوف يا يحي
كان وقعت معاهم شنو داك من المواثيق لايمكن

ازيك في الشعر بيتين:
الجيش السوداني لم يبدأ حرب الجنوب
حرب الجنوب بدأت في عام 1955 بتمرد قوى من الجيش السوداني في توريت (زي تمرد الدعم السريع) الزمن داك كان قائد قوة دفاع السودان (ده الاسم الخواجاتي للجيش السودان)
قوم يا سيد عمك القائد العام ده هو اللي امر الجيش بالتحرك لأعادة النظام : اسباب التمرد لا علاقة لها بالتظلم العسكري انما كان بسبب ممارسة افراد من الجيش للسياسة
ببساطة كده
بعد داك وبسبب سوء ادارة حزب الامة للدولة بدت حرب اهلية
قدماء الجنجويد ارتكبوا فظائع ضد الجنوبيين منها حريق قطار الضعين (بالمكناسبة الضعين دي وين) في الشمالية مثلا؟
المهم يا سيدك الجنوبيون كانو بيطلقوا على الاراضي شمال ابيي اسم الشمال..
حديثي العهد بالجنجويد شالوا الاثم ده وكبوه في ناس الشمالية..
طيب من اللذي شرد اهل دارفور الاصليين؟

Quote: ازبك

Quote: ازيك في الشعر بيتين

أركز يا المنصوري .. بقيت تجلي الكيبورد واقف!

--------------
ول أبا يحي ..متابعين العصف الذهنى الذي لا يقوي عليه المتعصبين للجهويات .. هذا واقع فرض نفسه وعلينا التعامل معه بالحكمة والمرونة المطلوبة.

بريمة

منصوري يا زول يا جميل ..

حاقسم ردك و أرد ليك ..

Quote: انت شايف انها تحريضات كيزان.. ببساطة كده فصلت الكيزان عن الدعم السريع؟ التسيمة دي ذاتها سماها ليهم منو؟ كدي ورينا شهادة الميلاد حقتهم

كده خلطت بين أمرين يا منصوري .. انا ما بتكلم عن الدعم السريع و علاقته بالكيزان .. ده موضوع طويل و شائك ..
و الدعم الأنشأوه الكيزان تحور و تطور و تغير لكن ده ما موضوعنا الآن ..
موضوعنا الآن .. نعم الكيزان بحرضوا في المدنيين يشيلوا السلاح و حيرموهم في التهلكة و حتبقى بحور دم و مجازر اذا الناس ما تعقلت ..

Quote: طيب تقدر ترجع ارشيفنا اللي اتحرق ولا مؤسساتنا الادمرت

الأرشيق الحرقوه الكيزان ؟

دي حرب يا منصوري او أيا كان اسمها لابد يكون في خراب و دمار مع الاسف .. لكن التاريخ بقول فغي بلاد اتحرقت بالكامل .. و عادت الى الاحسن .. و الفرصة قدامنا ..

Quote: خليني اسألك سؤال صريح: خلينا نحن قول وقعنا( تفتكر الدعم السريع حيرجع نازحي دارفور لديارهم؟

بتتكلم عن شنو بالضبط يا منصوري ؟ نازحين يعني شنو ؟
تقصد (سودانيين) .. تهمشت مناطقهم و سعو للعيش في اماكن افضل ؟

و لا تقصد لانهم (غرابا) يرجعوا اهلهم ؟
طيب الخرطوم و امدرمان دي ملانه شوايقه و جعليين و دناقله .. نسميهم نازحين و نقول ليهم ارجعوا مدنكم و قراكم ؟

ما فهمت قصدك بان الدعم السريع يرجع نازحي دارفور لديارهم يعني شنو ؟
هل ما ليهم حق الاقامة في اماكن أخرى.؟

Quote: تقدر تثبت انك سوداني اصلا؟

لازم نعمل ديفينشن بالاول لمعنى كلمة سوداني يتفق عليها اهل المليون ميل مربع يا منصوري .. قبل ما نثبت سودانيتنا ..

تحياتي يا جميل ..

حبيبنا يحي
تحية طيبة
انت عملت لي شغل جزارين الكمونية
طلت الكرشة براها، والمصارين بؤاها يعني بالبلدي كده شلعت لي بطن الخروف..
في حين انو الخروف قبل يتشلع ما بيشتروه كده بيشتروه جملة وتفصيلها، والعفن الوحيد البيجي في لحم الخروف بيكون في الحتت الانت دلوكت بتبيها لي بالقطعة..
يا باشا الدعم السريع هو الذي زج بالمواطنين في الحرب دي
الدعم السريع لمن فشل في تنفيذ مخططه دخل بيوت المواطنين واغتصب النساء واذل الرجال..
الدفارات الاخدت المنهوبات ما كانت دفارات كيزان دي دفارات دعامة
والاحتفغالات التمت في مناطق قبايل الدعم السريع موجودة في النت
يا يحي مش معنى انو الكيزان كعبين نقوم نلصق فيهم اي شيء
حفاظنا على اعراضنا ما مسؤلية الكيزان، مسؤلية مسؤليتنا نحن كمجتمعات، لو اهداف الكيزان اتفقت مع اهدافنا ما ح اقول ليه ما تقاتل معاي
بعدين كدي وريني الكوز القبضوه منو ؟
اوع تقول لي انس عمر
والجزولي
وين نافع علب نافع (على سبيل المثال)
بعدين في الطرف الانت عاوزنا نوقع معاه اتفاقية
يوجد اعتى الكيزان
يوجد النتن طه عثمان الحسين
يوجد عبد الغفار الشريف
وعثمانة عمليات
ياخي ديل معاهم بريمة الكوز المصدي ، ده براه ماىكفاية..
الحرب النحن فيها دي بين طرفي كيزان نحن مالنا فيها، بس الجنجا هم اللي دخلونا في الموضوع
وزي ما قال الروائي الفذ بكور، المناطق الاستولى عليها الدعم السريع مسؤليتهم عن كل ما يجري فيها..
الدعم السريع لو كان بيتمتع باخلاق جميلة، ومثل عليا ما في زول بيعترض عليه

شوف يا يحيا لو انت حاسس انك في كندا محتاج توقع اتفاق مع الجنجا
وقع طوالي
اما انا شخصيا ما ح اوقع معاهم اي اتفاق

Quote: عندما اجتاح المغول مدينة بخارى إحدى بلاد خراسان المسلمة عجزوا عن اقتحامها فكتب جنكيز خان لأهل المدينة : أن من سلم لنا سلاحه ووقف في صفنا فهو آمن ومن رفض التسليم فلا يلومن إلا نفسه . فانشق صف المسلمين إلى صفين اثنين : فمنهم رافض له فقالوا : لو استطاعوا غزونا لما طالبوا التفاوض معنا !! فهي إحدى الحسنيين إما نصر من الله يسر به الموحدون و إما شهادة نغيظ بها العدو أما الصنف الثاني فجبن عن اللقاء وقال : نريد حقن الدماء و لا طاقة لنا بقتالهم ألا ترون عددهم وعدتهم ؟؟ فكتب جنكيز خان لمن وافق على الرضوخ والتسليم أن : أعينونا على قتال من رفض منكم و نولكم بعدهم أمر بلدكم . فاغتر الناس بكلامه رغبا ورهبا من بطشهم فنزلوا لأمره و دارت رحى الحرب بين الطرفين طرف دافع عن ثبات مبادئه حتى قضى نحبه و طرف وضيع باع نفسه للتتار فسيره عبدا من عبيده في النهاية انتصر طرف التسليم والعمالة ولكن الصدمة الكبرى أن التتار سحبوا منهم السلاح و أمروا بذبحهم كالنعاج وقال جنكيز مقولته المشهورة : ((لو كان يؤمن جانبهم لما غدروا بإخوانهم من أجلنا ونحن الغرباء !!! ))

سلام نعم أُؤيّد لذلك بدلاً عن تعريض مواطنيهم للحرب وآثارها المدمرة

Quote: حصار التتار لبخارى في طريق عودة علاء الدين خوارزم إلى عاصمته، أمر بتحصين مدينتي بخارى وسمرقند وكانتا أول مدينتين في طريق التتار، فوضع حامية ببخارى تقدر بعشرين ألفًا وأخرى بسمرقند تقدر بخمسين ألفًا ثم عاد إلى عاصمته بخراسان لاستنفار الجنود والمسلمين هناك للمشاركة في الحرب المتوقعة من قبل جنكيز خان. وحدث ما توقعه القائد المسلم فقد انساح جنكيز خان بجيوشه الجرارة إلى بلاد الإسلام وكانت مدينة بخارى أول مدينة ينزل عليها فضرب عليها حصارًا شديدًا ثم أنشب قتالاً عنيفًا مع حاميتها لم يستمر سوى ثلاثة أيام ثم فرت الحامية الخوارزمية من المدينة وتركت أهلها فريسة سهلة للتتار. فماذا فعل أهلها؟! دخل أهل بخارى في خلاف بسبب تضارب الآراء، فقد غاب الحاكم وتركهم لمصيرهم المحتوم، والحامية التي تركها لم تصمد وولت مدبرة، فماذا العمل؟ ظهر رأيان في المدينة، ولكل رأي فريق وأنصار الرأي الأول: تسليم المدينة نظير الأمان على النفس والولد لتجنب القتل على يد جحافل التتار، وكانت الأكثرية مع هذا الرأي بعد أن غاب عنهم الاستعلاء الإيماني والثبات واليقين بالنصر، وغلبهم حب الدنيا وكراهية الموت، كما غاب عنهم أخلاق التتار الخسيسة ونكثهم للعهد، على الرغم من نداء ربهم لهم (لا يرقبون في مؤمن إلاّ ولا ذمة). الرأي الثاني: الصبر والثبات وقتال التتار، وكان أنصار هذا الرأي قليل، وهم المجاهدون المتطوعون من أهل المدينة، والعلماء والمشايخ ممن آثروا الجهاد دفعاً عن الدين والعرض على التسليم والدنية للكافرين. وبعد مفاوضات ومداولات اكتشف المجاهدون أن الاتجاه السائد في المدينة هو الاستسلام، فقرروا الاعتصام بالقلعة الكبيرة التي تمثل خط الدفاع عن المدينة، وكانت قلعة حصينة وقوية ومليئة بالمؤن والعتاد، كما أنها محاطة بالخنادق العميقة، ودخل معهم القلعة العلماء والفقهاء وأصحاب الحديث، في حين قرر المتخاذلون والمستسلمون والمنهزمون نفسياً وإيمانياً وعلى رأسهم تجار بخارى وأثريائها ووجهائها فتح أبواب مدينتهم بأيديهم لأعدائهم. وهنا يثور تساؤل آخر: ما الذي دفع معظم أهل المدينة للتخاذل والاستسلام سريعاً على الرغم من كثرة أعدادهم وحصانة مدينتهم ووفرة المؤن عندهم؟! الإجابة تتخلص في كلمة واحدة : الهزيمة النفسية. فأهل بخارى لم يسبق لهم أن واجهوا التتار من قبل، ولكنهم سمعوا عن وحشية التتار وشدة بأسهم في القتال، وكيف أن سلطانهم علاء الدين خوارزم صاحب الجيوش الجرارة لم يستطع أن ينتصر على فليق واحد من الجيش التتاري!! فلقد كانت الشائعات والأراجيف تعمل عمل النار في الهشيم، التتار لا يهزمون، التتار لا يفرون، التتار لا يرحمون أحداً، التتار يشربون دماء ضحاياهم، ويأكلون الأخضر واليابس، التتار كذا وكذا، حتى ظل أهل بخارى أن مواجهتهم ضرب من العبث والجنون، فأكلت الهزيمة النفسية قلوبهم واستسلموا، ولكن ما بعد ذلك كان أشد منه. وفي 4 ذي الحجة سنة 616 هـ، فتح أهل المدينة أبوابها لجنكيز خان الذي تظاهر بادئ الأمر بالوفاء بعهوده وعدم التعرض لأهلها، ولكنه كان يضمر شيئاً آخراً، كان يريد منهم أن يساعدوه في الاستيلاء على قلعة المدينة المتحصن بها المجاهدون والعلماء والفقهاء، وهنا كان الموقف المخزي المشين الذي يُستجلب به العذاب، والخيانة للدين والعرض التي يُستحق به البوار. فقد قام أهل المدينة بالتعاون مع جنود جنكيز خان في ردم خنادق القلعة وطمّ آبارها لتسهيل سقوط القلعة، وما إن تمت عملية الردم حتى قام جنكيز خان بحصار القلعة حصاراً خانقاً لمدة عشرة أيام مع القتال المتواصل حتى اقتحم القلعة وقتل كل من فيها من المجاهدين وكانوا حوالي ألفين من المقاتلين. مجزرة بخارى وعواقب الخذلان والانهزام ظن الحمقى أنهم قد صاروا بمأمن بعد أن قدموا دماء إخوانهم المجاهدين قرباناً للطاغية جنكيز خان، ولكن سنة الله ماضية، وقدر الله نافذ فيمن لا يعتبرون ويتعلمون من دروس التاريخ وأخطاء السابقين. بدأ جنكيز خان في خيانة عهده، فسأل أهل المدينة عن كنوزها وأموالها وذهبها وفضتها، ثم اصطفى كل ذلك لنفسه، ثم أحل المدينة المسلمة لجنده، ففعلوا بها ما لا يتخيله عقل ويخطر على بال إبليس نفسه، وحشية لا يدانيها إلا ما فعله إخوانهم في العداوة ؛ الصليبيون يوم احتلال بيت المقدس. يصف ابن كثير مشهد السقوط والمجزرة بعبارات باكية وكلمات دامية، فقال: " فقتلوا من أهلها خلقًا لا يعلمهم إلا الله، وأسروا الذرية والنساء، وفعلوا مع النساء الفواحش في حضرة أهليهن ارتكبوا الزنا مع البنت في حضرة أبيها، ومع الزوجة في حضرة زوجها، فمن المسلمين من قاتل دون حريمه حتى قُتِل، ومنهم من أُسر فعُذِّب بأنواع العذاب، وكثر البكاء والضجيج بالبلد من النساء والأطفال والرجال، ثم أشعلت التتار النار في دور بخارى ومدارسها ومساجدها، فاحترقت المدينة حتى صارت خاوية على عروشها". قال ابن الأثير واصفاً بعض ما جرى: "وممن اختار أن يقتل ولا يرى ما نزل بالمسلمين الفقيه الإمام ركن الدين إمام زاده وولده، فإنهما لما رأيا ما يفعل بالحرم قاتلا حتى قتلا، وكذلك فعل القاضي صدر الدين خان، ومن استسلم أخذ أسيراً، وألقوا النار في البلد والمدارس والمساجد، وعذبوا الناس بأنواع العذاب في طلب المال..". وهكذا قتل المستسلمون كما قتل المجاهدون، ولكن شتان ما بين الفريقين، ولكن لما كانت الأكثرية من المتخاذلين كانت الهزيمة والدمار، والصف المؤمن مهما كانت درجة نقائه إذا فيه دخل وخبث، فإن ذلك من مسببات وقوع الهزيمة والخسران، كما قال تعالى: (وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُم بِإِذْنِهِ حَتَّىٰ إِذَا فَشِلْتُمْ وَتَنَازَعْتُمْ فِي الْأَمْرِ وَعَصَيْتُم مِّن بَعْدِ مَا أَرَاكُم مَّا تُحِبُّونَ مِنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ ثُمَّ صَرَفَكُمْ عَنْهُمْ لِيَبْتَلِيَكُمْ وَلَقَدْ عَفَا عَنكُمْ وَاللَّهُ ذُو فَضْلٍ عَلَى الْمُؤْمِنِينَ)[ آل عمران: 152]. كل ذلك حدث بسبب الهزيمة النفسية وضعف الثقة بالله وغياب الاعتماد عليه، كل ذلك حدث بسبب حب الدنيا وكراهية الموت، فالدنيا حلوة خضرة، والنفوس البشرية جُبلت على حُبها، لكن حينما يُسيطر حبُّ الدنيا على القلوب، ويكره المسلمون الموت في سبيل الله؛ كأنهم الغثاء الذي يحمله السيل؛ إذا توجَّه السيل شرقًا شرَّقوا معه، وإذا توجَّه غربًا غرَّبوا معه، حينها ينزع الله مهابتهم من قلوب أعدائهم.

كتبت في البوست الاخر

عني في البداية أوضح الآتي
أنا مختلف جذريا مع قحت وقد تحدثت عن ضرورة. تجاوز. هذه الصيغة - كمسمي ونهج
وكنت منذ البداية ضد الشراكة والوثيقة والإطاري وقد كرست وقتا للتصدي لكوارث حكومتها
دي فقط مقدمة

ولازالت اري نقد تجربتها كضرورة - الان. قحت تتعرض. لهجوم من معسكر الكيزان والبلابسة وانا غير معني بالدفاع عن كوارث قحت لمجرد انو الكيزان هاجموها ولن أستطيع الدفاع عنها ان أردت

ولكني اقف ضد التشويه والادعاء بان قحت هي من. أشعلت الحرب لانو الواقع يقول ان الكيزان. هم من كان يبشر ويهدد بالحرب ان اجيز الإطاري وان البرهان. قد تراجع عن الإطاري متبنيا خط ولغة الكيزان الرافضة له وشخصيا اقف مع احتمال. ان الكيزان هم من تعجل باشعال فتيل هذه الحرب قطعا للطريق نحو تراجع برهان نحو الإطاري - علما بان الحرب كانت حتمية وكانت ستندلع وان هناك تجهيزات لها


ثانيا

صراع واستهداف الكيزان لقحت هو في الواقع استهداف للثورة زاتها وللثوار ولمن يقول للحرب
الكيزان يستهدفون الثورة عبر قحت كحلقة. ضعيفة في السياج الثوري

وهنا سا اقف وبقوة. ضد محاولة الكيزان استهداف للثورة ونسفها. دون اكلف نفسي عن التراجع. عن نقدي وخلافي المبدئي لقحت. ولكني هجومي ونقد لقحت ينطلق من مواقع مختلفة ومن منطلقات مختلفة - من موقع الحرص علي الثورة وشعاراتها. ومباديها
وسا اقف ضد استمرار الحرب ولا للحرب ليس من موقع الجنحويد الذي يزايد ويتكسب سياسيا من الشعار ولا من موقع قحت الساعي لإعادة شراكة برهان حميدتي وخالد سلك عبر هذا الشعار

ثالثا
عند نقد لقحت لن اكف عن الهجوم علي الكيزان اس الأزمة وصانعة مكوناتها. ولا ضد الجنجويد وقيادة الكيزان وسا اقف ضد تكسب الكيزان من هذه الحرب بل وحتي ضد دخولهم فيها كنايشيا حزبية وسا أظل إلاحقهم بعراهم وخذيهم في صناعة هذه الأزمة واستخدام الجنحويد كا الة حرب ودمار وسا افعل ذات الشي ضد برهان

رابعا
لن أتوهم انو قحت مع هيمنة وسيطرة الجنحويد علي مقاليد حكم البلاد ولكني اري انهم يسعون لإعادة شراكة برهان - حميدتي وقحت ولعن شيطان الفتنة. وابليس الذي دخل بينهم
قحت تسعي لشراكة ثلاثية

خامسا
هجوم البلابسة والكيزان وبعضا من الوطنيين علي من يقول لا للحرب امر محير وخصوصا من الشق الوطني

قلنا لا للحرب انحيازا للأبرياء والعزل ضحايا الحرب ووقودها ونحن نثق بان قيادة الجيش الكسبحة لن تحسم حرب ولن تحمي ارواحا وممتلكاتا
قلناه ولم نكن نعني بطبيعة الحال استسلاما من طرف الجيش او إلقاء السلاح تخليا عن واجبه هذا ان يقوم بهذا الواجب في ظل هذه القيادة
وانما وقف للحرب من جميع الأطراف وتزامنا بضمانات وسطاء

وان كان. بعض الأطراف ترفض هذا الخيار وتراها تقاعسا وهوانا
فإننا نقول تجاوزو هذه الدعوة بأعمال نقيضها
هل حسمتم الحرب ؟ هل هناك روي عملية في حسمها في ظل قيادة الجيش هذه ؟
هل قمتم بحماية الأرواح والممتلكات
حابوا ما فيش من امسك بسلاحكم ولكن ارونا نتاج هذا القتال نريد ان نري طحنا لأننا نسمع جعجعة ولانري طحنا !
هل صمتم هل قمتم بحماية الأرواح والممتلكات ؟

من يجب ان يلام ويخون ويجرم هو من عجر حماية الأرواح والممتلكات وواصل الهروب والانسحاب والجعجعة والعنتريات التي ما قتلت ذبابة
لماذا تنسحب الجيوش تترك الأبرياء والعزل كفرايس للجنحويد القلة - نهب وسلب وتشريد واحتلالا للمساكن تسحب القيادة الجيش بعد خدر الشعب ورقص معه في مدني ثم عاد وتركه اعزلا وهم ماحدث في مواقع ومدن عديدة

يترك البعض كل هذه الفظائع ويمسك في فزاعة قحت. قحت او من قال لا للحرب
ويترك من خان وغدر وهرب

وختاما
سبق ان خون البرهان قحت بعد المجزرة وتعهد بعدم الحوار معها وخونها وجرمها بعد انقلاب اكتوبر ثم عاد ليتفاوض معهم يقولون. أنهم يفيضون وطنية وغيرة علي التراب
وهو ماقاله حميدتي ايضا وما قالته قحت بعدالمجزرة والاطاري عن اطراف اللجنة الامنية

عشان كدة استغرب لاحتفاء البعض عن مقولات برهان وحميدتي عن قحت. - وتحديدا ان جاءت تغزلا في الكيزان من جانب البرهان !

Quote: ول أبا يحي ..متابعين العصف الذهنى الذي لا يقوي عليه المتعصبين للجهويات .. هذا واقع فرض نفسه وعلينا التعامل معه بالحكمة والمرونة المطلوبة. بريمة

بريمة .. كيف انك يا جميل ..

اعتقد جازما .. ان اعداد كبيرة جدا بدأت في قبول الامر الواقع ..

الدعم السريع ممسك بزمام الامور تماما .. و العاقل من يجنب اهله و ناسه شر المجازر و الحرب بقبحها ..

السودانيين يجب ان يفهموا تماما .. ان القادر الوحيد على دحر الكيزان و رؤوسهم هو الدعم السريع الان .. و إن ولد من رحمهم .. و لكنه هو المخلص الوحيد من قرف الكيزان ..

قباني

لا يمكن الوثوق بالجنجويد، أنهم بلا عهد وبلا أخلاق.

قلنا
ان من صنع الجنجويد ومكنهم ومنحهم المواقع العسكرية وأضعف الجيش أصالحهم هو من يتحمل المسؤلية وهو غير مؤهل لقيادة الجيش او تصدر
المشهد
قالو. دا تاريخ قديم وقت محاسبة الكيزان والبرهان سياتي.. الان لا صوت يعلو فوق صوت المعركة هذا وقت التفرغ للجنحويد وغدا لكل حادث حديث ث
ثم قالوا
ان دعوة لا لاحرب تخذيل ًوتثبيط. همم دعوها. واقطعو دابر الجنحويد
والان وحينما خذلت قيادة الجيش المواطنين وحتي المستنفرين وانسحبت. من عدة مواقع ومنها مدني التي كان العسكر يحتفون ويرقصون مع اهلها نهارا مما أعطاهم احساسا بالأمان وخدرهم ثم انسحب الجيش وترك الأبرياء والعزل ليواجهو مصيرهم مع الجنحويد والسلب والنهب والتشريد !!وقد تكرر هذا الانسحاب والخذلان في عدة مواقع
… بل وتوجه هروب قادة الجيش. وتركهم لغبش الجيش والمواطنين ليواجهوا مصيرهم ومع هذايصمت البعض علي هذا الخذلان. والانكسار ولا يفتح الله عليهم بكلمة لإدانة قيادة الجيش الكسيحة والكيزان بل تراهم. يهرعون لتكرار أسطوانة قحت ومن يقول لا للحرب وهكذا وبمثل تسبب من صنع الجنحويد ومكنهم واضعف الجيش لصالحهم في الكارثة تراهم يبنون الان كوارث. وخيانات جديدة بخذلان الشعب والتفريط في حماية الأرواح والممتلكات !!لماذا الصمت والعجز عن ادانة الخونة والمجرمين من كيزان وقيادة جيش ؟

قبة الرايح ليه درب في موية
نحن في الشمال من الرويان لحدي حلفا يلزمنا بس
مشروعين
الجبهة العريضة حسنين
علم جديد ورؤية محترمة ودستور،مدني انتقالي
نحن في الشمال بنينا الامارات لمن محمد بن زايد لابس بامبرز
عشان كده مشروع جنجويد مرتزقة امارات ولي قحت2 مرتزقة حفتر والسراج ولي جنرلات البقط والشركة القابضة المصرية ما يلزمنا
تلزمنا على مستوى السودان
الحركة الشعبية منصور،خالد الجعلي
دستور 2005 والمحكمة الدستورية
ومبادرة نافع عقار 2011 وكل ما اتفرمل من البشير والمؤتمر الوطني مع الجنوب القديم والجديد
من ذلك التاريخ حتى الان
ما تلزمنا قحت ولا حمدوك اطلاقا
وتروس الشمال بس يصبوها في مدن الاقليم براهم
ويرجعو الحكم الاقليمي قبل 1989 بالمرجعيات الفوق دي
وبالمشورة الشعبية اسقاط الولايتين الغبيتين بزواحفا
وتعيين
حاكم اقليم نظيف
حكومة اقليم نظيفة
برلمان اقليم نظيف
مجالس محلية وريفية خدمية
ادارة اهلية بالجنسية الخضراء،والمادة 7 من قانون 1957 البتعرف السودانيين ومراجعة الرقم الوطني في،كل الاقليم والتعامل بكل احترام مع الاجانب والوافدين في الاقليم وتصحيح اوضاعم
تتحرك القوى المدنية في الاقليم في هذا الاتجاه
والختمية والطرق الصوفية والمغتربين وكل ابناء،الاقليم على هذا الصعيد
ونجيب الصين فقط لاعادة اعمار الاقليم
باسس جديدة
الذهب مقابل التنمية
ونعمر حلفا اولا ونجعلا متاحة لل4 مليون سوداني مشرد في مصر
ونجعل الدامر العاصمة الادارية ودنقلا العاصمة التجارية
هل في قحاتي ولي،جنجويدي دعامي مرتزق غبي
ولى فلولي معفن منتهي،الصلاحية
عنده مشروع زي ده او عنده مخ ذاتو شغال عشان يتفاوضو معاه الكوشيين الاذكياء زينا
ما عايزين في الاقليم لا دعامة لا فلول
يرجع الحكم الاقليمي بس
يا القرد الاعمش والنظارة
وقحت لا تمثلني
وفي بوستات كثيرة من 2019 توري ناس الاقليم الشمالي يعملو شنو
وهم مبارين النخبة السودانية وادمان الفشل
بالله زي بريمة سعن الرووب ده
يجينا في الاقليم يسوي شنو
عنده شنو في راسو الفاضي يخدم بيه الناس
اهو شايفنو سارح بيكم في البورد
خلي يتبين في دارفور،وكردفان والاوسط والخراب والدمار،بين الفلول والدعم
قبل يجينا في،الشمال والشرق
الدولة مؤسسات
والفهم اقسام
كلام يا عوض دكام
قال دعم قال شخاليت الخلا مرتزقة اليمن نهابة الدهب،قليلين الاصل نحن نحترم موسى هلال والصحوة وعبدالواحد نور بس في غرب السودان وبرانا وبنعزل مستوانا يا قبة
من يجعل الضرغام باذ لصيده تصيده الضرغام فيما تصيدا
حسنين بس بعد 1 يناير 2024 علم ورؤية ودستور في،كل الاقليم الشمالي ان فقهو
حسنين نظيف وليس متسكع امارات او عميل شركة قابضة مصرية
ده الرمز البنفع مع ترووس الشمال فقط في الوقت الراهن ان فقهو
والمايك لك مرة اخرى يا قبة 😍🤗

حبيبنا يحي
تحية طيبة
يحي يا حبيب ما تخلى غضبك من الكيزان يعميك عن الحقائق
انت عملت لي شغل جزارين الكمونية
طلعت الكرشة براها، والمصارين براها يعني بالبلدي كده شلعت لي بطن الخروف..
في حين انو الخروف قبل يتشلع ما بيشتروه كده بيشتروه جملة وتفصيلا، والعفن الوحيد البيجي في لحم الخروف بيكون في الحتت الانت دلوكت بتبيعها لي بالقطعة..
يا باشا الدعم السريع هو الذي زج بالمواطنين في الحرب دي
الدعم السريع لمن فشل في تنفيذ مخططه دخل بيوت المواطنين واغتصب النساء واذل الرجال..
الدفارات الاخدت المنهوبات ما كانت دفارات كيزان دي دفارات دعامة
والاحتفالات التمت في مناطق قبائل الدعم السريع موجودة في النت، الاعمال دي يا يحى ثقافة منطقة وعادات قبائل اتربوا عليها وبيعبروا عنها خير تعبير، ومن شب على شيء شاب عليه
يا يحي مش معنى انو الكيزان كعبين نقوم نلصق فيهم اي شيء ونتغاضى عن جرائم الأطراف الاخرى
حفاظنا على اعراضنا ما مسؤلية الكيزان، مسؤليتنا نحن كمجتمعات، لو اهداف الكيزان اتفقت مع اهدافنا ما ح اقول ليهم ما تقاتلوا معانا
بعدين كدي وريني الكوز القبضوه ناس الدعم السريع منو ؟
اوع تقول لي انس عمر
والجزولي
وين نافع علي نافع (على سبيل المثال لا الحصر)
بعدين ما تنسى انو مع الطرف الآخر الانت عاوزنا نوقع معاه اتفاقية سلام
يوجد اعتى الكيزان
يوجد طه عثمان الحسين
يوجد عبد الغفار الشريف
وعثمان عمليات
ياخي يكفيك انو ديل معاهم بريمة الكوز المصدي ده (لسع ما اعلن توبتو)
الحرب النحن فيها دي قامت بين كيزان نحن مالنا فيها، بس الجنجا هم اللي دخلونا في الموضوع
وزي ما قال الروائي الفذ بكور، المناطق الاستولى عليها الدعم السريع مسؤلية الحفاظ على الامن والأمان والثروة مسؤليته هو وكذلك مسئول عن كل ما يجري فيها..
الدعم السريع لو كان بيتمتع باخلاق جميلة، ومثل عليا ما في زول بيعترض عليه

شوف يا يحيا لو انت حاسس انك في كندا محتاج توقع اتفاق مع الجنجا
وقع طوالي
اما انا شخصيا ما ح اوقع معاهم اي اتفاق

سلام حبيبنا قبة
من ناحية تأييد، أنا اؤيد أي شي يعملوه المواطنين في سبيل الحفاظ على انفسهم واعراضهم واموالهم وممتلكاتهم.
لكن هل هنالك اسئلة تحتاج لإجابات
ماهي الضمانات في أن المفاوضات ستنجح في حقن الدم والمال والعرض، والمعروف أن المنهوبات تمثل مصدر من مصادر تمويل الجنجويد؟
ماذا عن الممتلكات العامة (البنوك مثلاً) هل يتفاوض المواطنون مع الدعم السريع على عدم المساس بها أم يعتبرونها ملكية لدولة الفلول وللدعم السريع أن يفعل فيها ما يشاء؟

سلامات، يا جمال المنصوري.

كراهية الكيزان دي عند كتيرين ما هي إلا ساتر وراءه مآرب وعوامل مختلفة، منها ترسبات وعقد نفسية من قومة الجهل، وأطماع شخصية وغيرها.

في ناس الآن تتهلل أساريرهم عشان شايفين الجلابة بيطردوا من بيوتهم.

تبرير الدعوة للتسليم للجنجويد لتجنب الخسائر في الأرواح دي حجة أصلاً ما قايمة على رجلين، لأنه من الأساس ليه أنا المواطن الأعزل ده تجيني لغاية بيتي في خلاء الله ده وتنهب ممتلكاتي وتغتصب نسائي وتطردني؟

أما إذا شاء المواطن التسليم، فهذه تقديراته، ولكن فليعلم أنه من الأساس هو ما شال سلاح وقاتل بيهو الجنجويد ويتحمّل تبعات تسليمه وثقته في قتلة زي ديل.


الدعوات دي ما هي إلا تهديد مغلّف بإنسانية زائفة، وتذاكي لتجنيب الجنجويد أي مقاومة شعبية.

الزيف والخسّة والندالة بتاعة الخونة الموالين للقتلة ديل واضحة من الآن، لكنها حا توضح أكتر لي قدّام وبسرعة شديدة، لأنه أسطوانة "الدولة العميقة" ما حا تشتغل في الوقت داك.

دولة عميقة بتاع الساعة كم والقتلة ديل اجتثوا شعب بأكمله وطردوا المواطن المغلوب على أمره من بيته، خليك من موظفين ماسكين ليهم دولة؟

عشان كده الحسّابة حا تحسب من أول يوم للموالين للقتلة ديل. يجوا يورّونا العدالة والديمقراطية ورد المظالم ونقاء الجو من عفن الكيزان اللي صدّعوا بيها رؤوسنا طوال هذه السنوات شكلها كيف.

Quote: سلام نعم أُؤيّد لذلك بدلاً عن تعريض مواطنيهم للحرب وآثارها المدمرة

تحياتي محمد .. و ليتهم يسمعون ..

Quote: قلنا لا للحرب انحيازا للأبرياء والعزل ضحايا الحرب ووقودها ونحن نثق بان قيادة الجيش الكسبحة لن تحسم حرب ولن تحمي ارواحا وممتلكاتا قلناه ولم نكن نعني بطبيعة الحال استسلاما من طرف الجيش او إلقاء السلاح تخليا عن واجبه هذا ان يقوم بهذا الواجب في ظل هذه القيادة وانما وقف للحرب من جميع الأطراف وتزامنا بضمانات وسطاء وان كان. بعض الأطراف ترفض هذا الخيار وتراها تقاعسا وهوانا فإننا نقول تجاوزو هذه الدعوة بأعمال نقيضها هل حسمتم الحرب ؟ هل هناك روي عملية في حسمها في ظل قيادة الجيش هذه ؟ هل قمتم بحماية الأرواح والممتلكات حابوا ما فيش من امسك بسلاحكم ولكن ارونا نتاج هذا القتال نريد ان نري طحنا لأننا نسمع جعجعة ولانري طحنا ! هل صمتم هل قمتم بحماية الأرواح والممتلكات ؟

سلام كمال ..

خلاصة كلامك هنا ( لا للحرب) ؟
الحرب واقع الان لا يمكن تجاوزه .. و الغلبة اصبحت واضحة لأي كفة ..
السؤال هو .. هل يتفاوض اهل الشمال من جعليين و غيرهم مباشرة مع الدعم .. ام يقفوا خلف الوهم المسمى بالجيش و من ثم يحملون السلاح و يدخلهم الجيش (الهارب) في حمامات دم لا حوجة لها ؟

Quote: خلاصة كلامك هنا ( لا للحرب) ؟ الحرب واقع الان لا يمكن تجاوزه .. و الغلبة اصبحت واضحة لأي كفة .. السؤال هو .. هل يتفاوض اهل الشمال من جعليين و غيرهم مباشرة مع الدعم .. ام يقفوا خلف الوهم المسمى بالجيش و من ثم يحملون السلاح و يدخلهم الجيش (الهارب) في حمامات دم لا حوجة لها ؟

لا حول ولا قوة إلا بالله!

وهل حمل الناس في عُقْر بيوتهم في الخرطوم ومدني والقرى والبلدات المحاذية للنيل شرقًا وغربًا سلاحًا؟ ها هي بيوتهم محتلّة مستباحة.

أما الشمالية، فهي أكثر المناطق عرضة للانتهاكات بحكم رمزيتها التاريخية، ولن تعصم أهل المنطقة أي مهادنة عما وقع على غيرهم من الأبرياء العزل، بل إنهم سيواجهون ما لا عين رأت ولا أذن سمعت، سواء أهادنوا أم لم يهادنوا. ومن يطالب أهل المنطقة بالمهادنة، فعليه أن يتحمّل المسؤولية الأخلاقية لما سيحدث لهم إن هم فعلوا.

يحي كورولا يثبط همم الثوار ويقول إن البرهان الكوز يحمي البلاد من المتربصين.

كان حارقه موت عشرات أو بضع مئات من الشهداء في مظاهرات، لكن قتل آلاف وتشريد ملايين لا يحرّك فيه ساكنًا الآن.

المليونيات .. تواريخ في نتائج حائط ..المليونيات .. تواريخ في نتائج حائط ..

Quote: أسوة بما فعله اهل الهلالية و رفاعة ..و حقنا للمال و العرض ..و تسليما بالأمر الواقع و هو الغلبة للدعم السريع ..ام سينزلقون وراء تحريضات الكيزان و الفلول ؟؟

الغرض الظاهر من بوست يحيى كورولا ده هو استطلاع آراء الأعضاء عن تأييدهم أو رفضهم لمهادنة أهل الشمالية أسياده الجنجويد.

لكن في أول تعليق بيحاول يقود المستطلَعين ويؤطّر أفكارهم حسب رغباته هو.

بعدين شنو اللي دخّل "العرض" في الحكاية. إذا كان في زول اتسلّح وخرج ليك في الشارع وهزمته شنو بيخلّيك تنتهك عرضه؟يعني سيادته كورولا ده بيبرّر لانتهاك الأعراض عقوبةً لعدم التسليم وحمل السلاح.

كمان، يا بتاع المطارات، هم أهل الجزيرة الطيبين المسالمين، اللي لو سألت معظمهم حا تلقى إنهم ما بيفرّقوا بين الدبشق والسونكي، كانوا شايلين دوشكات وآراء بي جي لما دخل الأوباش ديل عليهم في بيوتهم وانتهكوا أعراضهم ونهبوا ممتلكاتهم؟يعني بتستشهد بالهلالية ورفاعة وعامل غمران من اللي حاصل الآن في قرى الجزيرة الأخرى؟

Quote: قباني لا يمكن الوثوق بالجنجويد، أنهم بلا عهد وبلا أخلاق.

دينق .. سلامات ..

وجهة نظر تحترم .. لكن ما بنتفق انه لا يوجد اسوأ من الكيزان؟

و مؤكد مستحيل تثق في الكيزان لانهم هم اكثر البشر بلا عهد و بلا اخلاق ..

انا يا دينق .. و منذ ان قامت الحرب في ابريل و التي بدأها الكيزان .. بت جازما ان الدعم السريع هم الوحيدين القادرين على مسح الكيزان من على وجه ارض السودان ..

مشكلة الكثيرين من اهل الشمال .. عقليتهم العنصرية رافضة ذلك الامر .. بيريود ..

وقرف الدعم السريع
من الذي يخلصنا منه؟؟؟؟
تحياتي

Quote: دينق .. سلامات .. وجهة نظر تحترم .. لكن ما بنتفق انه لا يوجد اسوأ من الكيزان؟ و مؤكد مستحيل تثق في الكيزان لانهم هم اكثر البشر بلا عهد و بلا اخلاق .. انا يا دينق .. و منذ ان قامت الحرب في ابريل و التي بدأها الكيزان .. بت جازما ان الدعم السريع هم الوحيدين القادرين على مسح الكيزان من على وجه ارض السودان .. مشكلة الكثيرين من اهل الشمال .. عقليتهم العنصرية رافضة ذلك الامر .. بيريود ..

لا حول ولا قوة إلا بالله!

بالله كلامك الهردبيس ده هسي يمسكوهو من وين، يا باشمهندس الهناء؟

يا راجل إنت ضايع خالص ومستواك تعبان شديد.

يعني بس اكتشافك العظيم وجزمك بأنه الجنجويد هم الوحيدين القادرين على مسح الكيزان وكمان "بعد اندلاع الحرب في أبريل" ومش قبليها هو ده كله اللي بيحدّد مواقفك من الجنجويد؟

يعني، يا بتاع الكورولا، نفهم من كلامك ده إنك بتبني مواقفك على رجحان الكفة في أرض المعركة؟

والله إنت راجل أنتيكة ههههههه

كل المقتلة اللي حاصلة دي إنت ما شايفها وكل همّك بس مسح الكيزان؟

غايتو لو الناس اللي طردهم أسيادك الجنجويد من بيوتهم وشرّدهم ونهب ممتلكاتهم وانتهك أعراضهم ديل كلهم كيزان، يبقى حلال على الكيزان يحكموا البلد دي.

لكن دي ما حاجة مستغربة من حبرتجي زيَّك كان بيسأل الجنجويد الديّة بكم أيام الثورة، والآن تحوّل إلى مجرد ضنيب ليهم وكمان شغال يروّج لأنه بقت عندهم رؤية:

Quote: و ما اختلفنا على الاطلاق انه الدعم او الجنجويد او ايا كان مسماه هم صنيعة الكيزان .. و لكن ذلك الدهم السريع لم يجلس مكانك سر خادما للكيزان .. بل تحور و كبر و اصبحت لديه رؤية في حكم و ادارة البلد و هو السبب الذي من اجله قرر الكيزان الغدر به ( يتغدوبوا قبل ما يتعشابهم) ..

يا أخي لو إنت ما قادر تدين فظائع أسيادك الجنجويد ديل، كان أكرم ليك تمسك لسانك وتتآمر معاهم تحت تحت وتخلّيك في مطاراتك، بدل فضايحك دي.

ولما سألناك الأسئلة دي في تعليق سابق، عملت فيها غمران:

Quote: ومنذ متى أصبحت له رؤية لحكم البلاد وإدارتها؟ بعد 15 أبريل وخلال هذه الحرب؟ وهل هو مؤسسة سياسية حتى يكون له رؤية لحكم البلاد وإدارتها؟ وحتى إذا سلّمنا بأن لديه الحقّ في أن تكون له رؤية سياسية لحكم البلاد، فهل من حقّه أن يفرض هذه الرؤية بقوة السلاح وتشريد الناس ونهب ممتلكاتهم واغتصاب نسائهم، أم بصناديق الاقتراع؟

وعشان نبقى على بيّنة من أمرنا ونعرف نحن بنتكلم مع منو، عايزين كلام واضح منك بعد هرديسك ده.

هل إنت يقيت ضنيب للجنجويد، لأنه كفّتهم رجحت في المعركة، ولا اقتناعًا ببرنامجهم بتاع السلالة المتحوّرة ده؟

ولو إنت ما جنجويد، رأيك شنو في عمايلهم في خلق الله الأيرياء؟ عايزين إدانة واضحة بدون أي مجمجة وتذاكي، يا بتاع الكورولا.

السلام عليكم استاذ يحيى وضيوفك الكرام

دعي اخلص مداخلتي هذه في نقاط بخصوص سؤالك اعلاه:

١- السؤال فاسد للاسف الشديد وان كان قد جاء من رجل محترم
٢- الجنجويد قوة ولدت من رحم العنف ولا تؤمن الا بمنطق القوة والعنف
٣- "الاستعداد للحرب يمنع الحرب ويحقق السلام", هذه قاعدة ذهبية اسلامية والان الجنجويد واباشهم لن يقتربوا من شندي او نهر النيل
ببساطة لان اهلنا في شندي تسلحوا واستعدوا للحرب جيدا
٤- من حق السودانيين التسلح وعدم التسليم بواقع احتلال وانتهاك الجنجويد وكل الدساتير الوضعية والديانات السماوية تجيز لهم الدفاع عن ارضهم ومالهم وعرضهم
٥- المقاربة البائسة بين (الناس كانت راضية بالكيزان اشمعنا الان ما تقبل الجنجويد) يرفضها المنطق والعقل, وان قبل بها اهلنا في الهلالية ورفاعية فانهم قد قبلوا بها
تحت تهديد السلاح ولا يؤخذ بها كمثال
٦- العداء الشديد من قبل الجنجويد لاهلنا في الشمال وتحميلهم اخفاقات الدولة السودانية عبر تاريخها ومعروف عن الجنجويد قبليتهم الشديدة واستهدافهم الانسان على
اساس قبلي واثني كما حدث لاهلنا في دارفور
٧- السؤال يتجاوز دور الجيش ويلغيه تماما, وهذا خطأ كبير, لو انهزم الجيش في مدينة, هذا لا يعني انهيار الجيش بالكامل, لازال في الجيش رجال يقاتلون

لكل ذلك وغيره على اهلنا في الشمال عدم التسليم والركون لهؤلاء الاوباش

Quote: ٧- السؤال يتجاوز دور الجيش ويلغيه تماما, وهذا خطأ كبير, لو انهزم الجيش في مدينة, هذا لا يعني انهيار الجيش بالكامل, لازال في الجيش رجال يقاتلون لكل ذلك وغيره على اهلنا في الشمال عدم التسليم والركون لهؤلاء الاوباش

سلامات نصر الدين ..

دور الجيش ؟ وين الجيش ده يا حبيبنا؟ دي نقطة خلاف جوهرية .. لو ما زلت تعتقد انه في جيش و لديه زجال يقاتلون .. و جيش سوداني و ليس كيزاني .. اذا ما حنتفق على اي نقطة ..
اما تسليح المواطن المدني للدفاع عن البلد فهو امر عجاب .. و رمي للتهلكة ليس الا ..
يا نصر .. الجيش الانت قلت انه موجود .. شرد من امام القوة الضاربة دي .. فكيف يقوم المواطن العادي بدور الجيش؟

يوم 1/1/2024 قرب يايحي تعال ارجانا في الجيلي وقت ابيتو تجو

الحاصل في السودان من 2019 ده رفس
بين جنرلات الشركة القابضة المصرية وبين جنجويد الامارات
بين قحت متسكعين السفارات والمنظمات وقحت الموز مرتزقة حفتر والسراج
رفس وقح ما عنده علاقة لا بالشعب السوداني ولا الديمقراطية ولا دولة المؤسسات
حرب صفرية بس
البندقية الواعية في السودان هي الحركة الشعبية الاصل جون قرنق منصور خالد وفرملوها في الجنوب الجديد
والبرنامج السياسي المدني الواعي النظيف
هو برنامج على محمود حسنين النظيف العفيف
الجبهة الوطنية العريضة
علم ورؤية ودستور 2019 موجود في البورد ده ومكتبة النور
والما قرا رسالة ابراهيم منعم منصور ما يتشرمط في البورد وفي السودان
نهب نفط السودان وذهب السودان وماشية السودان ومحاصيل السودان بواسطة شركات الجيش والامن والدعم السريع. خرجت هذه المؤسسات من دورها الوظيفي
ولا جدوى منها الان

اتفق تماما مع رأى الاخ نصرالدين عشر اعلاه
حتى بعض قبائل الجزيرة التى استسلمت تحت التهديد بالسلاح لا زالت تعانى من النهب والاعتداءات على النساء من قبل وحوش الدعم السريع
هذه الجرائم اكدها احد قادة الدعم السريع
ما يدعو له قبانى مثير للجدل





start at 0:43

سيب حمدتي في تصريح




start at 0:13

عييييييك...

كل سنة وانت طيب يا قباني والقابلة على امنياتك😊

إيييييييييه دنياغرورة ولا السنيورة أمُّ ملاية لفّ!

شهبندر تورنتو بتاع المطارات ده يجي مطفّح يعدّل الاستطلاع بتاعه ده ويعمل إعادة تحديد للضعين.

🙉🙈🙊

The five monkeys theory that have distdistributed the Sudanese

The striped still revolving around nothing

Quote: عشان كده مشروع جنجويد مرتزقة امارات ولي قحت2 مرتزقة حفتر والسراج ولي جنرلات البقط والشركة القابضة المصرية ما يلزمنا تلزمنا على مستوى السودان الحركة الشعبية منصور،خالد الجعلي دستور 2005 والمحكمة الدستورية ومبادرة نافع عقار 2011 وكل ما اتفرمل من البشير والمؤتمر الوطني مع الجنوب القديم والجديد من ذلك التاريخ حتى الان ما تلزمنا قحت ولا حمدوك اطلاقا وتروس الشمال بس يصبوها في مدن الاقليم براهم ويرجعو الحكم الاقليمي قبل 1989 بالمرجعيات الفوق دي وبالمشورة الشعبية اسقاط الولايتين الغبيتين بزواحفا وتعيين حاكم اقليم نظيف حكومة اقليم نظيفة برلمان اقليم نظيف مجالس محلية وريفية خدمية ادارة اهلية بالجنسية الخضراء،والمادة 7 من قانون 1957 البتعرف السودانيين ومراجعة الرقم الوطني في،كل الاقليم والتعامل بكل احترام مع الاجانب والوافدين في الاقليم وتصحيح اوضاعم تتحرك القوى المدنية في الاقليم في هذا الاتجاه والختمية والطرق الصوفية والمغتربين وكل ابناء،الاقليم على هذا الصعيد ونجيب الصين فقط لاعادة اعمار الاقليم باسس جديدة الذهب مقابل التنمية ونعمر حلفا اولا ونجعلا متاحة لل4 مليون سوداني مشرد في مصر ونجعل الدامر العاصمة الادارية ودنقلا العاصمة التجارية هل في قحاتي ولي،جنجويدي دعامي مرتزق غبي ولى فلولي معفن منتهي،الصلاحية عنده مشروع زي ده او عنده مخ ذاتو شغال عشان يتفاوضو معاه الكوشيين الاذكياء زينا ما عايزين في الاقليم لا دعامة لا فلول يرجع الحكم الاقليمي بس يا القرد الاعمش والنظارة وقحت لا تمثلني 🙉🙈💤💤💤💤

1April 2025
VAR
Technical

سلام أخونا يحي وحمدا لله على السلامة

Quote: هل تؤيّد ان يتفاوض الجعليين و اهل الشمالية مباشرة مع الدعم السريع ؟

****أغرب استبيان.