كتب مجاهد بشري- ملاحظات علي خطاب البرهان

03:40 AM December, 21 2023

سودانيز اون لاين
زهير ابو الزهراء-السودان
مكتبتى
رابط مختصر

"انا ماشي المفاوضات لكن ما بوقع" ..

"السياسيين كانوا عاوزين يحكموا الفترة الانتقالية مع الدعم السريع الساعدني في الانقلاب على المدنيين و الفترة الانتقالية"..

"الدعم السريع ما حيقدر يصل لمراده، حتى لو سيطر على كل السودان" (اعادها مرتين- خطاب هزيمة)..

"نحن واثقين من امكانيات الجيش، لكن الجيش امكانياته انتوا ماعارفين الظروف البقاتل فيها"..

"السياسيين البقولوا للمواطنين اتعايشوا مع الدعم السريع "بعد ما هربنا وخلينا المواطنين للدعامة" ديل سياسيين خونة"..

"انتوا لو عاوزين تتعايشوا مع الدعم السريع في "المناطق المحررة".. أي و الله قال المناطق المحررة 🙂..

"نحن بنقاتل برانا، بس معانا الشعب السوداني 🙂"..

"الدعم السريع بقاتل في دولة ٥٦ ، هسه نيالا فيها دولة ٥٦؟؟ " (تبني شعارات الخصم هي مرحلة تقبل الهزيمة"..

"نحن بنقصف في دارفور مناطق العدو فقط، و بقولوا نحن بنقصف مدنيين، هسه هو مش الدعم السريع هاجم مدني تحت نفس الذريعة خوفا من الهجوم عليهو؟ (تثبيت التهمة و الجرم على نفسه، ومحاولة تبريره بأفعال لاحقة من خصمه).

"نحن حنقاتل لحدي آخر جندي، لكن المواطن حيقاتل معانا برضو، (بعد ما انسحب من كل المواقع وترك المواطنين في ٨ولايات للدعم السريع"..
بعضا من خطرفات ابلد قائد عسكري في التاريخ الجنرال السفاح عبد الوهاب البرهان.. أي عبد الوهاب البرهان، عقب خسارته و هروب جنوده من حامية في وسط السودان ، محاولا رفع الروح المعنوية للشعب، و إرضاء كرتي.